საქართველოს პროსოპოგრაფია

ფაქტები

რეგისტრირებული ფაქტები83613

1898

ტიპი: ავტორობა

1898 წლის 13 ნოემბერს გაზეთ „ცნობის ფურცელში“ გამოქვეყნდა დასაწყისი არჩილ დარეჯანაშვილის სამეცნიერო ნარკვევისა „მცენარეთ-მეტყველება“.

1898

ტიპი: ავტორობა

1898 წლის 13 ნოემბერს გაზეთ „ცნობის ფურცელში“ გამოქვეყნდა სოფელ ჯუმათის სკოლის ხელმძღვანელის, მღვდელ ნ. ჯიჯიეიშვილის წერილი რედაქტორისადმი, რომელშიც მის მიერ განკარგული შემოწირულობების შესახებ იყო საუბარი.

1898

ტიპი: ორგანიზაცია

1898 წლის 13 ნოემბერს გაზეთი „ცნობის ფურცელი“ თბილისის ყოფილი გუბერნატორის, გიორგი დიმიტრის ძე შერვაშიძის მიერ დაფუძნებული სასოფლო-სამეურნეო ფონდის საქმიანობის შესახებ იუწყებოდა.

1898

ტიპი: ღონისძიება

1898 წლის 13 ნოემბრის „ცნობის ფურცლის“ მიხედვით, ნიკოლოზ ივანეს ძე პრიბილმა ბორჩალოს მაზრის პოლიციის რევიზია დაასრულა და მალე გუბერნიის სხვა მაზრებში გაემგზავრებოდა.

1898

ტიპი: გარდაცვალება

1898 წლის 12 ნოემბერს თბილისში, მოღნისის მოედნის პარკში, ვაჭარ მარტირუზოვის გვამი იპოვეს, რომელსაც ძალადობის კვალი აღენიშნებოდა.

1898

ტიპი: თანამდებობა

1898 წლის 2 ნოემბერს ვაჭარი ს. მიღდისოვი თელავის მამასახლისის თანაშემწედ აირჩიეს.

1898

ტიპი: ღონისძიება

1898 წლის 13 ნოემბრის „ცნობის ფურცლის“ მიხედვით, თბილისის სამეურნეო ბანკის მმართველობამ ვლადიმერ სიმონის ძე მიქელაძე კახეთში მიავლინა ადგილობრივი ჩარჩების მიერ ხელოვნურად შემცირებული ღვინის ფასის საკითხის შესასწავლად.

1898

ტიპი: ავტორობა

1898 წლის 13 ნოემბრის „ცნობის ფურცლის“ მიხედვით, გამოიცა და 20 კაპიკად იყიდებოდა ნესტორ ყუბანეიშვილის მიერ შედგენილი სახელმძღვანელო „საღვთო რჯულის სასწავლებლად საერო და სამრევლო სკოლების მოწაფეთათვის“.

1898

ტიპი: ავტორობა

1898 წლის 13 ნოემბრის „ცნობის ფურცლის“ მიხედვით, გამოსაცემად მზადდებოდა შიო არაგვისპირელის მოთხრობების კრებული.

1898

ტიპი: სტატუსი

1898 წლის 13 ნოემბერს გაზეთ „ცნობის ფურცელში“ გამოქვეყნდა ვასილ როინაშვილისა და გაიანე წიკლაურის შეტყობინება ნათესავებისა და ნაცნობებისადმი, რომლის თანახმად, 14 ნოემბერს დიდუბის ეკლესიაში, ალექსანდრე როინაშვილის სულის მოსახსენიებელ პანაშვიდს გადაიხდიდნენ.

1898

ტიპი: ღონისძიება

1898 წლის 13 ნოემბერს ეგ. ოთარაშვილს მგზავრობის საფასურის გადაუხდელობის გამო ოცამდე თბილისელმა მეეტლემ დაუნდობლად სცემა.

1898

ტიპი: ავტორობა

1898 წლის 12 ნოემბერს გაზეთ „ცნობის ფურცელში“ ივ. კავთელის ფსევდონიმით გამოქვეყნდა ივანე ჯაჯანაშვილის წერილი „უდიდესი სახელოსნო სკოლა შეერთებულ შტატებში“.

1898

ტიპი: ღონისძიება

1898 წლის 12 ნოემბრის გაზეთ „ცნობის ფურცლის“ მიხედვით, სურამის მომრიგებელმა მოსამართლემ განიხილა მელქო ლოტუევის საჩივარი სურამის რკინიგზის სადგურის უფროსის თანაშემწის, იაგორ მახარაძის წინააღმდეგ, რომელსაც მომჩივანი მისი კუთვნილი ამანათის მითვისებაში სდებდა ბრალს.

1898

ტიპი: ავტორობა

1898 წლის 12 ნოემბრის „ცნობის ფურცლის“ მიხედვით, გამოიცა და 6 შაურად იყიდებოდა ივანე მაჩაბლის მიერ თარგმნილი შექსპირის პიესა „კორიოლანოსი“.

1898

ტიპი: ავტორობა

1898 წლის 12 ნოემბრის „ცნობის ფურცლის“ მიხედვით, ფოტოგრამა აბრამ ნორდშტეინმა გამოსცა ქართველი მწერლების პორტრეტების ალბომი, რომელშიც ილია ჭავჭავაძის, აკაკი წერეთლის, ნიკო ნიკოლაძის, ალექსანდრე ყაზბეგის და სხვათა სურათები იყო წარმოდგენილი. ალბომი 75 კაპიკი ღირდა და შემოსავლის 10 პროცენტი ქართველთა შორის წერა-კითხვის გამავრცელებელი საზოგადოების საჭიროებებს მოხმარდებოდა.

1898

ტიპი: ღონისძიება

1898 წლის 12 ნოემბერს ქუთაისის სამხედრო გუბერნატორმა ფიოდორ გერშელმანმა ქალაქის სათავადაზნაურო სკოლა დაათვალიერა.

1898

ტიპი: ღონისძიება

1898 წლის 12 ნოემბერის თბილისის პოლიციამ მოქალაქე მარტირუზოვის მკვლელობაში ეჭვმიტანილი ოქრომჭედელი კონსტანტინე ვართანოვი დააკავა.

1898

ტიპი: ღონისძიება

1898 წლის 12 ნოემბერს ქართული დრამატული საზოგადოება შეუძლოდ მყოფი მსახიობის, ბარბარე ავალიშვილის დასახმარებლად დავით მესხის მიერ თარგმნილ ჰერმან მელვილის დრამა „სიულივანს“ წარმოადგენდა.

1898

ტიპი: ავტორობა

1898 წლის 11 ნოემბერს გაზეთ „ივერიაში“ ილია ჭავჭავაძემ გამოაქვეყნა მოწინავე წერილი „ტფილისი, 10 ნოემბერი“ („რომ იტყვიან, მონატერი აირიაო...“).

1898

ტიპი: ავტორობა

1898 წლის 11 ნოემბრის „ცნობის ფურცლის“ მიხედვით, თბილისის წიგნის მაღაზიებში მიტროფანე ლაღიძის მიერ გამოცემული დიმიტრი მაჩხანელის თხზულება „მარო“ 3 კაპიკად იყიდებოდა.

1898

ტიპი: ავტორობა

1898 წლის 11 ნოემბრის „ცნობის ფურცლის“ მიხედვით, თბილისის წიგნის მაღაზიებში მიტროფანე ლაღიძის მიერ გამოცემული აკაკი წერეთლის პოემა „ნათელა“ 20 კაპიკად იყიდებოდა.

1898

ტიპი: ავტორობა

1898 წლის 11 ნოემბრის „ცნობის ფურცლის“ მიხედვით, თბილისის წიგნის მაღაზიებში მიტროფანე ლაღიძის მიერ გამოცემული პარმენ ცახელის კრებული „რჩეული ლექსები და უკვდავი სარდალი“ 10 კაპიკად იყიდებოდა.

1898

ტიპი: ავტორობა

1898 წლის 11 ნოემბერს გაზეთ „ცნობის ფურცელში“ ივ. კავთელის ფსევდომინით გამოქვეყნდა ივანე ჯაჯანაშვილის წერილი „სამაგალითო ობლების სკოლა“.

1898

ტიპი: ავტორობა

1898 წლის 11 ნოემბერს გაზეთ „ცნობის ფურცელში“ ხორშელის ფსევდონიმით გამოქვეყნდა სპირიდონ ნორაკიძის კორესპონდენცია „დ. ოჩამჩურე. საზარელი ავაზაკობა“.

1898

ტიპი: პირადი ინფორმაცია

1898 წლის 11 ნოემბრის „ცნობის ფურცლის“ მიხედვით, ნატალია ივანეს ასულ მაჩაბლის მიერ ყორღანოვის ქუჩაზე დაკარგული ჩემოდანი, რომელშიც 30000 მანეთი იდო, გამვლელმა იპოვა და პოლიცმეისტერის გამგეობას გადასცა, რის შემდეგაც დაკარგული ნივთი და თანხა მეპატრონეს დაუბრუნდა.