1920

ტიპი: თანამდებობა

1920 წლის 6 სექტემბერს თელავის ვაჟთა გიმნაზიის პირველი ოთხი კლასის რუსული ენის მასწავლებელმა ალექსანდრე ზაქარიას ძე ბარნოვმა თელავის ვაჟთა გიმნაზიის დირექტორს სთხოვა, 1920-1921 სასწავლო წლის დასაწყისიდან სამსახურიდან გაეთავისუფლებინა.

1920

ტიპი: ღონისძიება

1920 წლის 7 სექტემბერს საქართველოს განათლების სამინისტრომ მთავრობის საქმეთა მმართველობას დაუბრუნა კათალიკოს-პატრიარქ ლეონიდეს შუამდგომლობა სკოლებში საღვთო სჯულის აღდგენის შესახებ განმარტებით, რომ 1918 წლის 22 ნოემბერს მიღებული კანონის თანახმად, ყველა ტიპის და საფეხურის სახაზინო და კერძო სკოლაში გაუქმდა საღვთო სჯულის სწავლება, ამიტომ შეუძლებლად მიაჩნდა ამ საკითხზე შუამდგომლობის დაკმაყოფილება.

1920

ტიპი: ღონისძიება

1920 წლის 7 სექტემბერს გაბრიელ ხუნდაძე ლექციების წასაკითხად ლანჩხუთსა და ბათუმში გაემგზავრა.

1920

ტიპი: ღონისძიება

1920 წლის 7 სექტემბრის გაზეთმა „ერთობამ" გამოაქვეყნა სენაკის სამაზრო ერობის გამგეობის განცხადება, რომ ერობის კონტრაგენტები – ზინა კალანდარიშვილი, ანდრია ხოფერია, შამუშე თოფურიძე – აღარ ითვლებოდნენ კონტრაგენტებად და ერობასთან კავშირი არ ჰქონდათ.

1920

ტიპი: გარდაცვალება

1920 წლის 7 სექტემბრის „ერთობაში“ დაიბეჭდა ილია წინამძღვრიშვილის ნეკროლოგი.

1920

ტიპი: ღონისძიება

1920 წლის 7 სექტემბრის „ერთობა“ იუწყება, რომ სოფ. ქარელი კულტურით ბევრად მაღლა დგას ქართლის ზოგიერთ სოფელზე. აქ არსებობს თეატრი, სადაც კვირადღეს ადგილობრივი სცენისმოყვარეები წარმოდგენებს მართავენ მასწავლებელ ნატო ყორბესაშვილის ხელმძღვანელობით.

1920

ტიპი: ღონისძიება

1920 წლის 7 სექტემბერს არტაანს დეპუტატი აკაკი ჩხენკელი და გენერალი ალექსანდრე ზაქარიაძე ეწვივნენ.

1920

1920 წლის 7 სექტემბერს გარდაიცვალა სახალხო გვარდიის ფერშალი ერ. ასათიანი.

1920

ტიპი: ღონისძიება

1920 წლის 7 სექტემბერს გაიმართა თბილისის სამაზრო ერობის წევრთა მე-8 ყრილობამ უკანასკნელ სხდომაზე ფარული კენჭისყრით ერობის წევრებად აირჩია: დავით ონიაშვილი (ს.დ.) – თავმჯდომარედ, ესტატე ავალიშვილი, ივანე ხელაძე, გიორგი ჯიღაური, მიხეილ იშხანოვი; სარევიზიო კომისიაში აირჩიეს მაქსიმე ბერძნიშვილი.

1920

ტიპი: ღონისძიება

1920 წლის 7 სექტემბერს პოლიექტივ გაგოშიძემ თბილისის მეორე ქალთა გიმნაზიის დირექტორს გაუგზავნა წერილი, რომლის მიხედვითაც ითხოვდა მისი ასულის, ეკატერინე გაგოშიძის მისდამი რწმუნებულ გიმნაზიაში მიღებას მეხუთე კლასის მოწაფედ. ასევე გაუგზავნა ეკატერინეს ატესტატი ჭრებალოს უმაღლეს დაწყებითი სასწავლო კურსის დასრულების შესახებ.

1920

ტიპი: ავტორობა

„ერთობაში“ დაბეჭდილია N1 ჯავშნიანი მატარებლის გვარდიელის, იმედაშვილის მადლობა. 1920 წლის 7 სექტემბერს იგი გაუქურდავთ და მილიციელ ივლიანე ირაკლის ძე ჯანელიძეს მეორე დღესვე დაუკავებია ქურდი არტაშა მაილიანცი (ფალასა). იგი დანაშაულში გამოტეხილა და ნივთები დაუბრუნებია.

1920

ტიპი: ღონისძიება

1920 წლის 7 სექტემბერს ალექსანდრე ხელაძის თავმჯდომარეობით გაიმართა საქართველოს პროფესიულ კავშირთა საბჭოს აღმასრულებელი კომიტეტის სხდომა, რომელსაც ესწრებოდნენ: მიწათმოქმედების სამინისტროს წარმომადგენელი მიხეილ ახალაძე, შრომის კომისარი ქელბაქიანი და რუსეთში წამსვლელი მუშათა დელეგაციის წარმომადგენლები.

1920

ტიპი: ღონისძიება

1920 წლის 7 სექტემბრის „ერთობა“ იუწყება, რომ მეორე ინტერნაციონალის დელეგაციის შესახვედრად მუშებისა და საზოგადოებრივი ორგანიზაციების წარმომადგენლებისგან შედგა კომისია. თბილისის გამგეობამ ამ კომისიის წევრად აირჩია გამგეობის წევრი გიორგი კონიაშვილი.

1920

ტიპი: ავტორობა

1920 წლის 7 სექტემბრის გაზეთ „საქართველოში“ გამოქვეყნდა ტიციან ტაბიძის წერილი „ერთობის“ კლევრეტებს“.

1920

ტიპი: ავტორობა

1920 წლის 7 სექტემბრის გაზეთ „საქართველოში“ (რედაქტორი სპირიდონ კედია) გამოქვეყნდა მეთაური წერილი „ამერიკა, რუსეთი და საქართველო“.

1920

ტიპი: ავტორობა

1920 წლის 7 სექტემბრის გაზეთ „საქართველოში“ გამოქვეყნდა მემედ აბაშიძის წერილი „მოგონებანი და მწარე სინამდვილე“.

1920

ტიპი: თანამდებობა

1920 წლის 8-9 სექტემბერს თბილისის ქალთა მე-6 გიმნაზიის დირექტორს მისწერეს, რომ 1920 წლის 1-ლი სექტემბრიდან მასწავლებელი კონსტანტინე შამშეს ძე აბულაძე საქართველოს ისტორიის მასწავლებლის თანამდებობაზე თბილისის მეხუთე ქალთა გიმნაზიაში გადაიყვანეს.

1920

ტიპი: თანამდებობა

1920 წლის 8-9 სექტემბერს თბილისის მეხუთე ქალთა გიმნაზიის დირექტორს მისწერეს, რომ მიმდინარე წლის 1-ლი სექტემბრიდან გიმნაზიაში თბილისის ქალთა მეექვსე გიმნაზიიდან ისტორიის მასწავლებლად კონსტანტინე შამშეს ძე აბულაძე გადაიყვანეს.

1920

ტიპი: თანამდებობა

1920 წლის 8 სექტემბრის „ერთობა“ იუწყება, რომ ქუთაისისა და მისი გუბერნიის საკრედიტო დაწესებულებებში მოსამსახურეთა პროფ. კავშირის საბუღალტერო კურსების გამგედ მირიან თეიმურაზის ძე ბასილია მიიწვიეს.

1920

ტიპი: ღონისძიება

1920 წლის 8 სექტემბერს, 6 სთ-ზე ფინანსთა სამინისტროში გაიმართება საგანგებო სხდომა რუსეთსა და საქართველოს შორის დასადები ხელშეკრულების პროექტის შესახებ. ამ პროექტით უნდა იხელმძღვანელოს გერასიმე თომას ძე მახარაძის ეკონომიკურმა მისიამ, რომელიც რუსეთში მიემგზავრება, იუწყება „ერთობა“.

1920

ტიპი: პირადი ინფორმაცია

1920 წლის 8 სექტემბრის „ერთობის“ ცნობით, საქართველოს საგარეო საქმეთა სამინისტროს ბაქოში თავისი წარმომადგენელი იქ მცხოვრები საქართველოს მოქალაქეების შესახებ შემდეგ ინფორმაციას აწვდის: პეტრე პავლეს ძე ანდრეევსკი ფოსტა-ტელეგრაფის სამმართველოში მუშაობს; ვიქტორ ალექსის ძე შალიბაშვილი დაპატიმრებულა იყო განჯაში, (მისი განთავისუფლების შესახებ აღძრული იყო შუამდგომლობა); მიხეილ ხარანოვი განთავისუფლებულია და თბილისში მალე გამოემგზავრებოდა.

1920

ტიპი: ავტორობა

1920 წლის 8 სექტემბრის „ერთობა“ ბეჭდავს ბაქოში საქართველოს წარმომადგენლის ინფორმაციას აზერბაიჯანში მყოფი სააქართველოს მოქალაქეების შესახებ: სოლომონ და დავით ჯიჯავაძეები კარგად არიან და პირველი შესაძლებლობისთანავე თბილისში გაემგზავრებიან; სერაფიმე ვასილის ძე ბაკურია ბაილოვის ციხეში ზის. მას ბრალდება სამი ბოლშევიკის მოკვლა და 10 წლის იძულებითი მუშაობა აქვს მისჯილი.

1920

ტიპი: ავტორობა

1920 წლის 8 სექტემბრის გაზეთში „ერთობა“ დაიბეჭდა ბაქოში საქართველოს წარმომადგენელის განცხადება ახალციხის გამგეობის საყურადღებოდ, რომ მოქალაქეები ილია ხარეიშვილი (იგივე ხარამ დავიდაშვილი) და იოსებ აბრამის ძე ნოდიაშვილი ბაქოში არ იმყოფებოდნენ. კონსტანტინე ტერ-აბრამოვი კი დაპატიმრებული არ ყოფილა.

1920

ტიპი: ღონისძიება

1920 წლის 8 სექტემბრის „ერთობის“  ცნობით ნიკო ტრაპაიძემ შუა სურების სამკითხველოს წლის ბოლომდე გამოუწერა ჟურნალი „სოფლის მუშა“.

1920

ტიპი: ღონისძიება

1920 წლის 8 სექტემბრის „ერთობა“ იტყობინება, რომ ს. ავალიანი მიწათმოქმედების მინისტრის მოვალეობის შემსრულებელ მალანიასა და სახელმწიფო კონტროლის წარმომადგენელთან ერთად რკინიგზელთა სასურსათო ორგანიზაციის მდგომარეობის გასაცნობად მიემგზავრებოდა.