საქართველოს პროსოპოგრაფია

ფაქტები

რეგისტრირებული ფაქტები93616

1897

ტიპი: ღონისძიება

1897 წლის 27 თებერვლის „ცნობის ფურცლიდან” ვიგებთ, რომ ივანე გივის ძე ამილახვარმა განკარგულება გასცა, რომ სამხედრო სასანიტრო კომისიებს დაუყოვნებლივ დაეთვალიერებინათ ჯარების სადგომები, ეზოები და სხვადასხვა დაწესებულებები შავი ჭირის პრევენციისთვის.

1897

ტიპი: ღონისძიება

1897 წლის 27 თებერვლის „ცნობის ფურცლიდან” ვიგებთ, რომ აკაკი წერეთელმა ყოველთვიური ჟურნალის, „კრებულის” გამოსაცემად ნებართვა ითხოვა.

1897

ტიპი: პირადი ინფორმაცია

1897 წლის 15 მარტს თბილისში უნდა ჩამოსულიყო კავკასიის მთავარმართებლის თანაშემწე ფრეზე.

1897

ტიპი: პირადი ინფორმაცია

1897 წლის 28 თებერვალს თბილისში, მიხეილის ქუჩაზე, იყიდებოდა ზაქარია კოზმანიშვილის კახური ღვინოები.

1897

ტიპი: მფლობელობა

1897 წლის 28 თებერვალს ნიკოლოზ იმედოვი იყო საოქრომჭედლო სახელოსნოს მფლობელი.

1897

ტიპი: თანამდებობა

1897 წლის 28 თებერვლის „ცნობის ფურცლის“ მიხედვით, ბეგლიარ ავაკიანცი საათების სახელოსნოში მუშაობდა.

1897

ტიპი: ავტორობა

1897 წლის 28 თებერვალს მღვდელი ანტონ კეკელია ქართველთა შორის წერა-კითხვის გამავრცელებელი საზოგადოების გამგეობის მდივან დავით კარიჭაშვილს, მისი მიწერილობის თანახმად, უკან უგზავნიდა „ბუნების კარის“ 41 ცალ ეგზემპლარსა და საზოგადოების წიგნის მაღაზიის ანგარიშს. დარჩენილ თანხას კი უმოკლეს დროში ჰპირდებოდა.

1897

ტიპი: ღონისძიება

1897 წლის მარტში სოფელ თონეთის სკოლის მე-2 განყოფილების მოსწავლე მარო ყირიმელაშვილი სკოლიდან გავიდა ოჯახის დასახმარებლად (ბატების მოსავლელად).

1897

ტიპი: განათლება

1897 წლის მარტში ვლადიმერ ქაიხოსროს ძე ლორთქიფანიძე იენის უნივერსიტეტის პროფესორების ხელმძღვანელობით ისტორიას სწავლობდა. იგი 3-4 წელი აპირებდა სასწავლებლად გერმანიაში დარჩენას.

1897

ტიპი: ღონისძიება

1897 წლის მარტში ვლადიმერ ქაიხოსროს ძე ლორთქიფანიძე იენაში იმყოფებოდა.

1897

ტიპი: ღონისძიება

1897 წლის მარტში სოფელ თონეთის სკოლის 1-ლი განყოფილების მოსწავლე გიორგი გოგიტაშვილის სკოლიდან გავიდა გუთანზე მუშაობის გამო.

1897

ტიპი: ღონისძიება

1897 წლის მარტში სოფელ თონეთის სკოლის 1-ელი განყოფილების მოსწავლე დიმიტრი მანველიძე ავადმყოფობის გამო სკოლიდან გავიდა.

1897

ტიპი: ღონისძიება

1897 წლის მარტში სოფელ თონეთის სკოლის 1-ლი განყოფილების მოსწავლე ვანო მაჩაიძე სკოლიდან გავიდა გუთანზე მუშაობის გამო.

1897

ტიპი: განათლება

1897 წლის მარტში სოფელ თონეთის სკოლის 1-ლი განყოფილების მოსწავლე ეკა თაქთაქიშვილი დედამ გაიყვანა სკოლიდან ხელობის შესასწავლად.

1897

ტიპი: ღონისძიება

1897 წლის მარტში სოფელ თონეთის სკოლის მე-2 განყოფილების მოსწავლე ალექსანდრე მაჩაიძე სკოლიდან გავიდა ხარების მოსავლელად.

1897

ტიპი: ღონისძიება

1897 წლის მარტში სოფელ თონეთის სკოლის მე-2 განყოფილების მოსწავლე გიგო მჭედლიძე სკოლიდან გავიდა გუთანზე მუშაობის გამო.

1897

ტიპი: ღონისძიება

1897 წლის მარტში სოფელ თონეთის სკოლის მე-2 განყოფილების მოსწავლე ოსე შავიშვილი სკოლიდან გავიდა ხარების მოსავლელად.

1897

ტიპი: ღონისძიება

1897 წლის მარტში სოფელ თონეთის სკოლის 1-ლი განყოფილების მოსწავლე თებრო ბეჟაშვილი თვალების ტკივილის გამო სკოლიდან გავიდა.

1897

ტიპი: ღონისძიება

1897 წლის მარტში სოფელ თონეთის სკოლის მასწავლებელი თამარ ჯორჯაძე ქართველთა შორის წერა-კითხვის გამავრცელებელი საზოგადოების გამგეობას აცნობებს, რომ დავით კარიჭაშვილისგან მიიღო მარტის ჯამაგირი 30 მანეთი.

1897

ტიპი: თანამდებობა

1897 წლის მარტში ქალაქ თელავის თვითმართველობაში მონაწილეობდა 15 ხმოსანი. მოურავი იყო მიხეილ თათუზოვი, მოურავის თანაშემწე – ბ. ა. ტერ-სარქისოვი.

1897

ტიპი: ღონისძიება

1897 წლის 1-ელი მარტის „ცნობის ფურცლის“ რედაქცია იუწყება, რომ ბ. Ჩხარტიშვილმა განიზრახა მცხეთაში, სადგურის მახლობლად, გაემართა სასეირნო ადგილი, სადაც კვირაობით ცოცხალ მუსიკას დაუკრავდნენ.

1897

ტიპი: ღონისძიება

1897 წლის მარტში თბილისის სარევიზიო კომისიის წევრებმა ი. გ. მელიქოვმა და გ. მ. კოლუბანსკიმ შეიტყვეს, რომ დუქნებში ვაჭრები შეუმოწმებელ და დაუბეჭდავ სასწორის ქვებს ხმარობდნენ, რითაც მყიდველებს ზარალს აყენებდნენ. მათ აგენტებს უბრძანეს, ყურადღება მიექციათ ვაჭრებისთვის, რომ ყალბი სასწორებით ვაჭრობა აღარ გაგრძელებულიყო.

1897

ტიპი: ღონისძიება

1897 წლის მარტში ვასილ კარბელაშვილმა დაამთავრა ქართულ-კახური საეკლესიო საგალობლების ნოტებზე გადაღება და ნოტების დაბეჭდვა. კარბელაშვილი ამ სასარგებლო საქმით დიდი ხნის განმავლობაში იყო დაკავებული.

1897

ტიპი: პირადი ინფორმაცია

1897 წლის მარტში მძიმედ გაციებულ ილია ჭავჭავაძეს ახალგაზრდა ექიმი მიხეილ გედევანიშვილი მკურნალობდა.

1897

ტიპი: ღონისძიება

1897 წლის მარტში თბილისის სახელმწიფო თეატრში უბნის ზედამხედველმა, მაჭავარიანმა შეიპყრო თბილისის მოქალაქე, რომელსაც თეატრის ბილეთები ეყიდა და მეტ ფასად ჰყიდდა.