რეგისტრირებული ფაქტები82929
სორტირება თარიღი მზარდობით
1920
ტიპი: ღონისძიება
1920 წლის 16 ივლისის „ერთობა“ იუწყება, რომ ფოთში გაემგზავრნენ რუსეთ-საქართველოს სამხედრო გარანტიათა შერეული კომისიის რწმუნებულები. საქართველოს დელეგაციის მხრიდან პ. კოსტანაშვილი გაიგზავნა და რუსეთიდან – ზარიანი. მათ უნდა დაეთვალიერებინათ საკონცენტრაციო ბანაკი და გაერკვიათ, რომელ დაკავებულს სურდა რუსეთში წასვლა. გაირკვა, რომ 500 დაკავებულიდან მხოლოდ 20-მა შეავსო საანკეტო ფურცელი.
1920
ტიპი: ღონისძიება
1920 წლის 16 ივლისის „ერთობა“ იუწყება, რომ მთავრობამ დეპეშა მიიღო ახალქალაქიდან, სადაც მრავალრიცხოვან მიტინგზე მოისმინეს ისიდორე რამიშვილის მოხსენება შინაური და საგარეო პოლიტიკის შესახებ, იწონებენ მთავრობის პოლიტიკას და გამარჯვებას უსურვებენ მას.
1920
ტიპი: ღონისძიება
1920 წლის წლის 16 ივლისს ნოე რამიშვილი ავლაბრის მუშათა კლუბში მოწვეულ ს.ს.-დ მუშათა პარტიის წევრთა კრებას დაესწრებოდა.
1920
ტიპი: ღონისძიება
1920 წლის 16 ივლისის „ერთობაში“ დაიბეჭდა ნ. არდიშვილის წერილი „დაეხმარეთ ინვალიდებს“, რომელშიც ნათქვამი იყო, რომ რუსეთიდან თბილისში ჩამოვიდა ჟენევაში მიმავალი რუსეთის ინვალიდთა საზ-ის წარმომადგენლები. დენიკინის ჯარების მიერ დაკავებულ ტერიტორიაზე ისინი დაატუსაღეს და წაართვეს ინვალიდების მიერ შეგროვებული 900 გირვანქა სტერლინგი. რამდენიმე პირს დაებადა იდეა მათ სასარგებლოდ 19 ივლისს სომხურ კლუბში საღამო-კაბარე გაემართათ, რათა დახმარებოდნენ ევროპაში გასამგზავრებლად.
1920
ტიპი: ღონისძიება
1920 წლის 16 ივლისს „ერთობაში“ გამოქვეყნდა გარე კახეთის საოლქო გვარდიის შტაბის განცხადება გვარდიიდან ბოროტმოქმედებისთვის სპირიდონ ესაიაშვილის, იმირონ სალთხუციშვილის, გიორგი დარისპანიშვილის, გიორგი შუბაშვილისა და გიორგი ცოფურიშვილის გაძევების შესახებ.
1920
ტიპი: ღონისძიება
1920 წლის 16 ივლისის „ერთობა“ იუწყება, რომ ხაშურში ფრონტის დამხმარე საზოგადოებას ბაბილინა ორჯონიკიძემ გადასცა 2 000 მან. სოფელ ტეზერში (კოშკის უბანი) ფრონტის დასახმარებლად გამართული წარმოდგენიდან და მადლობას უხდიდა მასში მონაწილე პირებს: ს. წეველიძისას, მ. ხარატაშვილისას, კ. კ. ორჯონიკიძისას, ბ. კ. ორჯონიკიძეს, ი. ტორტოლაძეს, ი. ორჯონიკიძეს, ნ. მესხიძეს, არ. ხარატიშვილს, არ. წეველიძეს, ყელაშვილს.
1920
ტიპი: ღონისძიება
1920 წლის 16 ივლისს გამართულ დამფუძნებელ კრებაზე, რომელსაც ალექსანდრე ლომთათიძე თავმჯდომარეობდა, ბიუჯეტის შესახებ მოხსენება წაიკითხა გრიგოლ გიორგაძემ, ესერების შეკითხვას კი გრიგოლ ცინცაძემ უპასუხა.
1920
ტიპი: ღონისძიება
1920 წლის 16 ივლისს, დილის 10 სთ-ზე ბათუმში კონსტანტინეპოლიდან ინგლისის ესკადის ადმირალი ხოპი ჩამოვიდა. ინგლისის საზღვაო სარდლობის წარმომადგენელს მიეგება საპატიო ყარაული პოლკ. გეგელაშვილის, განსაკუთრებული კომისრის თანაშემწის გენ. ერისთავის და ინგლისში დანიშნული საქართველოს წარმომადგენლის, დ. ღამბაშიძის მეთაურობით.
1920
ტიპი: ღონისძიება
1920 წლის 17 ივლისს ვლადიმერ ალექსი-მესხიშვილისა და ნუცა ჩხეიძის მონაწილეობით ქართულ კლუბში საქველმოქმედო მიზნით გამართულ სეირნობაზე ქართველი მსახიობებს უნდა წარმოედგინათ ჰარტმანის დრამა „შეშლილია“.
1920
ტიპი: გარდაცვალება
1920 წლის 17 ივნისს სოფელ ახალსაყდარში (ოზურგეთის მაზრა) ახალგაზრდა რევოლუციონერი სიმონ ივანეს ძე გუჯაბიძე დაკრძალეს.
1920
ტიპი: ღონისძიება
1920 წლის 17 ივნისს ხონში სამუსიკო საზოგადოების ადგილობრივმა ფილიალმა გამართა ვოკალურ-ინსტრუმენტული საღამო, რომელსაც ხელმძღვანელობდა მელიტონ კუხიანიძე.
1920
ტიპი: ღონისძიება
1920 წლის 17 ივლისის „ერთობა“ წერდა, რომ საქართველოს ეროვნული გალერეის დირექტორი, მხატვარი დიმიტრი შევარდნაძე ეროვნული გალერეისთვის სურათების შესაძენად ათვალიერებდა უცხოელ და ადგილობრივ ხელოვანთა კერძო სამხატვრო გალერეებს.
1920
ტიპი: ღონისძიება
1920 წლის 17 ივლისის „ერთობა“ იუწყება, რომ საღამოს, სახალხო კინო-თეატრში (მადათოვის ქ., ალექსანდროვის ბაღის პირდაპირ) გაიმართება მეორე საბავშვო საღამო ი. მ. სუნდუკიანცის ხელმძღვანელობით.
1920
ტიპი: ღონისძიება
1920 წლის 17 ივლისის „ერთობა“ იტყობინება, რომ გორის მაზრაში მიწისძვრისგან დაზარალებულთა საბჭოს თავმჯდომარემ, მიხაკო ხოფერიამ მთავრობის საგანგებო კომიტეტს გადასცა სოჭსა და სოფ. ლაზარევკაში შეგროვებული 136. 822 მან.
1920
ტიპი: პირადი ინფორმაცია
1920 წლის 17 ივლისის „ერთობა“ იტყობინება, რომ ცხინვალში ოსების შემოსევის დროს დაიკარგა 14 წლის ნიკა ილიას ძე მაისურაძე.
1920
ტიპი: ღონისძიება
1920 წლის 17 ივლისის „ერთობა“ იუწყება, რომ გერმანიიდან მიღებულია წერილები: ვოლდემარ ტატიშვილის, ალექსანდრე მასხარაშვილის, ისააკ მურუსიძის, ნინა ბერეჟიანის, მიხაკო წერეთელისა და ალექსანდრა გიორგობიანის სახელზე.
1920
ტიპი: ღონისძიება
1920 წლის 17 ივლისის „ერთობა“ იუწყება, რომ გერმანიიდან მიღებული იყო წერილები თბილისელების – ექიმ მორის გოლდშტეინის, გიორგი გველესიანის, გიორგი შაიშმელაშვილის, ბიქტორ თევზაიას, სოლომონ ვადაჭკორიას, გრიგოლ ვებაცელიასა და მარიამ წერეთლის – სახელზე.
1920
ტიპი: ღონისძიება
1920 წლის 17 ივლისის „ერთობა“ იუწყება, რომ გერმანიიდან მიღებულია წერილები შემდეგ ქუთაისელთა სახელზე: სოლომონ ხუნდაძის, ნესტორ კაკაბაძის, ზაქარია მოროზოვისა და ბათუმში – ერნისა და ნინა ვარძელოვას სახელზე.