1918

ტიპი: ავტორობა

1918 წლის 6 აპრილს ტარაპიზონში ოტომანთა საიმპერატორო დელეგაციის თავმჯდომარე რაუფ ორბეი სწერს თავმჯდომარეს, რომ ოტომანთა საიმპერატორო ხელისუფლება დაჟინებით იცავს 1918 წლის 21 მარტის დეკლარაციაში ჩამოყალიბებულ საკითხებს და სთხოვს ამიერკავკასიის დელეგაციას, მისცეს მას საბოლოო პასუხი ამასთან დაკავშირებით. დოკუმენტის სისწორეს ადასტურებს რ. მიკილაძე.

1918

ტიპი: ავტორობა

რაჟდენ ქრისტეფორეს ძე აბულაძემ უარი თქვა წოდების მიღებაზე. წოდების მიღება თუ აუცილებელი იყო, მიიღებდა მას იქ, სადაც ეტყოდნენ, მაგრამ სანამ სადმე წოდების მისაღებ კომისიებს მოაწყობდნენ, მანამდე ითხოვდა ხელახლა ეშუამდგომლა რკინიგზის სასწავლო კომიტეტს მთავარგამგესთან იმის გათვალისწინებით, რომ მას ჰქონდა თბილისის სასულიერო სემინარიის ოთხი კლასის მოწმობა, უფლებით გათანასწორებული იყო გიმნაზიებთან და 14 წლიანი გამოცდილება ჰქონდა. ეს ყველაფერი მას უფლებას აძლევდა წოდების ხარისხის მიუღებლად დამტკიცებულიყო უმაღლესი დაწყებითი სკოლების მასწავლებლად.

1918

ტიპი: ავტორობა

1918 წლის 30 მარტს აკაკი ჩხენკელი სწერს წერილს ბათუმის სიმაგრის კომენდანტს, რომელშიც ატყობინებს, რომ სროლა თურქეთის მხრიდან შეწყდება 21 საათსა და 30 წუთზე. ითხოვს დაუყოვნებლივ კატერს სურსათით, აგრეთვე დეტალურ ცნობებს თავდაცვის განსაკუთრებული დადგენილებების პაკეტის შესახებ. დოკუმენტის სისწორეს ადასტურებს მ. თუმანოვი.

1918

ტიპი: ავტორობა

1918 წლის 28 მარტს აკაკი ჩხენკელი სწერს კონფიდენციალურ წერილს თბილისსა და ბათუმში სამხედრო მინისტრსა და მიხაილოვსკის სიმაგრის კომენდანტს, რომელშიც საჭიროდ მიიჩნევს შეწყდეს საომარი მოქმედებები, რადგან გაჩნდა იმედი კონფლიქტის მშვიდობიანი გზით გადაწყვეტისა. დოკუმენტის სისწორეს ადასტურებს მ. თუმანოვი.

1920

ტიპი: ავტორობა

1920 წლის 14 სექტემბრის „ერთობაში“ დაიბეჭდა სამხედრო მინისტრ გრიგოლ ლორთქიფანიძის განცხადება, რომ ის ჯარისკაცები, რომელთაც 26 აგვისტოდან საგანგებო სამხედრო სასამართლოების მიერ სხვადასხვა ვადით კატორღა ჰქონდათ მისჯილი და, რომლებიც ფრონტზე გაიგზავნენ, სასჯელისგან პირობით განთავისუფლდნენ.

1920

ტიპი: ავტორობა

1920 წლის 14 სექტემბრის „ერთობაში“ დაიბეჭდა გ. ქუჩიშვილის უსათაურო ლექსი („კოხტა გოგო წყალზე მიდის“...).

ტიპი: ავტორობა

1920 წელს გამოვიდა ევ. ნიკოლაძის „საქართველოს ისტორია“ (გამომც. „მერანი“. ქუთაისი) – სახელმძღვანელო საშ. სასწავლებლის VI კლასის მოწაფეთათვის.

1918

ტიპი: ავტორობა

1918 წლის 1-ლი დეკემბრის გაზეთ „სახალხო საქმეში“ დაიბეჭდა სტატია „ნარკვევი ჟურნალ-გაზეთებიდან“, რომელშიც გაკრიტიკებულია „ტიფლისკი ლისტოკი“ „პოლიტიკურ“ გაზეთად გადაქცევის გამო. მაგალითისთვის მოყვანილია ალექსანდრე შირსკის სტატია, რომელშიც ის წერს, რომ მოხალისეთა ჯარსა და მთავრობას შორის უპირატესობა მას უნდა მიეცეს, რომელიც რუსეთის დემოკრატიას წარმოადგენს.

1919

ტიპი: ავტორობა

1919 წლის 31 მაისის „ერთობაში“ დაიბეჭდა არ. მექანარიშვილის წერილი „საქართველოს დამოუკიდებლობა და პროლეტარიატი“ (დამოუკიდებლობის წლისთავის გამო).

1918

ტიპი: ავტორობა

1918 წლის პირველი დეკემბრის გაზეთ „სახალხო საქმეში“ გამოქვეყნებულ სტატიაში გ. ბარელი (არჩილ კონსტანტინეს ძე ჯორჯაძე) წერს, როგორ უღალატეს საქართველოს ქართველმა მაჰმადიანებმა და როგორ იბრძოდნენ ოსმალეთის ასკერებთან ერთად ქვეყნის თავისუფლებისა და დამოუკიდებლობის წინააღმდეგ.

1919

ტიპი: ავტორობა

1919 წლის 29 მაისის „ერთობაში“ დაბეჭდილ სომხეთის მთავრობის მისალმებას საქართველოს რესპუბლიკის მთავრობას 26 მაისთან დაკავშირებით, ხელს აწერს მთავრობის თავმჯდომარე ალექსანდრე ხატისოვი.

1919

ტიპი: ავტორობა

1919 წლის 29 მაისის „ერთობაში“ დაიბეჭდა აზერბაიჯანის მთავრობის მისალმება საქართველოს რესპუბლიკის მთავრობისადმი 26 მაისთან დაკავშირებით, რომელსაც ხელს მინისტრთა თავმჯდომარე ნასიბ-ბეკ უსუბეკოვი აწერდა.

1919

ტიპი: ავტორობა

1919 წლის 29 მაისის გაზეთ „ერთობაში“ 26 მაისთან დაკავშირებით დაბეჭდილ აფხაზეთის სახალხო საბჭოს მისალმებას საქართველოს რესპუბლიკის მთავრობისადმი, ხელს საბჭოს თავმჯდომარე – შერვაშიძე აწერდა.

1952

ტიპი: ავტორობა

1952 წლის 15 მაისს შალვა მაღლაკელიძემ გერმანიაში მყოფ გაიოზ მაღლაკელიძეს მისწერა, რომ სიჟაჟევი ჰყავდა სტუმრად. მან შესჩივლა, რომ ყველაფერი აბდურახმან ავტორხანოვმა ჩაიგდო ხელში.

1952

ტიპი: ავტორობა

1952 წლის 15 მაისს შალვა მაღლაკელიძემ გერმანიაში მყოფ გაიოზ მაღლაკელიძეს მისწერა, რომ კონსტანტინე კრომიადსა და მის მეგობრებს შეხვდა. კრომიადს იმედი ჰქონდა, რომ ამერიკელები თანამშრომლობის სურვილით ისევ მიმართავდნენ.

1952

ტიპი: ავტორობა

1952 წლის მაისში გერმანიიდან ირაკლი ბაგრატიონმა შალვა მაღლაკელიძეს მისწერა, რომ მსოფლიოს მონარქისტული მოძრაობისთვის მეფეებისა და დინასტიების კრება იყო დაგეგმილი.

1922

ტიპი: ავტორობა

გაზეთ „ბარრიკადში“ გამოქვეყნდა ცნობა, რომ მზადდებოდა ჟურნალ „ხომალდის“ მეორე ნომერი, რომელშიც შევიდოდა ალექსანდრე აბაშელის, სოლომონ თავაძის, ხარიტონ ვარდოშვილის, ვარლამ რუხაძის, ლეო ქიაჩელის და გიორგი ქუჩიშვილის ლექსები.

1922

ტიპი: ავტორობა

1922 წლის 22 იანვარს „ბარრიკადში“ გამოქვეყნდა ინფორმაცია, რომ ნიკო ლორთქიფანიძემ, ქუთაისის რაბისის თავმჯდომარემ, კრებული გამოსცა.

1922

ტიპი: ავტორობა

1922 წლის 22 იანვრის „ბარრიკადის“ ცნობით ტერენტი გრანელი გამოსაცემად ამზადებდა ლექსების კრებულს „სულიდან საფლავები“.

1922

ტიპი: ავტორობა

1922 წლის 22 იანვრის გაზეთ „ბარრიკადის“ ცნობით, ტიციან ტაბიძემ სტატიაში „ქიმერიონი“ აღწერა ბენია ჩხიკვიშვილის დამსახურება ქართული თეატრისა და ხელოვნების განვითარებაში.

1920

ტიპი: ავტორობა

1920 წლის 9 სექტემბერს საფრანგეთის კომისარმა დე-მარტელმა საქართველოს საგარეო საქმეთა მინისტრს ნოტით აცნობა, რომ საფრანგეთის კომისრის მოვალეობის შესრულებას დროებით საფრანგეთის კონსულ ბ. ნეტტემანს ანდობდა.

1918

ტიპი: ავტორობა

1918 წელს თედო შუშიაშვილის დახმარებით ბოლშევიკურმა პარტიამ სხვადასხვა საომარი სისტემის თოფები და საველე ტელეფონის აპარატები შეიძინა, რომელიც თბილისიდან დუშეთის მაზრაში გადაიტანეს.

1927

ტიპი: ავტორობა

1927 წლის 3 ოქტომბერს დავით შარაშიძემ დედას, ნინო ქიქოძეს, გაუგზავნა წერილი, რომელშიც წერდა, რომ წაიკითხა „რუსთველიანა“ და, მისი აზრით, შოთა რუსთაველის ვინაობა ცნობილი გახდა.

1918

ტიპი: ავტორობა

1918 წლის 28 თებერვალს ბათუმის თავი კონსტანტინე საბახტარაშვილი სწერს აკაკი ჩხენკელს წერილს თბილისისა და ქუთაისის გუბერნიიდან ჯარების ბათუმისაკენ გადაადგილების შესახებ და უსურვებს მას მხნეობას.

1917

ტიპი: ავტორობა

1917 წლის 2 დეკემბერს სოსო გოგოლაშვილი წერილში სთხოვს აკაკი ჩხენკელს, რომ შეატყობინოს ბათუმიდან ევროპაში გამგზავრების თარიღი და გემის სახელწოდება, რათა ღირსეული შეხვედრა მოუწყოს.