საქართველოს პროსოპოგრაფია

ფაქტები

რეგისტრირებული ფაქტები88076

1897

ტიპი: ღონისძიება

1897 წლის 14 აგვისტოს „ცნობის ფურცელში“ ივანე სანაია დაბა ოჩამჩირეს გასაჭირზე წერდა. მისი თქმით, აფხაზური რჩეული სიმინდის მოსავლითა და ხის მასალით რუსი ვაჭრები სარგებლობდნენ.

1897

ტიპი: ღონისძიება

1897 წლის 14 აგვისტოს „ცნობის ფურცლის“ ცნობით, აბაზაძე სოფელ მეტეხის მოსახლეობას გაეცნო, როგორც ოქრომჭედელი და ექიმი, სინამდვილეში კი ხალხს ძარცვავდა.

1897

ტიპი: ღონისძიება

1897 წლის 14 აგვისტოს „ცნობის ფურცლის“ ცნობით, სოფელ მეტეხის მოსახლეობამ აბაზაძე თაღლითობაში დაადანაშაულა.

1897

ტიპი: პირადი ინფორმაცია

1897 წლის 14 აგვისტოს „ცნობის ფურცელში“ მოქალაქე აბაზაძე მოხსენიებულია აბაზიანცად.

1897

ტიპი: ღონისძიება

1897 წლის 14 აგვისტოს „ცნობის ფურცლის“ ცნობით, ივანე გომელაური ფერისცვალების დღესასწაულზე სოფელ მაღაროში იყო.

1897

ტიპი: ღონისძიება

1897 წლის 14 აგვისტოს „ცნობის ფურცელში“ დავით კასრაძე წერდა, რომ სოფელ ავნევში მოსახლეობას მდინარე ფრონეს ადიდება ემუქრებოდა.

1897

ტიპი: ღონისძიება

1897 წლის 14 აგვისტოს ოლღა ჭრელაშვილისამ ფერისცვალების დღესასწაულზე სოფელ მაღაროს მაცხოვრებლებს პატარა წიგნაკები უფასოდ დაურიგა.

1897

ტიპი: ავტორობა

1897 წლის 15 აგვისტოს გაზეთ „კავკაზში“ გამოქვეყნდა ივანე ზურაბიშვილის მიერ რუსულად თარგმნილი ილია ჭავჭავაძის მოთხრობის „გლახის ნაამბობი“ ნაწყვეტი.

1897

ტიპი: ავტორობა

1897 წლის 16 აგვისტოს დავით კარიჭაშვილმა მისწერა წერილი ივანე გომელაურს სათავადაზნაურო სკოლებში მასწავლებლად დანიშვნის შესახებ თხოვნის პასუხად. ის აცნობებს, რომ თბილისის სათავადაზნაურო სკოლა არ ექვემდებარება ქართველთა შორის წერა-კითხვის გამავრცელებელ საზოგადოებას და გამგეობას უფლება არ აქვს, მასწავლებლად განაწესოს. მასწავლებლის ადგილისთვის უნდა მიმართოს სკოლის ინსპექტორს. ქუთაისის სათავადაზნაურო სკოლა, მართალია, ექვემდებარება გამგეობას, მაგრამ მასწავლებლობის თხოვნის გაგზავნა მაინც საჭიროა სკოლის ინსპექტორისთვის.

1897

ტიპი: პირადი ინფორმაცია

1897 წლის 19 აგვისტოს თბილისელმა ვაჭარმა, სიმონ მატინიანცმა გამოაცხადა, რომ არშაკ ხეჩატუროვმა ძალა იხმარა ცამეტის წლის სერგო ნადირაძეზე, რომელიც შორაპნის მაზრაში ცხოვრობდა.

1897

ტიპი: ავტორობა

1897 წლის 20 აგვისტოს სენაკის სკოლის ინსპექტორმა, სამსონ ყიფიანმა ქართველთა შორის წერა-კითხვის გამავრცელებელი საზოგადოების გამგეობას მისწერა, რომ ყურადღება არ გაემახვილებინათ თავის თანამშრომელთა საჩივარზე, რომლებიც მას შეთქმულებას უწყობდნენ.

1897

ტიპი: ღონისძიება

1897 წლის 22 აგვისტოს გაიმართა ქართველთა შორის წერა-კითხვის გამავრცელებელი საზოგადოების ოცდამეორე სხდომა. სხდომაზე ცნობილი გახდა, რომ თომა მთავრიშვილმა უარი განაცხადა სენაკის სკოლის ინსპექტორობაზე, რის შემდეგაც გამგეობამ სენაკის სკოლაში მოახდინა ცვლილებები: 1) მასწავლებელი ისიდორე რამიშვილი გადაიყვანა ბათუმის სკოლაში უფროს მასწავლებლად, ხოლო მიხეილ შარაშიძე სენაკის სკოლაში, 2) ბათუმის სკოლაში დანიშნეს ტერენტი წერეთელი და 3) სენაკის სკოლის ინსპექტორ სამსონ ყიფიანს დაავალეს საზოგადოებისთვის წარმოედგინა სკოლის ანგარიში.

1897

ტიპი: ღონისძიება

1897 წლის 23 აგვისტოს „ცნობის ფურცლის“ განცხადების მიხედვით, ქართული თეატრის ამხანაგობის გამგეობა დამდეგი სეზონისთვის სცენისმოყვარეებს ძალების გამოსაცდელად იწვევდა. მსურველებს პავლე როსტომის ძე ყიფიანისთვის უნდა მიემართათ.

1897

ტიპი: ღონისძიება

1897 წლის 24 აგვისტოს ურიათუბანში ახლად აშენებული ტაძარი აკურთხეს, რომელიც განსვენებული დიმიტრი სულხანის ძე ჭავჭავაძის მიერ დატოვებული ანდერძის მიხედვით მისმა ძმამ, ივანე სულხანის ძე ჭავჭავაძემ ააშენა.

1897

ტიპი: ავტორობა

1897 წლის 26 აგვისტოს გამართულ ქართველთა შორის წერა-კითხვის გამავრცელებელი საზოგადოების ოცდამესამე სხდომაზე ლუარსაბ ნიკოლოზის ძე ანდრონიკაშვილმა გამგეობას სთხოვა, შინ წასაღებად ეთხოვებინათ შემდეგი ხელნაწერები: რიტორიკა, ლოგიკა, იოანე ფილოსოფოსის ნაწერები, არისტოტელეს კატეგორიები, ფიზიკა და პლატონის წიგნი. გამგეობამ დაადგინა, ანდრონიკაშვილისთვის ეთხოვებინათ მხოლოდ რიტორიკის, ლოგიკისა და კატეგორიების ხელნაწერები.

1897

ტიპი: ღონისძიება

1897 წლის 26 აგვისტოს გრიგოლ გოლიცინმა რკინიგზის გამგის, ვურცელის თანდასწრებით ყარსის რკინიგზა დაათვალიერა. მას ძალიან მოეწონა ნამუშევარი და ვურცელს მადლობა გადაუხადა.

1897

ტიპი: ღონისძიება

1897 წლის 27 აგვისტოს დავით კარიჭაშვილი სწერს თონეთის სკოლის საღვთო სჯულის მასწავლებელ მამა პართენ ცაგარელს, რომ ქართველთა შორის წერა-კითხვის გამავრცელებელი საზოგადოების გამგეობა მისი შრომის ჯილდოდ, თონეთის სკოლაში საღვთო სჯულის სწავლებისთვის უგზავნის 3 თუმანს, ასევე სთხოვს, ფულის მიღება აუწყოს გამგეობას.

1897

ტიპი: ღონისძიება

1897 წლის 27 აგვისტოს ქართველთა შორის წერა-კითხვის გამავრცელებელი საზოგადოების გამგეობამ მისწერა ალექსანდრე გარსევანიშვილს, რომ 18 ივნისის დადგენილებით, ის დაინიშნა ქუთაისის სათავადაზნაურო სკოლის გამგედ სიმონ ღოღობერიძის ადგილას. გამგეობა მას სთხოვდა, 1-ლ სექტემბრამდე ჩაებარებინა სკოლა ყოფილი გამგისა და სამზრუნველო კომიტეტისგან.

1897

ტიპი: ღონისძიება

1897 წლის 27 აგვისტოს ქართულ თეატრში ქართველ სტუდენტთა დასახმარებლად დაიგეგმა წარმოდგენა „ციმბირელი“, რომლის რეჟისორიც ვასო აბაშიძე იყო.

1897

ტიპი: ღონისძიება

1897 წლის 27 აგვისტოს ზემო ნიქოზში 16 წლის სოსო მჭედლიძემ ჩხუბის დროს 14 წლის მიხა ბიძინაშვილი მოკლა.

1897

ტიპი: თანამდებობა

1897 წლის 28 აგვისტოს ან. დავითიშვილმა სოფელი მეღვრეკისის სამრევლო სკოლის მასწავლებლად დაიწყო მუშაობა.

1897

ტიპი: მფლობელობა

1897 წლის პირველი სექტემბრიდან ქუთაისში ფუნქციონირებდა სასწავლებელი და საყმაწვილო ბაღი, რომელიც იოსებ ოცხელს ეკუთვნოდა.

1897

ტიპი: ღონისძიება

1897 წლის სექტემბერში ილიკო კიკნაძის ინიციატივით ხარაგაულში ერთკლასიანი სამრევლო სკოლა გაიხსნა.

1897

ტიპი: მფლობელობა

1897 წლის სექტემბერში ილიკო კიკნაძემ ხარაგაულის ერთკლასიან სამრევლო სკოლას გაკვეთილების ჩასატარებლად საკუთარი სახლი და სადგომი დაუთმო.

1897

ტიპი: ავტორობა

1897 წლის შემოდგომაზე ილია ჭავჭავაძემ წაიკითხა დამწყები დრამატურგ ნატალია დონდაროვას პიესა „ინჯილერი ან დოხტური“ და ურჩია დიალოგების შემოკლება, კვანძის გახსნის დამატება და ისე მიტანა „ივერიაში“ დასაბეჭდად.