რეგისტრირებული ფაქტები80958
სორტირება ძველი ჩანაწერების მიხედვით
1928
ტიპი: ღონისძიება
1928 წლის 9 თებერვალს კომუნისტური პარტიის წევრების მიმღები კომისიის სხდომის მუშაობას ესწრებოდნენ ტ. ბურეში, გევორქიანი და ჭკვიანოვა.
1928
ტიპი: თანამდებობა
1928 წლის 9 თებერვალს კომუნისტური პარტიის წევრების მიმღები კომისიის სხდომის თავმჯდომარე იყო თ. ბეღელაძე, მდივანი – ტ. პანიევი.
1918
ტიპი: ავტორობა
ალექსანდრე ეფიმოვმა, დიმიტრი ანტონოვსკიმ, ალექსანდრე დანილოვიჩმა და გოგანეს სტოკმა, რომლებმაც გადაწყვიტეს ფოთიდან სამტრედიამდე მდინარე რიონის მონაკვეთის ექსპლოატაცია და ამ საქმეში ჩადებული კაპიტალის გამო სჭირდებოდათ შესაბამისი სამთავრობო კონცესია, 1918 წლის 14 სექტემბერს გზათა მინისტრს სთხოვეს მონოპოლიური უფლებების მინიჭება მდინარე რიონის სანაპიროების მთელ გაყოლებაზე ფოთიდან სამტრედიამდე და მის დელტაში ტყის სიმდიდრის ექსპლოატაციის უფლებაზე 50 წლით, და ამ კონცესიით მინიჭებული უფლებებითა და მოვალეობებით მათი შეხედულებისამებრ გირავნობის გადაცემის უფლება მესამე პირებსა და საზოგადოებებზე. მის.: სოლოლაკის N 4, მაღაზია „Проводникь"
1918
ტიპი: ავტორობა
ალექსანდრე ეფიმოვმა, დიმიტრი ანტონოვსკიმ, ალექსანდრე დანილოვიჩმა და გოგანეს სტოკმა, რომლებმაც გადაწყვიტეს ფოთიდან სამტრედიამდე მდინარე რიონის მონაკვეთის ექსპლოატაცია და ამ საქმეში ჩადებული კაპიტალის გამო სჭირდებოდათ შესაბამისი სამთავრობო კონცესია, 1918 წლის 14 სექტემბერს გზათა მინისტრს სთხოვეს მონოპოლიური უფლებების მინიჭება თევზჭერაზე, თევზეულის დამარილებაზე, შებოლვაზე, დაკონსერვებასა და გატანაზე. მის.: სოლოლაკის N 4, მაღაზია „Проводникь"
1918
ტიპი: ავტორობა
ალექსანდრე ეფიმოვმა, დიმიტრი ანტონოვსკიმ, ალექსანდრე დანილოვიჩმა და გოგანეს სტოკმა, რომლებმაც გადაწყვიტეს ფოთიდან სამტრედიამდე მდინარე რიონის მონაკვეთის ექსპლოატაცია და ამ საქმეში ჩადებული კაპიტალის გამო სჭირდებოდათ შესაბამისი სამთავრობო კონცესია, 1918 წლის 14 სექტემბერს გზათა მინისტრს სთხოვეს მონოპოლიური უფლებების მინიჭება როგორც მდინარე რიონის, აგრეთვე მისი ნაპირების (ფოთიდან სამტრედიამდე) ბუნებრივი სიმდიდრის ექსპლოატაციაზე, რომელთა გარკვეული ზოლი გასხვისებული იყო. მის.: სოლოლაკის N 4, მაღაზია „Проводникь"
1924
ტიპი: ნასამართლეობა
1924 წლის 15 მარტის დადგენილების მიხედვით, თელავის მენშევიკური იატაკქვეშა ორგანიზაციის მთავარმა წევრებმა – ფირუზ ივანეს ძე გაგნიძემ, ამბროსი ნიკოლოზის ძე გაჩეჩილაძემ და შალიკო ხელიაშვილმა – სულ დააკავეს არალეგალურ ორგანიზაციასთან კავშირში ბრალდებული 20 პირი. დადგენილებაში არის რეკომენდაცია, რომ დაკავებულები გადაეგზავნათ საქართველოს ჩეკაში თბილისში. რეკომენდაცია შესრულდა 17 მარტს.
1914
ტიპი: ღონისძიება
1914 წლის 19 ივნისს ქ. შ. წ. კ. გ. საზოგადოების მთავარმა გამგეობამ თელავის განყოფილების გამგეობას გაუგზავნა რამდენიმე რჩევა-რეკომენდეცია თელავის ქართულ სკოლაში სწავლა-აღზრდის საკითხთან დაკავშირებით. მთავარი გამგეობის აზრით, სკოლაში, როგორც ეს საზოგადოების სკოლებისა და ბიბლიოთეკების მეთვალყურის მოხსენებიდან ჩანდა, ჩამოყალიბდა ნამდვილი მეგობრული ურთიერთობა მასწავლებლებსა და მოსწავლეებს შორის, თუმცა ზედმეტი თავისუფლება აღსაზრდელებს ბოროტად გამოუყენებიათ და გაკვეთილების დროს ხშირად თავს ზედმეტის უფლებას აძლევდნენ, მეტად ცელქობდნენ. ამ ნაკლის გამოსწორების შემთხვევაში სარგებელი სკოლისგან გაორკეცდებოდა. დოკუმენტს ხელს აწერენ გამგეობის თავმჯდომარის ამხანაგი ალექსანდრე მდივანი და მდივანი ვარლამ ბურჯანაძე.
1913
ტიპი: ღონისძიება
1912 წლის 17 მარტს ქ. შ. წ. კ. გ. საზოგადოების მთავარ გამგეობას თელავის განყოფილების გამგეობამ გაუგზავნა განყოფილების 1912 წლის შემოსავალ-გასავლის, განყოფილების სკოლის 1912 წლის შემოსავალ-გასავლისა და 1911-1912 სასწავლო წლის ანგარიშები, ასევე გამგეობის მოქმედების 1912 წლის ანგარიში და ანგარიშის მეშვიდე მუხლის განმარტება. ცნობას ამის შესახებ ხელს აწერენ თელავის განყოფილების გამგეობის თავმჯდომარის ამხანაგის მაგიერ ი. პაატაშვილი და მდივანი ი. გორდეზიანი.
1923
ტიპი: ნასამართლეობა
1923 წლის 3 სექტემბრის დადგენილებით, კონტრრევოლუციასთან თანამშრომლობისათვის დაკავებული პანტელეიმონ იპატის ძე ანთაძის ქმედებები ახალგაზრდული გულუბრყვილობით ახსნეს და მხოლოდ გამოსასწორებელ სახლში ხუთწლიანი პატიმრობით დასაჯეს.
1924
ტიპი: ღონისძიება
ივანე ცომაიას მეორე, 1924 წლის 5 აგვისტოს დაკითხვის მასალების მიხედვით, მან საბჭოთა ხელისუფლებას შერიგებისათვის მიმართა, მაგრამ უარი მიიღო.
1935
ტიპი: ორგანიზაცია
1935 წლის შემოდგომაზე ხონის პარტორგანიზაციაში დოკუმენტების შემოწმების შედეგად აღმოჩნდა, რომ ამბაკო კორძაძე 1926-1927 წლებში აქტიურად იბრძოდა პარტიის წინააღმდეგ. ის პარტიიდან გარიცხეს.
1917
ტიპი: ღონისძიება
1917 წლის 4 დეკემბრის გაზეთში „ხმა ქართველი ქალისა“ (N32) დაიბეჭდა გაზეთის სასარგებლოდ სამტრედიელ შემომწირველთა სია: მარიამ კიკაჩეიშვილისა, ალექსანდრა ნიკოლაიშვილი, იასონ კაკაბაძე, ილია ჩიტიაშვილი, მიხეილ თურქია, ივანე პაპავა, ვერიჩკა გოგოლაძე, ერისტო რუხაძე, სამსონ კიკაჩეიშვილი, ოლია დუნდუა, ხარიტონ თუთბერიძე, სამსონ ლევიძე, ილიკო რამიშვილი, გერასიმე პაპავა, ნოე ვერულეიშვილი, შალვა მეგრელიშვილი, ვასილ კოხრეიძე, კოლია კვანტალიანი, გიორგი ახობაძე, სოლომონ ჟორჟოლიანი, ალექსანდრე ბახტაძე, ნაცვალიძე, ჟორდანია, მასხულია, სიმფორა მამალაძე, პავლე ძიძიგური, სულთან სულაქველიძე, ოლია ბახტაძე, ანეტა ლევიძისა, საშა ჯანელიძისა.
1917
ტიპი: ავტორობა
1917 წლის 7 სექტემბრის გაზეთში „ხმა ქართველი ქალისა“ ფსევდონიმით „პირველი სუფრაჟისტკა“ გამოქვეყნდა პუბლიკაცია „ქალები და პოლიტიკური პარტიები“, რომელშიც ავტორი აღნიშნავდა, რომ განთავისუფლების პირველივე დღეებიდან კავკასიისა და ქართველ ქალთა საზოგადოებებმა ქალაქის კომიტეტს თავიანთ წრეში მიღების თხოვნით მიმართეს, მაგრამ უარი მიიღეს. ამის შემდეგ ქალთა 14 საზოგადოებისგან შეერთებულმა კომისიამ თხოვნა კომისარიატს გაუგზავნა, საიდანაც პასუხიც არ დაუბრუნეს. ხელს უშლიდნენ ქალის გაყვანას უბნის კომიტეტშიც კი. ქალაქის 120 ხმოსანს შორის მხოლოდ 5 ქალი იყო. ავტორის აზრით, ქალები პარტიებში მესამედი მაინც რომ ყოფილიყვნენ, მუშაობა უფრო შეთანხმებული და ნაყოფიერი იქნებოდა, როგორც ნორვეგიასა და ავსტრალიაში.
1911
ტიპი: ღონისძიება
1911 წლის პირველ სექტემბერს ქართველთა შორის წერა-კითხვის გამავრცელებელი საზოგადოების სხდომაზე გადაწყდა, ნიკიფორე ბესარიონის ძე იმნაიშვილისთვის გადაეცათ სტიპენდია – 25 მანეთი. ამავე სხდომაზე გერგეთის სკოლაში წიგნების გასაგზავნად გამოიყო 4.25 მანეთი, ხოლო კანცელარიის ხარჯებისთვის – 5 მანეთი.
1911
ტიპი: ღონისძიება
1911 წლის პირველ სექტემბერს ქართველთა შორის წერა-კითხვის გამავრცელებელი საზოგადოების სხდომაზე გადაწყდა, ოლღა გურამიშვილ-ჭავჭავაძისთვის გადაეცათ ბინის ქირა – 25 მანეთი.
1913
ტიპი: ავტორობა
1913 წლის 25 იანვარს ქართველთა შორის წერა-კითხვის გამავრცელებელი საზოგადოების მთავარ გამგეობას გუდაუთის განყოფილების გამგეობამ გაუგზავნა განყოფილების 1912 წლის მუშაობის ანგარიში, რომლის მიხედვითაც 1912 წლის ბოლომდე ჩატარდა ერთი სხდომა. დოკუმენტს ხელს აწერს გუდაუთის განყოფილების გამგეობის თავმჯდომარე დიმიტრი ნადარეიშვილი.
1913
ტიპი: ავტორობა
1913 წლის 25 იანვარს ქართველთა შორის წერა-კითხვის გამავრცელებელი საზოგადოების მთავარ გამგეობას გუდაუთის განყოფილების გამგეობამ გაუგზავნა განყოფილების 1912 წლის მუშაობის ანგარიში. დოკუმენტის მიხედვით, 1912 წლის ბოლომდე გამგეობამ განიხილა ორი საქმე: გამგეობის ცხრა წევრს დავალებული ჰქონდა ახალი წევრების მოზიდვა; ამავე წლის 14 იანვარს, წმ. ნინოს ხსენების დღესთან დაკავშირებით, გამართეს საღამო. შემოსული თანხა მთლიანად განყოფილებას უნდა მოხმარებოდა. დოკუმენტს ხელს აწერს გუდაუთის განყოფილების გამგეობის თავმჯდომარე დიმიტრი ნადარეიშვილი.
1913
ტიპი: ღონისძიება
1913 წლის 25 იანვარს ქართველთა შორის წერა-კითხვის გამავრცელებელი საზოგადოების მთავარ გამგეობას გუდაუთის განყოფილების გამგეობამ, რომლის თავმჯდომარე იყო დიმიტრი ნადარეიშვილი, გაუგზავნა 1912 წლის მუშაობის ანგარიში.
1913
ტიპი: ავტორობა
1913 წლის 25 იანვარს ქართველთა შორის წერა-კითხვის გამავრცელებელი საზოგადოების მთავარ გამგეობას გუდაუთის განყოფილების გამგეობამ გაუგზავნა განყოფილების 1912 წლის მუშაობის ანგარიში, რომლის მიხედვითაც განყოფილების სარევიზიო კომისია იმ დრომდე არ იყო არჩეული. დოკუმენტს ხელს აწერს გუდაუთის განყოფილების გამგეობის თავმჯდომარე დიმიტრი ნადარეიშვილი.
1912
ტიპი: ორგანიზაცია
1912 წელს ქართველთა შორის წერა-კითხვის გამავრცელებელი საზოგადოების გუდაუთის განყოფილების გამგეობის წევრები იყვნენ სიმონ ისაიას ძე საბაშვილი, პლატონ დავითის ძე ჭავჭანიძე და გიორგი თომას ძე ზენაიშვილი.
1913
ტიპი: თანამდებობა
1913 წელს ქართველთა შორის წერა-კითხვის გამავრცელებელი საზოგადოების გუდაუთის განყოფილების გამგეობის თავმჯდომარე იყო დიმიტრი პავლეს ძე ნადარეიშვილი, მდივანი – ნიკოლოზ იოსების ძე გულივერდაშვილი.
1913
ტიპი: ღონისძიება
1913 წლის 25 იანვარს ქ. შ. წ. კ. გ. საზოგადოების მთავარ გამგეობას გუდაუთის განყოფილების გამგეობამ ამცნო, რომ გუდაუთის განყოფილებამ მიიღო მთავარი გამგეობის მიერ გამოგზავნილი ორი წიგნი: ერთი საკვიტანციო და მეორე, ყოველდღიური ანგარიშის ჩასაწერი. დოკუმენტს ხელს აწერს გუდაუთის განყოფილების გამგეობის თავმჯდომარე დიმიტრი ნადარეიშვილი.
© პროსოპოგრაფიულ მონაცემთა ბაზა, ლინგვისტურ კვლევათა ინსტიტუტი 2018 -