რეგისტრირებული ფაქტები88063
სორტირება ძველი ჩანაწერების მიხედვით
1877
ტიპი: ავტორობა
1877 წლის 24 მარტს გაზეთ „ივერიაში“ ილია ჭავჭავაძის რედაქტორობით დაიბეჭდა ერთ-ერთი რუსული გაზეთის სტატია, რომ ოსმალებმა სლავებზე გამარჯვების შემდეგ ქრისტიანების შეურაცხყოფა და დევნა დაიწყეს. სლავებმა ოსმალეთთან მუდმივ დაპირისპირებაში ბევრი ვაი-ვაგლახი გამოიარეს, ბევრი სისხლი და ცრემლი დაღვარეს, მაგრამ მათი მდგომარეობა ამით არ შეცვლილა.
1877
ტიპი: ღონისძიება
1877 წლის 24 მარტს გაზეთ „ივერიაში“ ილია ჭავჭავაძის რედაქტორობით დაიბეჭდა სტატია, რომ რუსეთმა თავის ელჩს ოსმალეთში, გენერალ იგნატიევს დაავალა ევროპული სახელმწიფოებისთვის გაეცნო მათი წინადადება, რომელიც მდგომარეობდა შემდეგში: ევროპას ოსმალეთისთვის ხელმეორედ უნდა წარედგინა სტამბოლის კონფერენციის განაჩენი სლავების მოძრაობის წინააღმდეგ მათი დაპირისპირების აღმოფხვრის შესახებ, რომლის შეუსრულებლობის შემთხვევაში თუ რომელიმე სახელმწიფო დაიწყებდა ოსმალეთთან ომს, ევროპული სახელმწიფოებიდან არცერთი მათგანი არ შეუშლიდა მას ხელს.
1877
ტიპი: ავტორობა
1877 წლის 24 მარტს გაზეთ „ივერიაში“ ილია ჭავჭავაძის რედაქტორობით დაიბეჭდა სტატია, რომ სტამბოლის კონფერენციის დაშლის შემდეგ რუსეთმა კითხვით მიმართა ევროპის სახელმწიფოებს, მათ შორის ინგლისსაც, თუ როგორ მოიქცეოდნენ და რა ღონისძიებებს გაატარებდნენ ოსმალეთის სახელმწიფოს მიმართებით. თუმცა ინგლისის მთავრობას ამ კითხვაზე პასუხი არ გაუცია.
1877
ტიპი: ავტორობა
1877 წლის 24 მარტის გაზეთი „ივერია“ ილია ჭავჭავაძის რედაქტორობით იუწყება, რომ თბილისის საოსტატო ინსტიტუტთან ერთად არსებობდა საქალაქო სასწავლებელი, რომელშიც ქართული ენის სწავლა დაუვალებიათ ინსტიტუტის მოსწავლეთათვის, რომელთაც ქართული ენა არ უსწავლიათ, ამიტომ თავად ინსტიტუტის მოსწავლეები გაკვირვებულები იყვნენ თუ როგორ შეძლებდნენ ქართული ენის ბავშვებისთვის სწავლებას, როცა თავად არ იცოდნენ ის. ხელმძღვანელობის პასუხი იყო, რომ ქართველებს, საქართველოში დაბადებულ და გაზრდილ ბავშვებს როგორ არ შეეძლოთ ესწავლებინათ ქართული ენა.
1920
ტიპი: ღონისძიება
1920 წლის 21 დეკემბერს ქართველთა შორის წერა-კითხვის გამავრცელებელი საზოგადოების წევრთა და რწმუნებულთა საერთო კრებაზე უშანგი ელიავამ განაცხადა, რომ სავსებით დამაკმაყოფილებელი იყო საზოგადოების დადგენილება და სრულიად ზედმეტი იქნებოდა საზოგადო კრების ჩატარება.
1877
ტიპი: ავტორობა
1877 წლის 24 მარტის გაზეთი „ივერია“ ილია ჭავჭავაძის რედაქტორობით იუწყება, რომ ქალაქის მთავრობამ ჩამოაყალიბა კომისია, რომელსაც ქალაქის გაჯანსაღებაზე უნდა ეზრუნა, იქნებოდა ეს სასმელი წყლის სუფთა სახით მიწოდება მოსახლეობისთვის თუ სხვა რამ, რადგან ადამიანები ადრეულ ასაკში უცაბედად იხოცებოდნენ და ამის ერთ-ერთი მიზეზი მდინარე მტკვარი იყო, რომელიც სასმელ წყლად გამოიყენებოდა და დაბინძურებული იყო სხვადასხვა სახის ნარჩენებით.
1877
ტიპი: ავტორობა
1877 წლის 24 მარტის გაზეთ „ივერიის“ ცნობით ექიმმა სოკოლოვმა კავკასიის საექიმო საზოგადოებას განუცხადა, რომ 1875 წელს 100 გარდაცვლილ ადამიანში 40 ადამიანი გარემოდან მიღებული ინტოქსიკაციით გარდაიცვალა, ამის ერთ-ერთი მიზეზი ქალაქში არსებული ბუნებრივი პირობები იყო და მათ შორის უპირველესი მდინარე მტკვარი გახდა, რომლის უსუფთაობისა და ჯანმრთელობისთვის საშიში ნივთიერებების არსებობის გამოც არაერთი ადამიანი დაავადდა და გარდაიცვალა.
1877
ტიპი: ღონისძიება
1877 წლის 17 მარტის გაზეთ „ივერიაში“ დაიბეჭდა განცხადება, რომ იყიდებოდა ნიკოლოზ ბარათაშვილის ლექსები, ქართული ანდაზები, შექსპირის „მეფე ლირი“ და ზურაბ ნაზარის ძე ანტონოვის თზულებანი შემდეგ მისამართებზე: თბილისში, გრიქუროვისა და ვართანოვის წიგნის მაღაზიებში და „ივერიის“ რედაქციაში; ქუთაისში, ანტონ ლორთქიფანიძის ბიბლიოთეკაში; გორში, ფარნაოზ ნათიევისას და ახალციხეში ალექსეევ-მესხიევისას.
1920
ტიპი: ღონისძიება
1920 წლის 21 დეკემბერს ქართველთა შორის წერა-კითხვის გამავრცელებელი საზოგადოების წევრთა და რწმუნებულთა საერთო კრებაზე კირილე ნინიძემ განაცხადა, რომ როდესაც თ. კიკვაძის არაკოლეგიალურ საქციელზე იყო მსჯელობა გამგეობაში ის სრულიად შეუფერხებლად დაეთანხმა გამგეობის რეზოლუციას, რომ კიკვაძის საქციელი არაკოლეგიალურად ჩაეთვალათ.
1877
ტიპი: ავტორობა
1877 წლის 17 მარტს გაზეთ „ივერიაში“ ილია ჭავჭავაძის რედაქტორობით დაიბეჭდა სტატია გლეხისა და ბატონის ურთიერთდამოკიდებულებისა და ვალდებულების შესახებ. ასევე ვიგებთ, თუ რა ხერხით ცდილობდა გლეხი საბოლოო შესყიდვით მიეღო სახლი ბატონისგან, თუ როგორ ინაწილებდნენ ისინი მოსავალს და რა დახმარებას უწევდა სახელმწიფო და ბანკი გლეხს ადგილ-მამულის შეძენაში. საბოლოოდ საქართველოში ბატონ-ყმობის გაუქმებას მოჰყვა სასოფლო მმართველობის ახალი წესდებულება.
1877
ტიპი: ღონისძიება
1877 წლის 17 მარტის გაზეთი „ივერია“ იუწყება, რომ გაზეთ „კავკასიის“ 46-ე ნომერში დაიბეჭდა კავკასიაში ქრისტიანობის აღმდგენელი საზოგადოების სასწავლებლის ინსპექტორ ლიხაჩოვის განცხადება, რომ მას ქართული ენის სწავლებისთვის არავითარი დაბრკოლება არ შეუქმნია, პირიქით, იანვარში სასწავლებლებისთვის ქართული სახარება და „დედა ენა“ გაუგზავნია, თუმცა საპირისპიროს აცხადებს სახალხო სასწავლებელთან დაახლოებული პირი, რომ სასწავლებელში სტუმრობის დროს ლიხაჩოვმა მასწავლებლებს განუცხადა: „დაანებეთ თავი თქვენს ენას, ჯანდაბას, დაიკარგოსო“, რაც შეეხება „დედა ენისა“ და სახარების გაგზავნას, მართალი იყო, თუმცა სასწავლებელში სადაც ორასამდე ქართველი ბავშვი სწავლობდა ათიოდე ეგზემპლარის გაგზავნა რა შედეგს გამოღებდა.
1877
ტიპი: ავტორობა
1877 წლის 17 მარტს გაზეთ „ივერიაში“ ილია ჭავჭავაძის რედაქტორობით დაიბეჭდა, რომ მთავრობამ თბილისის მაზრის ორად გაყოფა გადაწყვიტა. ყაზახ-ბორჩალოსგან ერთი დამოუკიდებელი მაზრა შეიქმნებოდა, რომელსაც ცალკე მაზრის უფროსი და გამგე ეყოლებოდა. რადგან თბილისის მაზრა ძალიან დიდი იყო და ერთი ადამიანი ვერ ახერხებდა ყველა მაზრაზე ეზრუნა, ეს გადაწყვეტილება ძალზედ დროული იყო.
1877
ტიპი: ავტორობა
1877 წლის 17 მარტის გაზეთ „ივერიაში“ ილია ჭავჭავაძის რედაქტორობით დაიბეჭდა სტატია, რომლის თანახმად მთავრობამ თბილისში ახალი თეატრის აშენება გადაწყვიტა, რის გამოც არსებული საზაფხულო თეატრი უმოქმედოდ დარჩებოდა, რაც მოსახლეობის ნაწილის გულისტკივილს გამოიწვევდა. ასევე წარმოდგენილია რედაქციის აზრი, რომ საზოგადოებას მწიგნობრობა ცხოვრებას ყურით „აყურებინებს“, თეატრი კი თვალით, ამიტომ სასურველი იქნებოდა ვინმეს ეშუამდგომლა მთავრობასთან და „საზაფხულო თეატრი“ ქართულ-სომხური წარმოდგენებისთვის დაეთმოთ.
1877
ტიპი: ავტორობა
1877 წლის 17 მარტს გაზეთ „ივერიაში“ გამოქვეყნდა გაზეთ „დროებაში“ დაბეჭდილი სტატია, რომლის ავტორი „კახის სასწავლებლის“ ხელმძღვანელი როსტომაშვილი იყო. მისი თქმით, ეს სასწავლებელი 8 წელია ფუნქციონირებდა, ამ ხნის განმავლობაში მათ წელიწადში 80-მდე ბავშვი უნდა აღეზარდათ, თუმცა სულ თხუთმეტიოდე ბავშვის აღზრდა მოახერხეს, ისიც არასაფუძვლიანად. მიუხედავად იმისა, რომ დაწესებულება ყოველმხრივ გამართული იყო ბავშვები ვერ ახერხებდნენ მიეღოთ საჭირო ცოდნა და ამის ერთ-ერთი მთავარი მიზეზი ქართული ენის სწავლების გაუქმება გახლდათ.
1877
ტიპი: ავტორობა
1877 წლის 3 მარტის გაზეთ „ივერიაში“ ილია ჭავჭავაძის რედაქტორობით დაიბეჭდა წინასიტყვაობა თუ რა მნიშვნელობა ჰქონდა ჟურნალ-გაზეთების გამოცემას საზოგადოების აზრის, რწმენის, გრძნობისა და გემოვნების განვითარებაში, რომ გაზეთების სხვადასხვა შინაარსი დამოკიდებული იყო ქვეყანაში არსებულ სხვადასხვა გარემოებაზე. კერძოდ, გაზეთ „ივერიის“ მთავარი მიზანი სამეცნიერო ცნობების, საქართველოს მოქალაქეებისა და უცხო ქვეყნის მოქალაქეთა ცხოვრებაზე დაკვირვება და მათი გაზეთის მეშვეობით გავრცელება იყო.
1877
ტიპი: ღონისძიება
1877 წლის 3 მარტის გაზეთი „ივერია“ ილია ჭავჭავაძის რედაქტორობით იუწყება, რომ 1-ელ მარტს ფინანსთა სამინისტრომ, თბილისის საადგილმამულო ბანკის ზედამხედველობის კომიტეტს ბანკის წესდებულების ცვლილებაზე თანხმობა განუცხადა.
1877
ტიპი: ღონისძიება
1877 წლის 3 მარტის გაზეთ „ივერიაში“ ილია ჭავჭავაძის რედაქტორობით გამოქვეყნდა განცხადება, რომ მარტიდან გამოდის თბილისში ქართული საპოლიტიკო და სალიტერატურო გაზეთი „ივერია“. დამტკიცებული პროგრამა რედაქციას ნებას აძლევს იქონიოს გაზეთში შემდეგი განყოფილებანი: 1) კორესპონდენციები, საქართველოს, რუსეთისა და უცხო ქვეყნების შესახებ, 2) სამეცნიერო განყოფილება, 3) სხვადასხვა სახის პროზაული ნაწარმოებები, 4) კრიტიკა და ბიბლიოგრაფია, 5) ფელეტონი, 6) სასამართლოს მატიანე, 7) სხვადასხვა გაზეთების ნაამბობი, 8) კერძო პირთა განცხადებანი და საჭირო ცნობათა სქემა.
1877
ტიპი: ღონისძიება
1877 წლის 3 მარტის გაზეთ „ივერიაში“ ილია ჭავჭავაძის რედაქტორობით გამოქვეყნდა განცხადება, რომ მარტიდან გამოდის თბილისში ქართული საპოლიტიკო და სალიტერატურო გაზეთი „ივერია“. დამტკიცებული პროგრამა რედაქციას ნებას აძლევს იქონიოს გაზეთში შემდეგი განყოფილებანი: 1) წინასიტყვაობა, რომელშიც გამოითქმება რედაქციის აზრი საზოგადო ცხოვრებისა და სხვადასხვა თემის შესახებ, 2) საქართველო: განხილვა ყოველგვარი თემისა მთავრობისა თუ საზოგადოების ცხოვრების შესახებ, 3) რუსეთი: განხილვა ყოველგვარი თემისა, რაც რუსეთის სახელმწიფო პოლიტიკასა და საზოგადოების ცხოვრებას შეეხება, 4) უცხოეთი: განხილვა საზოგადო პოლიტიკისა, უცხო ქვეყნების სახელმწიფო წარმოებასა და საზოგადოების ცხოვრებისა.
© პროსოპოგრაფიულ მონაცემთა ბაზა, ლინგვისტურ კვლევათა ინსტიტუტი 2018 -