1920

ტიპი: ღონისძიება

1920 წლის 5 აგვისტოს „ერთობა“ იუწყება, რომ ქუთაისის მოურავმა დიომიდე თოფურიძემ ქალაქში ანტისანიტარიას მიაქცია ყურადღება და სანიტარულ რაზმს დაუყოვნებლივ დასუფთავება უბრძანა.

ტიპი: ღონისძიება

1920

ტიპი: ღონისძიება

1920 წლის 2 იანვარს, პარასკევს საქართველოში გაიმართებოდა „მსახიობის დღე“. დღისით ქუჩებში მოეწყობოდა პროცესია, გაიყიდებოდა გაზეთ „მსახიობის დღის“ სპეციალური გამოშვება, გაიმართებოდა სადღესასწაულო სანახაობები. თბილისში წარმოადგენდნენ ა. სუმბათაშვილის სპექტაკლს „ღალატი“, რომელშიც მონაწილეობდნენ: ვასო აბაშიძე, ტასო აბაშიძე, ვერიკო ანჯაფარიძე, ვიქტორ გამყრელიძე, ვალერიან გუნია, იუზა ზარდალიშვილი, ა. მურუსიძე.

1921

ტიპი: ღონისძიება

1921 წლის 27 აპრილს ნოე ხომერიკი ამხანაგ კოსტიას ატყობინებს,რომ ვექილი სხირტლაძისგან მათ მიიღეს ინფორმაცია, თუ როგორი ცუდი და უკიდურესად მძიმე სიტუაციია თბილისში. მოსახლეობას აეკრძალა ვაჭრობა, 4 ადამიანი დაუხვრეტიათ საქონლის გადამალვისთის, ბანკები დახურულა. ასევე წითელი არმიის 12-15 ათასიანი არმია მოემართება თბილისისკენ.

1921

ტიპი: ღონისძიება

1921 წლის 14 აპრილს ნოე ხომერიკი საქართველოს მთავრობას უგზავნის წერილს კონსტანტინეპოლიდან (სტამბული), რომ მათ მიერ დაარსებულმა კომისიამ დაიწყო მუშაობა და ახლა აუცილებელია ოსმალეთთან (თურქეთი) მოლაპარაკება იმისათვის, რომ მათ უფლება მისცენ, საქართველოს საზღვრებთან ააშენონ ბაზა.

1918

ტიპი: ღონისძიება

1918 წლის 9 აპრილს გამართული ამიერკავკასიის სეიმის პირველი სესიის სხდომის თავმჯდომარე იყო ნ. ს. ჩხეიძე. სხდომამ დაადგინა, შეეჩერებინათ საომარი მოქმედებები და მთავრობას თავდაცვითი ღონისძიებების შემუშავება დაავალა. ხატისოვის წინადადება განხილული იქნა, როგორც სურვილი, რომლითაც მთავრობას უნდა ეხელმძღვანელა. დოკუმენტის სისწორეს ადასტურებს რ. მიქელაძე.

1918

ტიპი: ღონისძიება

1918 წლის 9 აპრილს დამოუკიდებლობის გამოცხადებასთან დაკავშირებით გაიმართა ამიერკავკასიის სეიმის სხდომა, რომელზეც სიტყვით გამოვიდნენ: ონიაშვილი, რასულ-ზადე, გეორგაძე, თუმანოვი, სემიონოვი, გვაზავა, ლორთქიფანიძე, კაჩაზნუნი, ლასხიშვილი, კანტემიროვი, მაგომეტ ბეკოვი, შეიხ-ულ-ისლამოვი, არსენიძე და გობეჩია. სხდომის ოქმის სისწორეს ადასტურებს რ. მიქელაძე.

1918

ტიპი: ღონისძიება

1918 წლის 9 აპრილს გაიმართა ამიერკავკასიის სეიმის სხდომა დამოუკიდებლობის გამოცხადებასთან დაკავშირებით. გადასვლის ფორმულები წარმოადგინეს: გეორგაძემ, ხატისოვმა, რასულ-ზადემ. მიიღეს გეორგაძის ფორმულა, რომელიც ითვალისწინებდა საომარი მოქმედებების შეჩერებას. რასულ-ზადეს ფორმულა უარყვეს. დოკუმენტის სისწორეს ადასტურებს რ. მიქელაძე.

1918

ტიპი: ღონისძიება

1918 წლის 9 აპრილს გაიმართა ამიერკავკასიის სეიმის სხდომა ამიერკავკასიის რესპუბლიკის დამოუკიდებლობის გამოცხადებასთან დაკავშირებით. საგარეო საქმეთა მინისტრმა აკაკი ჩხენკელმა დაიწყო დებატები ახალ რეალობაზე გადასვლის ფორმულასთან დაკავშირებით. დოკუმენტის სისწორეს ადასტურებს რ. მიქელაძე.

1918

ტიპი: ღონისძიება

1918 წლის 9 აპრილს გაიმართა ამიერკავკასიის სეიმის სხდომა, რომლის დადგენილებითაც ხელისუფლებას დაევალა ამიერკავკასიის დამოუკიდებელი, ფედერაციული, დემოკრატიული რესპუბლიკის კონსტიტუციის პროექტის შემუშავება. დოკუმენტის სისწორეს ადასტურებს რ. მიქელაძე.

1918

ტიპი: ღონისძიება

ამიერკავკასიის სეიმის 1918 წლის 9 აპრილის სხდომის დადგენილების თანახმად, გამოცხადდა ამიერკავკასიის დამოუკიდებელი რესპუბლიკა. დოკუმენტის სისწორეს ადასტურებს რ. მიქელაძე.

1918

ტიპი: ღონისძიება

1918 წლის 27 აპრილს პრემიერ-მინისტრი და საგარეო საქმეთა მინისტრი აძლევენ უფლებამოსილებას ამიერკავკასიის რესპუბლიკის საკრებულოს დეპუტატ ერიხ ბერნშტაინს, რათა მან აწარმოოს მოლაპარაკებები გერმანიის, ავსტრია-უნგრეთისა და ბულგარეთის ხელისუფლებებთან ამიერკავკასიის რესპუბლიკის აღიარებასთან დაკავშირებით.

1918

ტიპი: ღონისძიება

1918 წლის 27 აპრილს თბილისში პრემიერ-მინისტრი და საგარეო საქმეთა მინისტრი აძლევენ უფლებამოსილებას ამიერკავკასიის საკრებულოს დეპუტატ ერიხ ბერნშტაინს, რათა მან აწარმოოს მოლაპარაკება რადიოტელეგრაფის სადგურის შეძენასთან დაკავშირებით.

1918

ტიპი: ღონისძიება

1918 წლის 27 აპრილს თბილისში გაცემულია მინდობილობა პრემიერ-მინისტრისა და საგარეო საქმეთა მინისტრის მიერ კაპიტან როზენზე, რომელიც არის პეტროგრადში გაგზავნილი შვედეთის სამეფო დელეგატი, რათა მან გამართოს მოლაპარაკებები შვედეთში ოქროს ობლიგაციებთან დაკავშირებით.

1920

ტიპი: ღონისძიება

1920 წლის 15 თებერვლის ჟურნალ „ვაზი და ღვინოს“ ცნობით, საქართველოს მეღვინე-მევენახეთა ყრილობის საბჭო (ივანე ანდრონიკაშვილი, ი. დ. ფორაქაშვილი, გ. ა. ყიფიანი) სთხოვს ცნობებს კონდოლის სანერგის გამგე ნ. კ. მაკარაშვილს, თუ რამდენი ამერიკული ვაზის ძირი დაამყნეს გასულ წელს, რამდენი და რომელი ჯიში მიიღეს.

1920

ტიპი: ღონისძიება

1920 წლის 21 იანვარს თბილისში ჩატარდა მეცხვარე-მესაქონლეთა პირველი ყრილობა გიორგი ჟურულის თავმჯდომარეობით. ყრილობას დაესწრო ასორმოცდაათამდე მეცხვარე-მესაქონლე საქართველოს სხვადასხვა კუთხიდან. ყრილობაზე აირჩიეს საბჭოს წევრები.

1920

ტიპი: ღონისძიება

1920 წლის 25 იანვარს თბილისში, სასოფლო-სამეურნეო საზოგადოების დარბაზში, გაიხსნა საქართველოს აგრონომიული დახმარების მოღვაწეთა ყრილობა სიმონ ავალიანის თავმჯდომარეობით.

1920

ტიპი: ღონისძიება

1920 წლის 15 თებერვლის ჟურნალ „ვაზი და ღვინოს“ ცნობით, საქართველოს მეღვინე-მევენახეთა ყრილობის საბჭომ (ივანე ზაქარიას ძე ანდრონიკაშვილი, ი. დ. ფორაქაშვილი, გ. ა. ყიფიანი) საქართველოს სხვადასხვა რაიონში საჭირბოროტო საკითხების გამოსარკვევად თათბირების ჩატარება გადაწყვიტა.

1918

ტიპი: ღონისძიება

1918 წლის 12 სექტემბერს ქუთაისის რეალური სასწავლებლის დირექტორმა უმაღლესი და საშუალო სასწავლებლის მთავარგამგეს სთხოვა მიმდინარე წლის 29 სექტემბრიდან გერმანული ენის მასწავლებლის თანამდებობის აღმასრულებლად ნიკოლოზ რაჟდენის ძე ალავიძე დაეშვა. იგი ასევე, ამზადებდა მის მატრიკულარულ მოწმობას. ხელს აწერენ დირექტორი და საქმისმწარმოებელი გიორგი ნიკოლოზის ძე იოსელიანი.

1920

ტიპი: ღონისძიება

1920 წლის 1-ლი იანვრის გაზეთ „საქართველოს“ მეშვეობით ქართველთა შორის წერა-კითხვის გამავრცელებელი საზოგადოების წევრი ისიდორე სოფრომის ძე ვარაზაშვილი, თბილისის ქალთა მე-7 წმ. ნინოს გიმნაზიის დირექტორი ალექსანდრე იოსების ძე წერეთელი და მისი ძმა, შტაბს-კაპიტანი ვლადიმერ იოსების ძე წერეთელი, ალექსანდრა, თამარ, ნიკოლოზ, ელენე, ნინო, ნიკუშა და ოლიკო წერეთლები, თალიკო და სოსიკო ვარაზიშვილები იუწყებიან, რომ მათი ბაბუის, დეკანოზ ნიკოლოზ წერეთლის გასვენება იყო რკინიგზის სადგურზე სამშაბათს, 30 დეკემბერს, საღამოს 4 საათზე, ხოლო დაკრძალვა იქნებოდა სოფელ ცხრუკვეთში, პარასკევს, 2 იანვარს.

1920

ტიპი: ღონისძიება

1920 წლის დასაწყისში საქართველოს მეღვინეთა და მევენახეთა ყრილობების საბჭომ მთავრობას თხოვნით მიმართა, რომ მევენახეებისთვის ისევ ძველ ფასში მიეყიდათ გოგირდი და შაბიამანი. მთავრობის თავმჯდომარე საბჭოს შეჰპირდა, რომ შესაბამის ზომებს მიიღებდა.

1920

ტიპი: ღონისძიება

1920 წლის 10 იანვარს საქართველოს მეღვინეთა და მევენახეთა ყრილობების საბჭოს სხდომაზე მიიღეს გადაწყვეტილება ფოთსა და ქუთაისში ღვინით მოვაჭრეთათვის სააქციზო გადასახადის შემცირების თაობაზე.

1920

ტიპი: ღონისძიება

1919 წლის დეკემბრის ბოლოს მთავრობამ უცხოეთში გასატან ღვინოზე  დიდი გადასახადი დააწესა. მეღვინე-მევენახეთა ყრილობის საბჭომ იოსებ ზაქარიას ძე ანდრონიკაშვილის, ი. დ. ფორაქაშვილის, გ. ა. ყიფიანის, ვასილ ილიას რცხილაძის, ლ. ა. გოგნიაშვილის და სოლომონ ჩოლოყაშვილის შემადგენლობით იშუამდგომლეს ფინანსთა მინისტრ კონსტანტინე კანდელაკთან. მინისტრმა მთავრობას წარუდგინა მოხსენება საბაჟო გადასახადის მოხსნის თაობაზე.

1919

ტიპი: ღონისძიება

1919 წლის 28 ნოემბერს მეღვინე-მევენახეთა ყრილობათა საბჭომ თავის პირველ სხდომაზე ერთხმად აირჩია: საბჭოს თავმჯდომარედ – ივანე ზაქარიას ძე ანდრონიკაშვილი, თავმჯდომარის მოადგილედ და დროებით ხაზინადრად – ი. დ. ფორაქაშვილი, მდივნად მოიწვიეს გ. ა. ყიფიანი.

1918

ტიპი: ღონისძიება

1918 წელს ბერლინის უნივერსიტეტის მედიცინის დოქტორი გ. გ. მეჰრაბიანი თბილისში ჩამოვიდა და ავადმყოფებს ყოველდღე – დილის ცხრიდან პირველ საათამდე და საღამოს ექვსიდან რვა საათამდე იღებდა ბებუთოვის ქ. N 23-ში.