რეგისტრირებული ფაქტები72439
სორტირება თარიღი მზარდობით
1920
ტიპი: ღონისძიება
1920 წლის 13 იანვარს საქართველოს მთავრობის თავმჯდომარე ნოე ჟორდანიამ და საქართველოს საგარეო საქმეთა მინისტრმა ევგენი გეგეჭკორმა მადლობა მოახსენეს დიდი ბრიტანეთის უმაღლეს კომისარ ოლივერ უორდროპს საქართველოს დამოუკიდებლობის მოლოცვისთვის.
1920
ტიპი: ღონისძიება
1920 წლის 13 იანვრის გაზეთ „საქართველოს“ ცნობით, დიდი ბრიტანეთის უმაღლესმა კომისარმა ოლივერ უორდროპმა საქართველოს დამოუკიდებლობის ცნობის აქტი მოიტანა საქართველოს მთავრობის თავმჯდომარე ნოე ჟორდანიასთან და საქართველოს საგარეო საქმეთა მინისტრ ევგენი გეგეჭკორთან და მიულოცა მათ.
1920
ტიპი: გარდაცვალება
1920 წლის 13 იანვარს თბილისში შავი ქვის მრეწველი ილარიონ დავითის ძე ბერიძე ხანმოკლე მძიმე ავადმყოფობის შემდეგ გარდაიცვალა.
1920
ტიპი: ღონისძიება
1920 წლის 13 იანვარს თბილისში ჩამოვიდა სომხეთის მთავრობის თავმჯდომარე ალექსანდრე ხატისოვი.
1920
ტიპი: ღონისძიება
1920 წლის 13 იანვარს მთავრობის სასახლეში საქართველოს მთავრობის თავმჯდომარე ნოე ჟორდანიას შეხვდა სომხეთის საზოგადო მოღვაწე და მწერალი ოვანეს თუმანიანი და საქართველოს დამოუკიდებლობის აღიარება მიულოცა.
1920
ტიპი: ღონისძიება
1920 წლის 13 იანვარს, 13 საათზე მთავრობის სასახლეში საქართველოს მთავრობას დამოუკიდებლობის ცნობა მიულოცეს უცხო სახელმწიფოს წარმომადგენლებმა, აზერბაიჯანისა და სომხეთის დიპლომატიურმა რწმუნებულებმა, სომხეთის მთავრობის თავმჯდომარემ ა. ი. ხატისოვმა სომხურმა სამღვდელოებამ, საქართველოს კათალიკოსმა ლეონიდემ, ჩეხოსლოვაკეთის „სვატოშის“ წარმომადგენელმა, სენატის თავმჯდომარემ, საფრანგეთის სამღვდელოებამ, სომეხმა პოეტმა ო. ვ. თუმანიანმა, „კავკაზსკოე სლოვოს“ რედაქტორმა ი. მ. დოლუხანოვმა, და სხვა საზოგადო წარმომადგენლებმა.
1920
ტიპი: ღონისძიება
1920 წლის 13 იანვრის გაზეთ „საქართველოში“ სტუდენტი გ. სვანიძე იუწყება, რომ სტუდენტთა კავშირის გამგეობამ პროფესორთა საბჭოს თანხმობით გადაწყვიტა, 26 იანვარს მთელ საქართველოში აღენიშნათ უნივერსიტეტის გახნის დღე და მოეწყოთ სადღესასწაულო საღამოები. ქუჩებში უნდა გაყიდულიყო საგანგებულოდ გამოცემული გაზეთი და ყულაბებით შეგროვებულიყო ფული ღარიბ სტუდენტთა სასარგებლოდ.
1920
ტიპი: ღონისძიება
1920 წლის 13 იანვარს სავაჭრო-სამრეწველო პალატის კომიტეტის თავმჯდომარე დიმიტრი აფხაზი ეწვია მთავრობის თავმჯდომარე ნოე ჟორდანიას და პალატის სახელით საქართველოს დამოუკიდებლობის აღიარება მიულოცა.
1920
ტიპი: ავტორობა
ევგენი გეგეჭკორმა მიიღო ბრიტანეთის უმაღლესი კომისრის, უორდროპის გამოგზავნილი ბარათი, რომელშიც ის წერს: „თქვენო აღმატებულებავ! მაქვს პატივი გაუწყოთ, ლორდმა კერზონმა მთხოვა თქვენ გაგიცხადოთ, რომ მოკავშირეთა უმაღლეს საბჭოს წინადადება მიეცა ეცნოთ de facto საქართველოსა და ადერბაიჯანის რესპუბლიკები. ეს წინადადება მიღებულ იქნა უკამათოდ საფრანგეთისა და იტალიის მთავრობათა თანხმობით“.
1920
ტიპი: ღონისძიება
1920 წლის იანვარში თბილისში, რუსთაველის პროსპექტზე, საქართველოს დამოუკიდებლობის აღიარებასთან დაკავშირებულ ზეიმზე შეკრებილ ხალხს სიტყვით მიმართეს ნოე რამიშვილმა, აკაკი ჩხენკელმა, ნოე ჟორდანიამ და ბრიტანეთის უმაღლესმა კომისარმა უორდროპმა.
1920
ტიპი: ავტორობა
საქართველოს დამოუკიდებლობის ცნობასთან დაკავშირებით გამართულ დამფუძნებელი კრების საზიმო სხდომას მიმართა მთავრობის თავმჯდომარემ და განაცხადა: „დასავლეთი თუ აღმოსავლეთი – აი ეს კითხვაა ჩვენს წინაშე დასმული და აქ ყოყმანი შეუძლებელია. ჩვენ მუდამ ვირჩევდით და ვირჩევთ დასავლეთს... ვიცი, მტრები აყვირდებიან – იმპერიალისტებს ემხრობითო. ამიტომ აქ გადაჭრით უნდა ვსთქვა: მირჩევნია დასავლეთის იმპერიალისტები აღმოსავლეთის ფანატიკოსებს“.
1920
ტიპი: ღონისძიება
1920 წლის 14 იანვარს საქართველოს დამოუკიდებლობის აღიარების გამო ოლივერ უორდროპის მიერ გამართულ წვეულებას ესწრებოდნენ საბერძნეთის დიპლომატიური მისიის უფროსი მოადგილე, პოლონეთის დიპლომატიური წარმომადგენელი ოსტროვსკი, სპარსეთის გენერალური კონსული მირზა თაღი ხან მოატი, სომხეთის მთავრობის თავმჯდომარე ალექსანდრე ხატისოვი, აზერბაიჯანის და სომხეთის დიპლომატიური წარმომადგენლები და სხვები.
1920
ტიპი: ღონისძიება
1920 წელს სპექტაკლში „გუშინდელნი“ მონაწილეობდნენ: ვასილ აბაშიძე, ვერიკო ანჯაფარიძე, ვასილ არაბიძე, სუზანა ბეჟანიშვილი, მიხეილ გელოვანი, აკაკი ვასაძე, იუზა ზარდალიშვილი, მიხეილ ლორთქიფანიძე, ანდრია მურუსიძე, მიხეილ სარაული, პავლე ფრანგიშვილი, ანეტა ქიქოძე, ოლიმპიადა ღოღობერიძე, ელენე ციმაკურიძე, ნინო ჩხეიძე, მიხეილ ჭიაურელი.
1920
ტიპი: ღონისძიება
1920 წლის 14 იანვარს ეროვნულ-დემოკრატიული პარტიის წევრი გიორგი გვაზავა სიტყვით გამოვიდა დამფუძნებელი კრების საზეიმო სხდომაზე.