ტიპი: ღონისძიება

ვანო და გაიანე დავითაშვილების ორივე ვაჟი ომში დაიღუპა. არჩილის საფლავი ვერ მოიძებნა, მარლენი კი უკრაინაში დაკრძალეს.

ტიპი: ავტორობა

ივანე ჯავახიშვილის გამოკვლევით ლობიოს თესლი საქართველოში XVI საუკუნიდან უნდა შემოსულიყო, სავარაუდოთ ამერიკიდან, გურიის საშუალებით.

ტიპი: ორგანიზაცია

მაღლაკელიძეების არქივში აღმოჩენილი განცხადების ფორმაში „ქართველ მხედართა დარაზმულობაში გაწევრიანების მსურველთათვის“ სახელმწიფო ორგანიზაციებში საბეჭდი მანქანების არსებობის აუცილებლობას უსვამდნენ ხაზს.

ტიპი: ორგანიზაცია

მაღლაკელიძეების არქივში აღმოჩენილ „ქართველ სტუდენტთა საზოგადოების“ წევრთა სიაში ჩაწერილია: შალვა მაღლაკელიძე, ვიქტორ ნოზაძე, გრიგოლ ჩომახიძე, გაიოზ მაღლაკელიძე, კარლო ინასარიძე, ალექსანდრე ფუტკარაძე, ჯიმშერ ახმეტელი, ლევან ბალარჯიშვილი.

ტიპი: ავტორობა

ქრისტინე შარაშიძემ სტალინს მისწერა, რომ საჭირო იყო „წერა–კითხვის წიგნთსაცავისა“ და საისტორიო–საეთნოგრაფიო ბიბლიოგრაფიის წიგნადი ფონდების შევსება გატანილი წიგნების დაბრუნებით, ფონდების შემოწმება ელენე კარიჭაშვილისა და იროდიონ სონღულაშვილის მონაწილეობით და ასევე საგანგებოდ შერჩეულ კომისიისგან ამ ფონდების დაცვისა და გამოყენების საკითხის მოგვარება.

ტიპი: ავტორობა

გულეიკარის საზოგადოების სკოლის მასწავლებელმა დავით ფირცხლავამ გააკეთა განცხადება წერა-კითხვის გამავრცელებელი საზოგადოების სახელზე, მისთვის წიგნების გასაგზავნად.

ტიპი: ღონისძიება

თელავში წმ. ნინოს სასწავლებლის პედაგოგიური საბჭოს პირი თელავის ქალაქის თავს წერს, რომ სამინისტროს საწინააღმდეგო არაფერი აქვს თავისუფალ საათებში სომეხთა გიმნაზიას დაეთმოს სასწავლებლის შენობა.ეს საკითხი მოეგვარებინათ ქალაქის თავთან შეთანხმებით. 1918 წლის 24 ოქტომბერს ხელს აწერს განათლების მინისტრი გ.ლასხიშვილი.

ტიპი: სტატუსი

4 ივნისი 1918 წელი მოწმობა მოწმობა გაცემულია წითელი გვარდიის მთავარი შტაბის მდივან ვ.ა ჟღენტზე , იმიტომ, რომ ჟღენტი ნამდვილად არის უფლებამოსილი წითელი გვარდიის მთავარი შტაბის მიერ მიიღოს დარჩენილი თანხა ასიგნირებული მთავრობის მიერ 500 000 რუბლი, რომელიც არის შინაგან საქმეთა სამინისტროს განკარგულებაში.

ტიპი: ავტორობა

პატივცემულო ძმაო ვასილი ! ამა ვექილობითა გთხოვთ გამოცხადეთ სადაც და ვისთანაც არის და მიიღოთ იმ ზარალის ფულები, რომელიცა მომივიდა მე ქალაქ ბაქოში ოსმალების ურდოების შემოსევის დროს , ზარალის რაოდებობა ჩემს მიერ გადაგზავნილი არის ქალაქ ბაქოში ქართულ სკოლაში. მიღებისთანავე ფულებისა , მოაწერთ ხელს და გარდმომიგზავნით მე, ერთი სიტყვით სრულიად მოგანდობთ იმოქმედეთ ამ საგანზე ვითარცა მე პირადად და ამა ვექილობითა კანონიერად მოიმოქმედებთ მანდა. არავითარ საჩივარს არ ავღძრავ და სრული კმაყოფილი დავრჩებით. ვექილობა ესე ეკუთვნის დროებით მცხოვრებს ქალაქ თბილისშიდ ვასილი ფარსადანის ძე ჭარბაძეს ესტატე ჭარბაძე საკუთარ ხელის მოწერას ესტატე ფარსადანის ძე ჭარბაძე ვამოწმებ ხელის მოწერითა ჩემითა და დასმითა სათანადო ბეჭდისათა, ოქტომბრის „14“ დღესა 1919 ხვანჭკარის საზოგადოების კომისარი მახალდიანი

ტიპი: ავტორობა

ნდობის ფურცელი მე ქვემოთ ამისა ხელის მომწერი ამბროსი დავითის ძე საგინაძე ამათ ვაძლევ უფლებას ქ. სამტრედიის მცხოვრებს მოქალაქე კონსტანტინე ივანეს ძე ახობაძეს, რომ მან აიღოს ჩემს მაგიერ ვ. დედაბრიშვილისგან ჩემი ჩეკი ( 4000 მანეთი) ბაქოში ოსმალების შემოსვლის დროს დაკარგული ნივთების ფასათ, რომელიც არის ქ. ბაქოს ქართულ- ეროვნული საბჭს მიერ გამოგზავნილი 25639 ნომრით. ამასა შინა საკუთარ ხელს ვაწერ ამბროსი დავითის ძე საგინაძე , ხელმოწერას ვამოწმებ ბეჭდით. 13/ xi / 1919 ქალაქ სამტრედიის მილიციის უფროსი ი. ძიძიგური

ტიპი: პირადი ინფორმაცია

გიგზავნით მოწმობას . ს. პეტერბურგის უნივერსიტეტისგან მოცემულს N1779 ამასთანავე გთხოვთ ხვედრი ფული გამომიგზავნოთ პატივისცემით მალაქია გობეჯიშვილი

ტიპი: პირადი ინფორმაცია

15/2/18 ძმაო ვარლამ! დიდი ხანია არ მომიწერია შენთვის, ამის მიზეზია ჯერ ერთი პეტროგრადისგან დაშორება და მეორე მრივ ის დრო რომლის მოწამენი ვართ ორივენი. მე ეხლა სოფელში (ჩვენს ღებში) ვარ დროებით მასწავლებლათ და შეძლების და გვარათ მასწავლებლობ. პეტროგრადიდან ივლისში დავბრუნდი, ჩამოვიარე თბილისში, მაგრამ ვერ გნახე მგონი სოფლად იყავი. უნივერსიტეტი გავათავე, დამრჩა მხოლოდ სახელმწიფო ეგზამენები, მინდოდა ამ გასულ შემადგენლობაში სრულიად გამოვთხოვებოდი პეტერბურგს ე.ი რაც დამრჩა ისიცა ჩამებარებინა, მაგრამ წყალობითა ბოლშევიკებისათა დავრჩი ღებისა დაბასა შინა ….

ტიპი: ღონისძიება

საქართველოს მუზეუმის დირექტორის მიერ გაცემული თავისუფალი დღეების წიგნაკის მიხედვით ქრისტინე შარაშიძე ისვენებდა 22 იანვარს, 1 და 2 მაისს და 7 და 8 ნოემბერს.

ტიპი: განათლება

1918 წლის 18 ივლისს მიხეილ ვლადიმერის ძე აბრამიშვილი საქართველოს რესპუბლიკის სახალხო განათლების მინისტრს თხოვნით მიმართავს, რომ დანიშნოს მასწავლებლად თბილისის ერთ-ერთ ქართულ გიმნაზიაში. დაასრულა დორპატის უნივერსიტეტის საისტორიო-საფილოლოგო ფაკულტეტის სიტყვიერების განყოფილება 1918 წლის 26 იანვარს. შეუძლია ასწავლოს: 1.ქართული ენა და ლიტერატურა, 2.საქართველოს ისტორია, 3.მსოფლიო ისტორია, 4.ფსიქოლოგია და ლოღიკა. ასევე, ადგენს მოწმობას სასწავლებლის დაარულების შესახებ. უთითებს მისამართს : გუნიბის ქუჩა, სახლი #58. მოწმობა სასწავლებლის დასრულების შესახებ წაიღო #3 1919 წლის 7 თებერვალს.

ტიპი: ღონისძიება

1918 წლის 2 დეკემბერს, ტერ-აბრამოვს, ნავთობის საბითუმო საწყობის მფლობელს , შრომის სამინისტრო უგზავნის წერილს, რომ მან გასცეს კურიერზე ტალონის შესაბამისი რაოდენობის ნავთი.

ტიპი: ორგანიზაცია

ალექსანდრე დგებუაძის ცნობით, საქართველოში მოქმედებდა 2456 სამრეწველო და წესებულება. მათგან 492 კერძო პირების საკუთრება იყო, 716 – სახელმწიფოსი, დანარჩენი 1248 კი იყო საზოგადოებრივი ორგანიზაცია (ერობის, თვითმმართველობის და ა. შ.).

ტიპი: ღონისძიება

საქართველოში სომხებმა მოაწყეს ოსმალეთის წინააღმდეგ მანიფესტაცია, სადაც სიტყვით გამოვიდა დამფუძნებელი კრების თავმჯდომარე ალექსანდრე ლომთათიძე.

ტიპი: ღონისძიება

ნიკოლოზ მიწიშვილის სტატიის მიხედვით, ბენია ჩხიკვიშვილმა დახურა ბათუმის ერთადერთი ქართული გაზეთი – „მთლიანი საქართველო“ ტიციან ტაბიძის წერილის, „ირრედენტას“ გამო.

ტიპი: გარდაცვალება

1920 წლის 12 ივლისს, საღამოს 5 საათზე, პირვ. სასურსათო საწყობის ეზოში მომხდარმა შემთხვევამ იმსხვერპლა მუშები. საწყობის გამგე ანდრო რამიშვილს იქ ჰყოლია ცხოველები. მეჯინიბეებს ევალებოდათ მათი მოვლა და ყველაფრისთვის მათ აზღვევინებდა. რამიშვილის გოჭი ჩავარდნილა ფეხსალაგში, მის გადასარჩენად ჩასულან მუშები _ სოსო არუთინოვი და გიორგი ჩიტაძე. არუთინოვი შიგ ჩაიხრჩო, მიეშველა დავით ავალიშვილი და მასაც იგივე ბედი ეწია, ყვირილზე მიეშველნენ პეტრე იორდანიშვილი და თეოფილე გამცემლიძე, რომლებიც ცოცხალ-მკვდრები ამოიყვანეს. ამ შემთხვევის გამო განახლებულ ლითონზე მომუშავეთა კავშირის გამგეობა იმედოვნებს, რომ რამიშვილს და მის დამქაშებს პასუხისგებაში მისცემენ.

ტიპი: ღონისძიება

გრიგოლ რობაქიძის პიესა „ლონდა“ დასაბეჭდად გადაეცა სახელმწიფო გამომცემლობას.

ტიპი: ღონისძიება

1922 წელს შოთა რუსთაველის სახელობის თეატრში ალექსანდრე წუწუნავა დგამდა გრიგოლ რობაქიძის პიესას „ლონდა“. მთავარი როლები უნდა შეესრულებინათ ელენე დონაურს და მარიამ დავითაშვილს.

ტიპი: ღონისძიება

ნიკოლოზ მიწიშვილმა გამოსცა ქართველი პოეტების წიგნი რუსულად, თარგმანზე მუშაობდნენ: სერგეი რაფალოვიჩი, ოსიპ მანდელშტამი, ვალერიან გაფრინდაშვილი, სერგეი გოროდეცკი და სხვები.

ტიპი: ღონისძიება

ალექსანდრე მირზოევმა განათლების კომისარიატთან დაარსებულ აღმოსავლეთ ხელოვნების შემსწავლელ ინსტიტუტს გადასცა ბინა და ბიბლიოთეკა.

ტიპი: ღონისძიება

ალექსანდრე აბაშელმა აღწერა ბინა და ბიბლიოთეკა, რომლებიც განათლების კომისარიატთან არსებულ აღმოსავლეთ ხელოვნების შემსწავლელ ინსტიტუტს გადაეცა.

ტიპი: თანამდებობა

შალვა დადიანი იყო განათლების კომისარიატთან არსებული მთავარი ხელოვნების კომიტეტის წევრი.