რეგისტრირებული ფაქტები72240
სორტირება თარიღი კლებადობით
1881
ტიპი: ღონისძიება
1881 წლის 19 სექტემბერს ილია ჭავჭავაძემ ოლღა გურამიშვილს საგურამოში ხანჯალი გაუგზავნა, რომ კარგი სამსახურისთვის თავიანთი მეცხვარისთვის გადაეცა.
1881
ტიპი: ღონისძიება
1881 წლის 18 სექტემბერს ილია ჭავჭავაძემ ოლღა გურამიშვილს შეატყობინა, რომ 19 სექტემბერს ანა ღოღობერიძე-მუსხელიშვილთან, დავით ჩუბინაშვილსა და მაკო აფხაზთან ერთად საგურამოში ავიდოდა.
1881
ტიპი: ღონისძიება
1881 წლის 17 სექტემბერს ილია ჭავჭავაძე ვერის ბაღში დავით ჩუბინაშვილის, ილია ოქრომჭედლიშვილისა და ალექსანდრე ცაგარლის პატივსაცემად გამართულ ბანკეტს დაესწრო.
1881
ტიპი: გარდაცვალება
1881 წლის 13 სექტემბერს სოფ. ვარძიის ღვთისმშობლის მიძინების ეკლესიის მღვდელი ნიკოლოზ რომანოზის ძე ანთაძე გარდაიცვალა.
1881
ტიპი: ღონისძიება
1881 წლის 3 სექტემბერს ილია ჭავჭავაძის თავმჯდომარეობით გამართულმა ქართველთა შორის წერა-კითხვის გამავრცელებელი საზოგადოების სხდომამ დაადგინა, სტეფანწმინდის მცხოვრებთა ყრილობის გადაწყვეტილება სკოლის გახსნის თაობაზე გუბერნატორისთვის დასამტკიცებლად გაეგზავნათ.
1881
ტიპი: ღონისძიება
1881 წლის 3 სექტემბერს ქართველთა შორის წერა-კითხვის გამავრცელებელი საზოგადოების სხდომაზე იონა მეუნარგიას წინარეხსა და თონეთში ჩასვლა და სკოლების მშენებლობის პროცესის დაწყება დაევალა.
1881
ტიპი: ღონისძიება
1881 წლის 3 სექტემბერს ილია ჭავჭავაძის თავმჯდომარეობით ქართველთა შორის წერა-კითხვის გამავრცელებელი საზოგადოების სხდომა გაიმართა.
1881
ტიპი: თანამდებობა
1881 წლის 3 სექტემბერს ქართველთა შორის წერა-კითხვის გამავრცელებელი საზოგადოების სხდომაზე ალექსანდრე სარაჯიშვილი საზოგადოების საქმისმწარმოებლად აირჩიეს.
1881
ტიპი: ღონისძიება
1881 წლის პირველ სექტემბერს მარტყოფის სასწავლებლის პედაგოგმა, ვლადიმერ ჯავახიშვილმა ქართველთა შორის წერა-კითხვის გამავრცელებელი საზოგადოების გამგეობისგან მიიღო შემდეგი წიგნები: 5 ცალი „დედა ენა“, 2 – დ. ბაქრაძის თხზულება „წმინდა ნინო“, 2 – „გლოვა ირაკლი მეორისა“, 3 – „იგავ-არაკნი“, 2-2 „პატარა ბიბლიოთეკა“ და „ამბები სოფლის ცხოვრებიდამ“ (გადმოკეთებული ჯუღელის მიერ), 3 – „საქართველოს მეფე ვახტანგ მეექვსე“, 2 ცალი გრიგოლ ორბელიანის ლექსები (მეორე გამოცემა) და „ოთხი ლექსი ვახტანგ ვახტანგის ძისა ორბელიანისა“.
1881
ტიპი: ღონისძიება
1881 წლის პირველ სექტემბერს მარტყოფის სასწავლებლის მასწავლებელმა, ვლადიმერ ჯავახიშვილმა ქართველთა შორის წერა-კითხვის გამავრცელებელი საზოგადოების გამგეობისგან მიიღო შემდეგი წიგნები: „დარიგება მასწავლებელთათვის“ 2 ცალი, „სურამის ციხე“– 3, ბარათაშვილის ლექსები – 3, „პონტოს მეფე მითრიდატ დიდი“ – 3, საზოგადოების წესდებულება – 2, „ლოცვანი“ – 3, „არითმეტიკული გამოცანები“ – 2, „სოლომონ ისაკიჩ მეჯღანუაშვილი“ – 2 და თითო ცალი „წერის სასწავლო დედანი“, წმინდა სახარება მხედრულად, ორბელიანის თხზულება „ტრაგედია ოთხ მოქმედებად“, ჭიჭინაძის „თვალსაჩინო სწავლა“.
1881
ტიპი: ღონისძიება
1881 წლის პირველ სექტემბერს მარტყოფის სასწავლებლის მასწავლებელმა, ვლადიმერ ჯავახიშვილმა ქართველთა შორის წერა-კითხვის გამავრცელებელი საზოგადოების გამგეობისგან მიიღო შემდეგი წიგნები: პლატონ იოსელიანის „ქართული ღრამატიკა“, პ. უმიკაშვილის გამოცემული „არსენას ლექსი“, რჩეულოვის „ანუკა ბატონიშვილი“, ილია ჭავჭავაძის „რამდენიმე ეპიზოდი ყაჩაღის ცხოვრებიდამ“, სტეფენსონის „რკინის გზის შემომღები“, „ბანჯგვლიანი ფუტკარი“, ლექსი „სტვირი“, კერესელიძის ლექსები და ილია ჭავჭავაძის „დიმიტრი თავდადებული“.
1881
ტიპი: ღონისძიება
1881 წლის სექტემბერში მასწავლებელმა ერმოლაოზ გუმბერიძემ ქართველთა შორის წერა-კითხვის გამავრცელებელი საზოგადოების გამგეობისგან დიმის სკოლის ღარიბი მოსწავლეებისთვის მიიღო 12 ცალი „დედა ენა“, 4 – კალანდარიშვილის „პირველ დასაწყისი კურსი რუსული ენისა“, ერთი – ჯუღელის საწერი დედანი და 41 სხვა ქართული წიგნი.
1881
ტიპი: ღონისძიება
1881 წლის 1-ელ სექტემბერს ჟურნალ „ივერიაში“ დაიბეჭდა განხილვა ყრმათათვის საკითხავი წიგნის „გაზაფხული“, რომელიც ანთიმოზ ჯუღელმა გამოსცა.
1881
ტიპი: ღონისძიება
1881 წლის 20 აგვისტოს ჰუსეინ-ბეგ ბეჟანოვი, ჰუსეინ-ბეგ აბაშიძე, ლევან გაბუნია და ალექსანდრე ნანეიშვილი ქართველთა შორის წერა-კითხვის გამავრცელებელი საზოგადოების ბათუმის სკოლის კონცეფციის გასაცნობად ნური-ბეგ ხიმშიაშვილის სახლში შეიკრიბნენ.