საქართველოს პროსოპოგრაფია

ფაქტები

რეგისტრირებული ფაქტები88041

1898

ტიპი: ღონისძიება

1898 წლის 2 აგვისტოს იაკინთე აროშიძემ ბარბარე თავბერიძის სწავლის დასაფინანსებლად სამი შაური გაიღო.

1898

ტიპი: ავტორობა

1898 წლის 2 აგვისტოს „ცნობის ფურცელში“ დაიბეჭდა რუსი მწერლის ელიზავეტა შჩაბელსკის სტატია. მწერალი მიიჩნევდა, რომ თანამედროვე მოდის სტანდარტები ქალს ბუნებრივ იერს უკარგავდა.

1898

ტიპი: ავტორობა

1898 წლის 2 აგვისტოს „ცნობის ფურცელში“ დაიბეჭდა რუსი მწერლის, ელიზავეტა შჩაბელსკის სტატია. მისი აზრით, თანამედროვე მოდის სტანდარტები ქალს ბუნებრივ იერს უკარგავდა.

1898

ტიპი: განათლება

1898 წლის 28 აგვისტოს „ცნობის ფურცლის“ მიხედვით, დაბა ხონში არსებულ საქალებო პროგიმნაზიში სწავლის წლიური საფასური მოსამზადებელ საფეხურზე — 30 მანეთი, ხოლო პროგიმნაზიულ კლასებში 50 მანეთი იყო. სწავლის მსურველებს განაცხადი ელენე ბახტაძის სახელზე უნდა გაეგზავნათ.

1898

ტიპი: მფლობელობა

1898 წელს თავად-აზნაურთა ბანკის საზაფხულო ბაღში მდებარე ბუფეტი გიორგი სხირტლაძეს ეკუთვნოდა.

1898

ტიპი: ღონისძიება

1898 წელს ალექსეი ეისნერმა ხობის მონასტრის კედლიდან ილარიონ და ნიკოლოზ წულუკიძეების ფრესკები გადაიხატა.

1898

ტიპი: ღონისძიება

1898 წლის 28 აგვისტოს დიმიტრი მელაძემ „ცნობის ფურცელში“ გამოქვეყნებულ სტატიაში აღნიშნა, რომ ბალახანის მოსახლეობას კიდევ ერთი ბიბლიოთეკა-სამკითხველოს დაარსება სურდა და ამ მიზნით დამატებითი ღონისძიებების ჩატარებას გეგმავდნენ.

1898

ტიპი: ღონისძიება

1898 წლის 28 აგვისტოს „ცნობის ფურცლის“ მიხედვით, ბაქო-ბალახანის ბიბლიოთეკა-სამკითხველოს დასახმარებლად გამართულ წარმოდგენებში პანტელეიმონ ჭანიშვილი მონაწილეობდა.

1898

ტიპი: თანამდებობა

1898 წლის 1-ელი სექტემბრის „ცნობის ფურცლის“ თანახმად, ნიკო ნიკოლაძე 1902 წლამდე ფოთის საბჭოს ხმოსანი იყო.

1898

ტიპი: ღონისძიება

1898 წლის 2 აგვისტოს სოფელ ქვემო მაჩხაანში რკინიგზის დეპოს გამგეობის წევრების, დ. ნადირაძის, დ. ჯავაშვილის და ი. გომელაურის თაოსნობით, ადგილობრივი დეპოს მუშაკების კრება იყო დანიშნული.

1898

ტიპი: ღონისძიება

1898 წლის 2 აგვისტოს სოფელ მაჩხაანის მომხმარებელი საზოგადოების კრება იყო დანიშნული, რომელსაც დეპოს გამგეობის სახელით ი. გომელაური, დ. ნადირაძე და დ. ჯავაშვილი წარუძღვებოდნენ.

1898

ტიპი: ღონისძიება

1898 წლის 2 აგვისტოს ოჩამჩირეში მოყვარულმა მსახიობებმა ავქსენტი ცაგარელის „ბაიყუში“ და გიორგი ერისთავის „უჩინ-მაჩინის ქუდი“ წარმოადგინეს. სპექტაკლებში მაკრინე და მაშო თურქიები მონაწილეობდნენ.

1898

ტიპი: ღონისძიება

1898 წლის 2 აგვისტოს სოფელ ვაჩნაძიანში ადგილობრივმა სცენისმოყვარეებმა ავქსენტი ცაგარელის „ბაიყუში“ და „მშვენიერი ელენეს მაძიებელნი“ წარმოადგინეს, რომლებშიც ალექს. ჯანდიერი, ნატალია აბაშიძე, ანასტასია ავალოვისა და ვლადიმერ ლაშხაური მონაწილეობდნენ.

1898

ტიპი: ღონისძიება

1898 წლის 3 აგვისტოს ქართველთა შორის წერა-კითხვის გამავრცელებელი საზოგადოების ოცდამეერთე სხდომაზე ქრისტეფორე მამაცაშვილმა წარადგინა საზოგადოების სასარგებლოდ ფულის შესაგროვებლად წაღებული ყულაბა, საიდანაც გამგეობამ 10.10 მანეთი ამოიღო.

1898

ტიპი: ღონისძიება

1898 წლის 3 აგვისტოს გაიმართა ქართველთა შორის წერა-კითხვის გამავრცელებელი საზოგადოების ოცდამეერთე სხდომა, რომელსაც ესწრებოდნენ ნიკოლოზ ცხვედაძე, დავით კარიჭაშვილი, ალექსანდრე ჭყონია, კიტა აბაშიძე, ივანე რატიშვილი, იაკობ გოგებაშვილი და ივანე ზურაბიშვილი. სხდომაზე მიიღეს წერილი იმ კომიტეტის წევრთაგან, რომლებმაც საზოგადოების სასარგებლოდ ბაქოში გამართეს ქართული საღამო და მიღებული თანხა 1989 მანეთი გამოუგზავნეს გამგეობას. მათ ასევე გამგეობას გამოუგზავნეს სია იმ დაწესებულებებისა, რომლებისთვისაც უნდა გაენაწილებინათ ეს თანხა. გამგეობამ მათი თხოვნა დააკმაყოფილა.

1898

ტიპი: ღონისძიება

1898 წლის 3 აგვისტოს გაიმართა ქართველთა შორის წერა-კითხვის გამავრცელებელი საზოგადოების ოცდამეერთე სხდომა ნიკოლოზ ცხვედაძის თავმჯდომარეობით. სხდომას ასევე ესწრებოდნენ: დავით კარიჭაშვილი, ალექსანდრე ჭყონია, კიტა აბაშიძე, ივანე რატიშვილი, იაკობ გოგებაშვილი და ივანე ზურაბიშვილი.

1898

ტიპი: ავტორობა

1898 წლის 3 აგვისტოს ქართველთა შორის წერა-კითხვის გამავრცელებელი საზოგადოების ოცდამეერთე სხდომაზე განიხილეს კავკავის სკოლის სამზრუნველო კომიტეტის თხოვნა, ლუარსაბ ბოცვაძე არ გადაეყვანათ სხვა სკოლაში მასწავლებლად. ასევე განიხილეს ლ. ბოცვაძის წერილი, რომ თუ ნებას დართავდნენ, ის თანახმა იყო მუშაობა კავკავის სკოლაში გაეგრძელებინა. გამგეობამ კავკავის სკოლის სამზრუნველო კომიტეტის თხოვნა დააკმაყოფილა.

1898

ტიპი: ღონისძიება

1898 წლის 3 აგვისტოს გაიმართა ქართველთა შორის წერა-კითხვის გამავრცელებელი საზოგადოების ოცდამეერთე სხდომა, რომელსაც ესწრებოდნენ ნიკოლოზ ცხვედაძე, დავით კარიჭაშვილი, ალექსანდრე ჭყონია, კიტა აბაშიძე, ივანე რატიშვილი, იაკობ გოგებაშვილი და ივანე ზურაბიშვილი. სხდომაზე განიხილეს სენაკის სკოლის ყოფილი მასწავლებლების განცხადება, რომ ისინი უსამართლოდ დაისაჯნენ გამგეობის მხრიდან და ითხოვდნენ კიდევ ერთხელ გადაემოწმებინათ მათი სკოლის საქმე. თუმცა გამგეობამ მათი თხოვნა უყურადღებოდ დატოვა.

1898

ტიპი: ღონისძიება

1898 წლის 3 აგვისტოს ქართველთა შორის წერა-კითხვის გამავრცელებელი საზოგადოების ოცდამეერთე სხდომაზე დავით კარიჭაშვილმა გამგეობას მოახსენა, რომ იაკობ გოგებაშვილმა რვეულების ანგარიშში მოითხოვა 10 თუმანი. გამგეობამ გოგებაშვილს კუთვნილი თანხა გადასცა.

1898

ტიპი: ღონისძიება

1898 წლის 3 აგვისტოს გაიმართა ქართველთა შორის წერა-კითხვის გამავრცელებელი საზოგადოების ოცდამეერთე სხდომა. სხდომაზე წიგნების ანგარიშში გრიგოლ ტატიშვილს გადასცეს 16.32 მან., ალექსანდრე ხახანაშვილს – 55 მან., ბარკალაიას – 3 მან., ნიკოლოზ ბადრიძეს – 12.95 მან., ასევე დაფარეს საზოგადოების სხვადასხვა ხარჯები. საზოგადოებამ ჯამში გადაიხადა 205.99 მანეთი.

1898

ტიპი: ავტორობა

ქართველთა შორის წერა-კითხვის გამავრცელებელი საზოგადოების ოცდამეერთე სხდომაზე მოხსენება გააკეთა ქუთაისის სათავადაზნაურო სკოლის აღმზრდელმა დავით ლორთქიფანიძემ, რომ პირადი მიზეზების გამო არ შეუძლია სენაკის სკოლაში მასწავლებლად გადასვლა. გამგეობამ დავით ლორთქიფანიძის თხოვნა დააკმაყოფილა.

1898

ტიპი: ღონისძიება

1898 წლის 3 აგვისტოს ქართველთა შორის წერა-კითხვის გამავრცელებელი საზოგადოების ოცდამეერთე სხდომაზე დავით კარიჭაშვილმა მოხენებაში აღნიშნა, რომ გრიგოლ ვოლსკიმ ბათუმის სკოლის თანამშრომლებისთვის ანაზღაურების გადასახდელად გამგეობას თანხის გაგზავნა სთხოვა. გამგეობამ გრიგოლ ვოლსკის თხოვნა დააკმაყოფილა.

1898

ტიპი: ღონისძიება

1898 წლის 3 აგვისტოს ქართველთა შორის წერა-კითხვის გამავრცელებელი საზოგადოების ოცდამეერთე სხდომაზე, რომელსაც ესწრებოდნენ ნიკოლოზ ცხვედაძე, დავით კარიჭაშვილი, იაკობ გოგებაშვილი, ივანე ზურაბიშვილი, ალექსანდრე ჭყონია, ივანე რატიშვილი და კიტა აბაშიძე, წარმოადგინეს საზოგადოების არსებული ბალანსი 1-ლი აგვისტოსათვის.

1898

ტიპი: ღონისძიება

1898 წლის 3 აგვისტოს გაიმართა ქართველთა შორის წერა-კითხვის გამავრცელებელი საზოგადოების ოცდამეერთე სხდომა. სხდომაზე მოხსენება გააკეთეს ივანე აბაშიძემ და ივანე ზურაბიშვილმა, რომ როცა გამგეობამ სენაკის სკოლის საქმე განიხილა, ისინი არ ესწრებოდნენ აღნიშნული საქმის განხილვას და სურდათ მათი აზრი შეეტანათ ოქმში. ისინი აცხადებდნენ, რომ სამსონ ყიფიანი უნდა გადაეყვანათ ჩვეულებრივი მასწავლებლის პოზიციაზე, რადგან მისი არასწორი ქმედება სკოლის საქმეების განხილვის შემდეგ ნათლად გამოჩნდა. გამგეობამ ხსენებული პირების მოხსენება ჩაწერა 15 ივნისით დათარიღებულ ოქმში.

1898

ტიპი: ღონისძიება

1898 წლის 3 აგვისტოს ქართველთა შორის წერა-კითხვის გამავრცელებელი საზოგადოების სხდომაზე გამგეობას თხოვნით მიმართეს მიხეილ კლიმიაშვილმა და ვასილ ენუქიძემ, რომ ანასტასია წერეთლისთვის გადაეცათ ის თანხა, რომელიც მათი მეშვეობით წინა წელს გამართული ღონისძიებიდან მიიღო საზოგადოებამ. გამგეობამ მათი თხოვნა დააკმაყოფილა.