რეგისტრირებული ფაქტები4534
ფილტრი:
სორტირება ახალი ჩანაწერების მიხედვით
1917
ტიპი: ორგანიზაცია
1917 წლის შემოდგომისათვის თბილისში არსებობდა კავკასიის არმიის შტაბი, კავკასიის სამხედრო ოლქის შტაბი და ეროვნული ჯარები, რომლებიც ექვემდებარებოდნენ არა კავკასიის არმიის მთავარსარდალს, არამედ უშალოდ სამხედრო კომისარს. მე-2 ქართული დივიზიის უფროსი პოლკოვნიკი ვასილ კარგარეთელი იმხანად კავკასიის ოლქის შტაბში ირიცხებოდა და ამიტომ დივიზიას ფაქტობრივად ვერ ადგენდა.
1918
ტიპი: ორგანიზაცია
1918 წელს მე-2 ქართული დივიზიის უფროსი, პოლკოვნიკი ვასილ კარგარეთელი სოციალისტ-რევოლუციური პარტიის წევრი იყო.
1917
ტიპი: ორგანიზაცია
1917 წლის 22 ნოემბრისათვის, როდესაც საქართველოს ეროვნულ საბჭოსთან არსებულმა სამხედრო სექციამ სოსო გედევანიშვილი სამხედრო კორპუსის შტაბის უფროსად დანიშნა, მას უკვე ჰქონდა უმაღლესი სამხედრო განათლება მიღებული, ფლობდა კაპიტნის ჩინს და ფედერალისტების ფარტიაში თვალსაჩინო ადგილი ეკავა.
1917
ტიპი: ორგანიზაცია
1917 წლის სექტემბერში დანიშნული სამხედრო კორპუსის ახალი მეთაური სტეფანე გიორგის ძე ახმეტელი (ახმეტელაშვილი) გენერალ გიორგი ივანეს ძე მაზნიაშვილს პირად საუბრებში არწმუნებდა, რომ ის მენშევიკურ პარტიაში არ ითვლებოდა, მაგრამ მაზნიაშვილი იგონებს, რომ ახმეტელის ოთხი ძმა პარტიის წევრი იყო და მისი აზრით, ახლად დანიშნული სარდალიც მენშევიკებს იყო მიკედლებული.
1924
ტიპი: ორგანიზაცია
1924 წლის 3 სექტემბერს დაკავებული ივანე ბეგლარის ძე ღლონტი იყო მენშევიკი, ცენტრალური კომიტეტის წევრი.
1890
ტიპი: ორგანიზაცია
1890 წელს დაბადებული რაფიელ ივანეს ძე ჩხაიძე იყო მენშევიკების კომიტეტის წევრი. არალეგალურად მუშაობდა ბათუმში. ცნობილი არ არის, რა ევალებოდა პარტიაში და რითი იყო დაკავებული. მონაწილეობდა ბოლშევიკების წინააღმდეგ ბრძოლაში. იგი ოფიცრის ჩინით ეროვნულ გვარდიაში მსახურობდა.
1918
ტიპი: ორგანიზაცია
ეროვნული საბჭოს უკანასკნელ სხდომაზე ეროვნულ-დემოკრატიულმა პარტიამ უნდობლობა გამოუცხადა ნოე რამიშვილის კაბინეტს, რასაც უნდა მოჰყოლოდა ეროვნულ-დემოკრატ გიორგი ჟურულის გადადგომა თანამდებობიდან. მოლოდინის საწინააღმდეგოდ, ფინანსთა მინისტრმა პარტიიდან გამოსვლა და მთავრობაში დარჩენა არჩია. ამგვარად, ეროვნულ-დემოკრატიულ პარტიას თავისი წარმომადგენელი აღარ ჰყავდა მთავრობაში.
1924
ტიპი: ორგანიზაცია
1924 წლის 7 აპრილამდე (დაპატიმრებამდე) ევგენი ძიძიგური სამტრედიის რაიონული კომიტეტის პრეზიდიუმისა და მე-3 ინტერნაციონალის წევრი იყო.
1921
ტიპი: ორგანიზაცია
1921-1922 წლებში გიორგი მიხეილის ძე ჭკადუა თბილისში გაგზავნეს, სადაც მილიციის მე-7 კომისარიატში დაიწყო მუშაობა.
1921
ტიპი: ორგანიზაცია
გიორგი მიხეილის ძე ჭკადუა 1921 წლამდე იყო ნაციონალ-დემოკრატი, შემდეგ – უპარტიო.
1933
ტიპი: ორგანიზაცია
1933 წლის 4 იანვრის გაზეთ „კომუნისტის“ ცნობით, საქართველოს კომუნისტური პარტიის (ბ) სტალინის რაიკომმა გამოიკვლია სოფელ დირბის პარტუჯრედის და საბჭოს მუშაობა და დაადგინა, დაეშალათ აღნიშნული ბიურო, გაერიცხათ პარტიიდან უჯრედის მდივანი ერაძე, კულაკებისადმი შემრიგებლური დამოკიდებულებისთვის. ასევე, სამუშაოდან მოხსნეს სასოფლო საბჭოს თავმჯდომარე ბაქრაძე.
1924
ტიპი: ორგანიზაცია
გამოძიების თანახმად, 1924 წლის 5 იანვარს დაკავებული იოსებ თევდორეს ძე გეგელია აქტიურად მუშაობდა იატაკქვეშა მემარჯვენე-ფედერალისტთა გუნდში და ასევე იცნობდა ამბოხების ორგანიზატორებს. ის ხელმძღვანელობდა მემარჯვენე-ფედერალისტების სამხარეო კომიტეტს.
1905
ტიპი: ორგანიზაცია
1905-1923 წლებში იოსებ თევდორეს ძე გეგელია იყო ფედერალისტი, შემდეგ – უპარტიო.
1924
ტიპი: ორგანიზაცია
გიორგი სოლომონის ძე მხეიძის საქმის მიხედვით, იგი იყო ნაციონალ-დემოკრატიული პარტიის წევრი, თუმცა დოკუმენტში, რომელსაც თავად აწერს ხელს, უწერია, რომ იყო უპარტიო.
ტიპი: ორგანიზაცია
არქიფო დუტუს ძე ჩაჩავას სახელზე გაცემული იყო მოწმობა, რომლის მიხედვითაც შეეძლო უცხოეთში გასვლა. დაკითხვის ოქმის მიხედვით სთხოვენ, რომ თუკი უთანაგრძნობს ბოლშევიკურ პარტიას გამოაქვეყნოს პრესაში განცხადება, სადაც დაწერს, რომ უთანაგრძნობს ახალ ხელისუფლებას და გადმოვიდა მეშევიკური პარტიიდან, არ შეუშლის ხელს აღმშენებლობით სამუშაოებს.
1922
ტიპი: ორგანიზაცია
1922 წლის ოქტომბრიდან მარტამდე ამბროსი გალაქტიონის ძე ჭელიძე მეტალების ქუჩა N3-ში მდებარე მთავარი სამმართველოს სახელოსნოში მსახურობდა. 1922-1923 წლებში იგი თეატრ „ნაძალადევის“ სუფლიორი იყო.
1901
ტიპი: ორგანიზაცია
1901-დან 1905 წლამდე სიმონ ექვთიმეს ძე ღლონტი სოციალ-დემოკრატიული პარტიის წევრი იყო, 1906 წლიდან კი – უპარტიო.
1918
ტიპი: ორგანიზაცია
თევდორე (ილო) იოსების ძე ასათიანი მენშევიკების დროს ქუთაისის გვარდიის შტაბის წევრი იყო.
© პროსოპოგრაფიულ მონაცემთა ბაზა, ლინგვისტურ კვლევათა ინსტიტუტი 2018 -