საქართველოს პროსოპოგრაფია

ფაქტები

რეგისტრირებული ფაქტები88076

1914

ტიპი: ორგანიზაცია

1914 წელს ქართველთა შორის წერა-კითხვის გამავრცელებელი საზოგადოების ზუგდიდის განყოფილების წევრები იყვნენ: გრიგოლ მჟავანაძე, დავით მოლარიშვილი, იასონ ნიკიფორეს ძე მუჯირი და ნინო სიკოს ასული მუჯირისა.

1914

ტიპი: ორგანიზაცია

1914 წელს ქართველთა შორის წერა-კითხვის გამავრცელებელი საზოგადოების ზუგდიდის განყოფილების წევრები იყვნენ: სანდრო მესხია, ბეგლარ ასალოს ძე მგელაძე, ვლადიმერ პახვალას ძე მირცხულავა და ილარიონ ვატას ძე მიქელაძე.

1914

ტიპი: ორგანიზაცია

1914 წელს ქართველთა შორის წერა-კითხვის გამავრცელებელი საზოგადოების ზუგდიდის განყოფილების წევრები იყვნენ: ქეთევან მარგველაშვილი, კონსტანტინე ივანეს ძე მაშია, სარდიონ ნიკოლოზის ძე მაღლაკელიძე და იონა მიხეილის ძე მეუნარგია.

1914

ტიპი: ორგანიზაცია

1914 წელს ქართველთა შორის წერა-კითხვის გამავრცელებელი საზოგადოების ზუგდიდის განყოფილების წევრები იყვნენ: პახვალა როსტომის ძე ლეფონავა, კალისტრატე დავითის ძე ლორთქიფანიძე, პელაგია გრიგოლის ძე ლორთქიფანიძე და აპოლინარია იოსების ძე მაკალათია.

1914

ტიპი: ორგანიზაცია

1914 წელს ქართველთა შორის წერა-კითხვის გამავრცელებელი საზოგადოების ზუგდიდის განყოფილების წევრები იყვნენ: კალისტრატე ასლანგერის ძე კობახიძე, თენგიზ სტეფანეს ძე კორტავა, ვასილ ზურაბის ძე კუტალია და ილარიონ გიორგის ძე კუხალაშვილი.

1914

ტიპი: ორგანიზაცია

1914 წელს ქართველთა შორის წერა-კითხვის გამავრცელებელი საზოგადოების ზუგდიდის განყოფილების წევრები იყვნენ: პარმენ კიბორძანიძე, დოროთე ნიკოლოზის ძე კიტია, თეოდოსია დავითის ასული კობახიძე და იუსტინა პეტრეს ასული კობახიძე.

1920

ტიპი: ღონისძიება

1920 წლის 19 ივნისს ქართველთა შორის წერა-კითხვის გამავრცელებელი საზოგადოების ქუთაისის განყოფილებამ მთავარ გამგეობას აცნობა, რომ საზოგადოების წევრი კარპეზ ბერიძე, რომელიც რწმუნებულად აირჩიეს დაესწრებოდა საზოგადოების წლიურ ყრილობას თბილისში. ხელს აწერენ თავმჯდომარე ვარლამ იმნაძე და მდივანი ვუკოლ ბერიძე.

1918

ტიპი: ავტორობა

1918 წლის 20 მარტის ქართველთა შორის წერა-კითხვის გამავრცელებელი საზოგადოების სხდომაზე განიხილეს საზოგადოების მდივან ვარლამ ბურჯანაძის მოხსენება სკოლების შესახებ. ბურჯანაძის აზრით, პედაგოგებისთვის ანაზღაურება უნდა გაეზარდათ. გამგეობა მის წინადადებას დაეთანხმა.

1919

ტიპი: ავტორობა

1919 წლის 2 დეკემბერს, სამშაბათს, ოლივერ უორდროპმა მეუღლეს მისწერა, რომ სადილობამდე ბევრი საქმე უნდა მოესწრო, რადგან ოპერაში იყო წასასვლელი „აბესალომ და ეთერის“ 25-ე წარმოდგენაზე დასასწრებად. ზაქარია ფალიაშვილისადმი მიძღვნილი საღამო იმართებოდა და სურდა დასწრებოდა.

1919

ტიპი: ავტორობა

1919 წლის 30 ნოემბერს ოლივერ უორდროპმა მეუღლეს მარგარეტ კოლეტს მისწერა, რომ სანამ წერილს მიიღებდა, ალბათ, შობაც დადგებოდა და იმედოვნებდა, ბედნიერად გაატარებდნენ დღესასწაულს და ოლივერზე იფიქრებდნენ.

1919

ტიპი: ავტორობა

1919 წლის 3 დეკემბერს, ოთხშაბათს, 10-ის ნახევარზე, ოლივერ უორდროპმა მეუღლეს მისწერა, რომ საუკეთესო ორკესტრის, მომღერლებისა და რეჟისურის პირობებში, ლონდონშიც უდიდესი წარმატებით დაიდგმებოდა „აბესალომ და ეთერი“ ლონდონის საზოგადოება ამისათვის მზად რომ ყოფილიყო.

1919

ტიპი: ავტორობა

1919 წლის 3 დეკემბერს, ოთხშაბათს, 10-ის ნახევარზე, ოლივერ უორდროპმა მეუღლეს მისწერა „აბესალომ და ეთერის“ ლონდონში დადგმასთან დაკავშირებით, რომ შესაძლებელი იყო კრიტიკოსებს აღმოსავლური მუსიკის უცნაური სილამაზე ვერ დაეფასებინათ.

1919

ტიპი: ავტორობა

1919 წლის 3 დეკემბერს, ოთხშაბათს, 10-ის ნახევარზე ოლივერ უორდროპმა მეუღლეს მარგარეტ კოლეტს მისწერა, რომ ისეთი განცდა ჰქონდა, თითქოს, ლონდონიდან მიიღებდა ტელეგრამას, რომელიც ზრდილობიანად, ოფიციალური ენისთვის დამახასიათებელი სიტყვებით აუწყებდა, რომ ჭკუასუსტი იმბეცილი იყო.

1919

ტიპი: ავტორობა

1919 წლის 3 დეკემბერს, ოთხშაბათს, 10-ის ნახევარზე ოლივერ უორდროპმა მეუღლეს მისწერა, რომ კარგი იქნებოდა საყვარელი საქმეების გასაკეთებლად უფრო მეტი დრო ჰქონოდა, უფრო ხშირად შეხვედროდა სულიერად ახლოს მყოფ ხალხს, მაგრამ სამსახურისთვის უნდა დაექვემდებარებინა ყველაფერი.

1919

ტიპი: ავტორობა

1919 წლის 30 ნოემბერს ოლივერ უორდროპმა მეუღლეს მისწერა, რომ 29 ნოემბერი დაძაბული დღე იყო. პოლიტიკური ვითარების გამო ისევ ღელავდა. მთელი დღეს სახლში იყო და საჭირო ადამიანებთან მართავდა შეხვედრებს.

1919

ტიპი: ავტორობა

1919 წლის 30 ნოემბერს ოლივერ უორდროპმა მეუღლეს მარგარეტ კოლეტს მისწერა, რომ 27 ნოემბერს გაუგზავნა ამანათი, რომელშიც ლალისა და ზურმუხტის ჯვარი იყო ხატითა და ნაქარგებით, ასევე კახეთში მოგზაურობის ამსახველი ფოტოები და კონვერტი.

1919

ტიპი: ავტორობა

1919 წლის 26 ნოემბერს, ოთხშაბათს, ოლივერ უორდროპმა მეუღლეს მისწერა, რომ ძალიან მარტივი იყო საბედისწერო შეცდომის დაშვება.

1919

ტიპი: პირადი ინფორმაცია

1919 წლის 26 ნოემბერს ოლივერ უორდროპმა მეუღლეს მისწერა, რომ მისი ჯანმრთელობის მდგომარეობა დამაკმაყოფილებელი იყო, თავის ტკივილები უფრო ნაკლებად აწუხებდა, კარგად ეძინა.

1919

ტიპი: ავტორობა

1919 წლის 26 ნოემბერს, ოთხშაბათს, ოლივერ უორდროპმა მეუღლეს მისწერა, რომ ათონის მთაზე მოღვაწე ქართველ ბერს შეხვდა. მან უთხრა, რომ ხელნაწერები საიმედოდ იყო დაცული, საკუთარი თვალით უნახავს რამდენიმე თვის წინ.

1919

ტიპი: პირადი ურთიერთობა

1919 წლის 22 ნოემბერს ოლივერ უორდროპმა მეუღლეს მარგარეტ კოლეტს მისწერა, რომ თავის ტკივილები უფრო და უფრო იშვიათად აწუხებდა. ძალიან არ სციოდა, თუმცა სუსხი იგრძნობოდა. ეუცნაურებოდა ის გარემოება, რომ ყველაფერი მშვენივრად იყო და მას არაფერი სტკიოდა. მეუღლის კეთილი სურვილები ძალიან სჭირდებოდა, თორემ ჩათვლიდა, რომ ისე კარგად არ უნდა ეგრძნო თავი, როგორც გრძნობდა.

1919

ტიპი: ავტორობა

1919 წლის 22 ნოემბერს ოლივერ უორდროპმა მეუღლეს მარგარეტ კოლეტს მისწერა, რომ წერილთან ერთად მიიღებდა ახალგაზრდა ქართველის მიერ თარგმნილ საგაზეთო ანგარიშს კახეთში ვიზიტის შესახებ. იმედოვნებდა, კახეთში მოგზაურობის რამდენიმე ფოტოს გაგზავნასაც მოახერხებდა.

1919

ტიპი: პირადი ურთიერთობა

1919 წლის 22 ნოემბერს ოლივერ უორდროპმა მეუღლეს მისწერა, რომ მხატვრის გიორგი გაბაშვილის სახელოსნოში სტუმრობისას არც ერთი ის ნამუშევარი არ დახვდა, რომელიც განსაკუთრებით მოსწონდა, ყველა გაყიდული იყო, თუმცა ბევრი სხვა რამეც მოეწონა იქ.

1919

ტიპი: პირადი ურთიერთობა

1919 წლის 21 ნოემბერს ოლივერ უორდროპი მეუღლის – მარგარეტ კოლეტისადმი მიწერილ წერილში იმედოვნებდა, რომ მეუღლე და მისი დედა, რომელსაც გულითად მოკითხვას უთვლიდა, ინგლისური სახლის სიცივით არ იტანჯებოდნენ.

1919

ტიპი: ღონისძიება

1919 წლის 22 ნოემბერს ოლივერ უორდროპმა მეუღლეს მისწერა, რომ ისტორიული მოვლენის მომსწრე გახდა. სომხეთისა და აზერბაიჯანის პრემიერ-მინისტრებმა ნასიბ-ბეკ უსუბეკოვმა და ალექსანდრე ხატისიანმა ხელი მოაწერეს სამშვიდობო შეთანხმებას, რომელსაც შეიძლება გავლენა მოეხდინა რეგიონისა და ზოგადად, აზიის მომავალ ისტორიაზე.