რეგისტრირებული ფაქტები82812
სორტირება ძველი ჩანაწერების მიხედვით
1880
ტიპი: ავტორობა
1880-1881 წლების ქართველთა შორის წერა-კითხვის გამავრცელებელი საზოგადოების წლიური ანგარიშის მიხედვით, თბილისის სკოლაში მოსწავლეებს ქართული წერა-კითხვა, რუსული ენა, საღმრთო წერილი, ანგარიში, სიმღერა და ჭრა-კერვა უნდა ესწავლათ. ხელს აწერენ: ილია გრიგოლის ძე ჭავჭავაძე, იაკობ სიმონის ძე გოგებაშვილი, იონა მიხეილის ძე მეუნარგია, რაფიელ დავითის ძე ერისთავი, ივანე გიორგის ძე მაჩაბელი, გიორგი მიხეილის ძე თუმანიშვილი (თუმანოვი).
1880
ტიპი: ავტორობა
1880-1881 წლების ქართველთა შორის წერა-კითხვის გამავრცელებელი საზოგადოების წლიური ანგარიშის მიხედვით, თბილისის სკოლაში სულ 60 მოსწავლე, ორივე სქესის ბავშვები, უნდა მიეღოთ. მოსწავლეთა უმრავლესობას ათი სასწავლო თვის განმავლობაში ყოველი თვის ბოლოს სწავლის საფასური, თითო მანეთი, უნდა გადაეხადა. მცირე ნაწილი კი საოსტატო გადასახადისაგან უნდა განთავისუფლებულიყო. სკოლაში მისაღებ მოსწავლეთა ასაკი 12 წელზე მეტი არ უნდა ყოფილიყო. ხელს აწერენ: ილია გრიგოლის ძე ჭავჭავაძე, იაკობ სიმონის ძე გოგებაშვილი, იონა მიხეილის ძე მეუნარგია, რაფიელ დავითის ძე ერისთავი, ივანე გიორგის ძე მაჩაბელი, გიორგი მიხეილის ძე თუმანიშვილი (თუმანოვი).
1880
ტიპი: ავტორობა
1880-1881 წლების ქართველთა შორის წერა-კითხვის გამავრცელებელი საზოგადოების წლიური ანგარიშის მიხედვით, საზოგადოების საერთო კრების პირველივე სხდომაზე მმართველობამ გადაწყვიტა თბილისში სკოლა გაეხსნა. ხელს აწერენ: ილია გრიგოლის ძე ჭავჭავაძე, იაკობ სიმონის ძე გოგებაშვილი, იონა მიხეილის ძე მეუნარგია, რაფიელ დავითის ძე ერისთავი, ივანე გიორგის ძე მაჩაბელი, გიორგი მიხეილის ძე თუმანიშვილი (თუმანოვი).
1880
ტიპი: ავტორობა
1880 წლის პირველი ივლისის ქართველთა შორის წერა-კითხვის გამავრცელებელი საზოგადოების საერთო კრებამ დაამტკიცა შემდეგი ხარჯთა სია: წიგნებისა და სასწავლო ნივთებისათვის 500 მანეთი, ბათუმის სკოლის მოსაწყობად 500 მანეთი, თბილისის სკოლის მოსაწყობად 500 მანეთი, სტიპენდიებისთვის 225 მანეთი და ბიბლიოთეკისთვის 500 მანეთი. ხელს აწერენ: ილია გრიგოლის ძე ჭავჭავაძე, იაკობ სიმონის ძე გოგებაშვილი, იონა მიხეილის ძე მეუნარგია, რაფიელ დავითის ძე ერისთავი, ივანე გიორგის ძე მაჩაბელი, გიორგი მიხეილის ძე თუმანიშვილი (თუმანოვი).
1880
ტიპი: ორგანიზაცია
1880-1881 წლების ქართველთა შორის წერა-კითხვის გამავრცელებელი საზოგადოების წლიური ანგარიშის მიხედვით, საზოგადოების მმართველობის წევრობის კანდიდატები იყვნენ ნიკოლოზ დავითის ძე ქანანოვი, დ. ი. ავალოვი და ვლადიმერ სიმონის ძე მიქელაძე.
1880
ტიპი: ორგანიზაცია
1880-1881 წლების ქართველთა შორის წერა-კითხვის გამავრცელებელი საზოგადოების წლიური ანგარიშის მიხედვით, საზოგადოების წევრები იყვნენ: ნიკოლოზ ზებედეს ძე ცხვედაძე, იაკობ სიმონის ძე გოგებაშვილი, ივანე გიორგის ძე მაჩაბელი, ალექსანდრე ივანეს ძე სარაჯიშვილი, გიორგი ექვთიმეს ძე წერეთელი, თევდორე დავითის ძე ჟორდანია, ივანე ევდოკიმეს ძე გამყრელიძე, გიორგი მიხეილის ძე თუმანიშვილი, იონა მიხეილის ძე მეუნარგია და გიორგი კურდღელას ძე უთურგაური.
1899
ტიპი: ღონისძიება
1899 წლის 12 ოქტომბერს ქართველთა შორის წერა-კითხვის გამავრცელებელი საზოგადოების გამგეობის სხდომაზე გრიგოლ ყიფშიძეს გამგეობის სახელით გურია-სამეგრელოს ეპისკოპოს ალექსანდრესთვის 50-წლიანი მოღვაწეობის აღსანიშნავად მისალოცი წერილის შედგენა და გაგზავნა დაევალა.
1899
ტიპი: ღონისძიება
1899 წლის 12 ოქტომბერს ქართველთა შორის წერა-კითხვის გამავრცელებელი საზოგადოების გამგეობის სხდომაზე იაკობ გოგებაშვილმა გამგეობას შესთავაზა, წერილობითი მილოცვა გაეგზავნათ გურია-სამეგრელოს ეპისკოპოს ალექსანდრესთვის 50-წლიანი ნაყოფიერი მოღვაწეობის აღსანიშნავად.
1899
ტიპი: ღონისძიება
1899 წლის 12 ოქტომბრის სხდომაზე ქართველთა შორის წერა-კითხვის გამავრცელებელი საზოგადოების გამგეობამ დაამტკიცა ანგარიში გომარეთის სკოლის მასწავლებელ იოსებ ფორაქაშვილისთვის ნოემბრის ხელფასის – 15 მანეთის მიცემის შესახებ.
1899
ტიპი: ღონისძიება
1899 წლის 12 ოქტომბრის სხდომაზე ქართველთა შორის წერა-კითხვის გამავრცელებელი საზოგადოების გამგეობამ დაამტკიცა ანგარიში ფოტოსახელოსნოს გამგე ტარას მომცემლიძისთვის 25 მანეთის მიცემის შესახებ.
1899
ტიპი: ღონისძიება
1899 წლის 12 ოქტომბრის სხდომაზე ქართველთა შორის წერა-კითხვის გამავრცელებელი საზოგადოების გამგეობამ დაამტკიცა ანგარიში მაქსიმე შარაძისთვის წიგნების თანხის – 51. 43 მანეთის მიცემის შესახებ.
1899
ტიპი: ავტორობა
1899 წლის 12 ოქტომბრის სხდომაზე ქართველთა შორის წერა-კითხვის გამავრცელებელი საზოგადოების გამგეობამ განიხილა და დაამტკიცა საზოგადოების ხარჯთაღრიცხვა. პირველიდან 12 ოქტომბრამდე შემოსავალი იყო 1416. 95 მანეთი, ხარჯი – 497. 36. 12 ოქტომბრისთვის საზოგადოებას ჰქონდა 19735. 86 მანეთი, ასევე სხვა საგანგებო და სათადარიგო თანხები. ოქმს ხელი მოაწერა თავმჯდომარის მოადგილე ნიკოლოზ ცხვედაძემ.
1899
ტიპი: ღონისძიება
1899 წლის 12 ოქტომბერს ნიკოლოზ ცხვედაძის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების გამგეობის სხდომას დაესწრნენ ალექსანდრე მიქაბერიძე, ალექსანდრე ჭყონია, დავით კარიჭაშვილი, გრიგოლ ყიფშიძე, ვლადიმერ ლორთქიფანიძე და ივანე ზურაბიშვილი.
1899
ტიპი: ღონისძიება
1899 წლის ოქტომბერში ხელთუბნის სკოლის მასწავლებელმა თედო რაზიკაშვილმა ქართველთა შორის წერა-კითხვის გამავრცელებელ საზოგადოებას აცნობა, რომ სკოლის ბაღის ღობე დაზიანდა და მის აღდგენას სჭირდებოდა ორი ურემი ფიჩხი და ერთი ურემი ძეძვი 9 მანეთის ღირებულებისა. ასევე საკლასო ოთახის ფანჯრებს აკლდა შუშები, რომელთაგან 10 დიდი შუშა მან თავისი ხარჯით ჩასვა და 4 პატარა შუშა დარჩა, სულ 5 მანეთისა. ის ამ თანხის გაგზავნას ითხოვდა.
1899
ტიპი: ღონისძიება
1899 წლის 5 ოქტომბრის სხდომაზე ქართველთა შორის წერა-კითხვის გამავრცელებელი საზოგადოების გამგეობამ განიხილა თერგის ოლქის სახალხო სკოლების დირექტორის თანხმობა პართენ გოთუას კავკავის სკოლის გამგედ დანიშვნის თაობაზე.
1899
ტიპი: ღონისძიება
1899 წლის 5 ოქტომბერს ქართველთა შორის წერა-კითხვის გამავრცელებელი საზოგადოების გამგეობის სხდომაზე განიხილეს და მხედველობაში მიიღეს კავკავის სკოლის მასწავლებლის ნიკოლოზ კურდღელაშვილის განცხადება სამსახურიდან დათხოვნის თაობაზე.
1899
ტიპი: თანამდებობა
1899 წლის ოქტომბერში თერგის ოლქის სახალხო სკოლების დირექტორმა აცნობა ქართველთა შორის წერა-კითხვის გამავრცელებელ საზოგადოებას, რომ დირექცია წინააღმდეგი არ იყო, პართენ გოთუა დანიშნულიყო კავკავის სკოლის გამგედ.
1899
ტიპი: ღონისძიება
1899 წელს ქართველთა შორის წერა-კითხვის გამავრცელებელი საზოგადოების გამგეობამ ელენე ანტონოვსკის მისცა 15 მანეთი ივანე ბატონიშვილის ლექსიკონის გადაწერაში.
1899
ტიპი: ღონისძიება
1899 წლის ოქტომბერში ლუკა რაზიკაშვილმა ქართველთა შორის წერა-კითხვის გამავრცელებელი საზოგადოების გამგეობას სთხოვა, მისი თხზულებების ჰონორარიდან ყოველთვიურად 10 მანეთი ანტონ გოგიაშვილისთვის მიეცათ.
1908
ტიპი: ღონისძიება
1908 წლის 31 აგვისტოს ქართველთა შორის წერა-კითხვის გამავრცელებელი საზოგადოების კრების თავმჯდომარემ, იაკობ ღულაძემ კრება გახსნა და დამსწრეთ დღის წესრიგი გააცნო. საზოგადოების გამგეობის მდივანმა, სამსონ ფირცხალავამ წაიკითხა მოხსენება ილია ჭავჭავაძის ფონდისა და საფლავის ძეგლის მდგომარეობის შესახებ.