1918

ტიპი: ავტორობა

1918 წლის 28 მარტს აკაკი ჩხენკელი სწერს კონფიდენციალურ წერილს თბილისსა და ბათუმში სამხედრო მინისტრსა და მიხაილოვსკის სიმაგრის კომენდანტს, რომელშიც საჭიროდ მიიჩნევს შეწყდეს საომარი მოქმედებები, რადგან გაჩნდა იმედი კონფლიქტის მშვიდობიანი გზით გადაწყვეტისა. დოკუმენტის სისწორეს ადასტურებს მ. თუმანოვი.

1918

ტიპი: თანამდებობა

რკინიგზის სასწავლო კომიტეტმა განიხილა რაჟდენ ქრისტეფორეს ძე აბულაძის თხოვნა და აცნობა, რომ ის სამტრედიის უმაღლეს დაწყებით სასწავლებელში მასწავლებლად დაამტკიცეს. მიუხედავად ამისა, კომიტეტმა აბულაძის დანიშვნასთან დაკავშირებით მთავარგამგისგან უარი მიიღო, რადგან მას შესაბამისი წოდება არ ჰქონდა.

1918

ტიპი: ღონისძიება

1918 წლის 28 მარტს აკაკი ჩხენკელი წერს კონფიდენციალურ წერილს ბათუმში სიმაგრის კომენდანტის, მთავრობის თავმჯდომარე ევგენი გეგეჭკორისთვის, ხოლო ასლებს მინისტრებისთვის, ნოე რამიშვილისა და ნოე ჟორდანიასთვის გადასაცემად, რომელშიც ამცნობს მოწინააღმდეგის პოზიციის ვარაუდს და სთხოვს მათ, შეაჩერონ საომარი მოქმედებები. დოკუმენტის სისწორეს ადასტურებს მ. თუმანოვი.

1920

ტიპი: ავტორობა

1920 წლის 14 სექტემბრის „ერთობაში“ დაიბეჭდა სამხედრო მინისტრ გრიგოლ ლორთქიფანიძის განცხადება, რომ ის ჯარისკაცები, რომელთაც 26 აგვისტოდან საგანგებო სამხედრო სასამართლოების მიერ სხვადასხვა ვადით კატორღა ჰქონდათ მისჯილი და, რომლებიც ფრონტზე გაიგზავნენ, სასჯელისგან პირობით განთავისუფლდნენ.

1920

ტიპი: ღონისძიება

1920 წლის 12 სექტემბერს შინაგან საქმეთა სამინისტროს ვეტერინარულ-სანიტარული განყ-ის გამგე ვ. ლაშხაური თელავის მაზრაში გაემგზავრა საქონლის ჭირის საწინააღმდეგო ადგ. ორგანიზაციების მოსაწყობად.

1920

ტიპი: ორგანიზაცია

1920 წლის 14 სექტემბრის „ერთობა“ იუწყება, რომ ქართულ-ფრანგული სავაჭრო პალატის საბჭომ დაადგინა, პალატის საპატიო წევრად აირჩიოს ამიერკავკასიაში მყოფი საფრანგეთის ყოფილი უმაღლესი კომისარი გრაფი დე-მარტელი.

1920

ტიპი: ავტორობა

1920 წლის 14 სექტემბრის „ერთობაში“ დაიბეჭდა გ. ქუჩიშვილის უსათაურო ლექსი („კოხტა გოგო წყალზე მიდის“...).

ტიპი: ავტორობა

1920 წელს გამოვიდა ევ. ნიკოლაძის „საქართველოს ისტორია“ (გამომც. „მერანი“. ქუთაისი) – სახელმძღვანელო საშ. სასწავლებლის VI კლასის მოწაფეთათვის.

1920

ტიპი: ღონისძიება

1920 წლის 11 სექტემბერს საერთაშორისო კლუბში (პეტრე დიდის ქ. N6) ბოშათა რომანსებს შეასრულებენ: თამარა წერეთელი, ოლღა დუნდერი, ს. ი. ლიახოვი, ბორის პროზოროვსკი. ყოველდღე უკრავს ორკესტრი სტუკელის ხელმძღვანელობით.

1918

ტიპი: ავტორობა

1918 წლის 1-ლი დეკემბრის გაზეთ „სახალხო საქმეში“ დაიბეჭდა სტატია „ნარკვევი ჟურნალ-გაზეთებიდან“, რომელშიც გაკრიტიკებულია „ტიფლისკი ლისტოკი“ „პოლიტიკურ“ გაზეთად გადაქცევის გამო. მაგალითისთვის მოყვანილია ალექსანდრე შირსკის სტატია, რომელშიც ის წერს, რომ მოხალისეთა ჯარსა და მთავრობას შორის უპირატესობა მას უნდა მიეცეს, რომელიც რუსეთის დემოკრატიას წარმოადგენს.

1919

ტიპი: ავტორობა

1919 წლის 31 მაისის „ერთობაში“ დაიბეჭდა არ. მექანარიშვილის წერილი „საქართველოს დამოუკიდებლობა და პროლეტარიატი“ (დამოუკიდებლობის წლისთავის გამო).

1919

ტიპი: ნასამართლეობა

1919 წლის 29 მაისის „ერთობა“ იუწყება, რომ სისხლის სამართლის მილიციის უფროსის განკარგულებით დააპატიმრეს მილიციელი ივანე სიხარულიძე, რომელსაც ბრალდებოდა მკვლელობა და სხვა დანაშულებები.

1918

ტიპი: ავტორობა

1918 წლის პირველი დეკემბრის გაზეთ „სახალხო საქმეში“ გამოქვეყნებულ სტატიაში გ. ბარელი (არჩილ კონსტანტინეს ძე ჯორჯაძე) წერს, როგორ უღალატეს საქართველოს ქართველმა მაჰმადიანებმა და როგორ იბრძოდნენ ოსმალეთის ასკერებთან ერთად ქვეყნის თავისუფლებისა და დამოუკიდებლობის წინააღმდეგ.

1919

ტიპი: ნასამართლეობა

1919 წლის 29 მაისის „ერთობა“ იუწყება, რომ სისხლის სამართლის მილიციის უფროსის განკარგულებით ქრთამის აღების ბრალდებით დააპატიმრეს ამავე მილიციის უფროსი მილიციელი პ. პასტალოვსკი.

1919

ტიპი: ღონისძიება

„ერთობა“ იუწყება, რომ 1919 წლის პორველ ივნისს კოჯრისკენ გაემგზავრება სახელმწიფო უნივერსიტეტის საბუნებისმეტყველო ფაკულტეტის სტუდენტთა ექსკურსია პროფესორ ქურდიანისა და ასისტენტ ყანჩელის ხელმძღვანელობით ბოტანიკაში პრაქტიკული ვარჯიშისთვის.

1919

ტიპი: თანამდებობა

1919 წლის 29 მაისის „ერთობა“ იუწყება, რომ ბაქოს ქართველთა ნაციონალურმა საბჭომ აზერბაიჯანის პარლამენტიდან გაიწვია თავისი წარმომადგენელი ცხაკაია და მის ნაცვლად დანიშნა ვლადიმერ ბაქრაძე.

1919

ტიპი: ავტორობა

1919 წლის 29 მაისის „ერთობაში“ დაბეჭდილ სომხეთის მთავრობის მისალმებას საქართველოს რესპუბლიკის მთავრობას 26 მაისთან დაკავშირებით, ხელს აწერს მთავრობის თავმჯდომარე ალექსანდრე ხატისოვი.

1919

ტიპი: ავტორობა

1919 წლის 29 მაისის „ერთობაში“ დაიბეჭდა აზერბაიჯანის მთავრობის მისალმება საქართველოს რესპუბლიკის მთავრობისადმი 26 მაისთან დაკავშირებით, რომელსაც ხელს მინისტრთა თავმჯდომარე ნასიბ-ბეკ უსუბეკოვი აწერდა.

1919

ტიპი: ავტორობა

1919 წლის 29 მაისის გაზეთ „ერთობაში“ 26 მაისთან დაკავშირებით დაბეჭდილ აფხაზეთის სახალხო საბჭოს მისალმებას საქართველოს რესპუბლიკის მთავრობისადმი, ხელს საბჭოს თავმჯდომარე – შერვაშიძე აწერდა.

1952

ტიპი: ავტორობა

1952 წლის 15 მაისს შალვა მაღლაკელიძემ გერმანიაში მყოფ გაიოზ მაღლაკელიძეს მისწერა, რომ სიჟაჟევი ჰყავდა სტუმრად. მან შესჩივლა, რომ ყველაფერი აბდურახმან ავტორხანოვმა ჩაიგდო ხელში.

1952

ტიპი: ავტორობა

1952 წლის 15 მაისს შალვა მაღლაკელიძემ გერმანიაში მყოფ გაიოზ მაღლაკელიძეს მისწერა, რომ კონსტანტინე კრომიადსა და მის მეგობრებს შეხვდა. კრომიადს იმედი ჰქონდა, რომ ამერიკელები თანამშრომლობის სურვილით ისევ მიმართავდნენ.

1952

ტიპი: ღონისძიება

1952 წლის მაისში შალვა მაღლაკელიძემ გერმანიაში მყოფ ირაკლი ბაგრატიონს მსოფლიოს მონარქისტული მოძრაობის კრებაზე დასწრება და ბაგრატიონთა სამეფო ოჯახის სახელით სიტყვით გამოსვლა ურჩია.

1952

ტიპი: ავტორობა

1952 წლის მაისში გერმანიიდან ირაკლი ბაგრატიონმა შალვა მაღლაკელიძეს მისწერა, რომ მსოფლიოს მონარქისტული მოძრაობისთვის მეფეებისა და დინასტიების კრება იყო დაგეგმილი.

1952

ტიპი: ღონისძიება

1952 წლის მაისში ესპანეთში მყოფმა ირაკლი ბაგრატიონმა გაიოზ მაღლაკელიძეს სთხოვა, რომ რეზო გაბაშვილისა და გენერალ კვინიტაძის ეროვნულ-პოლიტიკურ ცენტრს დახმარებოდა.

1918

ტიპი: ღონისძიება

1918 წლის 26 მარტს აკაკი ჩხენკელი სწერს კონფიდენციალურ წერილს ბათუმის სიმაგრის კომენდანტს, გენერალ მდივანს მთავრობის თავმჯდომარის ევ. გეგეჭკორისათვის პირდაპირი ხაზით დაშიფრული სახით გადასაცემად, რომელშიც აღწერს საომარ მდგომარეობას არდაგანში, ყარსსა და ბათუმში. სიტუაციის გამოსასწორებლად მას მიაჩნია საჭიროდ ამიერკავკასიის დამოუკიდებლობის გამოცხადება, რათა ამოქმედდეს ბრესტის ხელშეკრულება. დოკუმენტის სისწორეს ადასტურებს მ. თუმანოვი.