1952

ტიპი: პირადი ურთიერთობა

1952 წელს შალვა მაღლაკელიძემ გაიოზ მაღლაკელიძეს მისწერა, რომ 13 ან 14 ნოემბერს მიუნხენში ნოე ცინცაძეს შეხვდებოდა.

1932

ტიპი: პირადი ინფორმაცია

1932 წლის 27 ივნისს ბიბი ქარცივაძეს საშა მაჭავარიანმა გაუკეთა ბრმანაწლავის ოპერაცია, რომელსაც დაესწრო ბიბის ბიძა – შალვა შარაშიძე.

1919

ტიპი: ავტორობა

ევგენი ჟარკოვსკის სტატიაში, რომელსაც „ვოლნი გორეცის“ 1919 წლის №1 აქვეყნებს, გამორჩეული ადგილი ეთმობა გროზნოს პროლეტარიატის შეცდომებსა და მათ საბედისწერო შედეგებს, სახელდობრ: რევოლუციის დასაწყისში კავკასიელ მთიელებსა და ჯარისკაცებს შორის არსებული კეთილგანწყობა ძირფესვიანად შეიცვალა მას შემდეგ, რაც კავკასიის ფრონტიდან დაბრუნებულმა ჯარისკაცებმა ჩეჩნებს (გროზნოში) და ინგუშებს (ვლადიკავკაზში) ჟლეტა მოუწყვეს. ვიდრე გროზნოში ჩეჩენთა სახალხო საბჭოს სათავეში ბატონი მუტუშევი ედგა, ეს არასოციალისტი, მაგრამ ლიბერალი ადამიანი ახერხებდა ნებისმიერი არეულობის მშვიდობიანად მოგვარებას, მაგრამ მას შემდეგ, რაც პოლიტიკურ არენაზე ბატონი ყურუმოვი გამოჩნდა, დაპირისპირება გამწვავდა და ანარქიად გადაიქცა.

ტიპი: პირადი ინფორმაცია

გოგი ქარცივაძე სწავლობდა სააღმშენებლო ინსტიტუში საკონსტრუქციორო დარგზე, სადაც გადაიყვანეს გიგული წულუკიძის დახმარებით.

1917

ტიპი: ავტორობა

1917 წლის 6 ნოემბრის გაზეთში „ხმა ქართველი ქალისა“ N 29 დაიბეჭდა ექიმ მ. ი. პაკროვსკაიას სტატია „ჯანსაღი ჩვეულების განვითარება“, რომელშიც ავტორი ამბობს, რომ მოზარდი თაობის ფიზიკური აღზრდის საკითხი აინტერესებდათ გამოჩენილ ადამიანებს და მაგალითად მოჰყავს რუსოს „ემილის აღზრდა“. გუიოს აზრით, აღზრდის მიზანი უნდა იყოს ბავშვში ადამიანური თვისებების განვითარება. მისთვის აღზრდაში უმთავრესია ასევე ჩვეულება, რომელიც ცხოვრების წესის საძირკველია.

1917

ტიპი: ორგანიზაცია

1917 წელს ქ. სამტრედიაში ჩამოყალიბდა ქალთა კავშირი., რომლის წევრმა ქალებმა უამრავი დაბრკოლება გადალახეს, ზოგს საყვედური გამოუცხადეს, ზოგს პარტიიდან გარიცხვით დაემუქრნენ, მაგრამ მათ გააგრძელეს ბრძოლა, მიუხედავად იმისა, რომ არ ჰქონდათ ფული, ბინა ქალთა კლუბისათვის, ბეჭედი და ა. შ. ამისათვის გამგეობამ მოიწვია ქალთა უფლებებისათვის მებრძოლი კატო მიქელაძე, რომელმაც ლექცია წაიკითხა და შემოსული თანხის ნახევარი, 80 მანეთი სამტრედიის ქალთა კავშირს გადასცა. შემდეგ გამგეობამ სხვა საღამო მოაწყო, რომლიდანაც შემოვიდა 495 მანეთი. თუმცა ამ კავშირის არსებობას გამოუჩნდნენ ქალთა უფლების მტერი მამაკაცები, ასევე ორი ქალი ეწინააღმდეგებოდა ქალთა კავშირის დაფუძნებას, მათ წევრთა სია წაიღეს, რათა დაებეზღებინათ ისინი პარტიაში.

1917

ტიპი: ავტორობა

1917 წლის 14 სექტემბრის გაზეთში „ხმა ქართველი ქალისა“ N23 დაიბეჭდა ეკატერინე ბრეშკო-ბრეშკოვსკაიას ბიოგრაფია, ნაწილი III.

1932

ტიპი: ავტორობა

1932 წლის 26 იანვარს გოგი ქარცივაძემ გიგო და ნინო შარაშიძეებს მისწერა, რომ მათ მეზობლებს – ნოშრევან ჯორჯაძესა და ვინმე იოსავას – ოთახის წართმევას უპირებდნენ და საქმე სასამართლოში განიხილებოდა.

1932

ტიპი: ღონისძიება

1932 წელს ქრისტინე და თამარ შარაშიძეები აპირებდნენ რუსულიდან ქართულად ეთარგმნათ წიგნი „Враг под микроскопом“ ლუი პასტერის ცხოვრების შესახებ.

1918

ტიპი: ღონისძიება

1918 წლის 23 თებერვალს კავკასიის მუშათა, ჯარისკაცთა და გლეხთა დეპუტატების საბჭოთა ცენტრის სხდომაზე პეტროგრადიდან ჩამოსულმა ირაკლი წერეთელმა მოხსენება წაიკითხა.

1919

ტიპი: ღონისძიება

1919 წლის 10 ივნისის დამფუძნ. კრების სხდომაზე, რომელსაც თავმჯდომარეობდა ექვ.თაყაიშვილი, ო. სოლოღაშვილის მოხსენებით მიიღეს საბოლოო ტექსტი კანონისა დაზარალებულ მეომართა და მათი ოჯახების დახმარების შესახებ და დეკრეტისა _ თბილისის ქალაქის თვითმართველობისთვის 10 მილ. მანეთის სესხად მიცემის შესახებ.

1920

ტიპი: თანამდებობა

1919 წლის 1-ელი ივლისის „ერთობის“ ცნობით, ბეითალი სიმონ ტარიელის ძე ქარსელაძე მსახურობდა ეკატერინოსლავის გუბერნიის დ. პეტრიკოვკაში. ერთი წელი მის შესახებ არაფერი იყო ცნობილი.

1919

ტიპი: ღონისძიება

1919 წლის 1-ლ ივნისს ქართული სამუსიკო საზოგადოების წლიურ კრებაზე განიხილავდნენ დიმიტრი არაყიშვილის მოხსენებას აკადემიის შესახებ, ასევე ილია აბაშიძის მოხსენებას – ქართული სამუსიკო საზოგადოების კომპეტენციის გაფართოების შესახებ და სხვ.

1919

ტიპი: ორგანიზაცია

1919 წლის 31 მაისის „ერთობა“ იუწყება, რომ დაარსდა სახელოვნო ცენტრი, რომელშიც გაერთიანდნენ მწერლობის, მუსიკის, მხატვრობისა და მსახიობთა კავშირის წარმომადგენლები. თავმჯდომარედ აირჩიეს კოტე მაყაშვილი, მდივნად – შალვა დადიანი.

1920

ტიპი: ღონისძიება

1919 წლის 31 მაისის გაზეთ „ერთობის" ცნობით, ქართული სამუსიკო საზოგადოების გამგეობის დავალებით კონსტანტინე (კოტე) გორგის ძე ფოცხვერაშვილმა შეადგინა მომღერალთა გუნდი.

1919

ტიპი: ავტორობა

1919 წლის 31 მაისის „ერთობაში“ დაიბეჭდა დ. თურდოსპირელის წერილი „ძველი ქვეყნის ნანგრევებზე“.

1927

ტიპი: ღონისძიება

1927 წლის 18 ოქტომბერს საქართველოს მინისტრი აკაკი ჩხენკელი და მისი მეუღლე მადლობას უხდიან პანამის რესპუბლიკის მინისტრს და მის მეუღლეს მენდეს პერეირას 3 ნოემბერს პანამის ეროვნულ დღესასწაულზე მიწვევისთვის. აკაკი ჩხენკელი ადასტურებს, რომ ეწვევა, ხოლო მისი მეუღლე ვერ დაესწრება.

1927

ტიპი: ღონისძიება

1927 წლის 10 ოქტომბერს აკაკი ჩხენკელი უგზავნის წერილს საფრანგეთის რესპუბლიკის პრეზიდენტის გენერალურ სამდივნოს. იგი მადლობას უხდის საფრანგეთის პრეზიდენტს სადილზე მიპატიჟებისთვის, რომელსაც სიამოვნებით ეწვევა 20 ოქტომბერს და აღნიშნავს, რომ წეულებას ვერ დაესწრება მისი მეუღლე.

1927

ტიპი: ღონისძიება

1927 წლის 1-ლ ივლისს აკაკი ჩხენკელი ულოცავს კოლუმბიის საგანგებო ელჩსა და სრულუფლებიან მინისტრ ა. ვასკეს კობოს რწმუნებათა სიგელის ჩაბარებას საფრანგეთის რესპუბლიკის პრეზიდენტისათვის და გამოთქვამს ოფიციალური ურთიერთობების დაწყების სურვილს.

1927

ტიპი: ღონისძიება

1927 წლის 27 ივნისს აკაკი ჩხენკელი და მისი მეუღლე უგზავნიან მადლობის წერილს ვაჭრობის მინისტრს, დეკორატიული ხელოვნების პრეზიდენტს და ბოკანოვსკის საღამოზე მოწვევისათვის, რომელიც გაიმართება 30 ივნისს 9 საათსა და 30 წუთზე გრან პალეში. აკაკი ჩხენკელი ადასტურებს დასწრებას, ხოლო მისი მეუღლე ვერ შეძლებს მისვლას.

1927

ტიპი: ღონისძიება

1927 წლის 16 ივნისს აკაკი ჩხენკელი ულოცავს ვენესუელის საგანგებო ელჩსა და სრულუფლებიან მინისტრ ს. ლუმეტას რწმუნებათა სიგელის ჩაბარებას საფრანგეთის რესპუბლიკის პრეზიდენტისათვის და გამოთქვამს ოფიციალური ურთიერთობების დაწყების სურვილს.

1927

ტიპი: ავტორობა

1927 წლის 17 იანვარს აკაკი ჩხენკელმა წერილი გაუგზავნა საფრანგეთის რესპუბლიკის პრეზიდენტის გენერალურ სამდივნოს. მან მადლიერება გამოთქვა 26 იანვარს სადილზე მიპატიჟებისთვის და აცნობა მათ, რომ წვეულებას ვერ დაესწრებოდა მისი მეუღლე მაკრინე ჩხენკელი.

1924

ტიპი: ღონისძიება

1924 წლის 16 ივნისს საფრანგეთში ვატიკანის ნუნციუსი ჩერეტი უგზავნის მოწვევას საქართველოს მინისტრ აკაკი ჩხენკელს და ატყობინებს, რომ აწყობს წვეულებას მისიებისა და დიპლომატიური კორპუსის წევრებისთვის რესპუბლიკის პრეზიდენტის არჩევნებში გამარჯვებასთან დაკავშირებით. ღონისძიება გაიმართება ელისეს სასახლეში 20 ივნისს 15 საათსა და 30 წუთზე.

1920

ტიპი: ღონისძიება

1920 წლის 7 სექტემბრის „ერთობა“ იუწყება, რომ სოფ. ქარელი კულტურით ბევრად მაღლა დგას ქართლის ზოგიერთ სოფელზე. აქ არსებობს თეატრი, სადაც კვირადღეს ადგილობრივი სცენისმოყვარეები წარმოდგენებს მართავენ მასწავლებელ ნატო ყორბესაშვილის ხელმძღვანელობით.

1920

ტიპი: ღონისძიება

1920 წლის 4 სექტემბერს ქაშვეთის ეკლესიაში ილია წინამძღვრიშვილის პანაშვიდს დაესწრნენ დამფუძნებელი კრების თავმჯდომარის მოადგილეები: ალექსანდრე სპირიდონის ძე ლომთათიძე და ექვთიმე სიმონის ძე თაყაიშვილი, ქართველთა შორის წერა-კითხვის გამავრცელებელი საზოგადოების წარმომადგენლები: გიორგი ნიკოლოზის ძე ყაზბეგი და ვარლამ ამირანის ძე ბურჯანაძე, ქართული სასოფლო-სამეურნეო საზოგადოების თავმჯდომარე ს. ყაზახაშვილი, მიწათმოქმედების სამინისტროს ხაზინადარი თ. მეგრელიშვილი, მეღვინეობა-მევენახეობის ყრილობის საბჭოს მდივანი გ. წინამძღვრიშვილი, განათლების სამინისტროს წარმომადგენელი ალექსანდრე მიქაბერიძე და ცენტრალური ბანკის წარმომადგენელი პ. გოთუა. დაკრძალვის ხარჯები მიწათმოქმედების სამინისტრომ გაიღო.