საქართველოს პროსოპოგრაფია

ფაქტები

რეგისტრირებული ფაქტები18664

ფილტრი:
ფაქტის ტიპი ავტორობა

1914

ტიპი: ავტორობა

1914 წლის 23 ნოემბერს ქართველთა შორის წერა-კითხვის გამავრცელებელი საზოგადოების კრება დაიხურა სამ საათსა და ორმოც წუთზე. მისი გაგრძელება კი დაინიშნა კვირა დღეს, 30 ნოემბერს, დილის 10 საათზე, ახალი კლუბის დარბაზში. კრების ოქმს ხელს აწერენ თავმჯდომარე დავით გიორგის ძე კარიჭაშვილი და მდივანი ვარლამ ამირანის ძე ბურჯანაძე.

1914

ტიპი: ავტორობა

1914 წლის 23 ნოემბრის ქართველთა შორის წერა-კითხვის გამავრცელებელი საზოგადოების კრების ოქმს ხელს აწერენ თავმჯდომარე დავით კარიჭაშვილი და მდივანი ვარლამ ამირანის ძე ბურჯანაძე.

1914

ტიპი: ავტორობა

1914 წელს რაისა ჩიხლაძემ ქართველთა შორის წერა-კითხვის გამავრცელებელი საზოგადოების გამგეობას შვილისთვის სტიპენდია სთხოვა.

1914

ტიპი: ავტორობა

1914 წელს ისიდორე რამიშვილმა ქართველთა შორის წერა-კითხვის გამავრცელებელ საზოგადოებას შვილისთვის სტიპენდია სთხოვა.

1898

ტიპი: ავტორობა

ქართველთა შორის წერა-კითხვის გამავრცელებელი საზოგადოების მეცხრამეტე სხდომაზე გამგეობას თხოვნით მიმართა მოსე თოიძემ, რომ მისგან შეეძინათ ქართველი მწერლების სურათები, რაზედაც გამგეობამ უარი განაცხადა.

1887

ტიპი: ავტორობა

1887 წლის ქართველთა შორის წერა-კითხვის გამავრცელებელი საზოგადოების წლიური ანგარიშის მიხედვით, საანგარიშო წლის განმავლობაში საზოგადოებამ ვერც ერთი წიგნი ვერ დაბეჭდა. გამგეობას განზრახული ჰქონდა „ვეფხისტყაოსნის“ გამოცემა, ამ საქმისთვის ათი თუმანი გადადებული იყო, თუმცა წიგნის ბეჭდვა ძვირი ჯდებოდა და მისი გამოცემა ვერ მოხერხდა. ხელს აწერენ საზოგადოებისა და გამგეობის თავმჯდომარე ილია გრიგოლის ძე ჭავჭავაძე, თავმჯდომარის ამხანაგი ალექსანდრე მირიანის ძე ჭყონია. წევრები: ეკატერინე რევაზის ასული გაბაშვილისა, ანასტასია მიხეილის ასული თუმანიშვილისა, დიმიტრი ზაქარიას ძე ბაქრაძე, იაკობ სიმონის ძე გოგებაშვილი, გიორგი ნიკოლოზის ძე იოსელიანი, სოლომონ ვახტანგის ძე მაჩაბელი, ალექსი ივანეს ძე მირიანაშვილი, დიმიტრი ალექსანდრეს ძე ფავლენიშვილი, ანტონ ნიკოლოზის ძე ფურცელაძე, გიორგი დავითის ძე ქართველიშვილი, ნიკოლოზ ზებედეს ძე ცხვედაძე, იაკობ ალექსანდრეს ძე მანსვეტოვი.

პირები
წყარო

1899

ტიპი: ავტორობა

1899 წელს არისტოტელე (არისტო) ვასილის ძე ქუთათელაძემ შეადგინა სახელმძღვანელო მოსამზადებელი კლასებისთვის „წყარო“.

1898

ტიპი: ავტორობა

1898 წლის 3 აგვისტოს ქართველთა შორის წერა-კითხვის გამავრცელებელი საზოგადოების ოცდამეერთე სხდომაზე განიხილეს კავკავის სკოლის სამზრუნველო კომიტეტის თხოვნა, ლუარსაბ ბოცვაძე არ გადაეყვანათ სხვა სკოლაში მასწავლებლად. ასევე განიხილეს ლ. ბოცვაძის წერილი, რომ თუ ნებას დართავდნენ, ის თანახმა იყო მუშაობა კავკავის სკოლაში გაეგრძელებინა. გამგეობამ კავკავის სკოლის სამზრუნველო კომიტეტის თხოვნა დააკმაყოფილა.

1912

ტიპი: ავტორობა

1912 წლის 28 იანვარს ექვთიმე სიმონის ძე თაყაიშვილმა ქართველთა შორის წერა-კითხვის გამავრცელებელი საზოგადოების გამგეობის თავმჯდომარე გიორგი ნიკოლოზის ძე ყაზბეგს მისწერა, რომ წერეთლისეული „ვეფხისტყაოსანი“ შესანიშნავი ნიმუში იყო და ასეთი ღირსების სურათები არც ერთი „ვეფხისტყაოსნის“ ხელნაწერში არ მოიპოვებოდა. ხელნაწერს ერთი სურათიც რომ დაკლებოდა დიდი დანაკლისი იქნებოდა, ხოლო ათი სურათის დაკარგვის შემთხვევაში ის თავის მნიშვნელობას დაკარგავდა.

1912

ტიპი: ავტორობა

1912 წლის 17 თებერვლის გამგეობის წევრის ალექსანდრე თევდორეს ძე ყიფშიძის მოხსენების მიხედვით, მუზეუმისთვის ადგილის შესაძენად წერა-კითხვის საზოგადოებამ მას 32000 მანეთი, ხოლო საქართველოს საისტორიო და საეთნოგრაფიო საზოგადოების თავმჯდომარემ 5000 მანეთი გადასცა. იქვე უთითებს ანგარიშს თუ რისთვის და რამდენი დახარჯა აღნიშნული თანხიდან.

1912

ტიპი: ავტორობა

1912 წლის 13 მარტს სამუზეუმო სექციის წევრმა დავით გიორგის ძე კარიჭაშვილმა ქართველთა შორის წერა-კითხვის გამავრცელებელი საზოგადოების გამგეობას მოახსენა, რომ საზოგადოების წიგნსაცავის სათავადაზნაურო გიმნაზიის შენობაში გადასატანად საჭირო იყო წიგნების კარადების გადაკეთება, დურგალი კი ამ ყველაფრისთვის ჩვიდმეტ თუმანს თხოულობდა. ასევე დერეფნის კედელი უნდა დაეხშოთ და აგურის კედელი გაეკეთებინათ. აღნიშნული საქმისთვის სულ 238 მანეთი იყო საჭირო.

1912

ტიპი: ავტორობა

1912 წლის 28 იანვარს ექვთიმე სიმონის ძე თაყაიშვილმა ქართველთა შორის წერა-კითხვის გამავრცელებელი საზოგადოების გამგეობის თავმჯდომარე გიორგი ნიკოლოზის ძე ყაზბეგს მისწერა: ოლივერ უორდროპმა ანტიკვარს, რომელიც მას „ვეფხისტყაოსნის“ მინიატურების შეძენას სთავაზობდა, აცნობა, რომ სურათები ამოჭრილი იყო წერეთლის ხელნაწერიდან, რომელიც წერა-კითხვის საზოგადოებას ეკუთვნოდა და სურათებს მხოლოდ იმიტომ იყიდდა, რომ წერა-კითხვის საზოგადოებისთვის დაებრუნებინა. მაგრამ ფასზე ვერ შეთანხმდნენ და უორდროპმა სურათები ოქსფორდიდან ისევ პარიზში გაუგზავნა სურათების პატრონს.

1912

ტიპი: ავტორობა

1912 წლის 30 იანვარს საქართველოს საისტორიო და საეთნოგრაფიო საზოგადოებამ ქართველთა შორის წერა-კითხვის გამავრცელებელი საზოგადოების გამგეობას მისწერა, რომ საქართველოს საისტორიო და საეთნოგრაფიო საზოგადოებამ „ქართული სამართლის წიგნისა“ და „როსტომიანის“ გამოცემა გადაწყვიტა. ხელს აწერენ საზოგადოების თავმჯდომარე ექვთიმე სიმონის ძე თაყაიშვილი და მდივანი სერგი რომანოზის ძე გორგაძე.

1911

ტიპი: ავტორობა

1911 წლის 14 ნოემბერს საქართველოს საისტორიო და საეთნოგრაფიო საზოგადოებამ ქართველთა შორის წერა-კითხვის გამავრცელებელი საზოგადოების გამგეობას მისწერა, რომ 10 ნოემბერს საისტორიო და საეთნოგრაფიო საზოგადოების სხდომაზე საბჭომ გადაწყვიტა წერა-კითხვის საზოგადოებისთვის შემდეგი წინადადებით მიემართა: მათი წიგნსაცავ-მუზეუმი მოეთავსებინათ საისტორიო-საეთნოგრაფიო საზოგადოების წიგნსაცავ-მუზეუმთან ერთად შემდეგი პირობით: 1. წერა-კითხვის საზოგადოების ბიბლიოთეკასა და მუზეუმს ჰქონოდათ საკუთარი კატალოგები (როგორც ჰქონდათ), 2. ორივე საზოგადოების მუზეუმი წერა-კითხვის საზოგადოების საკუთრებაში დარჩენილიყო, 3. ორივე ბიბლიოთეკისა და მუზეუმის გამგედ ორივე საზოგადოების საბჭოსა და გამგეობას მოეწვია ერთი პირი, 4. საჭირო ხარჯები ორივე საზოგადოებას უნდა გაეღო. ხელს აწერენ საქართველოს საისტორიო და საეთნოგრაფიო საზოგადოების თავმჯდომარე ექვთიმე სიმონის ძე თაყაიშვილი და მდივანი სერგი რომანოზის ძე გორგაძე.

1911

ტიპი: ავტორობა

1911 წლის 14 ნოემბერს საქართველოს საისტორიო და საეთნოგრაფიო საზოგადოებამ ქართველთა შორის წერა-კითხვის გამავრცელებელი საზოგადოების გამგეობას მისწერა, რომ სამუზეუმო და საეთნოგრაფიო საზოგადოების მუზეუმი და წიგნსაცავი იმდენად გაიზარდა, რომ საჭირო იყო საკუთარი გამგე ჰყოლოდა. მათი თქმით, ასეთივე გამგე დასჭირდებოდა წერა-კითხვის საზოგადოების წიგნსაცავ-მუზეუმსაც. გამგედ შესაფერისი ადამიანი იყო საჭირო, თან იმდენად თავისუფალი, რომ მუზეუმ-ბიბლიოთეკაში ყოველდღე ყოფილიყო და საქმეებისთვის ეხელმძღვანელა, მაგრამ გამგის დანიშვნა უსახსრობის გამო არც საისტორიო-საეთნოგრაფიო საზოგადოებასა და არც წერა-კითხვის საზოგადოებას არ შეეძლო. ხელს აწერენ საქართველოს საისტორიო და საეთნოგრაფიო საზოგადოების თავმჯდომარე ექვთიმე სიმონის ძე თაყაიშვილი და მდივანი სერგი რომანოზის ძე გორგაძე.

1911

ტიპი: ავტორობა

1911 წლის 14 ნოემბერს საქართველოს საისტორიო და საეთნოგრაფიო საზოგადოებამ ქართველთა შორის წერა-კითხვის გამავრცელებელი საზოგადოების გამგეობას მისწერა, რომ წერა-კითხვის საზოგადოების მუზეუმ-ბიბლიოთეკა და საისტორიო საზოგადოების წიგნსაცავ-მუზეუმი ქართული გიმნაზიის შენობაში იყო მოთავსებული. გიმნაზიის გამგე კომიტეტმა სამუზეუმო და საეთნოგრაფიო საზოგადოებას დიდი, მშრალი და ნათელი ოთახი დაუთმო შენობის ზედა სართულზე. ამ ოთახებში წერა-კითხვის საზოგადოების მუზეუმ-ბიბლიოთეკის მოთავსებაც შესაძლებელი იყო. ხელს აწერენ საქართველოს საისტორიო და საეთნოგრაფიო საზოგადოების თავმჯდომარე ექვთიმე სიმონის ძე თაყაიშვილი და მდივანი სერგი რომანოზის გორგაძე.

1914

ტიპი: ავტორობა

1914 წლის 25 თებერვალს მაღაზიის გამგე ივანე ავალიშვილმა ქართველთა შორის წერა-კითხვის გამავრცელებელი საზოგადოების გამგეობას ილია ჭავჭავაძის თხზულებების 10 წიგნი სთხოვა. გამგეობამ მისი სურვილი დააკმაყოფილა.

1914

ტიპი: ავტორობა

1914 წლის 4 თებერვალს ეფროსინე აღლაძისამ ქართველთა შორის წერა-კითხვის გამავრცელებელ საზოგადოებას თავისი ვაჟისთვის უმაღლესი სასწავლებლის დასრულებამდე ყოველთვიური დახმარების გაგრძელება სთხოვა.

1910

ტიპი: ავტორობა

1910 წლის 19 მაისს ქართველთა შორის წერა-კითხვის გამავრცელებელი საზოგადოების ბორჯომის განყოფილების ხელმძღვანელმა ვლადიმერ სიმონის ძე ყიფიანმა საზოგადოების მთავარ გამგეობას ბორჯომში სამკითხველოს გახსნისა და ქართული წიგნების უფასოდ გადაცემის თხოვნით მიმართა.

1910

ტიპი: ავტორობა

1910 წლის 28 აგვისტოს ქართველთა შორის წერა-კითხვის გამავრცელებელი საზოგადოების ბორჯომის განყოფილების ხელმძღვანელმა ვლადიმერ სიმონის ძე ყიფიანმა საზოგადოების მთავარ გამგეობას წიგნებისა და მოსწავლეთა ნივთების საწყობის გასახსნელად 500 მანეთის კრედიტი სთხოვა.

1909

ტიპი: ავტორობა

1909 წლის 31 მაისს ივანე ბეჟიტაძემ, მარკოზ გავრილოვმა და რაჟდენ გვერდწითელმა ქართველთა შორის წერა-კითხვის გამავრცელებელი საზოგადოების გამგეობას ერთი თვის საწევრო გაუგზავნეს და ბორჯომში საზოგადოების განყოფილების გახსნა სთხოვეს.

1910

ტიპი: ავტორობა

1910 წლის 2 დეკემბერს ქართველთა შორის წერა-კითხვის გამავრცელებელი საზოგადოების ბორჯომის განყოფილების ხელმძღვანელი ნიკოლოზ ნიკოლოზის ძე ჯომარდიძე საზოგადოების მთავარ გამგეობას შემოსავლის 20 პროცენტის (რაც შეადგენდა 80 მანეთს) გადასახადისგან განთავისუფლებას სთხოვს.

1899

ტიპი: ავტორობა

1899 წლის ნოემბერში კიევის მიტროპოლიტმა იოანიკემ ილია ჭავჭავაძეს მისწერა, რომ მადლობას უხდიდა იუბილეს მილოცვისთვის და ლოცვა-კურთხევას უგზავნიდა ქართველთა შორის წერა-კითხვის გამავრცელებელ საზოგადოებას.

1899

ტიპი: ავტორობა

1899 წლის 30 ნოემბერს ნიკოლოზ ცხვედაძემ ქართველთა შორის წერა-კითხვის გამავრცელებელი საზოგადოების გამგეობის სხდომაზე ხელი მოაწერა ანგარიშს საორგანიზაცო საკითხებზე დასახარჯად 18. 50 მანეთის გაცემის შესახებ.

1911

ტიპი: ავტორობა

1911 წლის პირველ ნოემბერს სერგი რომანოზის ძე გორგაძემ ქართველთა შორის წერა-კითხვის გამავრცელებელი საზოგადოების გამგეობას სთხოვა, მისთვის, როგორც გამგეობისა და სამუზეუმო-საბიბლიოთეკო სექციის წევრისთვის, ქართული სამართლის ხელნაწერთა კრებულების შინ წაღების ნება დაერთოთ, რომელთა გამოცემა მას „საქართველოს საისტორიო და საეთნოგრაფიო საზოგადოების“ საბჭომ დაავალა. იქვე უთითებს ხელნაწერთა ნომრებსაც: 107/ა; 107/ბ; 1275; 2565; 2807; 3066; 3356; 3682; 3683; 51; 107/გ; 206/ა, ბ, გ; 543; 1410; 1459/ა, ბ; 2316; 2691; 2771; 4580; 4798 და 4977.