რეგისტრირებული ფაქტები93616
სორტირება თარიღი კლებადობით
1917
ტიპი: ავტორობა
1917 წლის 19 ოქტომბრის გაზეთში „ხმა ქართველი ქალისა“ N27 გამოქვეყნდა კატო მიქელაძის პუბლიკაცია „მიზეზი ქალთა მონობისა და ქალთა მოძრაობისა“, რომელშიც ავტორი განიხილავს საფრანგეთის რევოლუციების დროს ქალთა მიმართ მოპყრობის საკითხს. ის ახსენებს „სოციალიზმის ისტორიის" ავტორ ჟ. ჟორესს, რომელიც აღწერს რევოლუციის გმირებს. მას მაგალითად მოჰყავს სავოიის პრინცესა მარია ლუიზა ლამბალის (მეფის სასახლის ჰობერ გოფმეისტერი) დაკითხვის პროცესი, რომელიც შემდეგ სცემეს და სიკვდილით დასაჯეს შეთქმულებაში მონაწილეობის ბრალდებით.
1917
ტიპი: ღონისძიება
1917 წლის 19 ოქტომბრის გაზეთში „ხმა ქართველი ქალისა“ (რედაქტორი კატო მიქელაძე) გამოქვეყნა ცნობები ქალთა უფლებების შესახებ. 1776 წელს ამერიკის შეერთებული შტატების მეორე კონტინენტალურ კონგრესს თათბირი ჰქონდა კონსტიტუციასთან დაკავშირებით. ამერიკის პრეზიდენტს მისმა ცოლმა მისწერა წერილი, რომ თუ მომავალი კონსტიტუცია სათანადო ყურადღებას არ მიაქცევდა ქალთა უფლებების საკითხს, ამერიკელ ქალებს გადაწყვეტილი ჰქონდათ მოეწყოთ არეულობა და არ დამორჩილებოდნენ იმ კანონებს, რომლებიც მათ ინტერესებს არ დაიცავდა. მათ შექმნეს ქალთა დიდი მოძრაობა, რომელიც ანგარიშგასაწევი ძალა იყო, მოიპოვეს სწავლა-განათლებისა და თანამდებობების მიღების უფლება.
1917
ტიპი: ღონისძიება
1917 წლის 19 ოქტომბრის გაზეთის „ხმა ქართველი ქალისა“ N 27 ცნობით, სარატოვიდან იუწყებოდნენ, რომ პოკროვსკაში სასოფლო ყრილობაზე გლეხმა შვაგერმა მოითხოვა ნებართვა მოეკლა ის კაცი, რომელმაც მისი ქალიშვილი გააუპატიურა. ყრილობამ ერთხმად თანხმობა გამოუცხადა. კომისარმა გააპროტესტა და კანონები შეახსენა, მაგრამ ყრილობა შეურყეველი დარჩა და მიიჩნია, რომ ასეთი დასჯა დანაშაულს აღმოფხვრიდა.
1917
ტიპი: ღონისძიება
1917 წლის 19 ოქტომბრის გაზეთის „ხმა ქართველი ქალისა“ N27 ცნობით, ტობოლსკის კომისარი იუწყებოდა, რომ ქალაქში აუტანელი მდგომარეობა იყო. რომანოვების იმჟამინდელ სახლთან მიმდინარეობდა მანიფესტაციები, იყო საერთო სახალხო პარაკლისი, სადაც ხალხი დაჩოქილი ლოცულობდა და ძველ ჰიმნს მღეროდა, მახლობელი სოფლებიდან და ქალაქებიდან ხალხი ჩამოდიოდა. კომისრის ცნობით, რომანოვების ბინის მცველები საიმედონი არ იყვნენ და მოუწოდებდა მთავრობას დაუყოვნებლივ გადაიყვანა ისინი ნაკლებად დასახლებულ ადგილას.
1917
ტიპი: თანამდებობა
1917 წლის 19 ოქტომბრის გაზეთის, „ხმა ქართველი ქალისა“ N27 ცნობით, ნ. დ. ავქსენტევი ს. რ. ფრაქციიდან გამოდის, რომ შეინარჩუნოს თავისუფალი მოქმედება და იმყოფებოდეს დამოუკიდებელ ფრაქციაში. მისი ადგილი გადაეცა გოცს, მას შემდეგ რაც ავქსენტევი პარლამენტის თავმჯდომარედ აირჩიეს.
1917
ტიპი: ღონისძიება
1917 წლის 19 ოქტომბრის გაზეთის, „ხმა ქართველი ქალისა“ N27 რედაქტორ კატო მიქელაძის ცნობით, გაზეთის შემდეგი ნომერი გამოვა ორშაბათობით.
1917
ტიპი: ღონისძიება
1917 წლის 19 ოქტომბრის გაზეთი „ხმა ქართველი ქალისა“ N 27 იუწყება, რომ ქუთაისის საერთო ქალთა კლუბის (ხელმძღვანელი კატო მიქელაძე) აღმასრულებელი ბიურო მოუწოდებს კლუბის წევრებს, შეიკრიბონ ყოველ კვირა საღამოს 6 საათზე ქალაქის სამკითხველოში.
1917
ტიპი: ღონისძიება
1917 წლის 19 ოქტომბრის გაზეთის, „ხმა ქართველი ქალისა“ N27 ცნობით, რამდენიმე კვირის შემდეგ ქუთაისის გუბერნიაში ერობას შემოიღებენ.
1917
ტიპი: ღონისძიება
1917 წელს ქალაქის სანიტარულმა ექიმმა ქალაქის თვითმმართველობას წინადადება მისცა, რომ დ. ქებაძის საპნის ქარხანა, რომელიც მდებარეობდა წითელ ხიდთან, გადაეტანათ ქალაქგარეთ.
1917
ტიპი: გარდაცვალება
1917 წლის 16 ოქტომბერს ქვემო კრიხის წმინდა გიორგის ეკლესიის მღვდელი იაკობ გრიგოლის ძე სხირტლაძე გარდაიცვალა.
1917
ტიპი: პირადი ინფორმაცია
1917 წლის 15 ოქტომბრიდან 1919 წლის პირველ ოქტომბრამდე ეკატერინე ბაქრაძე წეროვანისა და ონის სასწავლებლებში მუშაობდა.
1917
ტიპი: ავტორობა
1917 წლის 14 ოქტომბრის გაზეთ „სახალხო საქმეში“ გამოქვეყნებულ წერილში „ორი უნივერსიტეტი“ აკაკი შანიძე აღნიშნავდა, რომ ორი უნივერსიტეტიდან, რომლებიც იანვარში თბილისში დაარსდებოდა, ერთი რუსების და რუსულად მოაზროვნე სომხების, ქართველების, ოსებისა და სხვ. სასწავლო ადგილი იქნებოდა, ხოლო მეორე – ქართველების და ქართულად მოსაუბრეების ცოდნის წყარო.
1917
ტიპი: ავტორობა
1917 წლის 14 ოქტომბრის გაზეთ „სახალხო საქმეში“ გამოქვეყნებულ წერილში „ორი უნივერსიტეტი“ აკაკი შანიძე აღნიშნავდა, რომ ორი უნივერსიტეტიდან, რომლებიც იანვარში თბილისში დაარსდებოდა, ერთი იქნებოდა რუსეთის სახელმწიფოებრივი ინტერესების მსახური, რუსული მეცნიერების სანერგე და კულტურის დარაჯი ამიერკავკასიაში, ხოლო მეორე – ქართველთა ეროვნული ტკივილის დამაიმედებელი, კულტურის დაცვის, შენახვისა და განვითარების ფარ-ხმალი.
1917
ტიპი: ავტორობა
1917 წლის 14 ოქტომბრის გაზეთ „სახალხო საქმეში“ გამოქვეყნებულ წერილში „ორი უნივერსიტეტი“ აკაკი შანიძე აღნიშნავდა, რომ ორი უნივერსიტეტიდან, რომლებიც იანვარში თბილისში დაარსებოდა, ერთს, რუსულს, შეინახავდა ხაზინა და ქონებრივად უზრუნველყოფილი იქნებოდა, ხოლო მეორეს, ქართულ უნივერსიტეტს – კერძო პირები.
1917
ტიპი: ღონისძიება
1917 წლის 14 ოქტომბრის „სახალხო საქმის“ ცნობით, თბილელი მიტროპოლიტი ლეონიდე დაბრუნდა ფოთიდან, სადაც იმყოფებოდა სამწყსოსთან გამოსათხოვებლად.
1917
ტიპი: ღონისძიება
1917 წლის 14 ოქტომბრის „სახალხო საქმის“ ცნობით, დამფუძნებელი კრების კომისიის თავმჯდომარე ალექსანდრე ლომთათიძე და მდივანი ალექსანდრე ხახანაშვილი პროვინციაში გაემგზავრნენ საარჩევნო საქმის საწარმოებლად.
1917
ტიპი: ღონისძიება
1917
წლის 14 ოქტომბრის „სახალხო საქმის“ ცნობით, თბილელმა მიტროპოლიტმა ლეონიდემ საცხოვრებლად აირჩია დარიის მონასტერი ავლაბარში,
სადაც დასახლდა და მთხოვნელებს იღებდა.
1917
ტიპი: ღონისძიება
1917 წლის 14 ოქტომბრის „სახალხო საქმის“ ცნობით, ადელხანოვის ქარხნიდან დაუმუშავებელი ტყავის უქონლობის გამო 400-მდე მუშა დაითხოვეს.

