1922

ტიპი: ავტორობა

1922 წლის 22 იანვარს „ბარრიკადში“ გამოქვეყნდა ინფორმაცია, რომ ტიციან ტაბიძემ ჩაიწერა და გაზეთ „საქართველოში“ გამოაქვეყნა სერგეი სუდეიკინის საუბარი ქართველი მხატვრების შესახებ.

1918

ტიპი: ღონისძიება

1918 წლის 28 ოქტომბერს უმაღლესი და საშუალო სასწავლებლების მთავარგამგემ სახალხო განათლების სამინისტროს მისწერა, რომ ხუნდაძემ, რომელიც თავად დანიშნა ვაჟთა მეორე გიმნაზიის ქართული ენის მასწავლებლად, უარი განაცხადა და ქართული ენის გაკვეთილების საათები არავის ჰქონდა განაწილებული. ხელს აწერენ გიმნაზიის დირექტორი ილარიონ ლორთქიფანიძე და საქმისმწარმოებელი ვარლამ სიკოს ძე იოსელიანი.

1918

ტიპი: ღონისძიება

1918 წლის 28 ოქტომბერს უმაღლესი და საშუალო სასწავლებლების მთავარგამგემ სახალხო განათლების სამინისტროს მისწერა, რომ მიხეილ აბრამის ძე აბრამიშვილი ქალთა მე-6 გიმნაზიიდან გადაეყვანათ ვაჟთა მეორე გიმნაზიაში, მის ნაცვლად კი დაენიშნათ კონსტანტინე შამშეს ძე აბულაძე. მთავარგამგე აბრამიშვილს მოელაპარაკა და მან სრული თანხმობა განუცხადა მეორე გიმნაზიაში გადასვლაზე, თუკი ნებას დართავდნენ. ხელს აწერენ გიმნაზიის დირექტორი ილარიონ ლორთქიფანიძე და საქმისმწარმოებელი ვარლამ სიკოს ძე იოსელიანი.

1918

ტიპი: ღონისძიება

1918 წლის 28 ოქტომბერს უმაღლესი და საშუალო სასწავლებლების მთავარგამგემ სახალხო განათლების სამინისტროს მისწერა, რომ გაუგზავნიდა კონსტანტინე შამშეს ძე აბულაძის თხოვნას და მის დროებით მოწმობის ასლ N 415-ს. ხელს აწერენ გიმნაზიის დირექტორი ილარიონ ლორთქიფანიძე და საქმისმწარმოებელი ვარლამ სიკოს ძე იოსელიანი.

1918

ტიპი: განათლება

1918 წლის 28 ოქტომბერს უმაღლესი და საშუალო სასწავლებლების მთავარგამგემ სახალხო განათლების სამინისტროს მისწერა, რომ კონსტანტინე შამშეს ძე აბულაძეს გავლილი ჰქონდა გამოცდები ხარკოვის უნივერსიტეტთან არსებულ გამოცდის კომისიაში პირველი ხარისხის დიპლომზე. ხელს აწერენ გიმნაზიის დირექტორი ილ. ლორთქიფანიძე და საქმისმწარმოებელი ვარლამ სიკოს ძე იოსელიანი.

1917

ტიპი: ავტორობა

1917 წლის 19 ნოემბერს მათე იანქოშვილი თბილისიდან უგზავნის მისალოც წერილს აკაკი ჩხენკელს საქართველოს ეროვნული საბჭოს დაარსებასთან დაკავშირებით, რომელშიც ულოცავს ახალ თანამდებობაზე დანიშვნას და საქართველოს გათავისუფლებას.

1917

ტიპი: ღონისძიება

1917 წლის 6 ივლისის გაზეთის „ხმა ქართველი ქალისა“ (რედაქტორი კატო მიქელაძე) ცნობით, ამ პერიოდში დიდ ბრიტანეთში მიღებული იყო ქალთა საარჩევნო ხმის უფლება, რომელსაც აძლევდნენ მხოლოდ 30 წლის ქალებს.

1918

ტიპი: თანამდებობა

1918 წლის 4 ნოემბრის საქართველოს დემოკრატიული რესპუბლიკის უმაღლესი და საშუალო სასწავლებლის გამგის N77 ბრძანებით პორფილე ივლიანეს ძე დგებუაძე თბილისის ვაჟთა პირველი გიმნაზიის ფრანგული ენის მასწავლებლად დაინიშნა.

1918

ტიპი: ღონისძიება

1918 წლის 16 ოქტომბერს კონსტანტინე შამშეს ძე აბულაძე თბილისის ვაჟთა მეორე გიმნაზიის დირექტორს ქართული ენისა და ლიტერატურის პედაგოგის ადგილს სთხოვს.

1917

ტიპი: ავტორობა

1917 წლის 6 ივლისს ჰასან ლორთქიფანიძე აკაკი ჩხენკელს გლეხთა დეპუტატების საოლქო ყრილობაზე მისი დასწრების შესახებ სწერდა. წერილში აღნიშნული იყო, რომ ყრილობა 15 ივლისს ქალაქ ბათუმში ჩატარდებოდა. განიხილებოდა სკოლის საკითხი ენასთან დაკავშირებით. მისი აზრით ამ გადაწყვეტილებაზე იქნებოდა დამოკიდებული აჭარლების სამომავლო ბედი.

1918

ტიპი: ღონისძიება

1918 წლის 29 ოქტომბერს საქართველოს დემოკრატიული რესპუბლიკის სახალხო განათლების სამინისტრო თბილისის ქალთა მე-6 გიმნაზიის დირექტორს მათდამი რწმუნებულ გიმნაზიაში 1-ლი ნოემბრიდან ქართული ენისა და საქართველოს ისტორიის მასწავლებლად ხარკოვის უნივერსიტეტის ისტორია-ფილოლოგიის ფაკულტეტის კურსდამთავრებული კონსტანტინე შამშეს ძე აბულაძის დანიშვნის შესახებ სწერდა. დოკუმენტს ხელს კანცელარიის დირექტორი ალექსანდრე მიქაბერიძე და საქმისმწარმოებელი მაქსიმე ბერძნიშვილი აწერდნენ.

1917

ტიპი: თანამდებობა

1917 წლის 8 აგვისტოს თბილისში დროებითი მთავრობის ამიერკავკასიის განსაკუთრებულმა კომიტეტმა აკაკი ჩხენკელის სახელზე გასცა მოწმობა კომიტეტის წევრობისა და მინიჭებული უფლებების შესახებ. დოკუმენტს ხელი მოაწერეს, კომიტეტის თავმჯდომარის ნაცვლად, მიხეილ პაპაჯანოვმა და ამიერკავკასიის განსაკუთრებული კომიტეტის საქმეთამმართველმა სოშუმადოვმა.

1920

ტიპი: ავტორობა

1920 წლის 7 ივლისს „ერთობაში“ დაიბეჭდა სოფ. რუისის (გორის მაზრა) თემის თავმჯდომარის მოადგილის, ი. მამაცაშვილის წერილი რუისის გაჭირვებული ცხოვრების შესახებ.

1920

ტიპი: თანამდებობა

1920 წელს ძველი თბილისის მუშა არჩილ არავიაშვილი სოფ. რუისის თემის გამგეობის თავმჯდომარე იყო.

1920

ტიპი: თანამდებობა

1920 წლის მაისში სოფ. რუისში გაიმართა ფრონტის დღე. აირჩიეს ფრონტის კომიტეტი და მის ხელმძღვანელად – სოფლის მოძღვარი დ. სალარიძე.

ტიპი: ღონისძიება

1920 წლის 27 ივნისს ს. დიდ ჯიხაიშში გამართული ადგილობრივი საბჭოს სხდომაზე მოხსენება წაიკითხა ფრონტის დამხმარე კომისიის წევრმა ლ. დარსაველიძემ. გაირკვა, რომ „ფრონტის დღეს“ კომისიას 18 000 მან შეუგროვებია ფულად და სხვადასხვა ნივთების სახით.

1917

ტიპი: ღონისძიება

1917 წლის 18 დეკემბერს კავკასიის ფრონტის ჯარების მეთაურის შტაბის დაზვერვის განყოფილების ხელმძღვანელის დავალებით პოლკოვნიკი პატაშევი უგზავნის აკაკი ჩხენკელს თბილისისა და ქუთაისის გუბერნიებისა და ყარსის ოლქის სტატისტიკურ მიმოხილვებს.

1920

ტიპი: გარდაცვალება

1920 წლის 13 მაისს აზერბაიჯანთან ბრძოლაში დაიღუპნენ მოხალისე გვარდიელები, საშა იოსელიანი და ტარიელ ღაჭავა.

1917

ტიპი: ავტორობა

1917 წლის 6 მარტს ბალტიის ზღვის ფლოტის ხელმძღვანელისგან აკაკი ჩხენკელმა მიიღო ტელეგრამა, სახელმწიფო დუმის, მუშათა და ჯარისკაცთა დეპუტატების საბჭოს წევრისა და ფინეთის საქმეების კომისრის სკობელევის მიმართვით ხალხის მხარეს მდგარი რუსეთის ოფიცრების გათავისუფლების თაობაზე. მიმართვას ხელს აწერდა: სახელმწიფო დუმის წევრი როდიჩევი და გენერალი გულევიჩი.

1917

ტიპი: ღონისძიება

1917 წლის 6 მარტს ჩატარდა ტამერფორსის გარნიზონის ნაწილების წარმომადგენელთა კომიტეტის სხდომა, რომლის თავმჯდომარე იყო პ. გ. მინაევი, მდივანი დ. ა. ალექსანდროვი. ფინეთის საქმეების კომისარ როდიჩევის და მუშათა და ჯარისკაცთა დეპუტატების საბჭოს წევრ სკობელევის თხოვნით კომიტეტმა დაადგინა, ოფიცრები, რომლებიც მიემხრნენ და დაექვემდებარნენ ახალ მთავრობას, არ დააპატიმრონ და უარი თქვან ისეთ ქმედებებზე, რომლებიც შეურაცხყოფას აყენებენ ადამიანურ ღირსებას. დასაბუთებული ეჭვის შემთხვევაში უფლებამოსილმა პირებმა გარნიზონის წარმომადგენელთა კომიტეტში ჩააბარონ ანგარიში მათ შესახებ, რათა მიიღონ შესაბამისი განკარგულება.

1917

ტიპი: ღონისძიება

1917 წლის 6 მარტს ჩატარდა ტამერფორსის გარნიზონის ნაწილების წარმომადგენელთა კომიტეტის სხდომა, რომლის თავმჯდომარე იყო პ. გ. მინაევი, მდივანი დ. ა. ალექსანდროვი. გადაწყვიტეს ქალაქ ტამერფორსის პოლიცმეისტერს გაუგზავნონ 30 კაცი, რათა თითო ცვლაში ათმა კაცმა მორიგეობით იზრუნონ საზოგადოებრივი სიწყნარისა და სიმშვიდის დასაცავად ქალაქში.

1920

ტიპი: გარდაცვალება

1920 წლის 7 ივლისს „ერთობა“ იუწყება, რომ ზუგდიდში დახოცეს ცნობილი ყაჩაღები – სილ. გერსამია, ალმ. აბრამია და რაჟ. ყურაშვილი.

1917

ტიპი: ღონისძიება

1917 წლის 6 მარტს ჩატარდა ტამერფორსის გარნიზონის ნაწილების წარმომადგენელთა კომიტეტის სხდომა, რომლის თავმჯდომარე იყო პ. გ. მინაევი, მდივანი დ. ა. ალექსანდროვი. გადაწყვიტეს, რომ ტამერფორსის გარნიზონი უნდა შეუდგეს ჩვეულ მოქმედებებს 7 მარტიდან.

1917

ტიპი: ღონისძიება

1917 წლის 6 მარტს ჩატარდა ტამერფორსის გარნიზონის ნაწილების წარმომადგენელთა კომიტეტის სხდომა, რომლის თავმჯდომარე იყო პ. გ. მინაევი, მდივანი – დ. ა. ალექსანდროვი. სრული სიმშვიდის შესანარჩუნებლად კომიტეტმა ტამერფორსის გარნიზონის ყველა ჯარისკაცს სთხოვა, არ ემოქმედათ უფლებამოსილი პირების გვერდის ავლით.

1920

ტიპი: ნასამართლეობა

1920 წლის 7 ივლისის „ერთობა“ წერდა, რომ გაგრაში დაიჭირეს კინტრიშის ხიდის აფეთქების მონაწილენი – გერმანე ჯიბლაძე და აკ. სურგულაძე. მათ ყუბანის ოლქში სხვადასხვა საბუთის გატანა ბრალდებოდათ.