რეგისტრირებული ფაქტები89989
სორტირება თარიღი კლებადობით
1920
ტიპი: პირადი ინფორმაცია
1920 წლის 1-ელ ივლისს აჭარლებთან ბრძოლის დროს დაიჭრა ქუთაისის მაზრის სოფ. წყალტუბოს მცხოვრები, მე-4 ქვეითთა ათასეულის ჯარისკაცი სიმონ ახალაძე.
1920
ტიპი: ღონისძიება
1920 წლის 1-ლ ივლისს აჭარლებთან ბრძოლის დროს დაიჭრა ოზურგეთის მაზრის სოფელ ნიგოითის მცხოვრები, მე-4 ქვეითთა ათასეულის ჯარისკაცი მელიტონ ჭიჭალეიშვილი.
1920
ტიპი: ღონისძიება
1920 წლის 1-ელ ივლისს აჭარლებთან შეტაკების დროს დაიჭრა ახალციხის მაზრის სოფელ უდის მცხოვრები, გვარდიელი გაბრიელ ბადღოშვილი.
1920
ტიპი: ღონისძიება
1920 წლის 1-ლ ივლისს აჭარლებთან ბრძოლის დროს დაიჭრა ახალციხის მაზრის სოფელ ვალეს მცხოვრები გვარდიელი სერგო გოზალიშვილი.
1920
ტიპი: ღონისძიება
1920 წლის 1-ლ ივლისს დამფუძნებელი კრების წევრებმა პავლე საყვარელიძემ, სამსონ ფირცხალავამ, გრიგოლ ვეშაპელმა და ტოპჩიამ ბათუმის მოსახლეობას ანტანტის მიერ ბათუმისა და მისი ოლქის მისთვის გადაცემის შესახებ აცნობეს. ამ ცნობას ხალხი ზეიმით შეხვდა.
1920
ტიპი: ღონისძიება
1920 წლის ივლისში მიწათმოქმედების სამინისტრომ საკონცესიო ხელშეკრულება დადო ა. გიზთან მდ. ტყიბულის ჰიდრავლიკური ენერგიის გამოყენების შესახებ. მას მიზნად აქვს ელექტროენერგიის მიღება და გადაცემა ქუთაისის გუბერნიის იმ რაიონებში, სადაც სჭირდებათ.
1920
ტიპი: თანამდებობა
1919 წლის 1-ელი ივლისის „ერთობის“ ცნობით, ბეითალი სიმონ ტარიელის ძე ქარსელაძე მსახურობდა ეკატერინოსლავის გუბერნიის დ. პეტრიკოვკაში. ერთი წელი მის შესახებ არაფერი იყო ცნობილი.
1920
1920 წლის 1 ივლისს მეოთხე ქვეითთა ათასეულს (აჭარელ ბანდებთან ბრძოლაში) გამოესალმა ლეიტ. შალიკო გიგინეიშვილი.
1920
ტიპი: ავტორობა
1920 წლის 1 ივლისს ქართველთა შორის წერა-კითხვის გამავრცელებელი საზოგადოების თავმჯდომარემ დავით კარიჭაშვილმა ქალაქ თბილისის მესამე უბნის მოსამართლეს, მ. ჩხეიძეს, გამგეობისთვის ოლღა ჭავჭავაძის ოფიციალური მზრუნველობის (რადგან მას არ გააჩნდა სათანადო მოვლა-პატრონობა) გადაცემის მოთხოვნით მიმართა.
1920
ტიპი: ღონისძიება
განათლების მინისტრის მოადგილე ნოე ცინცაძის 1920 წლის 30 ივნისის N79 ბრძანების თანახმად ნიკოლოზ ამბროსის ძე სვანაძე ქუთაისის ვაჟთა II გიმნაზიის მათემატიკის პედაგოგად დამტკიცდა.
1920
ტიპი: ღონისძიება
განათლების მინისტრის მოადგილე ნოე ცინცაძის 1920 წლის 30 ივნისის N77 ბრძანების თანახმად ქუთაისის ვაჟთა II გიმნაზიასთან არსებული უმაღლესი დაწყებითი სასწავლებლის მასწავლებელს დიმიტრი დავითის ძე ლორთქიფანიძეს პედაგოგად ნამსახურობის წლები (1892 წლის 1-ლი სექტემბრიდან 1919 წლის 1-ლ სექტემბრამდე) ჩაეთვალა პენსიის მისაღებად.
1920
ტიპი: ღონისძიება
განათლების მინისტრის მოადგილე ნოე ცინცაძის 1920 წლის 30 ივნისის ბრძანების თანახმად ქუთაისის ვაჟთა II გიმნაზიასთან არსებული უმაღლესი დაწყებითი სასწავლებლის პედაგოგს ანდრია ანტონის ძე შუბლაძეს პედაგოგად ნამსახურები წლები (1896 წლის 1-ლი სექტემბრიდან 1919 წლის 1-ლ სექტემბრამდე) ჩაეთვალა პენსიის მისაღებად.
1920
ტიპი: ღონისძიება
განათლების მინისტრის მოადგილე ნოე ცინცაძის 1920 წლის 30 ივნისის N77 ბრძანების თანახმად, ხუთწლეულებისა და პენსიის მისაღებად, ქუთაისის ვაჟთა II გიმნაზიასთან არს. უმაღლეს დაწყებითი სასწავლებლის პედაგოგ ლონგინოზ ანტონის ძე ჩიმაკაძეს ჩაეთვალოს პედაგოგად ნამსახური წლები 1896 წლის 1-ლი სექტემბრიდან 1919 წლის 1-ლ სექტემბრამდე.
1920
ტიპი: ავტორობა
1920 წლის 30 ივნისს ზაქარია ეგნატეს ძე ჭიჭინაძე საქართველოს რესპუბლიკის განათლების სამინისტროს სოლომონ ასლანიშვილი-ბავრელის მიერ შედგენილი ქართულ-თურქული ლექსიკონის გამოცემის საკითხში დახმარებას სთხოვს (სოლომონ ასლანიშვილი-ბავრელი ჯავახეთში ფოსტა-ტელეგრაფის თანამშრომელი იყო. მან შეისწავლა თურქული და შეადგინა ქართულ-ოსმალური სახელმძღვანელო იმ სოფლების მცხოვრებთათვის, რომლებმაც 1628 წელს ოსმალეთის დაპყრობის შემდეგ ენა დაივიწყეს).
1920
ტიპი: ღონისძიება
1920 წლის 28 ივნისს გორის სამაზრო ერობას 17 ივნისის მიმართვის პასუხად აუწყებენ, რომ ერობამ თავად უნდა წარადგინოს კანდიდატები ინსპექტორ ივ. სანაყოევის ნაცვლად ჯავის უმაღლეს დაწყებით სასწავლებელში დასანიშნად. ხელს აწერს მთავარგამგე დ. მელიქაძე.
1920
ტიპი: თანამდებობა
განათლების მინისტრის მოადგილე ნოე ცინცაძის 1920 წლის 28 ივნისის N75 ბრძანებით, თელავის ქალთა წმინდა ნინოს გიმნაზიასთან არსებულ უმაღლეს დაწყებითი სასწავლებლის პედაგოგ თინათინ ლომიძეს მიენიჭა უმაღლეს პირველდაწყებითი სასწავლებლის მასწავლებლის წოდება მათემატიკაში და 1-ლი ივნისიდან დამტკიცდა ამავე თანამდებობაზე.
1920
ტიპი: ღონისძიება
განათლების მინისტრის მოადგილე ნოე ცინცაძის 1920 წლის 28 ივნისის ბრძანებით, თელავის ქალთა წმ. ნინოს გიმნაზიასთან არსებული უმაღლეს დაწყებითი სასწავლებლის პედაგოგ ნინო ყაზახიშვილს მიენიჭა უმაღლესი პირველდაწყებითი სასწავლებლის მასწავლებლის წოდება ქართულ ენაში და 1-ლი ივნისიდან დამტკიცდა ამავე თანამდებობაზე.
1920
ტიპი: ღონისძიება
1920 წლის 27 ივნისს მეათე უბნის კომისარმა ღონღაძემ და მისმა თანაშემწე შვანგირაძემ დაიჭირეს თავრიზის რკინიგზის უფროსის თანაშემწე კილიატხან კალანტარი, რომელსაც საქართველოდან დიდძალი ოქროს ლირები უნდა გაეტანა. მან აღიარა, რომ ეს ფული ეკუთვნოდა ვაჭარ რახმანოვს, რომელსაც სავაჭრო ჰქონდა თავისუფლების მოედანზე თამამშევის ქარვასლაში.
1920
ტიპი: თანამდებობა
განათლების მინისტრის მოადგილე ნოე ცინცაძის 1920 წლის 26 ივნისის N76 ბრძანების თანახმად, თბილისის წმინდა ნინოს ქალთა გიმნაზიის მასწავლებელს ლიუდმილა დანელიას საშუალო სასწავლებლის ისტორიის პედაგოგის წოდება მიენიჭა.
1920
ტიპი: თანამდებობა
განათლების მინისტრის მოადგილე ნოე ცინცაძის 1920 წლის 26 ივნისის N72 ბრძანების თანახმად ქუთაისის ქალთა პირველი გიმნაზიის მასწავლებელს ბაბილინა კლდიაშვილს საშუალო სასწავლებლის ბუნებისმეტყველების მასწავლებლის წოდება მიენიჭა.
1920
ტიპი: თანამდებობა
განათლების მინისტრის მოადგილე ნოე ცინცაძის 1920 წლის 26 ივნისის N73 ბრძანების თანახმად თბილისის ქალთა მეორე გიმნაზიასთან არსებული უმაღლესი დაწყებითი სასწავლებლის პედაგოგს ანტ. ფაღავას უმაღლესი პირველდაწყებითი სასწავლებლის ქრთული ენის მასწავლებლის წოდება მიენიჭა.
1920
ტიპი: ღონისძიება
1920 წლის 26 ივნისს თელავის ვაჟთა გიმნაზიის დირექტორმა ზაქარია კლიმიაშვილმა განათლების მინისტრ ნოე რამიშვილს მისწერა, რომ გიორგი გიორგიძე ისტორიის მასწავლებლად დამტკიცდა 1919 წლის 1-ლი სექტემბრიდან, თუმცა სამსახური 1918 წლის 1-ლი ოქტომბრიდან დაიწყო. ის მინისტრს სთხოვს, გიორგიძეს ნამუშევარი ჩაეთვალოს და თანამდებობაზე 1918 წლის 1-ლი ოქტომბრიდან დამტკიცდეს.
1920
ტიპი: ღონისძიება
1920 წლის 26 ივნისს ქართველთა შორის წერა-კითხვის გამავრცელებელი საზოგადოების გამგეობის სხდომაზე განიხილეს მოხსენება ივანე ჯავახიშვილის „ისტორიის მიზნებისა და მეთოდებისა“ და „ქართველი ერის ისტორიის“ I, II, III და IV ტომების გამოცემის შესახებ. გამგეობამ ჯავახიშვილის წიგნების დასაბეჭდად პირობების შემუშავება პრეზიდიუმს დაავალა.
1920
ტიპი: ღონისძიება
1920 წლის 26 ივნისს დავით კარიჭაშვილის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების გამგეობის სხდომაზე განიხილეს ახალციხის სამაზრო ერობის გამგეობის თხოვნა 100 000 მანეთის ოდენობის კრედიტის გახსნის შესახებ. გამგეობამ მისთვის 50 000 მანეთის კრედიტის გახსნა გადაწყვიტა.
© პროსოპოგრაფიულ მონაცემთა ბაზა, ლინგვისტურ კვლევათა ინსტიტუტი 2018 -