საქართველოს პროსოპოგრაფია

ფაქტები

რეგისტრირებული ფაქტები93616

1917

ტიპი: ღონისძიება

1917 წლის 26 ნოემბერს საქართველოს ეროვნული საბჭოს აღმასრულებელი კომიტეტისა და დამფუძნებელი კრების პრეზიდიუმის სხდომაზე საგანგებო საერობო კომისიის წევრებად აირჩიეს ნოე ჟორდანია, ნოე რამიშვილი და გრიგოლ ნათაძე.

1917

ტიპი: თანამდებობა

1917 წლის 26 ნოემბერს თბილისის უნივერსიტეტის საბჭოს კრებაზე პროფესორებად აირჩიეს სიმონ ავალიანი, გიორგი ახვლედიანი, ფილიპე გოგიჩაიშვილი, კორნელი კეკელიძე, შალვა ნუცუბიძე, ანდრია რაზმაძე, დიმიტრი უზნაძე, დავით ყიფშიძე.

1917

ტიპი: ღონისძიება

1917 წლის 26 ნოემბერს საქართველოს ეროვნული საბჭოს აღმასრულებელი კომიტეტის და დამფუძნებელი კრების პრეზიდიუმის სხდომას თავმჯდომარეობდა აკაკი ჩხენკელი; ესწრებოდნენ: პავლე საყვარელიძე, ნიკოლოზ ელიავა, ბენიამინ ჩხიკვიშვილი, ნიკო ნიკოლაძე, დავით ჩიქოვანი, დავით ონიაშილი, ევგენი როგავა, ანდრია ჭიაბერაშილი, კონსტანტინე მაყაშვილი, გიორგი ჟურული, პეტრე ქავთარაძე, მიხეილ მაჩაბელი, მალაქია ტოროშელიძე, ივანე ჩერქეზიშვილი, შალვა ამირეჯიბი, გრიგოლ რცხილაძე, გერონტი ქიქოძე, გიორგი ლასხიშვილი, დიმიტრი უზნაძე, მიხეილ კლიმიაშილი, კონსტანტინე მესხი, იოსებ დადიანი, ივანე გობეჩია, კოტე აფხაზი, გრიგოლ ვეშაპელი, გიორგი გვაზავა, რაჟდენ ნიჟარაძე, კონსტანტინე გვარჯალაძე, მემედ აბაშიძე, იოსებ გედევანიშვილი, იესე ბარათაშვილი, კონსტანტინე საბახტარაშვილი, ნიკოლოზ ქარცივაძე, ნოე რამიშვილი, სიმონ მდივანი, სილიბისტრო ჯიბლაძე, ალექსანდრე ლომთათიძე, გრიგოლ ნათაძე.

პირები
კონსტანტინე (კოტე) ზაქარიას ძე მაყაშვილი გრიგოლ (გიგო) სვიმონის ძე რცხილაძე ნოე ბესარიონის ძე რამიშვილი მალაქია გიორგის ძე ტოროშელიძე ნიკოლოზ ზურაბის ძე ელიავა (ნ.-ვა, ნ.-კა, შავწყალა) გიორგი დურმიშხანის ძე ჟურული სიმონ (სოსიკო) გურგენის ძე მდივანი ბენიამინ (ბენია) გრიგოლის (გიგოს) ძე ჩხიკვიშვილი გიორგი მიხეილის ძე ლასხიშვილი პეტრე პავლეს ძე ქავთარაძე გერასიმე (გერონტი) დიმიტრის ძე ქიქოძე ანდრია იაკობის ძე ჭიაბერაშვილი (ჭაბროვი) აკაკი ივანეს ძე ჩხენკელი დავით გიორგის ძე ჩიქოვანი დავით ეფრემის ძე ონიაშვილი ივანე ლევანის ძე ჩერქეზიშვილი მიხეილ ვახტანგის ძე მაჩაბელი (მ. თბილისელი) სილიბისტრო (სილვა) ბესარიონის ძე ჯიბლაძე შალვა გიორგის ძე ამირეჯიბი (ამირაჯიბი) (ჩორჩანელი, ფარსმან-ფარუხი) გრიგოლ (გიგო) იასონის ძე ნათაძე არ. პოლიცვეტოვიჩ-ნიკოლაძე ევგენი როგავა
წყარო

1917

ტიპი: ღონისძიება

1917 წლის 26 ნოემბერს საქართველოს ეროვნული საბჭოს აღმასრულებელი კომიტეტის და დამფუძნებელი კრების პრეზიდიუმის სხდომას თავმჯდომარეობდა აკაკი ჩხენკელი; ესწრებოდნენ: პავლე საყვარელიძე, ნიკოლოზ ელიავა, ბენიამინ ჩხიკვიშვილი, ნიკო ნიკოლაძე, დავით ჩიქოვანი, დავით ონიაშილი, ევგენი როგავა, ანდრია ჭიაბერაშილი, კონსტანტინე მაყაშვილი, გიორგი ჟურული, პეტრე ქავთარაძე, მიხეილ მაჩაბელი, მალაქია ტოროშელიძე, ივანე ჩერქეზიშვილი, შალვა ამირეჯიბი, გრიგოლ რცხილაძე, გერონტი ქიქოძე, გიორგი ლასხიშვილი, დიმიტრი უზნაძე, მიხეილ კლიმიაშილი, კონსტანტინე მესხი, იოსებ დადიანი, ივანე გობეჩია, კოტე აფხაზი, გრიგოლ ვეშაპელი, გიორგი გვაზავა, რაჟდენ ნიჟარაძე, კონსტანტინე გვარჯალაძე, მემედ აბაშიძე, იოსებ გედევანიშვილი, იესე ბარათაშვილი, კონსტანტინე საბახტარაშვილი, ნიკოლოზ ქარცივაძე, ნოე რამიშვილი, სიმონ მდივანი, სილიბისტრო ჯიბლაძე, ალექსანდრე ლომთათიძე, გრიგოლ ნათაძე.

პირები
გრიგოლ გიორგის ძე ვეშაპიძე (ვეშაპელი) მემედ-ბეგ იბრაჰიმის ძე აბაშიძე გიორგი ბეჟანის ძე გვაზავა (მეთვალყურე) კონსტანტინე ბეჟანის (ბეჟუკის) ძე საბახტარაშვილი ალექსანდრე (სანდრო) სპირიდონის ძე ლომთათიძე დიმიტრი ნიკოლოზის ძე უზნაძე ივანე პავლეს ძე გობეჩია იესე (იოსებ, ოსიკო) ალექსანდრეს ძე ბარათაშვილი იოსებ იულონის ძე დადიანი იოსებ (სოსო) კონსტანტინეს ძე გედევანიშვილი (გე-ვა-ლი) კონსტანტინე დავითის ძე მესხი კონსტანტინე (კოწია) იაგორის ძე გვარჯალაძე კოტე (კონსტანტინე) ნიკოლოზის ძე აფხაზი ნიკოლოზ (კოლია) იოთამის ძე ქარცივაძე რაჟდენ ფარნაოზის ძე ნიჟარაძე მიხეილ იოსების ძე კლიმიაშვილი
წყარო

1917

ტიპი: ღონისძიება

1917 წლის 23 ნოემბერს ქ. ქუთაისში გაზეთის „ხმა ქართველი ქალისა“ რედაქციის (რედაქტორი კატო მიქელაძე) ფონდის და ქალთა კლუბის სასარგებლოდ გაიმართა ყულაბებით ფულის შეგროვება. შეგროვდა 2057 მანეთი და 77 კაპიკი.

1917

ტიპი: თანამდებობა

1917 წლის 22 ნოემბერს საქართველოს ეროვნული საბჭო აირჩიეს და მასთან შედგა სამხედრო სექცია, რომელშიც, მართალია, ქართული სამხედრო კავშირის წარმომადგენლები შედიოდნენ, მაგრამ ისევე როგორც საბჭოში, სამხედრო სექციაშიც ძალაუფლება მენშევიკებს ჰქონდათ. ამის მიუხედავად, სამხედრო სექციამ პარტიული მოსაზრებით დანიშნულ ქართული ჯარის მეთაურ ახმეტელს უფლება არ მისცა, თანაშემწეები თავისი სურვილით მოეწვია. სამხედრო სექციამ ასევე პარტიული მოსაზრებით სამხედრო კორპუსს შტაბის უფროსად იმხანად კაპიტნის ჩინის მქონე სოსო გედევანიშვილი დაუნიშნა.

1917

ტიპი: ორგანიზაცია

1917 წლის 22 ნოემბრისათვის, როდესაც საქართველოს ეროვნულ საბჭოსთან არსებულმა სამხედრო სექციამ სოსო გედევანიშვილი სამხედრო კორპუსის შტაბის უფროსად დანიშნა, მას უკვე ჰქონდა უმაღლესი სამხედრო განათლება მიღებული, ფლობდა კაპიტნის ჩინს და ფედერალისტების ფარტიაში თვალსაჩინო ადგილი ეკავა.

1917

ტიპი: პირადი ურთიერთობა

1917 წლის 22 ნოემბრისათვის, როდესაც საქართველოს ეროვნულ საბჭოსთან არსებულმა სამხედრო სექციამ სოსო გედევანიშვილი სამხედრო კორპუსის შტაბის უფროსად დანიშნა, იგი 12 წლის განმავლობაში ჩამოშორებული იყო სამხედრო საქმეს პოლიტიკური მიზეზების გამო, სწორედ ამიტომ, ზოგიერთი სამხედრო მეთაური, მათ შორის გენერალი მაზნიაშვილი, თვლიდა, რომ გედევანიშვილი რიგიანად ვერ გაუძღვებოდა შტაბის უფროსის მოვალეობებს.

1917

ტიპი: ორგანიზაცია

1917 წლის 22 ნოემბერს საქართველოს ეროვნულმა ყრილობამ (რომელიც საქართველოს სრული სახელმწიფოებრივი დამოუკიდებლობის აღდგენის საკითხს განიხილდავდა) კოტე აფხაზი საქართველოს ეროვნული საბჭოს წევრად აირჩია.

1917

ტიპი: ღონისძიება

1917 წლის 21 ნოემბერს ივანე ციციშვილი საბრძოლო დამსახურებისა და სამსახურში წარჩინებისთვის წმინდა გიორგის ოქროს იარაღით დააჯილდოვეს.

1917

ტიპი: ავტორობა

1917 წლის 20 ნოემბრის გაზეთის, „ხმა ქართველი ქალისა“ N 31 რედაქტორმა კატო მიქელაძემ გამოაქვეყნა პუბლიკაცია „ორი მთავარი საკითხი“. ავტორი სტატიაში განიხილავს მთავრობისგან მიღებულ გადაწყვეტილებას, რომელმაც ქალებს სრული პოლიტიკური და მოქალაქეობრივი უფლება მიანიჭა სიტყვით, ხოლო სარწმუნოებრივ საკითხში გამოსცა კანონი, რომ თუ მშობლები ვერ შეთანხმდნენ მცირეწლოვანი შვილის სარწმუნოების თაობაზე, მამის ხმა იქნება გადამწყვეტი. მეორე საკითხია მიწის შესახებ, რომელიც მთავრობისგან უნდა გადაეცეს გლეხებს, თუმცა არაფერია ნათქვამი გლეხის ქალებზე.

1917

ტიპი: ავტორობა

1917 წლის 20 ნოემბრის გაზეთში „ხმა ქართველი ქალისა“ N31 გამოქვეყნდა კატო მიქელაძის პუბლიკაცია „მიზეზი ქალთა მონობისა და ქალთა მოძრაობისა“, რომელშიც ავტორი განიხილავს ქალთა მონურ მდგომარეობას და მათი უფლებებისათვის ბრძოლის მნიშვნელობას.

1917

ტიპი: ავტორობა

1917 წლის 20 ნოემბრის გაზეთში „ხმა ქართველი ქალისა“ N 31 „რიონელი ქალის“ ფსევდონიმით დაიბეჭდა სტატია „ჩვენ და პარტიული თუთიყუშები“, რომელშიც ავტორი ლაპარაკობს ქუთაისის ქალთა კლუბისა და გაზეთის „ხმა ქართველი ქალისა“ დევნაზე პარტიული მოხელეების მხრიდან, პატრიარქალურ სულისკვეთებასა და ქალების უუფლებო მდგომარეობაზე.

1917

ტიპი: ღონისძიება

1917 წლის 20 ნოემბრის გაზეთის, „ხმა ქართველი ქალისა“ N31 ცნობით, 1-ლი, მე-3, მე-6 და მე-8 არმია, რომელიც იცავდა სოციალისტურ მთავრობას, პრემიერ-მინისტრის თანამდებობაზე ნიკოლაი დიმიტრის ძე ავქსენტევის კანდიდატურას მოითხოვდა.

1917

ტიპი: ღონისძიება

1917 წლის 6 ნოემბერს საგარეო საქმეთა სამინისტროს უფროსმა მოხელეებმა ტროცკის გასაღებები გადასცეს, თუმცა მასთან მუშაობაზე ყველამ უარი განაცხადა. სამინისტროში მუშაობა შეწყდა.

1917

ტიპი: ღონისძიება

1917 წლის 20 ნოემბრის გაზეთის „ხმა ქართველი ქალისა“ (N31) ცნობით, გაიტაცეს დიდი, ახალი თეატრის არტისტთა პირადი ქონება. ძალიან დაზარალდა ალექსანდრე სუმბათაშვილ-იუჟინი, რომლის ოთახში იყო მდიდარი სასცენო გარდერობი.

1917

ტიპი: ღონისძიება

1917 წლის 20 ნოემბრის გაზეთის „ხმა ქართველი ქალისა“ N31 ცნობით, მუშათა და ჯარისკაცთა საბჭოში პროპორშჩიკმა კრილენკომ ჯარისკაცთა უფლებების ახალი დეკლარაცია შეიტანა, რომლის თანახმად ოფიცრებს ეკრძალებოდათ ყოველგვარი განსაკუთრებული ჩინის ტარების უფლება.

1917

ტიპი: ნასამართლეობა

1917 წლის 20 ნოემბრის გაზეთის, „ხმა ქართველი ქალისა“ N 31 ცნობით, წითელი გვარდიის მიერ ო. ლ. კერენსკაიას დაპატიმრების გარემოება გაირკვა. მიხაილოვის მოედანზე წითელ გვარდიელებმა შეიპყრეს ქალი, რომელიც დროებითი რევოლუციური კომიტეტის პლაკატებს გლეჯდა, მიიყვანეს პირველ სპასკის კომისარიატში, სადაც თავი დაასახელა ყოფილი პირველი მინისტრის, კერენსკის ცოლად. ოქმის შედგენის შემდეგ წითელგვარდიელებს უნდოდათ მისი გადაყვანა სმოლნის ინსტიტუტში, მაგრამ ხალხი წინაღუდგა ფა მოითხოვეს მისი გადაყვანა ქალაქის საბჭოში, სადაც ო. ლ. კერენსკაია დატოვეს და ოქმი წარუდგინეს ქალაქის თავს.

1917

ტიპი: გარდაცვალება

1917 წლის 20 ნოემბრის გაზეთის, „ხმა ქართველი ქალისა“ N 31 ცნობით, შიდა არეულობებისა და ჟლეტის გავლენით ფ. ფ. ვოსკრესენსკიმ თავი მოიკლა.

1917

ტიპი: ღონისძიება

1917 წლის 20 ნოემბრის გაზეთის „ხმა ქართველი ქალისა“ (N31) ცნობით, მოქალაქე ნინა ხანანაშვილმა ქ. სამტრედიის ქალთა წრის გასაძლიერებლად შესწირა 10 მან., რისთვისაც ქალაქის გამგეობა დიდ მადლობას უხდის.

1917

ტიპი: ღონისძიება

1917 წლის 20 ნოემბერს ეროვნულ ყრილობაზე ნოე ჟორდანიამ წაიკითხა მოხსენება პოლიტიკურ შიდა მმართველობაზე და აღიარა საქართველოს ტერიტორიული ავტონომია. ამის შემდეგ კრება 15 წუთით შეწყდა და დრო დაეთმო სხვა გამომსვლელებს, რომლებიც სიაში წინასწარ იყვნენ ჩაწერილი, სიის ბოლოში მოხვდა ქუთაისის ქალთა ინტერპარტიული ორგანიზაციის დელეგატი, კატო მიქელაძე, რომელსაც სიტყვა არ მისცეს. კატო მიქელაძემ კრების თავმჯდომარე აკაკი ჩხენკელს მიმართა, თუმცა უშედეგოდ.

1917

ტიპი: ღონისძიება

1917 წლის 20 ნოემბერს საქართველოს ეროვნული საბჭოს აღმასრულებელ კომიტეტს ქუთაისის დრამატიული საზოგადოების გამგეობამ გაუგზავნა წერილი, რომლის თანახმადაც საქართველოს ეროვნულ ყრილობას მათი წარმომადგენელი პავლე უზნაძე დაესწრებოდა.

1917

ტიპი: თანამდებობა

1917 წლის 20 ნოემბერს საქართველოს ეროვნულ-დემოკრატთა სტუდენტთა ორგანიზაციამ გამოსცა მოწმობა დელეგატ მიხეილ ხერხეულიძის ნაცვლად ზ. ჩიხლაძის დანიშვნის შესახებ.

1917

ტიპი: ღონისძიება

1917 წლის 19 ნოემბერს თბილისის სახელმწიფო თეატრში საქართველოს ეროვნული ყრილობა გაიმართა, რომელიც ეროვნულ-ინტერპარტიული საბჭოს სახელით გახსნა საბჭოს თავმჯდომარე აკაკი ივანეს ძე ჩხენკელმა, აირჩიეს პრეზიდიუმი – თავმჯდომარე და მისი ხუთი მოადგილე, ხუთი მდივანი, ცხრა მდივანი საქმეების საწარმოებლად მოიწვიეს. სამანდატო კომისიის არჩევა ყრილობას მიენდო. ყრილობის დღის წესრიგი შემდეგი იყო: 1. ნოე ნიკოლოზის ძე ჟორდანიას მოხსენება „თანამედროვე მომენტი და ქართველი ერი“, 2. კოტე ნიკოლოზის ძე აფხაზის მოხსენება „საქართველოს თავად-აზნაურობის ქონების მიღება და მოვლა-პატრონობა“.

1917

ტიპი: ღონისძიება

1917 წლის 19-20 ნოემბერს ქ. თბილისში საქართველოში მოქმედმა პოლიტიკურმა პარტიებმა ჩაატარეს ეროვნული ყრილობა. ყრილობაზე ქალებს მონაწილეობა არ მიუღიათ.