რეგისტრირებული ფაქტები93604
სორტირება თარიღი მზარდობით
1902
ტიპი: თანამდებობა
1902 წლის 1-ელ დეკემბერს ბათუმში ქალაქის საბჭოს ხმოსანთა არჩევნები ჩატარდა, რომელზეც ს. ლ. ქუთათელაძე, მ. მ. ნაკაშიძე და ივანე დავითის ძე კაკაბაძე აირჩიეს.
1902
ტიპი: ღონისძიება
1902 წლის დეკემბერში ჰეინემ და ფერდინანდ ოტენმა ფარმაცევტთა ბიუროში შეიტანეს განცხადება, რომელშიც ფარმაცევტთა საზოგადოების კრების თავმჯდომარედ ბახჩიევის არჩევას აპროტესტებდნენ. ბიურომ მათი საჩივარი განიხილა და არჩევანი უკანონოდ სცნო.
1902
ტიპი: ღონისძიება
1902 წლის 1-ელ დეკემბერს კავკასიის მთავარმართებელი გრიგოლ გოლიცინი პეტერბურგში ამიერკავკასიის რკინიგზით გაემგზავრა.
1902
ტიპი: გარდაცვალება
1902 წლის 1-ელ დეკემბერს დაასაფლავეს თბილისის გუბერნიის თავად-აზნაურთა წინამძღოლის დედა მარიამ ზაქარიას ასული მელიქიშვილისა.
1902
ტიპი: ღონისძიება
1902 წლის დეკემბერში პეტერბურგში გაიმართა ქართული საღამო. საკონცერტო განყოფილებაში მონაწილეობდა ქართული სიმღერების ხორო, რომლის ლოტბარი იყო ა. შიშკინი.
1902
ტიპი: გარდაცვალება
1902 წლის ნოემბერში გარდაიცვალა დავით და ილია ზაქარიას ძე მელიქიშვილებისა და მართა ზაქარიას ასული ჭავჭავაძის დედა მარიამ ზაქარიას ასული მელიქიშვილისა. პანაშვიდები იყო კოჯრის ქუჩაზე, გასვენება – 1-ელ დეკემბერს, დილის 10 საათზე, ვანქის ეკლესიიიდან, დაკრძალვა – დიდუბის ეკლესიის გალავანში.
1902
ტიპი: ღონისძიება
1902 წლის 1-ელი დეკემბრისთვის კომისიამ შეამოწმა ჯარიკაცები, რომლებიც გამოსადეგი არ იყვნენ სამხედრო სამსახურისთვის. კომისიის თავმჯდომარე იყო მსროლელთა რაზმების მეორე ბრიგადის უფროსი, გენერალი რილკა.
1902
ტიპი: ღონისძიება
1902 წლის დეკემბერში მიწათმოქმედების მინისტრის, ა. ს. ერმოლოვის თავმჯდომარეობით გაიმართა კომისიის სხდომები. კომისიას ევალებოდა შავი ზღვის განაპირა ადგილების დასახლებისა და მოწყობის საქმე.
1902
ტიპი: ღონისძიება
1902 წელს ქართველთა შორის წერა-კითხვის გამავრცელებელი საზოგადოების გამგეობამ გადაწყვიტა, ყოველწლიური კონცერტი 21 დეკემბერს გაემართა. ეს საქმე იკისრეს ოლღა ჭავჭავაძისამ, მარიამ სარაჯიშვილისამ, მარიამ ზაქარიას ასული გაბაშვილმა და ეკატერინე გაბაშვილმა.
1902
ტიპი: ღონისძიება
1902 წლის 6 სექტემბერს თბილისში გამართულ ხმოსანთა არჩევნების პირველ საარჩევნო ნაწილში მიხეილ ანდრიას ძე ზდანევიჩმა მიიღო 37 ხმა, ნიკოლოზ ილიას ძე კამაევმა – 45, ვლადიმერ სიმონის ძე მიქელაძემ – 77.
1902
ტიპი: ნასამართლეობა
1902 წლის 2 დეკემბერს თბილისის საოლქო სასამართლომ განიხილა 19 წლის ვასილ ბებუროვის საქმე, რომელსაც ბრალად კუკიის წმ. ნიკოლოზის ეკლესიიდან ვერცხლის ბარძიმ-ფეხშუმისა და სხვა ნივთების მოპარვა ედებოდა. სასამართლომ მას სამ- ნახევარი წლით პატიმრობა მიუსაჯა.
1902
ტიპი: თანამდებობა
1902 წლის 3 დეკემბერს გამართული სასოფლო-სამეურნეო საზოგადოების კრების თავმჯდომარე იყო პეტრე ალექსანდრეს ძე გრუზინსკი.
1902
ტიპი: ღონისძიება
1902 წლის 3 დეკემბერს თბილისში გამართულ ქალაქის საბჭოს სხდომაზე არშაკ ბაბოვი, ალექსანდრე ჯაბადარი, ა. ბ. ევანგულოვი, პავლე ყიფიანი, ნ. ი. თამამშევი, იოს. ტიგრანოვი და ი. ა. სულხანოვი საფინანსო კომისიის წევრებად აირჩიეს.
1902
ტიპი: თანამდებობა
1902 წლის 3 დეკემბერში თბილისში გამართულ საბჭოს სხდომაზე ლომბარდის რევიზიის ჩასატარებლად ალექსანდრე ბებუთოვი და გეინი აირჩიეს.
1902
ტიპი: ღონისძიება
1902 წლის 3 დეკემბერს თავად-აზნაურთა თეატრში დედათა სკოლის დასახმარებლად გაიმართა საოპერო წარმოდგენა. დამსწრეთ სკოლას თანხა შესწირეს. ქალთა კომიტეტის თავმჯდომარემ, მარიამ ვახტანგის ასულმა ჯამბაკურ-ორბელიანისამ მადლობა გადაუხადა ფულის შემომწირველებს.
1902
ტიპი: ღონისძიება
1902 წლის 3 დეკემბერს თავად-აზნაურთა თეატრში დედათა სკოლის სასარგებლოდ გამართული საოპერო წარმოდგენის სტუმრებმა შეაგროვეს თანხა, ბ. გ. ბარათაშვილისამ გაიღო 2 მანეთი, ნ. ე. ქობულაშვილისამ – 3 , ს. გ. მირზოევმა – 7, ნ. ე. ერისთავმა – 5 მანეთი, ა. პ. მანშათევმა – 20, მ. კ. როხლინისამ – 4.
1902
ტიპი: ღონისძიება
1902 წლის 5 დეკემბერს რკინიგზის სახელოსნოების თეატრში წარმოდგენილი იყო ნატალია აზიანის კომედია "ფულსა და ხარისხს".
1902
ტიპი: გარდაცვალება
1902 წლის 5 დეკემბერს გარდაიცვალა მდიდარი სომეხი ქველმოქმედი ავეტის ჰუკასოვი, რომელმაც სხვადასხვა საქველმოქმედო და საგანმანათლებლო საზოგადოებას 130 ათასი მანეთი უანდერძა .
1902
ტიპი: ღონისძიება
1902 წლის 6 დეკემბერს ქუთაისში ვ. ალექსი-მესხიშვილის რეჟისორობით გაიმართა მელოდრამა "მონასტრის ზღუდეთა შორის" წარმოდგენა. სპექტაკლში მონაწილეობდნენ: ეფემია მესხი და ნინო ჩხეიძე.

