რეგისტრირებული ფაქტები80982
სორტირება ახალი ჩანაწერების მიხედვით
1920
ტიპი: ღონისძიება
1920 წლის 3 ივლისის „ერთობაში“ დაიბეჭდა დეპეშა, რომელიც საქართველოს სოც-დემოკრატიული პარტიის მეორე ყრილობამ გაუგზავნა კარლ კაუცკისა და პ. ბ. აქსელროდის, რომლებიც ყრილობამ საპატიო თავმჯდომარეებად აირჩია.
1920
ტიპი: ღონისძიება
„ერთობა“ იუწყება, რომ 1920 წლის 4 ივლისს პლეხანოვის სახ. კლუბში პირველად დაიდგმება ვიქტორ დოლიძის ოპერა „ქეთო და კოტე“.
ტიპი: გარდაცვალება
1920 წლის 12 ივლისს, საღამოს 5 საათზე, პირვ. სასურსათო საწყობის ეზოში მომხდარმა შემთხვევამ იმსხვერპლა მუშები. საწყობის გამგე ანდრო რამიშვილს იქ ჰყოლია ცხოველები. მეჯინიბეებს ევალებოდათ მათი მოვლა და ყველაფრისთვის მათ აზღვევინებდა. რამიშვილის გოჭი ჩავარდნილა ფეხსალაგში, მის გადასარჩენად ჩასულან მუშები _ სოსო არუთინოვი და გიორგი ჩიტაძე. არუთინოვი შიგ ჩაიხრჩო, მიეშველა დავით ავალიშვილი და მასაც იგივე ბედი ეწია, ყვირილზე მიეშველნენ პეტრე იორდანიშვილი და თეოფილე გამცემლიძე, რომლებიც ცოცხალ-მკვდრები ამოიყვანეს. ამ შემთხვევის გამო განახლებულ ლითონზე მომუშავეთა კავშირის გამგეობა იმედოვნებს, რომ რამიშვილს და მის დამქაშებს პასუხისგებაში მისცემენ.
1920
ტიპი: ღონისძიება
1920 წლის 16 ივლისის „ერთობა“ იუწყება, რომ ხაშურში ფრონტის დამხმარე საზოგადოებას ბაბილინა ორჯონიკიძემ გადასცა 2 000 მან. სოფელ ტეზერში (კოშკის უბანი) ფრონტის დასახმარებლად გამართული წარმოდგენიდან და მადლობას უხდიდა მასში მონაწილე პირებს: ს. წეველიძისას, მ. ხარატაშვილისას, კ. კ. ორჯონიკიძისას, ბ. კ. ორჯონიკიძეს, ი. ტორტოლაძეს, ი. ორჯონიკიძეს, ნ. მესხიძეს, არ. ხარატიშვილს, არ. წეველიძეს, ყელაშვილს.
1920
ტიპი: ნასამართლეობა
1920 წლის 7-8 ივნისს სოფელ ზერტში ებრაელები გაძარცვეს. ბოროტმოქმედებმა წაიღეს 67 ათასი მან. და 600 ათასი მან.-ის ფართლეულობა. სოფ. მეჯვრისხევის მილიციის უფროს ლ. კვარაცხელიას მეოხებით ქურდები მალე აღმოაჩინეს. 8 ივნისს ეჭვის საფუძველზე დააკავეს სოფელ ზერტის მცხოვრები შაქრო მირაზანაშვილი, რომელმაც დაასახელა თანამონაწილეები: აბრამა იასამანოვი (გორი), ვანო მირაზანაშვილი, არტემა ბაშარული (ხელ. რაიონი), ილიკო ბატაკაშვილი (გორი).
1917
ტიპი: ღონისძიება
1917 წლის 24 აპრილს გაზეთში „ხმა ქართველი ქალისა“ N3 დაბეჭდილია დიდი ჯიხაიშიდან წერილი რედაქციის მიმართ და შემომწირველთა სია: მელიკო ლორთქიფანიძე, ნადია გაფრინდაშვილი, ალექსანდრა მელქაძე, ეფროსინე ნუცუბიძე, ალექსანდრე ლეჟავა, ალექსანდრე ნემსაძე, ლიდა ჩანვაძე, პასიკო ჩომახიძე, ფაცია ნუცუბიძე, ნინა ტატ. ლეჟავა, ნიკო ჩხეიძე, გრიგორ ბექაია, ალექსანდრე მელქაძე, ვარლამ ქუთათელაძე, ნიტრაფონ დევიძე, გიორგი ლორთქიფანიძე, აკვილინა ნუცუბიძე, ათანასე შუბლაძე, ლუბა ბიბილეიშვილი, კატუშა ვაშაკიძე, სონია ივანიძე, ძაძუნია მხეიძე, ნინა ვაშაკიძე, გიორგი ბიბილეიშვილი, სონია გეგუჩაძე.
1917
ტიპი: ღონისძიება
1917 წლის 17 აპრილს გაზეთში „ხმა ქართველი ქალისა“ N 2 გამოქვეყნებულია ამავე გაზეთის შემომწირველთა სია: ლეო იმნაძე, ქეთო ოქრუაშვილისა, მარიამ ხაბურძანია, ელენა ბარაბაძე, ნინო ფანცავა, მარიამ მაჭავარიანი, ალისა ქუთათელიძე, ელენე მამალაძე, ევგენია მაჭავარიანისა, ნადეჟდა ივანოვისა, ანეტა გეგელაშვილი, ეკატერინე მესხი, ოლია ლორთქიფანიძე, ალექსანდრა კროტკოვი, ქალ. იოსელია, მანიულ ლანდია, ქეთო აბესაძე, დათიკო ლანდია, იუნონა დადიანისა, ვერა ბაქრაძისა, ოლიმპიადა ლაღიძისა და ლიზა მაჭავარიანისა.
1927
ტიპი: პირადი ინფორმაცია
1927 წელს იროდიონ სონღულაშვილი საქართველოს საისტორიო და საეთნოგრაფიო მუზეუმში მოლარედ მუშაობდა.
1973
ტიპი: ღონისძიება
1973 წლის 16 აპრილს გივი ჟორდანიამ ქრისტინე შარაშიძეს წერილით სთხოვა შეხვედრა და ქართული განძის საფრანგეთში გატანისა და უკან მობრუნების შესახებ ცნობების მიწოდება.
1941
ტიპი: ღონისძიება
1941 წელს თამარ შარაშიძე-ქარცივაძემ ყაზახეთში გადასახლებაში ყოფნისას წიგნის მაღაზიაში ნახა სერგო კლდიაშვილის წიგნი, ნატა ჩხეიძის თარგმანებით.
1950
ტიპი: პირადი ურთიერთობა
1950 წლის პირველ ივნისს შალვა მაღლაკელიძემ გაიოზ მაღლაკელიძეს მისწერა, რომ თუ იგი გერმანელ პელიგრინს შეუთანხმდებოდა შალვა მაღლაკელიძე მას 200 მარკას გაუგზავნიდა. შეატყობინა, რომ მომავალში ახალ მისამართზე მიეწერა: ვია მოდენას N5.
1950
ტიპი: ორგანიზაცია
1950 წლის 1-ლ ივნისს შალვა მაღლაკელიძემ გაიოზ მაღლაკელიძეს მისწერა, რომ იტალიაში იყო უცხოელი ჟურნალისტების ორი ორგანიზაცია: „საზოგადოება უცხოელი ჟურნალისტებისა“ შემოკლებით „ტასს“, რომელშიც გაერთიანებული იყვნენ ბოლშევიკები და სხვ. , და „თავისუფალ პროფესიონალურ ჟურნალისტთა ასოციაცია ცენტრალური და აღმოსაცლეთ ევროპისა“. მასში შედიოდნენ: ლიტველები, ლატიშები, უნგრელები, უკრაინელები, ალბანელები და სხვანი.
1950
ტიპი: ღონისძიება
1950 წლის 1-ლ ივნისს შალვა მაღლაკელიძემ გაიოზ მაღლაკელიძეს მისწერა, რომ იტალიაში დაარსებულ პროფესიონალი ჟურნალისტების საზოგადოებაში მიიღეს. ეს ორგანიზაცია ცენტრალური და აღმოსავლეთ ევროპისთვის იყო. მისი თქმით, ერთი წელი დასჭირდებოდა იმის დამტკიცებას, რომ კავკასიელები ევროპელები ვართ.
1941
ტიპი: პირადი ინფორმაცია
1941 წლის 24 მარტს თამარ შარაშიძე-ქარცივაძემ ქრისტინე შარაშიძეს მისწერა, რომ თინა მესხიშვილს ტყუპი ბიჭი შეეძინა.
1941
ტიპი: ღონისძიება
1941 წელს ლიდია გეპშტეინს პენსიის მისაღებად დასჭირდა ცნობა, რომ მუშაობდა თბილისში და თამარ შარაშიძე-ქარცივაძეს სთხოვა დახმარება ექიმ მუხაძესთან დაკავშირებაში.
1914
ტიპი: თანამდებობა
1914 წლიდან 1918 წლამდე ლიდია გეპშტეინი თბილისში ექიმ გრიგოლ მუხაძესთან ერთად მუშაობდა.
1941
ტიპი: ღონისძიება
ყაზახეთში გადასახლებულ თამარ შარაშიძე-ქარცივაძეს 1941 წელს ფოსტაში უარი უთხრეს ქართული გაზეთის გამოწერის გაგრძელებაზე.
© პროსოპოგრაფიულ მონაცემთა ბაზა, ლინგვისტურ კვლევათა ინსტიტუტი 2018 -