ტიპი: ავტორობა

ამიერკავკასიის საქარხნო კრებაზე დ.გ აბხაზმა გააკეთა მოხსენება. მისი თქმით , პოლიტიკურ მოწყობასთან იდგა ეროვნულ-სამეურნეო მდგომარეობის დარეგულირების საკითხი. ანარქიისა და ეკონომიკის ნგრევის ტალღამ ჩაითრია ამიერკავკასიაც. საჭირო იყო მკაფიო პოლიტიკის ჩამოყალიბება და სახელმწიფოს ეკონომიკური ორგანოს შექმნა, რომელიც გადაიდო პოლიტიკური მდგომარეობის გამო. საჭირო იყო შექმნილიყო ძლიერი ერთიანი კავშირი , რისთვისაც აბხაზი კომიტეტს თავაზობდა 1) მივესალმოთ დროებით სახალხო მთავრობის გაჩენას და აღმოვუჩინოთ ერთიანი მხარდაჭერა. 2) სახელმწიფო მდგომარეობამდე ვცნოთ საერთო სახელმწიფო მდგომარეობა რაიონული კომიტეტების შესახებ. სარაიონო გაერთიანების ორგანო ეროვნულ- სამეურნეო ცხოვრების რეგულირების შესახებ( ამიერკავკასიის დროებით რაიონულ- ეკონომიკური კომიტეტი)

ტიპი: ღონისძიება

1917 წლის ნოემბერში განსაკუთრებულმა საგამოძიებო ცენტრალურმა სამმართველომ ამიერკავკასიის სამხედრო წარმოების შესახებ 1 სექტემბერს აიღო თავის საწარმოს "ქვანახშირის" ტყიბულის სამთოწარმოების შესახებ მასალა. აღმოჩნდა, რომ საზოგადოებამ დაუშვა შეცდომები, რასაც შეეძლო მომავალში გამოუსწორებელი შედეგები ქონოდა . კომისია მიიჩნევდა ჩატარებულიყო დეტალური გამოკვლევა. რის გამოც რაიონული კომიტეტის წარმომადგენლად დაინიშნა ინჟინერი ნ.ნ. ანდრეევი.

ტიპი: ავტორობა

მიიღებიან ამხანაგები, რომლებიც აკმაყოფილებენ შემდეგ მოთხოვნილებებს: ა) ფიზიკური შრომის საწარმოო სტაჟი სამრეწველო დაწესებულებებში ან სასოფლო მეურნეობაში არა ნაკლებ 2 წლისა; ბ) პარტიის წევრები 2 წლის სტაჟით და კომკავშირის წევრები 3 წლის სტაჟით. შენიშვნა: კომკავშირის წევრთა რაოდენობა განისაზღვრება არა უმეტეს 25 პროცენტისა. გ) რომლებიც აქტიურად მუშაობენ პარტიულ, საბჭოთა, პროფესიონალურ და კოოპერატიულ ორგანიზაციებში არანაკლებ 2 წლისა; დ) ასაკი 20-დან 32 წლამდე.

ტიპი: ავტორობა

დაავადმყოფებულნი გადამდები და ვენერიული სენით, კლინიკური ფორმის ნევრასტენიით, ჭლექით, ძალაზე გამხდარნი და ფიზიკურად დასუსტებულნი უნივერსიტეტში არ მიიღებიან.

ტიპი: ავტორობა

გამომგზავნი ორგანიზაციები ვალდებული არიან: ა) იკისრონ სამგზავრო ხარჯები; ბ) ჩააბარონ გამოსაგზავნ ამხანაგს პირადი საქმე და შემრჩევ კომისიის დადგენილება; გ) მისცენ მოკლე ცნობები: ასაკის, განათლების, ეროვნების, სოციალური მდგომარეობის, პროფესიის, პარტიაში ან კომკავშირში შესვლის დროის, თანამდებობის შესახებ, ცნობები პარტიულ და საბჭოთა მუშაობის შესახებ, მოკლე დახასიათება გამოგზავნილისა, როგორც პარტიული მუშაკის, და გასაგზავნის ხელწერილი იმის შესახებ, რომ მიღების პირობებს ის იცნობს.

ტიპი: ავტორობა

გამოგზავნილებს თან უნდა ჰქონდეთ საბუთები სამხედრო ბეგარასთან მათი დამოკიდებულების შესახებ.

ტიპი: ავტორობა

ა./კ. კომუნისტურ უნივერსიტეტში გამოგზავნილი ამხანაგები გატარდებიან ექიმთა კომისიაში, სამანდატო კომისიაში და აბარებენ მისაღებ გამოცდებს.

ტიპი: ავტორობა

ამხანაგები, რომლებიც არ აკმაყოფილებენ ჩამოთვლილ მოთხოვნილებებს, უკანვე იქნებიან დაბრუნებულნი იმ ორგანიზაციების ხარჯზე, რომლებმაც გამოგზავნეს.

ტიპი: ავტორობა

ამხანაგებს, რომელთაც აირჩევენ ადგილობრივი ორგანიზაციები უნივერსიტეტში გასაგზავნად, უნდა მიეცეს ერთი თვის შვებულება იმ დაწესებულების ან წარმოების ხარჯზე, რომელშიაც მუშაობდა კანდიდატი უნივერსიტეტში გაგზავნის დროს. შვებულება ამხანაგებს ეძლევათ დასასვენებლად და მოსამზადებლად უნივერსიტეტში შესვლისათვის და წესდება 10 აგვისტოდან 10 სექტემბრამდე.

ტიპი: ავტორობა

მიღება ა./კ. კომუნისტურ უნივერსიტეტში იწარმოებს 10-დან 15 სექტემბრამდე. ამ ვადის შემდეგ დაგვიანებულნი არ მიიღებიან.

ტიპი: ავტორობა

უნივერსიტეტში სტუდენტებს ეძლევათ ბინა საერთო საცხოვრებელში, საჭმელ-სასმელი, ტანისამოსი, სახელმძღვანელოები და ფულით კმაყოფა - თვიურად 7 მანეთი. საერთო საცხოვრებელში მიიღებიან უცოლო სტუდენტები. სტუდენტების ოჯახების ბინით და სამსახურით უზრუნველყოფის მხრივ უნივერსიტეტი არავითარ ვალდებულებას არ კისრულობს.

ტიპი: ავტორობა

ყველა ჩამოსული ამხანაგები უნდა გამოცხადდნენ უნივერსიტეტის სამდივნოში (თბილისი, ერმოლოვის ქ. N 6, 9-დან დღის 4 საათამდე).

ტიპი: ღონისძიება

1924 წლის თებერვალში გაიმართა განათლების მუშაკთა მესამე ყრილობა, სადაც „პროფ. ნუცუბიძემ კმაყოფილებით აღნიშნა სახ. გან. კომ.-ის (კერძოდ, კომისარ დავით კანდელაკის) განცხადება იმის შესახებ, რომ საქ. უნივერსიტეტმა გაამართლა მასზე დამყარებული იმედები.“

ტიპი: ავტორობა

ნინო ანდრონიკაშვილმა შეადგინა სია წიგნებისა, რომელიც უნდა გაეგზავნათ სიღნაღში გასაყიდათ.

ტიპი: ავტორობა

მარლენ დავითაშვილის თანამებრძოლმა მარლენის მშობლები შვილის საფლავის სანახავად უკრაინაში მიიწვია.

ტიპი: ღონისძიება

ვანო და გაიანე დავითაშვილების ორივე ვაჟი ომში დაიღუპა. არჩილის საფლავი ვერ მოიძებნა, მარლენი კი უკრაინაში დაკრძალეს.

ტიპი: ავტორობა

ივანე ჯავახიშვილის გამოკვლევით ლობიოს თესლი საქართველოში XVI საუკუნიდან უნდა შემოსულიყო, სავარაუდოთ ამერიკიდან, გურიის საშუალებით.

ტიპი: ორგანიზაცია

მაღლაკელიძეების არქივში აღმოჩენილი განცხადების ფორმაში „ქართველ მხედართა დარაზმულობაში გაწევრიანების მსურველთათვის“ სახელმწიფო ორგანიზაციებში საბეჭდი მანქანების არსებობის აუცილებლობას უსვამდნენ ხაზს.

ტიპი: ორგანიზაცია

მაღლაკელიძეების არქივში აღმოჩენილ „ქართველ სტუდენტთა საზოგადოების“ წევრთა სიაში ჩაწერილია: შალვა მაღლაკელიძე, ვიქტორ ნოზაძე, გრიგოლ ჩომახიძე, გაიოზ მაღლაკელიძე, კარლო ინასარიძე, ალექსანდრე ფუტკარაძე, ჯიმშერ ახმეტელი, ლევან ბალარჯიშვილი.

ტიპი: ავტორობა

ქრისტინე შარაშიძემ სტალინს მისწერა, რომ საჭირო იყო „წერა–კითხვის წიგნთსაცავისა“ და საისტორიო–საეთნოგრაფიო ბიბლიოგრაფიის წიგნადი ფონდების შევსება გატანილი წიგნების დაბრუნებით, ფონდების შემოწმება ელენე კარიჭაშვილისა და იროდიონ სონღულაშვილის მონაწილეობით და ასევე საგანგებოდ შერჩეულ კომისიისგან ამ ფონდების დაცვისა და გამოყენების საკითხის მოგვარება.

ტიპი: ავტორობა

გულეიკარის საზოგადოების სკოლის მასწავლებელმა დავით ფირცხლავამ გააკეთა განცხადება წერა-კითხვის გამავრცელებელი საზოგადოების სახელზე, მისთვის წიგნების გასაგზავნად.

ტიპი: ღონისძიება

თელავში წმ. ნინოს სასწავლებლის პედაგოგიური საბჭოს პირი თელავის ქალაქის თავს წერს, რომ სამინისტროს საწინააღმდეგო არაფერი აქვს თავისუფალ საათებში სომეხთა გიმნაზიას დაეთმოს სასწავლებლის შენობა.ეს საკითხი მოეგვარებინათ ქალაქის თავთან შეთანხმებით. 1918 წლის 24 ოქტომბერს ხელს აწერს განათლების მინისტრი გ.ლასხიშვილი.

ტიპი: სტატუსი

4 ივნისი 1918 წელი მოწმობა მოწმობა გაცემულია წითელი გვარდიის მთავარი შტაბის მდივან ვ.ა ჟღენტზე , იმიტომ, რომ ჟღენტი ნამდვილად არის უფლებამოსილი წითელი გვარდიის მთავარი შტაბის მიერ მიიღოს დარჩენილი თანხა ასიგნირებული მთავრობის მიერ 500 000 რუბლი, რომელიც არის შინაგან საქმეთა სამინისტროს განკარგულებაში.

ტიპი: ავტორობა

პატივცემულო ძმაო ვასილი ! ამა ვექილობითა გთხოვთ გამოცხადეთ სადაც და ვისთანაც არის და მიიღოთ იმ ზარალის ფულები, რომელიცა მომივიდა მე ქალაქ ბაქოში ოსმალების ურდოების შემოსევის დროს , ზარალის რაოდებობა ჩემს მიერ გადაგზავნილი არის ქალაქ ბაქოში ქართულ სკოლაში. მიღებისთანავე ფულებისა , მოაწერთ ხელს და გარდმომიგზავნით მე, ერთი სიტყვით სრულიად მოგანდობთ იმოქმედეთ ამ საგანზე ვითარცა მე პირადად და ამა ვექილობითა კანონიერად მოიმოქმედებთ მანდა. არავითარ საჩივარს არ ავღძრავ და სრული კმაყოფილი დავრჩებით. ვექილობა ესე ეკუთვნის დროებით მცხოვრებს ქალაქ თბილისშიდ ვასილი ფარსადანის ძე ჭარბაძეს ესტატე ჭარბაძე საკუთარ ხელის მოწერას ესტატე ფარსადანის ძე ჭარბაძე ვამოწმებ ხელის მოწერითა ჩემითა და დასმითა სათანადო ბეჭდისათა, ოქტომბრის „14“ დღესა 1919 ხვანჭკარის საზოგადოების კომისარი მახალდიანი

ტიპი: ავტორობა

ნდობის ფურცელი მე ქვემოთ ამისა ხელის მომწერი ამბროსი დავითის ძე საგინაძე ამათ ვაძლევ უფლებას ქ. სამტრედიის მცხოვრებს მოქალაქე კონსტანტინე ივანეს ძე ახობაძეს, რომ მან აიღოს ჩემს მაგიერ ვ. დედაბრიშვილისგან ჩემი ჩეკი ( 4000 მანეთი) ბაქოში ოსმალების შემოსვლის დროს დაკარგული ნივთების ფასათ, რომელიც არის ქ. ბაქოს ქართულ- ეროვნული საბჭს მიერ გამოგზავნილი 25639 ნომრით. ამასა შინა საკუთარ ხელს ვაწერ ამბროსი დავითის ძე საგინაძე , ხელმოწერას ვამოწმებ ბეჭდით. 13/ xi / 1919 ქალაქ სამტრედიის მილიციის უფროსი ი. ძიძიგური