რეგისტრირებული ფაქტები72439
სორტირება თარიღი კლებადობით
1881
ტიპი: ავტორობა
1881 წლის 20 ნოემბერს ნორიოს სკოლის მასწავლებელი ნ. ჯაჯანიძე ქართველთა შორის წერა-კითხვის გამავრცელებელი საზოგადოების გამგეობას ატყობინებს, რომ 1-ლი ივლისიდან იმ დრომდე ღარიბი შეგირდებისათვის დასარიგებლად მას არ მიუღია წიგნები. გამგეობისგან წიგნები მიიღეს წინა მასწავლებლებმა და გადასცეს მხოლოდ ესენი: 3 ცალი თბილისის საზოგადოების წესდება, თითო-თითო ეგზემპლარი ი. გოგებაშვილის „დარიგება მასწავლებლისათვის“, ნ. ბარათაშვილის ლექსები, დ. ბაქრაძის „მირიან მეფე და წმინდა ნინო“, სოლომონ ლიონიძის „გლოვა ირაკლი მეორისა“, დ. ბაქრაძის „პონტის მეფე მიტრიდატ დიდი“, „ლოცვანი“, ლავრენტი არდაზიანის „სოლომონ ისაკიჩ მეჯღანუაშვილი“, „არითმეტიკული ამოცანები“ და დაჭრილი ანბანი.
1881
ტიპი: ავტორობა
1881 წლის 20 ნოემბერს ბაღდათის სკოლის მასწავლებელმა ნიკიფორე ბოჭორიშვილმა ქართველთა შორის წერა-კითხვის გამავრცელებელი საზოგადოების გამგეობას მისწერა, რომ სკოლისთვის საჭირო იყო „თვალსაჩინო სწავლის“ სახელმძღვანელო რუსულ ენაზე, სრული ქართული ლოცვების წიგნი, წელიწადის დროთა სურათები, ბუნების მოვლენების აღწერა რუსულ ენაზე, ნახევარსფეროების რუკა.
1881
ტიპი: ავტორობა
1881 წლის 19 ნოემბერს მასწავლებელმა ნოე ონისიმეს ძე ორაგველიძემ ქართველთა შორის წერა-კითხვის გამავრცელებელი საზოგადოების გამგეობას მისწერა, რომ სკოლისთვის საჭირო იყო: 15 ეგზემპლარი „დედა ენა“, 10 ეგზემპლარამდე „ბუნების კარი“, 12 ეგზემპლარი „როდნოე სლოვო“ I ნაწილი, 11 ეგზემპლარი II ნაწილი, 13 ეგზემპლარი დიდებულიძის „საღმრთო ისტორია“ (ქართულად), 12 ეგზემპლარი „მოლიტვენიკი“, ანუ ახსნა ლოცვებისა, 8 ეგზემპლარი არითმეტიკის კრებული I ნაწილი, 10 ეგზემპლარი კალანდარიშვილის რუსული ენის სახელმძღვანელო, 15 დაფა, განსაკუთრებით ესაჭიროებოდათ რუსულ-ქართული ლექსიკონი.
1881
ტიპი: ღონისძიება
1881 წლის 19 ნოემბერს ილია ჭავჭავაძემ და სერგეი მესხმა კავკასიის მეფისნაცვლის მთავარ სამმართველოს მიმართეს, რომ გაზეთ „დროების“ რედაქტორის უფლებები ილიას სერგეი მესხისთვის გადაეცა.
1881
ტიპი: ღონისძიება
1881 წლის 16 ნოემბერს კავკასიის მაზრის მზრუნველმა იანოვსკიმ და ქუთაისის გუბერნიის საერო სასწავლებლების დირექტორმა ბ. ორლოვმა ქართველთა შორის წერა-კითხვის გამავრცელებელი საზოგადოების ბათუმის სკოლის დირექტორს პროგრამაში რუსულის არქონის გამო შენიშვნა მისცეს.
1881
ტიპი: ღონისძიება
1881 წლის 16 ნოემბერს ილია ჭავჭავაძე დაესწრო ფრანგულიდან თარგმნილ დრამას „შეშლილია“ და რაფიელ ერისთავის მიერ გადაკეთებულ პიესას „ჯერ დაიხოცნენ, მერე იქორწინეს“.
1881
ტიპი: ღონისძიება
1881 წლის 7 ნოემბერს ალექსანდრე თეიმურაზის ძე ნანეიშვილმა ქართველთა შორის წერა-კითხვის გამავრცელებელ საზოგადოებას მისწერა, რომ აჭარაში ხალხი ვერ გრძნობდა სწავლა-განათლების საჭიროებას და სკოლის დროებით დახურვას ითხოვდა.
1881
ტიპი: ღონისძიება
1881 წლის 3 ნოემბერს ილია ჭავჭავაძემ ქართველთა შორის წერა-კითხვის გამავრცელებელი საზოგადოების გამგეობას გააცნო ლია ოქრომჭედლიშვილის წინადადება ძველი წიგნების გამოცემის შესახებ.
1881
ტიპი: პირადი ინფორმაცია
ილარიონ სამსონის ძე გიორგაძე დაიბადა 1881 წლის ნოემბერს ქუთაისის გუბერნიაში, ოზურგეთის მხარის დვაბზუს თემის სოფელ ჭალაში.
1881
ტიპი: ავტორობა
1881 წლის ნოემბრის ბოლოს კისისხევ-ნასომხარის სასოფლო სკოლის ოსტატმა დავით რცხილაძემ ქართველთა შორის წერა-კითხვის გამავრცელებელი საზოგადოების გამგეობას აცნობა, რომ ღარიბ მოსწავლეთათვის დასარიგებლად გამგეობისგან ამავე წლის აპრილის რიცხვებში მიღებული წიგნები მისცა სკოლის მოსწავლეებს და ასევე წიგნის მცოდნე სხვა პირებსაც გარკვეული ვადით და შემდეგ დაუბრუნებდნენ მას.