1918

ტიპი: თანამდებობა

1918 წლის 16 ივნისის დადგენილებით საერთო საფუძველზე შტატების შემცირების შესახებ, უშტატოდ დარჩნენ გზათა სამინისტროს  სამეურნეო ნაწილის თანამშრომლები: საქმეთა მწარმოებელი მიხეილ ბელოზერსკი, საქმეთა მწარმოებლის დამხმარე გიორგი აზვესტოპულო; დაქირავებული მოსამსახურეები: ელენა ლომანოვა, ანა რომანენკო, ანტონ ჟღენტი, ანტონ ხოდაროვკი, გიორგი ჩიქოვანი, ალექსანდრე ჭილაძე, გიორგი კუცერუბოვი, მიხეილ ადამოვი, დიმიტრი კლიმენკო, პავლე პიატენკო, თეოფილ დუმინიკი. ხელს აწერს ოლქის უფროსი, ინჟინერი გიორგი თუმანოვი.

1918

ტიპი: ღონისძიება

კავკასიის ოლქის გზათა სამინისტროს 1918 წლის 2 მაისის განკარგულებით ოლქის თბილისის განყოფილების მეორე დისტანციის პირველთან შეერთების გამო მეორე დისტანციის ტექნიკოსი საფარიანცი განთავისუფლდა დისტანციის უფროსის თანამდებობიდან და დაინიშნა ძველ თანამდებობაზე, ტექნიკური ნაწილის საქმეთა მმართველად. დისტანციების გაერთიანების გამო გაათავისუფლეს  ყველა თანამშრომელი. ცნობა: ოლქის თბილისის განყოფილების საქმეთა უფროსის 1918 წლის 17 მარტის პატაკი N596; ოლქის უფროსი, ინჟინერი გ. თუმანოვი.

1910

ტიპი: ავტორობა

1910 წლის 24 ივნისს ვაჭრობისა და მრეწველობის მინისტრმა ს. ტიმაშევმა დაადასტურა „სავაჭრო ფლოტის საზღვაოსნო გემებზე შტურმანების საცურაო ცენზის გამოსათვლელი წესების“ უტყუარობა. ეს იყო 18-მუხლიანი დოკუმენტი შტურმანის წოდების მიღების მსურველთა უფლებებისა და მოვალეობების შესახებ. დოკუმენტს სავაჭრო ნაოსნობის განყოფილების უფროსის ნაცვლად ხელს აწერს ს. ვესელაგო; განყოფილების უფროსის მაგივრად დაამოწმა პ. ვასილევმა. წესები ძალაში უნდა შესულიყო 1911 წლის 1 იანვრიდან.

1918

ტიპი: ღონისძიება

1918 წლის 12 სექტემბერს ფოთის პორტის მახლობლად რიონის, ხობისწყლის, კაპარჭისა და მათი შენაერთების გამოყენებით სანაოსნო მოძრაობის გახსნის საკითხი განიხილეს. ამ საქმის განხილვა აკაკი მეთოდეს ძე ხოშტარიას დაევალა.

1945

ტიპი: ავტორობა

1945-1948 წლებში ქრისტინე შარაშიძე მუშაობდა საქართველოს სახელმწიფო მუზეუმის „ხელნაწერთა აღწერილობის“ მე-III ტომზე (1500 ხელნაწერის აღწერილობაზე).

1936

ტიპი: ავტორობა

1936-37 წლებში რუსთაველის საიუბილეო გამოფენის მოწყობასთან დაკავშირებით ქრისტინე შარაშიძეს დაევალა რუსთაველის ბიბლიოგრაფიის შედგენა. ამ ბიბლიოგრაფიის ერთი პირი მოსკოვში ლენინის სახელობის საკავირო საჯარო ბიბილიოთეკის ქართულ განყოფილებაში გაიგზავნა.

1941

ტიპი: ავტორობა

1941 წელს გამოქვეყნდა ნაშრომი „ქართული წიგნი“ (ბიბლოგრაფია I, 1629-1921 წწ.) ქრისტინე შარაშიძის შესავლით.

1932

ტიპი: ავტორობა

1932 წელს ქრისტინე შარაშიძემ საქართველოს სახელმწიფო მუზეუმის მეცნიერ-თანამშრომელთა კრებაზე წაიკითხა მოხსენება „ქართული წიგნის ბეჭდვის განვითარების გზები 1629-1817 წლებში“.

1932

ტიპი: ღონისძიება

1932-1933 წლებში ქრისტინე შარაშიძემ საქართველოს სახელმწიფო მუზეუმის დირექციის დავალებით მუზეუმის ბიბლიოთეკის ძველი ქართული ნაბეჭდი წიგნების ფონდი აღწერა.

1929

ტიპი: თანამდებობა

1929 წელს სამეცნიერო დაწესებულებათა მთავარი გამგეობის განკარგულებით, საისტორიო-საეთნოგრაფიო მუზეუმი საქართველოს სახელმწიფო მუზეუმს შეუერთდა და ქრისტინე შარაშიძემ მუშაობა განაგრძო, როგორც ბიბლიოთეკარმა (მანამდე ის საისტორიო-საეთნოგრაფიო მუზეუმში ბიბლიოთეკის გამგე იყო).

1918

ტიპი: ავტორობა

1918 წლის 14 ოქტომბერს აკაკი მეთოდეს ძე ხოშტარიამ გზათა და მრეწველობის მინისტრს საზღვაო და სამდინარო სანაოსნო-სატრანსპორტო სააქციო საზოგადოების დაარსების შესახებ განცხადებით მიმართა და შუამდგომლობდა საზოგადოების დამაარსებლებს გადასცემოდათ ყოფილი მესამე ზურგის რაიონის ყველა სამდინარო და საზღვაო გადასაზიდი საშუალება, მთავრობის კუთვნილი ყველა გემი, მიწახაპიები და სხვა სატრანსპორტო საშუალებები – საწყალოსნო ტრანსპორტის მიწოდებისთვის და გასამართად იმ რაიონებში, სადაც სანაოსნო მდინარეები და შავი ზღვის პორტებს შორის მიმოსვლა იყო. საზოგადოების წესდება მუშავდებოდა და მალე შესაბამის სამინისტროს წარედგინებოდა დასამტკიცებლად.

1918

ტიპი: ავტორობა

ალექსანდრე ეფიმოვმა, დიმიტრი ანტონოვსკიმ, ალექსანდრე დანილოვიჩმა და გოგანეს სტოკმა, რომლებმაც გადაწყვიტეს ფოთიდან სამტრედიამდე მდინარე რიონის მონაკვეთის ექსპლოატაცია და ამ საქმეში ჩადებული კაპიტალის გამო სჭირდებოდათ შესაბამისი სამთავრობო კონცესია, 1918 წლის 14 სექტემბერს გზათა მინისტრს სთხოვეს მონოპოლიური უფლებების მინიჭება სატვირთო და სამგზავრო მიმოსვლაზე. მის.: სოლოლაკის N 4, მაღაზია „Проводникь"

1918

ტიპი: ღონისძიება

გზათა მინისტრ ივანე ლორთქიფანიძის განკარგულებით მინისტრის მდივანი მაჭავარიანი დაინიშნა მთავარი პარკის რწმუნებულად; სამინისტროს სალიკვიდაციო განყოფილების ხელმძღვანელი, ინჟინერი ვეისი, 28 ოქტომბრიდან განთავისუფლდა პარკთან დაკავშირებული ყველა საქმისგან. პარკის განყოფილების უფროსმა 300-ე ვერსზე (სიგრძის ძვ. რუსული ერთეული; უდრის 1,06 კმ-ს), კვეზერელი-კოპაძემ დატოვა დაკავებული თანამდებობა და დაინიშნა მის დამხმარედ.

1918

ტიპი: ღონისძიება

1918 წლის 9 დეკემბერს გზათა მინისტრმა ივანე ლორთქიფანიძემ გამოსცა ბრძანება სამინისტროს საერთო საქმეთა განყოფილების უფროს გიორგი გაბრიელის ძე ფიცხელაურის სამსახურებრივი საქმეებისთვის ბაქოში გამგზავრების გამო ფულადი ქაღალდების ტექნიკური განყოფილების უფროსის, ინჟინერ ი. ო. დადიანისთვის გადაცემის შესახებ.

1917

ტიპი: თანამდებობა

რევოლუციის დროს ალექსანდრე წერეთელი გაზეთ „ხალხის მეგობრის“ რედაქტორი იყო.

1918

ტიპი: ღონისძიება

გზათა მინისტრ ივანე ლორთქიფანიძის 1918 წლის 27 ნოემბრის განკარგულებით, რკინიგზის ტექნიკური განყოფილების ინჟინერ ანდრონიკაშვილს, ამავე სამინისტროს ინჟინერ ნოვოდვორსკისა და ბუღალტრის თანაშემწე რჩეულიშვილს დაევალათ სამინისტროსთან არსებული საავტომობილო სალაროსა და ფულის, ასევე საწყობების ანგარიშის რევიზია.

1918

ტიპი: ღონისძიება

სოციალისტ-ფედერალისტთა პარტიის მთავარი კომიტეტის დადგენილებით, ალექსანდრე წერეთელი შალვა ალექსი რამიშვილთან [იგულისხმება მესხიშვილი] ერთად რუსეთის სოციალისტ-რევოლიუციონერთა მოსკოვის კონფერენციაზე წარმომადგენლად გააგზავნეს, აქედან კი სრულიად რუსეთის დამფუძნებელი კრების არჩევნების განსაკუთრებული თათბირის წევრად მიიწვიეს.

1918

ტიპი: ღონისძიება

1918 წლის 15 ოქტომბრის ბრძანებაში გზათა მინისტრი ლორთქიფანიძე კმაყოფილებას გამოთქვამს, რომ სამინისტროს საერთო საქმეთა განყოფილების უფროსმა, პ. ს. ფიცხელაურმა, რომელსაც რკინიგზის ექსპლოატაციაში შექმნილი ქაოსური მდგომარეობის გამო 5 სექტემბრიდან დროებით დაევალა რესპუბლიკის ყველა რკინიგზის კონტროლი, ადმინისტრაციული გამოცდილებისა და სარკინიგზო საქმის ცოდნის გამო შეძლო დაკისრებულ მოვალეობათა შესრულება და გზებზე ნორმალური პირობები შექმნა. ამისთვის მას მადლობას უხდის. 15 ოქტომბრიდან გზას ადგილობრივი ხელმძღვანელობა დაუბრუნდება.

1918

ტიპი: ღონისძიება

1918 წლის 15 ოქტომბრიდან გზათა მინისტრ ივანე ნესტორის ძე ლორთქიფანიძის ბრძანებით საერთო საქმეთა განყოფილების უფროსს გიორგი გაბრიელის ძე ფიცხელაურს გზათა სამინისტროს ყველა რკინიგზის უშუალო მართვა და ხელმძღვანელობა დაევალა. ივანე ლორთქიფანიძემ კახეთის რკინიგზის ხელმძღვანელობას სთხოვა, რომ მათი კომპეტენციიდან გამომდინარე, ყველა საკითხზე განმარტების მისაღებად ფიცხელაურისთვის მიემართათ.

ტიპი: ღონისძიება

1924 წლის თებერვალში გაიმართა განათლების მუშაკთა მესამე ყრილობა, სადაც „პროფ. ნუცუბიძემ კმაყოფილებით აღნიშნა სახ. გან. კომ.-ის (კერძოდ, კომისარ დავით კანდელაკის) განცხადება იმის შესახებ, რომ საქ. უნივერსიტეტმა გაამართლა მასზე დამყარებული იმედები.“

ტიპი: ავტორობა

ყველა ჩამოსული ამხანაგები უნდა გამოცხადდნენ უნივერსიტეტის სამდივნოში (თბილისი, ერმოლოვის ქ. N 6, 9-დან დღის 4 საათამდე).

ტიპი: ავტორობა

უნივერსიტეტში სტუდენტებს ეძლევათ ბინა საერთო საცხოვრებელში, საჭმელ-სასმელი, ტანისამოსი, სახელმძღვანელოები და ფულით კმაყოფა - თვიურად 7 მანეთი. საერთო საცხოვრებელში მიიღებიან უცოლო სტუდენტები. სტუდენტების ოჯახების ბინით და სამსახურით უზრუნველყოფის მხრივ უნივერსიტეტი არავითარ ვალდებულებას არ კისრულობს.

ტიპი: ავტორობა

მიღება ა./კ. კომუნისტურ უნივერსიტეტში იწარმოებს 10-დან 15 სექტემბრამდე. ამ ვადის შემდეგ დაგვიანებულნი არ მიიღებიან.

ტიპი: ავტორობა

ამხანაგებს, რომელთაც აირჩევენ ადგილობრივი ორგანიზაციები უნივერსიტეტში გასაგზავნად, უნდა მიეცეს ერთი თვის შვებულება იმ დაწესებულების ან წარმოების ხარჯზე, რომელშიაც მუშაობდა კანდიდატი უნივერსიტეტში გაგზავნის დროს. შვებულება ამხანაგებს ეძლევათ დასასვენებლად და მოსამზადებლად უნივერსიტეტში შესვლისათვის და წესდება 10 აგვისტოდან 10 სექტემბრამდე.

ტიპი: ავტორობა

ა./კ. კომუნისტურ უნივერსიტეტში გამოგზავნილი ამხანაგები გატარდებიან ექიმთა კომისიაში, სამანდატო კომისიაში და აბარებენ მისაღებ გამოცდებს.