საქართველოს პროსოპოგრაფია

ფაქტები

რეგისტრირებული ფაქტები82929

1919

ტიპი: ღონისძიება

1919 წლის 2 იანვარს განათლების მინისტრის მიერ გამართულ საბჭოს სხდომაზე კერძო საშუალო სასწავლებელთა დებულებების შედგენა გრიგოლ ნათაძეს დაავალეს.

1919

ტიპი: ღონისძიება

1919 წლის 2 იანვარს განათლების მინისტრის მიერ გამართულ საბჭოს სხდომაზე დაამტკიცეს უმაღლეს და საშუალო სასწავლებელთა მთავარგამგის, გრიგოლ ნათაძის მიერ შემუშავებული ფიზიკური ობსერვატორიის ხარჯთაღრიცხვა.

1919

ტიპი: ღონისძიება

1919 წლის 2 იანვარს განათლების მინისტრის მიერ გამართულ საბჭოს სხდომაზე გადაწყვიტეს, რომ ფოთის ვაჟთა გიმნაზიის მასწავლებლების გაფიცვის საკითხი გამოსარკვევად გრიგოლ ნათაძისთვის გაეგზავნათ.

1919

ტიპი: ღონისძიება

1919 წლის 2 იანვარს განათლების მინისტრის მიერ გამართულ საბჭოს სხდომას დაესწრნენ: საბჭოს თავმჯდომარე, განათლების მინისტრი გიორგი ლასხიშვილი, მინისტრის მოადგილე ალექსანდრე მდივანი, უმაღლეს და საშუალო სასწავლებელთა მთავარგამგე გრიგოლ ნათაძე, კანცელარიის დირექტორი ვუკოლ ბერიძე და მდივანი კონსტანტინე აბაშიძე.

1949

ტიპი: პირადი ურთიერთობა

1949 წლის 22 აპრილს რომიდან შალვა მაღლაკელიძემ გერმანიაში მყოფ გაიოზ მაღლაკელიძეს მისწერა, რომ ჟურნალ „მერკიურში“ ალექსეი კრავჩენკოს შესახებ დაბეჭდილი წერილი წაიკითხა.

1918

ტიპი: ავტორობა

1918 წლის 19 დეკემბერს შედგენილ ვლადიმერ მიხეილის ძე აბაშიძის ნამსახურეობის სიის სისწორეს ხელის მოწერითა და გიმნაზიის ბეჭდის დასმით ამოწმებს ქუთაისის გიმნაზიის დირექტორი დ. ქუთათელაძე, საქმისმწარმოებელი ვ. აბაშიძე.

1905

ტიპი: თანამდებობა

1905 წლის 19 ივნისს ხონის ვაჟთა გიმნაზიის დირექტორის განკარგულებით (N1083) ვლადიმერ აბაშიძე საქმისმწარმოებლად დაინიშნა.

1918

ტიპი: პირადი ინფორმაცია

ვლადიმერ მიხეილის ძე აბაშიძეს ჰყავდა მეუღლე მარიამ გიორგის ასული ყიფიანი და სამი შვილი: თინათინი (დაიბადა 1911 წლის 23 ივნისს), მიხეილი (დაიბადა 1912 წლის 14 დეკემბერს) და ვლადიმერი (დიბადა 1914 წლის 15 ივლისს).

1919

ტიპი: პირადი ინფორმაცია

ქუთაისის ქალთა მეორე გიმნაზიის დირექტორ დ. ქუთათელაძის ხელმოწერილ ვლადიმერ მიხეილის ძე აბაშიძის პირად საქმეში ეწერა, რომ ის სამი წელი არ მუშაობდა.

1919

ტიპი: ღონისძიება

ქუთაისის ქალთა მეორე გიმნაზიის პედაგოგის ვლადიმერ მიხეილის ძე აბაშიძის პირად საქმეში ეწერა, რომ იგი არ ყოფილა დასჯილი და არც დასასვენებლად გაშვებული.

1918

ტიპი: თანამდებობა

ვლადიმერ მიხეილის ძე აბაშიძის ნამსახურეობის სიის მიხედვით, ის მსახურობდა საქმის მწარმოებლად ქ. ოჩამჩირის გამომძიებელთან, რისი მოწმობაც ჰქონდა. ნამსახურეობის სიის სისწორეს ხელის მოწერითა და გიმნაზიის ბეჭდის დასმით ამოწმებს გიმნაზიის დირექტორი დ. ქუთათელაძე, საქმის მწარმოებელი ვ. აბაშიძე.

1918

ტიპი: თანამდებობა

ვლადიმერ მიხეილის ძე აბაშიძის ნამსახურეობის სიის მიხედვით,ის ბათუმის საბაჟოში კანცელარიის მოხელედ მსახურობდა, შემდეგ თავი დაანება. სიის სისწორეს ხელის მოწერითა და გიმნაზიის ბეჭდის დასმით ამოწმებს გიმნაზიის დირექტორი დ. ქუთათელაძე, საქმის მწარმოებელი ვ. აბაშიძე.

1918

ტიპი: თანამდებობა

ვლადიმერ მიხეილის ძე აბაშიძის ნამსახურეობის სიაში წერია, რომ 1893 წლის N32 ბრძანების თანახმად ვლადიმერ აბაშიძე დანიშნული იყო ვოლნოპრედელიაჩად სოხუმის ქვეითთა პოლკში. გავიდა ზაპასში.ნამსხურეობის სიის სისწორეს ამოწმებს ხელის მოწერითა და გიმნაზიის ბეჭდის დასმით გიმნაზიის დირექტორი დ. ქუთათელაძე, საქმის მწარმოებელი ვ. აბაშიძე.

1918

ტიპი: განათლება

ვლადიმერ მიხეილის ძე აბაშიძის ნამსახურეობის სიაში წერია, რომ მან დაამთავრა ქუთაისის სამოქალაქო სასწავლებელი, შემდეგ თბილისის კადეტთა კორპუსში დაიჭირა გამოცდა ვოლნოპრედელიავშის მე-2 ხარისხის, რის დასამტკიცებლად აქვს მოწმობა N86-ით. ნამსხურეობის სიის სისწორეს ამოწმებს ხელის მოწერითა და გიმნაზიის ბეჭდის დასმით გიმნაზიის დირექტორი დ. ქუთათელაძე, საქმის მწარმოებელი ვ. აბაშიძე.

1919

ტიპი: პირადი ინფორმაცია

ქუთაისის ქალთა მეორე გიმნაზიის პედაგოგს ვლადიმერ მიხეილის ძე აბაშიძეს მშობლებისგან მემკვიდრეობით ქონება არ მიუღია და არც თვითონ შეუძენია.

1872

ტიპი: პირადი ინფორმაცია

ქუთაისის ქალთა მეორე გიმნაზიის პედაგოგი ვლადიმერ მიხეილის ძე აბაშიძე 1872 წლის 30 მაისს დაიბადა. მისი წლიური ჯამაგირი 360 მანეთს შეადგენდა, ბინის ქირა – 180 მანეთს. 1918 წლის 2 მარტის კანონით ის 2900 მანეთ დამატებას იღებდა.

1918

ტიპი: ღონისძიება

ქუთაისის ქალთა მეორე გიმნაზიის შტატის საქმის მწარმოებლის ვლადიმერ მიხეილის ძე აბაშიძის ნამსახურეობის ნუსხა შედგენილია 1918 წლის 19 დეკემბერს.

1918

ტიპი: ღონისძიება

1918 წლის 23 დეკემბერს ქუთაისის ქალთა მეორე გიმნაზიის დირექცია საშუალო სასწავლებელთა მთავარგამგეს სთხოვდა, რადგან მოსალოდნელი იყო საშუალო სასწავლებელთა ახალი შტატის შექმნა, რომლის მიხედვითაც საქმის მწარმოებელს ენიშნებოდა ხუთწლიანი დამატება, მისდამი რწმუნებული გიმნაზიის საქმის მწარმოებლისთვის, ვლადიმერ მიხეილის ძე აბაშიძისთვის ჩაეთვალათ სხვა უწყებაში ნამსახურეობის დრო – 1896 წლის 1 სექტემბრიდან (გამოკლებული აქვს წელი; რომლის განმავლობაში არსად არ მსახურობდა). გიმნაზიაში არ იყო საქმის მწარმოებელი მიმდინარე წლამდე, რის გამოც კანცელარია არ იყო მოწყობილი, ვლადიმერ აბაშიძემ მოკლე დროში (1918 წლის 1 სექტემბრიდან) კანცელარია სრულებით მოაწესრიგა და ბეჯითად მუშაობდა, რისთვისაც მთავრობის ყურადღების ღირსი იყო.

1919

ტიპი: ღონისძიება

1919 წლის 30 დეკემბრის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომას დაესწრნენ: საპატიო თავმჯდომარე გიორგი ნ. ყაზბეგი, თავმჯდომარის ამხანაგი თ. კიკვაძე, მდივანი ვ. ბურჯანაძე, წევრები: მეთოდე კაკაბაძე, შიო დედაბრიშვილი, იასონ ბაქრაძე, თავმჯდომარეობდა დავით კარიჭაშვილი.

1919

ტიპი: ღონისძიება

1919 წლის 27 დეკემბრის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს გიორგი ლომთათიძის განცხადება მისი ზღაპრების და ანდაზების გამოცემის შესახებ. მან შეკრიბა ანდაზები და სთხოვდა საზოგადოებას ამ მასალის გამოცემას. მას აინტერესებდა, რამდენს გაიღებდა საზოგადოება ჰონორარად. გამგეობამ გადაწყვიტა, ეთხოვოს შეკრებილი მასალის გადმოგზავნა, თან განემარტოს, რომ ანდაზების გამოცემას აწარმოებს სპეციალურად საისტორიო და საეთნოგრაფიო საზოგადოება.

1919

ტიპი: ღონისძიება

1919 წლის 27 დეკემბრის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს საკითხი აგენტების საშუალებით წიგნების გავრცელების შესახებ. წიგნებს გაავრცელებდნენ შემდეგი დაწესებულებანი: გორის, სიღნაღის, და თიანეთის სამაზრო ერობები, ზუგდიდის კოოპერატივთა კავშირის გამგეობა და წიგნების გამომცემლობა „განათლება“ ქუთაისში. გამგეობამ ეს ინფორმაცია ცნობად მიიღო.

1919

ტიპი: ღონისძიება

1919 წლის 27 დეკემბრის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს საკითხი ეგნატე ნინოშვილის თხზულებათა გამოცემის შესახებ. გამგეობამ გადაწყვიტა, დაიბეჭდოს საერთო გეგმის თანახმად.

1919

ტიპი: ღონისძიება

1919 წლის 27 დეკემბრის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს საკითხი ისიდორე კვიცარიძის თარგმანის „როგორ ცხოვრობდნენ ძველად ადამიანები“ გამოცემის შესახებ. გამგეობამ გადაწყვიტა, დაიბეჭდოს გ. ჯავახიშვილის შესწორებით, ჰონორარად მას მიეცეს 300 მანეთი.

1919

ტიპი: ღონისძიება

1919 წლის 27 დეკემბერს გამართულ ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს წიგნების გამომცემლობის გამგის მოხსენება „დედაენისა“ და სხვა წიგნების დასურათების შესახებ. გამგეობამ გადაწყვიტა, მათი დასურათება მხატვრებისთვის მიენდოთ.

1919

ტიპი: ღონისძიება

1919 წლის 27 დეკემბრის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს საკითხი, რომ სრულიად საქართველოს აგრონიმიულ დახმარების მოღვაწეთა პირველი ყრილობის საორგანიზაციო კომიტეტი თხოულობდა მომავალი გამოფენისთვის, რომლის გამართვა განზრახული ჰქონდა კომიტეტს მომავალი წლის იანვრის დამლევს, დათმობოდა წიგნსაცავ მუზეუმიდან გამოფენის საჭიროებისთვის საჭირო ჟურნალები და წიგნები, რომელიც უკანვე დაუბრუნდებოდა მუზეუმს დიდი მადლობით. გამგეობამ არსებული მუზეუმის წესდებით შეუძლებლად ჩათვალა შუამდგომლობის დაკმაყოფილება.