1949

ტიპი: ღონისძიება

1949 წლის აპრილში შალვა მაღლაკელიძე რომში ირაკლი ბაგრატიონსა და ენრიკო ინსაბატოს შეხვდა. მოლაპარაკების შემდეგ ირაკლი ბაგრატიონი მადრიდში წავიდა.

1949

ტიპი: ავტორობა

1949 წლის 22 აპრილს რომიდან შალვა მაღლაკელიძემ გერმანიაში მყოფ გაიოზ მაღლაკელიძეს მისწერა, რომ იგი რუსული მემარჯენე წრეების ქმედებებს აკვირდებოდა, რადგან ეს ქართულ საქმეს სჭირდებოდა.

1949

ტიპი: ავტორობა

1949 წლის 22 აპრილს შალვა მაღლაკელიძემ გაიოზ მაღლაკელიძეს მისწერა, რომ რომი პოლიტიკური მუშაობის მოყვარულთათვის სერიოზული ცენტრი იყო, თუმცა იქ მყოფი ემიგრანტებიდან ქართული საქმით მხოლოდ თვითონ იყო დაინტერესებული.

1949

ტიპი: ორგანიზაცია

1949 წლის აპრილსში შალვა მაღლაკელიძე რომში კავკასიური ჯგუფის დაარსებას გეგმავდა, რომელიც დაუახლოვდებოდა ანტისაბჭოურ ხაზებსა და მიმართულებებს: ოსმალეთში, სპარსეთში, ესპანეთსა და გერმანიაში.

ტიპი: ღონისძიება

საქართველოს მუზეუმის დირექტორის მიერ გაცემული თავისუფალი დღეების წიგნაკის მიხედვით ქრისტინე შარაშიძე ისვენებდა 22 იანვარს, 1 და 2 მაისს და 7 და 8 ნოემბერს.

1925

ტიპი: ღონისძიება

1925 წლის 12 ნოემბერს ქრისტინე შარაშიძემ გადაიხადა საქართველოს საისტორიო და საეთნოგრაფიო საზოგადოების საწევრო გადასახადი – სამი მანეთი. კვიტანციას ხელი მოაწერა ხაზინადარმა, იროდიონ სონღულაშვილმა.

1925

ტიპი: თანამდებობა

1925 წელს იროდიონ სონღულაშვილი საქართველოს საისტორიო და საეთნოგრაფიო საზოგადოების ხაზინადარი იყო.

1950

ტიპი: ავტორობა

1950 წლის 25 იანვარს რომიდან შალვა მაღლაკელიძემ გაიოზ მაღლაკელიძეს მისწერა, რომ თუ ირაკლი ბაგრატიონთან თანამშრომლობა არ გამოუვიდოდა, იგი კორესპონდენტის სტატუსით წავიდოდა სირიაში, ეგვიპტეში, ლიბანში, ავღანეთში ან სპარსეთში და მას გერმანიაში გაუგზავნიდა სტატიებისთვის საჭირო მასალებს.

1950

ტიპი: ავტორობა

1950 წლის 25 იანვარს რომიდან შალვა მაღლაკელიძემ გაიოზ მაღლაკელიძეს მისწერა, რომ რომის პაპთან მყოფი ლიბანის მთავრობის წარმომადგენელი ბეირუთში წასვლაში დაეხმარებოდა.

1918

ტიპი: გარდაცვალება

1918 წლის 1-ლ ნოემბერს მცირე ავადმყოფობის შემდეგ თბილისის გუბერნიის სახალხო სკოლების ინსპექტორი ვასილ ჯაფარიძე გარდაიცვალა.

1918

ტიპი: ავტორობა

განათლების მინისტრის მოადგილის, ალ. მდივნის 1918 წლის 4 ნოემბრის მოხსენებაში ნათქვამია, რომ 1-ელ ნოემბერს გარდაიცვალა თბილისის გუბერნიის სახალხო სკოლების ინსპექტორი ვასილ ჯაფარიძე. მის გაჭირვებულ ცოლ-შვილს მხოლოდ სასაფლაო უჯდებათ არანაკლებ 2 400 მან. ამიტომ მინისტრთა საბჭოს დაკრძალვის ხარჯებისთვის 5 000 მან. გამოყოფას სთხოვს.

1918

ტიპი: ავტორობა

განათლების მინისტრის მოადგილის, ალექსანდრე მდივნის 1918 წლის 14 ნოემბრის მოხსენება ეხება ბათუმის მარინეს სახ. სკოლის მასწავლებელთა ივნისისა და ივლისის თვეების ჯამაგირით დაკმაყოფილებას ათმილიონიანი ფონდიდან.

1918

ტიპი: ღონისძიება

1918 წელს საპარლამენტო განათლების კომისიის მიერ შემუშავებულ კანონპროექტს „საღვთო სჯულის სწავლების გაუქმების შესახებ ყველა ტიპისა და საფეხურების სახაზინო და კერძო უფლებიან სასწავლებლებში“ ხელი განათლების კომისიის თავმჯდომარე ლევან ნათაძემ მოაწერა. კანონი ძალაში შევიდოდა გაზეთ „საქართველოს რესპუბლიკაში“ გამოქვეყნების დღიდან.

1918

ტიპი: ავტორობა

ალექსი ჭიჭინაძეს პედაგოგიური მოღვაწეობისთვის სიცოცხლეშივე ჰქონდა პენსია წლიურად 1200 მან. საოსტატო სემინარიების ძვ. შტატების მიხედვით და ისიც18 წლით უფრო გვიან, რადგან ყოფილმა სამოსწავლო მთავრობამ სახელმწიფო სამსახურში ნამსახური წლები არ ჩაუთვალა. ამიტომ მის ჯამაგირს ბოლო 18 წელი 1200 მან. აკლდებოდა, ამიტომ განსვენებულის ოჯახობა გაჭირვებული იყო. მისი ავადმყოფი ქვრივი ქმრის ნახევარ პენსიას ღებულობდა 240 მან-ს სიძვირის გამო დამატებით, რაც პურის ფულადაც არ ჰყოფნიდა. განათლების მინისტრის მოადგილე 1918 წლის 21 ნოემბრის მოხსენებაში მასწავლებელ ალექსი ჭიჭინაძის მეუღლის, ეფროსინე ჭიჭინაძისთვის ერთდროული 3000 მან. დახმარების გამოყოფას ითხოვს.

1917

ტიპი: გარდაცვალება

1917 წლის 28 იანვარს თბილისში გარდაიცვალა ცნობილი პედაგოგი და საზოგადო მოღვაწე, თბილისის ქართული გიმნაზიის დირექტორი ალექსი ჭიჭინაძე.

1918

ტიპი: ავტორობა

განათლების მინისტრის მოადგილის 1918 წლის ნოემბრის მოხსენება ოსთა ეროვნული საბჭოს მიერ ცხინვალში სახელმწიფო ხარჯზე გიმნაზიის გახსნის შუამდგომლობის შესახებ. საბჭო ითხოვდა გიმნაზიის გახსნას ორი მოსამზადებელი და ოთხი ძირითადი კლასის შემადგენლობით.

1918

ტიპი: ავტორობა

მინისტრის მოადგილის 1918 წლის 26 ნოემბრის მოხსენებაში ნათქვამია, რომ საინგილოში არის ორკლასიანი ნორმალური ვაჟთა სასწავლებელი, ქალთა სამრევლო სკოლა და 4 ქალ-ვაჟთა სამრევლო სკოლა. რაც ეს მხარე აზერბაიჯანის ჯარმა დაიკავა (ვაჟთა სასწავლებლის გარდა), ისინი აზერბაიჯანის მთავრობამ აპრილიდან დახურა და მასწავლებლები უჯამაგიროდ დარჩნენ. მიუხედავად იმისა, რომ ზაქათლის ოლქის, კერძოდ, საინგილოს მდგომარეობა გამოძიებული არ არის, მინისტრთა საბჭოს ამ სკოლებისთვის 20 250 მანეთის გამოყოფას სთხოვს ხელფასებისა და სამეურნეო ხარჯებისთვის.

1917

ტიპი: თანამდებობა

სიმონ გრიაზნოვი პედაგოგად 27 წელი მუშაობდა. 1891 წლიდან შვიდი წელი ლეგალურად იმუშავა, შემდეგ ანტისახელმწიფოებრივი საქმიანობისთვის იდევნებოდა და მხოლოდ 1917 წელს განაგრძო პედაგოგად მუშაობა ვერის პირველ სასწავლებელში, ჰქონდა კერძო გაკვეთილებიც.

1931

ტიპი: ღონისძიება

1931 წლის 2 აპრილს გაცემული მოწმობის მიხედვით, ქრისტინე შარაშიძე 3-14 აპრილს შვებულებით გურიაში მიემგზავრებოდა. მოწმობას ადასტურებენ ადგილკომის თავმჯდომარე ნ. ბერძენიშვილი და მისი მდივანი ნ. ჯ.

1931

ტიპი: თანამდებობა

1931 წელს გიორგი ჩუბინაშვილი იყო საქართველოს სახელმწიფო მუზეუმის დირექტორი.

1931

ტიპი: თანამდებობა

1931 წელს ანდრია აფაქიძე საქართველოს სახელმწიფო მუზეუმში მდივნად მუშაობდა.

1918

ტიპი: ღონისძიება

1918 წლის 8 ნოემბერს ქუთაისის ქალთა მეორე გიმნაზიის მოსამზადებელი კლასის მასწავლებელ პიღასი ივანეს ასული აბდუშელიშვილის ნამსახურეობის სია შეადგინეს.

1890

ტიპი: თანამდებობა

ქუთაისის ქალთა მეორე გიმნაზიის მოსამზადებელი კლასების პედაგოგი პიღასი ივანეს ასული აბდუშელიშვილი 1890 წლის 10 ნოემბერს დაიბადა. მისი წლიური შემოსავალი (16 გაკვეთილის) 960 მანეთს შეადგენდა, კლასის დამრიგებლობის – 600 მანეთს. 1918 წლის 3 მარტის კანონით მას ხაზინიდან დამატებით 3260 მანეთი ეძლეოდა.

1918

ტიპი: პირადი ინფორმაცია

პიღასი ივანეს ასულ აბდუშელიშვილის პირად საქმეში ეწერა, რომ მას მშობლებისაგან მემკვიდრეობით ქონება არ მიუღია და არც თვითონ შეუძენია.

1918

ტიპი: ღონისძიება

1918 წლის 11 ნოემბერს შედგენილ პიღასი ივანეს ასული აბდუშელიშვილის ნამსახურეობის სიის პირის დედანთან სისწორეს ხელის მოწერითა და ბეჭდის დასმით ამოწმებს ქუთაისის გიმნაზიის დირექტორი დ. ქუთათელაძე და საქმისმწარმოებელი ვ. აბაშიძე.