1922

ტიპი: ღონისძიება

1922 წლის იანვარში გაზეთ „ბარრიკადის“ რედაქციამ მიიღო შემდეგი წიგნები: ტიციან ტაბიძისა და გიორგი ლეონიძის რედაქტორობით გამოცემული „რევოლუციის პოეტები“, ნიკოლოზ შიუკაშვილის „სულელი“, ვასილ ბარნოვის მონოგრაფია „არსენა“ და ანატოლი ლუნაჩარსკის „მეფის დალაქი“.

1922

ტიპი: ღონისძიება

1922 წლის იანვარში „ქიმერიონის“ პატარა დარბაზში ე. წ. „ესთეტიურ საღამოზე“ სიტყვით გამოვიდნენ გრიგოლ რობაქიძე და პაოლო იაშვილი.

1922

ტიპი: ღონისძიება

1922 წლის იანვარში ტიციან ტაბიძემ კლუბ „ქიმერიონის“ პატარა დარბაზში წაიკითხა მოხსენება „ჩვენი სეზონი.“

ტიპი: ღონისძიება

ტიციან ტაბიძისა და გიორგი ლეონიძის რედაქტორობით გამოიცა წიგნი „რევოლუციის პოეტები“.

1922

ტიპი: ღონისძიება

1922 წლის გაზეთ „ბარრიკადის“ ცნობით, ვალერიან სიდამონ-ერისთავმა დახატა და ხელოვანთა სასახლეს გადასცა დავით კლდიაშვილის, ტიციან ტაბიძისა და ნიკო სულხანიშვილის პორტრეტები.

1920

ტიპი: ღონისძიება

1920 წლის 22 ივლისს სახალხო გვარდიის საგანგებო ბატალიონის და საინჟინრო გუნდის კულტ. საგანმანათლებლო კომისია მეორე მუშათა კლუბში (პლეხანოვის გამზ. N129) გამართავს საღამოს ამ ბატალიონის აზერბაიჯანთან ბრძოლის დროს დახოცილ გვარდიელთა ოჯახების დასახმარებლად. მოხსენებას გააკეთებს სახალხო გვარდიის მთ. შტაბის თავმჯდომარე ვალიკო ჯუღელი, იუწყება „ერთობა“.

1920

ტიპი: ღონისძიება

1920 წლის 17 ივლისს სასამართლოს პროკურორმა შინაგან საქმეთა მინისტრს აცნობა, რომ განკარგულება გასცა „საქართველოს კომუნისტისა“ და „კომუნისტის“ გამოცემის შეჩერების შესახებ, მათი რედაქტორების -- ორახელაშვილისა და თუმანოვის დაპატიმრების შესახებ. გამოძიებას აწარმოებს გამომძიებელი დილევსკი. ორახელაშვილი მიიმალა.

1920

ტიპი: ღონისძიება

1920 წლის 18 ივლისს დეპ. აკაკი ჩხენკელი ჩავიდა ქუთაისში, სადაც კლუბ „ინტერნაციონალში“ მოხსენებით გამოვიდა, იქიდან გაემგზავრება ტყიბულში, ხონსა და სამტრედიაში, სადაც გააკეთებს მოხსენებებს.

1920

ტიპი: ღონისძიება

1920 წლის 15 ივლისის „ერთობა“ იუწყება, რომ მომრიგებელმა კამერამ აირჩია სპეციალური კომისია მადისონის თავმჯდომარეობით კამერის წესდების შესამუშავებლად.

1920

ტიპი: ღონისძიება

1920 წლის 14 ივლისს „ერთობაში“ დაიბეჭდა ბორჯომ-პარკის მემანგარე მგალობლიშვილის რედაქციისადმი გაგზავნილი წერილი იმის შესახებ, რომ იგი მემანგარეთა საგანგებო კომიტეტის დადგენილებით, თანამდებობიდან კომისიისადმი მიყენებული შეურაცხყოფის გამო გაათავისუფლეს. მისი აზრით, ეს ბრალდება სიმართლეს არ შეესაბამებოდა. მან რკინიგზის უფროს ა. კანდელაკს მუქარისა და გამოუძიებლად მისი სამსახურიდან გათავისუფლების გამო პასუხი მოსთხოვა, საქმის გამოძიება კი გზათა სამინისტროს სთხოვა.

1920

ტიპი: ღონისძიება

1920 წლის 15 ივლისის „ერთობა“ იუწყება, რომ უნივერსიტეტის რექტორის, ი. ჯავახიშვილის თავმჯდომარეობით დაიწყო უნივერსიტეტის სარეორგანიზაციოდ არჩეული კომიტეტის სხდომები. გადაწყდა სწავლების სისტემის შეცვლა, სასწავლებლად საუკეთესო განათლებული ძალების მოწვევა და სხვ. მსმენელები უმთავრესად მუშები იქნებიან.

1920

ტიპი: ღონისძიება

1920 წლის 12 ივლისს გამართულ ქალაქის საბჭოს სხდომაზე თავმჯდომარემ, ალექსანდრე ლომთათიძემ განაცხადა, რომ ბევრს სურს საქართველო მოქალაქეობა, მაგრამ ქვეშევრდომობის კანონს აქვს დეფექტები, ამიტომ შეუძლებელია მოწმობების გაცემა. საბჭომ ამ საკითხზე სამსჯელოდ აირჩია კომისია ალ. ლომთათიძის, მელიტომ რუსიას, ივანე გომართლის, ალექსანდრე მდივნისა და ის. გუნცაძის შემადგენლობით.

1920

ტიპი: ღონისძიება

1920 წლის 15 ივლისის „ერთობა“ იუწყება, რომ შრომის სამინისტროს საქმეების გამგე ილია გოლდმანი ბათუმში შრომის კომისარიატის მოსაწყობად გაემგზავრა.

1920

ტიპი: ღონისძიება

1920 წლის 14 ივლისის „ერთობაში“ დაიბეჭდა გამო სკლიარის (მ. კაპანაძის ფსევდონიმი) წერილი 2 ივლისს გამართული რკინიგზელთა პროფ. კავშირების კონფერენციის შესახებ. სხდომას თავმჯდომარეობდა ბერეჟიანი, დაესწრო შრომის მინისტრის მოადგილე ალექსანდრე ბახტაძე, მოხსენება წაიკითხა ვ. სიხარულიძემ, სიტყვით გამოვიდა დელეგატი მიქაია.

1920

ტიპი: ღონისძიება

1920 წლის 14 ივლისის „ერთობა“ იუწყება, რომ დუშეთის მოქალაქეთა მიტინგი გვარდიისა და ჯარის მონაწილეობით გაეცნო ბათუმის ოლქის საქართველოსთვის გადმოცემას და კმაყოფილებით აღნიშნა ხელმძღვანელთა პოლიტიკის გამარჯვება. მიტინგის თავმჯდომარე ჭონიშვილი.

1920

ტიპი: ღონისძიება

1920 წელს თბილისის მე-3 ვაჟთა გიმნაზიის მე-8-კლასელთა სიას, რომლებიც ატესტატს იღებდნენ, ხელს აწერენ პედაგოგიური საბჭოს თავმჯდომარე ალექსანდრე საფაროვი და წევრები: მიხეილ ზარგარიანი, მიხეილ გიორგაძე, სერგეი ცივილინი, ალექსანდრე მირზოიანი, ნერსეს ტერ-მიქაელიანი, არშაკ ტერ-ავაკიანი, სულ 18 პირი.

1022

ტიპი: ღონისძიება

1922 წლის იანვარში უნდა გამოსულიყო ვაჟა-ფშაველას თხზულებათა სრული კრებული.

1922

ტიპი: ღონისძიება

სანდრო აბაშელის, გრიგოლ რცხილაძისა და ვალერიან გაფრინდაშვილის ინიციატივით რესპუბლიკის მთავარი ხელოვნების კომიტეტის სალიტერატურო რედაქციამ იმუშავა ვაჟა-ფშაველას თხზულებათა სრული კრებულის გამოცემაზე.

ტიპი: ღონისძიება

ალექსანდრე აბაშელმა აღწერა ბინა და ბიბლიოთეკა, რომლებიც განათლების კომისარიატთან არსებულ აღმოსავლეთ ხელოვნების შემსწავლელ ინსტიტუტს გადაეცა.

ტიპი: ღონისძიება

ალექსანდრე მირზოევმა განათლების კომისარიატთან დაარსებულ აღმოსავლეთ ხელოვნების შემსწავლელ ინსტიტუტს გადასცა ბინა და ბიბლიოთეკა.

ტიპი: ღონისძიება

ნიკოლოზ მიწიშვილმა გამოსცა ქართველი პოეტების წიგნი რუსულად, თარგმანზე მუშაობდნენ: სერგეი რაფალოვიჩი, ოსიპ მანდელშტამი, ვალერიან გაფრინდაშვილი, სერგეი გოროდეცკი და სხვები.

1922

ტიპი: ღონისძიება

1922 წელს საქართველოს სახალხო განათლების კომისარიატი ბეჭდავდა სამსონ ფირცხალავას რედაქტორობით შედგენილ წიგნს ნიკოლოზ ბარათაშვილისა და მისი ეპოქის შესახებ.

1922

ტიპი: ღონისძიება

1922 წლის პირველ თებერვალს დაგეგმილი იყო მწერალთა კავშირის საბჭოს ყოველთვიური გაზეთის „ლაშარის“ გამოცემა, რომლის სარედაქციო კოლეგიაში შედიოდნენ: ტიციან ტაბიძე, პავლე ინგოროყვა და ვახტანგ კოტეტიშვილი.

1920

ტიპი: ღონისძიება

„ერთობა“ იუწყება, რომ 1920 წლის 15 ივლისს მეორე ქართულ კლუბში (პლეხანოვის პრ.) გაიმართება ლადო მაჭავარიანის საღამო. მონაწილეობენ: გრ. რობაქიძე, დუტუ მეგრელი, ვარ. რუხაძე, გალაკტიონ ტაბიძე, ტიციან ტაბიძე, გ. ქუჩიშვილი, ხარ. ვარდოშვილი, ივ. ყიფიანი, გრ. ცეცხლაძე, აკ. ბერეკაშვილი, ლ. მაჭავარიანი, თაგუნა, ნ. გოცირიძე.

1920

ტიპი: ღონისძიება

1920 წლის 4 ივლისის „ერთობის“ ცნობით, იუსტიციის სამინისტრომ ბათუმში გაგზავნა სასამართლო პალატის პროკურორის მოადგილე ა.კ. ყანჩელი ბათუმისა და ოლქის დროებითი სასამართლოების საქმეების ჩასაბარებლად და ციხეების მისაღებად, ფინანსთა სამინისტრომ – საბიუჯეტო-სახაზინო ნაწილის დირექტორი ა. ი. კანდელაკი ფინანსურ დაწესებულებათა მოსაწყობად და პირდაპირი გადასახადების სამმართველოს განყოფილების უფროსი სვანიძე და გუნცაძე – საბაჟო და სააქციზო ნაწილების მოსაწყობად. კანდელაკთან ერთად წავიდნენ ფინანსთა მინისტრის საბჭოს წევრები ვ. მიქაძე და ს. ბაქრაძე.