რეგისტრირებული ფაქტები72395
სორტირება ახალი ჩანაწერების მიხედვით
1919
ტიპი: თანამდებობა
1919 წლის სექტემბერში დ. კალანდარიშვილი თბილისის სასახლის მეთვალყურედ დაინიშნა.
1919
ტიპი: თანამდებობა
1919 წელს გიორგი კაპანაძე საბიუჯეტო-სახაზინო განყოფილების რეგისტრატორად დანიშნეს.
1919
ტიპი: თანამდებობა
1919 წლის სექტემბერში სისხლის სამართლის მილიციის უფროსი პ. ფაჩულია თბილისში დაბრუნდა და მოვალეობის შესრულებას შეუდგა.
1919
ტიპი: ღონისძიება
1919 წელს ბრიტანეთის მთავარ კომისრად დანიშნული ოლივერ უორდროპი ბათუმში ჩავიდა.
1919
ტიპი: თანამდებობა
1919 წელს გენერალ ახმეტელაშვილის სიღნაღში ყოფნის პერიოდში მისი მოვალეობის შემსრულებლად დაინიშნა მისი თანაშემწე პოლკოვნიკი კავკასიძე.
1919
ტიპი: ღონისძიება
1919 წლის სექტემბერში გენერალი სტეფანე ახმეტელაშვილი ამავე რაზმის უფროსის, პოლკოვნიკ ქარცივაძის თანხლებით სიღნაღის რაზმის დასათვალიერებლად გაემგზავრა.
1918
ტიპი: ნასამართლეობა
1918 წლის 9 აგვისტოს გაზეთ „საქართველოს რესპუბლიკის“ ცნობით, მილიციის უფროსის დადგენილებით, ეზოებისა და სავაჭრო დაწესებულებათა უსუფთაოდ შენახვისათვის 500 მანეთით დააჯარიმეს თავართქილაძე, სააქოვი და სხვ., რომელთაც ფულის გადაუხდელობის შემთხვევაში 1 თვით ციხეში ჩასმა ემუქრებოდათ. 300 მანეთით დაჯარიმდნენ გომართელი, ადამოვი და სხვ., 100 მანეთით კიკნაძე და საპიცკი. ჯარიმის გადაუხდელობის შემთხვევაში ამ უკანასკნელთ ორი თვით ციხე ემუქრებოდათ.
1919
ტიპი: თანამდებობა
1919 წელს პოლკოვნიკი დავით ერდიშხანის ძე ქარცივაძე სიღნაღის რაზმის უფროსი იყო.
1919
ტიპი: ღონისძიება
1919 წელს დუშეთში დაარსდა ჯარისკაცთა მოძრავი უნივერსიტეტი. ლექტორები ლექციების წასაკითხად დარიალსა და სხვა სასაზღვრო ობიექტებზე იგზავნებოდნენ. ამ პროცესების სამართავად კულტურულ-საგანმანათლებლო კომისია შედგა, რომლის წევრებიც იყვნენ: ნ. ჩიმაკიძე, ალექსიშვილი და ნ. წივწივაძე. ამ წელს გადაწყდა დუშეთში მოძრავი ბიბლიოთეკის მოწყობაც.
1919
ტიპი: თანამდებობა
1919 წელს თბილისის გარნიზონის უფროსმა, გენერალმა გედევანიშვილმა თბილისის კომენდანტის მოვალეობა მაიორ ფურცელაძეს დააკისრა.
1919
ტიპი: პირადი ურთიერთობა
ოლივერ უორდროპი იყო „ვეფხისტყაოსნის“ ინგლისურ ენაზე მთარგმნელის, მარჯორი უორდროპის ძმა.
1919
ტიპი: ღონისძიება
1919 წლის 24 აგვისტოს გაზეთ „საქართველოს რესპუბლიკის“ ცნობით, ინგლისელთა მისიამ აცნობა საქართველოს საგარეო საქმეთა სამინისტროს, რომ ბრიტანეთის საგარეო საქმეთა სამინისტრო ამიერკავკასიაში გზავნიდა პოლიტიკურ მისიას ოლივერ უორდროპის მეთაურობით, რომელსაც ერქმეოდა ბრიტანეთის მთავარი კომისარი. მისია მიზნად ისახავდა ამიერკავკასიის მთავრობებთან კავშირის შეკვრას და მათთვის რეგიონში ბრიტანეთის ინტერესების გაცნობას.
1919
ტიპი: თანამდებობა
1919 წელს სერგო ჩერეპნოვი სამსახურიდან ერთი თვით გათავისუფლდა ავადმყოფობის გამო. დაბრუნებამდე მისი მოვალეობის აღმსრულებლად დაინიშნა მისი თანაშემწე ნესტორ ჩხატარაიშვილი.
1919
ტიპი: ღონისძიება
1919 წლის აგვისტოში რესპუბლიკის საზღვრებიდან გასასვლელი მოწმობების გაცემის უფლება შინაგან საქმეთა მინისტრმა ნოე რამიშვილმა თბილისის მილიციის უფროსს, ვლადიმერ სულაქველიძეს მიანიჭა.
1919
ტიპი: თანამდებობა
1919 წელს გამართულ ქალაქის საბჭოს სხდომაზე სამ ხმოსანს სოციალ-დემოკრატების სიიდან უფლებამოსილება მოეხსნათ, რადგან 6 თვის განმავლობაში საბჭოში არ გამოცხადებულან. მათი ადგილი დაიკავეს კავკასიძემ, მამედოვმა და ვადაჭკორიამ.
1919
ტიპი: ნასამართლეობა
1919 წლის 21 აგვისტოს გაზეთ „საქართველოს რესპუბლიკის“ ცნობით, მექი კედიამ დაიჭირა პანაიტ აკრიტოსი, რომელიც ბერძენ მოსახლეობაში საქართველოს რესპუბლიკის წყობილების საწინააღმდეგო აგიტაციას ეწეოდა.
1919
ტიპი: ნასამართლეობა
1919 წლის 21 აგვისტოს გაზეთ „საქართველოს რესპუბლიკის“ ცნობით, შინაგან საქმეთა სამინისტროსთან არსებულმა საგანგებო რაზმმა სტამბა „ეკონომიაში“ აღმოაჩინა ბოლშევიკური ბროშურები, პროკლამაციები და მოწოდებები ქართულ და რუსულ ენებზე. ბროშურების რაოდენობა დაახლოებით 5 ფუთი იყო. ბროშურებს კონფისკაცია გაუკეთეს, ხოლო ავაკ აკოპოვი დააპატიმრეს.
1919
ტიპი: ღონისძიება
1919 წლის 23 აგვისტოს, 12 საათზე, სწრაფი მატარებლით თბილისიდან ერევანში გაემგზავრნენ ამერიკის მისიის წევრები პოლკოვნიკ უილიამ ჰასკელის მეთაურობით. სადგურ კობამდე ისინი გზათა სამინისტროს დეპარტამენტის დირექტორმა ბ. ა. ჭიჭინაძემ და მოძრაობის უფროსმა გ. ა. აბელოვმა გააცილეს.