რეგისტრირებული ფაქტები29121
ფილტრი:
სორტირება ახალი ჩანაწერების მიხედვით
1920
ტიპი: ღონისძიება
1920 წლის 1-ლი იანვრის გაზეთი „საქართველო“ წერს, რომ პოლონური გაზეთების ცნობით, დენიკინსა და ანტანტას შორის უთანხმოებაა, რომლის მიზეზია ყუბანის მიერ პურის მიცემის შეწყვეტა.
1920
ტიპი: ღონისძიება
1920 წლის პირველი იანვრის გაზეთ „საქართველოს“ ცნობით, იმავე წლის იანვარში უნდა გამოსულიყო ყოველთვიური ჟურნალი „შვილდოსანი“ შემდეგ პირთა მონაწილეობით: შალვა ამირაჯიბი, ალექსანდრე ილიას ძე არსენიშვილი, შალვა ნიკოლოზის ძე აფხაიძე, ვალერიან ივანეს ძე გაფრინდაშვილი, რაჟდენ მათეს ძე გვეტაძე, ნიკოლაი ევრეინოვი, გიორგი ნიკოლოზის ძე ლეონიძე, ნიკო მერაბის ძე ლორთქიფანიძე, ნინა ალექსანდრეს ასული მაყაშვილი, არჩილ მიქაძე, ნიკოლოზ იოსების ძე სირბილაძე (ნიკოლო მიწიშვილი), კოლაუ გალაქტიონის ძე ნადირაძე, გრიგოლ ტიტეს ძე რობაქიძე, სერგეი სუდეიკინი, გალაკტიონ ვასილის ძე ტაბიძე, ტიციან იუსტინეს ძე ტაბიძე, ივანე (ივი) ყიფიანი, ალექსანდრე (სანდრო) გიორგის ძე ცირეკიძე და ლელი ჯაფარიძე.
1918
ტიპი: ღონისძიება
1918 წლის 18 სექტემბერს კრებაზე, რომელზეც ფარმაცევტული კათედრის შექმნის საკითხი განიხილებოდა, მოხსენება წაიკითხა ბ. იაკუბოვიჩმა. მან ისაუბრა სასწავლებლის პროგრამაზე და გამოთქვა აზრი რუსულ კერძო უნივერსიტეტთან ფარმაცევტული განყოფილების დაარსების შესახებ. ფარმაცევტებმა მხარი არ დაუჭირეს, რადგან თანხმობის შემთხვევაში ქართულ მთავრობას სახელი გაუტყდებოდა.
1930
ტიპი: ღონისძიება
1930 წლის 27 იანვარს დავით შარაშიძემ საფრანგეთიდან საქართველოში წერილი გაუგზავნა დედას, ნინო ქიქოძეს და აცნობა, რომ დაახლოებით ერთ კვირაში მისი წიგნი გამოვიდოდა.
1920
ტიპი: ღონისძიება
1920 წლის 1-ელი მარტის ჟურნალის „ვაზი და ღვინო“ ცნობით, მეღვინე-მევენახეთა ყრილობის საბჭოს წევრების – ივანე ანდრონიკაშვილის, ვასილ რცხილაძისა და სოლომონ ჩოლოყაშვილის – მოგზაურობა საქართველოს სხვადასხვა რაიონში უამინდობის გამო გადაიდო.
1929
ტიპი: ღონისძიება
1929 წლის 4 ივლისს დავით შარაშიძემ მშობლებს პარიზიდან ბახვში გაუგზავნა ღია ბარათი და აცნობა, რომ მისი მეუღლე, ელენე ორსულად იყო და მათ მარტისთვის მეხუთე შვილიშვილი ეყოლებოდათ.
1929
ტიპი: ღონისძიება
1929 წლის 14 იანვარს დავით შარაშიძემ დედას, ნინო ქიქოძეს მისწერა, რომ მისთვის წერილები გაეგზავნათ მისი მეუღლის ძმის, რენე ტუსენის სახელზე და შემდეგ მისამართზე – ბერნარდინის ქ, 26, პარიზი.
1929
ტიპი: ღონისძიება
1929 წლის 14 იანვარს დავით შარაშიძემ დედას, ნინო ქიქოძეს პარიზიდან გაუგზავნა ღია ბარათი, რომელიც მისი ვარაუდით ბახვში ნინოობას ჩავიდოდა და შეატყობინა, რომ მეუღლესთან ერთად დროებით ცხოვრობდა პარიზის ერთ-ერთ სასტუმროში, შემდეგ კი ბინას იქირავებდნენ.
1920
ტიპი: ღონისძიება
1920 წლის 1-ლი მარტის ჟურნალ „ვაზი და ღვინოს“ ცნობით, მეღვინე-მევენახეთა ყრილობათა საბჭომ დაადგინა, შემდეგი კრებისთვის, ს. ჩოლოყაშვილს დაევალოს მოხსენების გაკეთება თუ რა მდგომარეობაშია მეღვინე-მევენახეობა ფილოქსერის გამო და დაასახელოს მის წინააღმდეგ საბრძოლველი საშუალებანი.
1920
ტიპი: ღონისძიება
1920 წლის 1-ელი მარტის ჟურნალ „ვაზი და ღვინოს“ ცნობით, მეღვინე-მევენახეთა საბჭომ აირჩია საგანგებო კომისია, რომლის თავმჯდომარედ პეტრე მელიქიშვილი დანიშნეს. კომისიის წევრები იყვნენ: ა. ა. ეგოროვი, პლატონ გვერწითელი, ს. მ. ჩოლოყაშვილი და ვასილ რცხილაძე. მათ ღვინის კანონი უნდა შეემუშავებინათ და საბჭოსათვის წარედგინათ.
1920
ტიპი: ღონისძიება
1920 წლის 1-ელი მარტის ჟურნალ „ვაზი და ღვინოს“ ცნობით, მეღვინე-მევენახეთა ყრილობათა საბჭომ მოისმინა ქიმიკოს ავალიშვილის მოხსენება შუშხუნებისა და ვაზის ნაცრის შესახებ და დაადგინა რამდენიმე ადგილზე ეცადათ ნაცრის წამლობა ახალი წესით.
1918
ტიპი: ღონისძიება
1918 წლის 17 დეკემბერს დაიწყო სოციალ-ფედერალისტთა სარევოლუციო პარტიის მესამე თავისუფალი კონფერენცია. სულ გაიმართა ცხრა სხდომა, რომლებზეც განიხილეს მომენტის, ტექნიკისა და მიწის საკითხები. კონფერენციაზე მოისმინეს განათლების მინისტრ გიორგი ლასხიშვილისა და იუსტიციის მინისტრ შალვა ალექსი-მესხიშვილის მოხსენება. მთავარი კომიტეტის სახელით მომენტსა და ტექნიკაზე მოხსენება გააკეთა სამსონ ფირცხალავამ და ქრისტეფორე რაჭველიშვილმა.
1920
ტიპი: ღონისძიება
1920 წლის 1-ლი მარტის ჟურნალ „ვაზი და ღვინოს“ ცნობით, თბილისის უნივერსიტეტის ლაბორატორიასთან, მეღვინე-მევენახეთა ყრილობათა საბჭო აარსებს საკუთარ ლაბორატორიას, რომელშიც მოხდება ღვინის ანალიზი, ლაბორატორიის გამგედ მიიწვიეს ქიმიკოსი შალამბერიძე. ლაბორატორიაში შესაძლებელი იქნება ღვინის ევროპული წესით დაყენების შესწავლაც.
1919
ტიპი: ღონისძიება
1919 წლის 22 სექტემბრის გაზეთ „ვოლნი გორეცის“ ცნობით, კავკასიელ მთიელთა საკავშირო მეჯლისის დელეგაცია ეწვია პოლკოვნიკ გასკელს (ჰასკელს) და ხანგრძლივი საუბრის შემდეგ მას, როგორც ანტანტის სახელმწიფოთა წარმომადგენელს, გადასცა საპროტესტო წერილი, რომელშიც დაწვრილებით იყო აღწერილი დენიკინის „დობროარმიის“ დანაშაულებრივი ქმედებები კავკასიის ტერიტორიაზე. მთიელთა ოთხპუნქტიან მოთხოვნებს ხელს აწერდნენ კავკასიის მთიელ ხალხთა საკავშირო მეჯლისის თავმჯდომარე აჰმედ ცალიკოვი და მდივანი აბას-აღა ეფენდიევი.
1920
ტიპი: ღონისძიება
1920 წლის 13 ივნისს, 18. 00 სთ-ზე საქართველოს დიპლომატიური წარმომადგენელი, ექიმი ალშიბაია (დროებითი ზავის ძალით 29 მაისს ციხიდან გაათავისუფლეს) დაბრუნდა ბაქოში, ინახულა საგარეო საქმეთა კომისარი ჰუსეინოვი და მან ცნო საქართველოს ოფიციალურ წარმომადგენლად. იმ დღიდან მან ყველა ზომას მიმართა საქართველოს, დიდი ბრიტანეთის, საფრანგეთისა თუ პოლონეთის ქვეშევრდომთა სიცოცხლის და ქონების დასაცავად. გაათავისუფლებინა და სამშობლოში გამოგზავნა 80-მდე სამხედრო ტყვე და განჯის რაიონის ოფიცერი.
1918
ტიპი: ღონისძიება
1918 წლის 4 დეკემბრის გაზეთ „სახალხო საქმეში“ დები, ოლღა და ეკატერინე ერქომაიშვილები აუწყებენ ნათესავებს, რომ 8 დეკემბერს დაკრძალავდნენ სილოვან ერქომაიშვილს. პანაშვიდი ჩატარდებოა ქაშუეთის ეკლესიაში.
1918
ტიპი: ღონისძიება
1918 წლის 1-ლ დეკემბერს საქართველოს პარლამენტში გაიმართა საზეიმო ყრილობა საქართველოს დამოუკიდებლობის 6 თვის აღსანიშნავად. დამსწრე საზოგადოებას სიტყვით მიმართეს ნ. ჟორდანიამ, ნ. ჩხეიძემ და პარლამენტის სხვა წევრებმა. მათ განაცხადეს, რომ ამ დროის განმავლობაში საქართველოს მთვარობამ შექმნა პოლიტიკური თავისუფლება, დემოკრატია, წესიერი მართვა-გამგეობა.
1918
ტიპი: ღონისძიება
1918 წლის 3 დეკემბრის „გაზეთ სახალხო საქმეში“ გამოქვეყნდა სტატია ქართული თეატრისა და ხელოვნების შესახებ, რომ უახლოეს ხანებში შეიქმნება ქართველ მსახიობთა საპროფესიო კავშირი, რომ ქართველი მსახიობები ემზადებიან სპექტაკლებში მონაწილეობისთვის და 6 დეკემბერს დაიდგმება პირველი წარმოდგენა.
1918
ტიპი: ღონისძიება
1918 წლის 4 ნოემბერს მარქსისტ სტუდენტთა ორგანიზაცია მართავს საღამოს გერმანიის რევოლუციის აღსანიშნავად. მოხსენებას წაიკითხავენ აიოლო და სმირნოვი. ასევე მონაწილეობას მიიღებს სახალხო უნივერსიტეტის გუნდი.
1920
ტიპი: ღონისძიება
1920 წლის 11 აგვისტოს დამფუძნებელი კრების სხდომაზე ივანე გომართელის მოხსენებით მიიღეს დეკრეტი ძველი ხუროთმოძღვრების ძეგლების დაცვისთვის 2 მილიონი მანეთის გამოყოფის შესახებ.
1920
ტიპი: ღონისძიება
1920 წლის 22 ოქტომბერს ეკატერინე გაგოშიძემ თბილისის ქალთა მეორე გიმნაზიის დირექტორს გაუგზავნა წერილი, იგი ითხოვდა სწავლის გადასახადისგან გათავისუფლებას.
1920
ტიპი: ღონისძიება
1920 წლის 7 აგვისტოს „ერთობა“ იუწყება, რომ თბილისში დაბრუნდა სასამართლო პალატის პროკურორის მოადგილე ა. კ. ყანჩელი, რომელიც იუსტიციის მინისტრმა ბათუმში სასამართლოს დაწესებულებათა მისაღებად გაგზავნა.
1920
ტიპი: ღონისძიება
1920 წლის 7 სექტემბერს პოლიექტივ გაგოშიძემ თბილისის მეორე ქალთა გიმნაზიის დირექტორს გაუგზავნა წერილი, რომლის მიხედვითაც ითხოვდა მისი ასულის, ეკატერინე გაგოშიძის მისდამი რწმუნებულ გიმნაზიაში მიღებას მეხუთე კლასის მოწაფედ. ასევე გაუგზავნა ეკატერინეს ატესტატი ჭრებალოს უმაღლეს დაწყებითი სასწავლო კურსის დასრულების შესახებ.
1920
ტიპი: ღონისძიება
1920 წლის 7 აგვისტოს „ერთობა“ იუწყება, რომ ფინანსთა მინისტრის მოვალეობის შემსრულებელი სიმონ ავალიანი სამინისტროსადმი დაქვემდებარებული სავაჭრო-სამრეწველო დაწესებულებების დასათვალიერებლად ბათუმში გაემგზავრა.
1920
ტიპი: ღონისძიება
1920 წლის 7 აგვისტოს „ერთობა“ იუწყება, რომ რამდენიმე წლის წინ ი. სულუხიას მიერ ოზურგეთში დაარსებული პირველი ძაფის სახვევი ფაბრიკა გურიაში ორი წელი გაჩერებული იყო. ერთი თვეა იქ სამაზრო ერობას ადგილობრივი აბრეშუმის პარკის ამოხვევა დაუწყვია და 80-მდე კაცი დასაქმებულა.
© პროსოპოგრაფიულ მონაცემთა ბაზა, ლინგვისტურ კვლევათა ინსტიტუტი 2018 -