რეგისტრირებული ფაქტები88076
სორტირება თარიღი მზარდობით
1897
ტიპი: თანამდებობა
1897 წლის 14 სექტემბრის „ცნობის ფურცლიდან” ვიგებთ, რომ დიატროპოვი ქუთაისის ოლქის სასამართლოს თავმჯდომარის ამხანაგად დაინიშნა.
1897
ტიპი: თანამდებობა
1897 წლის 14 სექტემბრის „ცნობის ფურცლიდან” ვიგებთ, რომ მოსიძე მომრიგებელი მოსამართლის თანაშემწე იყო.
1897
ტიპი: თანამდებობა
1897 წლის 14 სექტემბერს ბათუმის ახალი ვაჟთა გიმნაზია უნდა ეკურთხებინათ. ამ გიმნაზიის დირექტორი ა. ი. სტოიანოვი იყო.
1897
ტიპი: ღონისძიება
1897 წლის 14 სექტემბრის „ცნობის ფურცლიდან” ვიგებთ, რომ თ. ნ. თავდგირიძემ ხმოსნებს მოახსენა, რომ მისი აზრით, საჭირო იყო ოზურგეთში ახალი ეკლესიის აშენება, რადგან ძველი ეკლესია მლოცველებს ვეღარ იტევდა. ხმოსნებმა ეს წინადადება მოიწონეს და ამ მიმართულებით მუშაობას შეუდგნენ.
1897
ტიპი: თანამდებობა
1897 წლის 14 სექტემბრის „ცნობის ფურცლიდან” ვიგებთ, რომ გურია-სამეგრელოს ეპარქიის სამოსწავლო საბჭოს ოზურგეთის განყოფილებამ საპატიო წევრად ოზურგეთის ქალაქისთავი თ. ნ. თავდგირიძე აირჩია.
1897
ტიპი: ღონისძიება
1897 წლის 14 სექტემბრის „ცნობის ფურცლიდან” ვიგებთ, რომ ბათუმის გამგეობამ ახლადგადაკეთებულ ვაჟთა გიმნაზიას დროებითი სადგომი ჩააბარა. ამ ღონისძიებას გიმნაზიის დირექტორი ა. ი. სტოიანოვი ესწრებოდა.
1897
ტიპი: ღონისძიება
1897 წლის 14 სექტემბრის „ცნობის ფურცლიდან” ვიგებთ, რომ მიხეილ საბინინი ფრანგულ ენაზე ნაშრომს ამზადებდა, რომელშიც საქართველოს ეკლესიის შესახებ უნდა ყოფილიყო მოთხრობილი. ამ ნაშრომში მიხეილ საბინინი ამტკიცებდა, რომ საქართველოს ეკლესია თავიდანვე დამოუკიდებელი იყო.
1897
ტიპი: თანამდებობა
1897 წლის 14 სექტემბრის „ცნობის ფურცლიდან“ ვიგებთ, რომ მოსიძე ტიტულოვანი მრჩეველი გახდა.
1897
ტიპი: ღონისძიება
1897 წლის 15 სექტემბრის თბილისში მცირეწლოვან დამნაშავეთა თავშესაფარი აკურთხეს. კურთხევას მრავალი სტუმარი დაესწრო. მათ შორის იყვნენ: თეოდორ ალექსანდრეს ძე ბიკოვი და გორსკი.
1897
ტიპი: ღონისძიება
1897 წლის 16 სექტემბერს გაიმართა ქართველთა შორის წერა-კითხვის გამავრცელებელი საზოგადოების ოცდამეხუთე სხდომა ნიკო ცხვედაძის თავმჯდომარეობით. სხდომას ასევე ესწრებოდნენ: ივანე რატიშვილი, გიორგი იოსელიანი, ალექსანდრე ჭყონია, იაკობ გოგებაშვილი, ექვთიმე თაყაიშვილი, ნიკო მთვარელიშვილი და მდივანი დავით კარიჭაშვილი.
1897
ტიპი: ღონისძიება
1897 წლის 16 სექტემბერს ქართველთა შორის წერა-კითხვის გამავრცელებელი საზოგადოების ოცდამეხუთე სხდომაზე გომარეთის სკოლის პედაგოგს გადასცეს სამგზავრო ფული 20 მან. და ორი თვის ხელფასი, 50 მან., გრიგოლ ყიფშიძეს „ცხოველთა სამეფოს ამბების“ კარიკატურის ანგარიშში – 15 მან., ქართველთა ამხანაგობას „ქართლის ცხოვრების“ დასაბეჭდად – 50 მან., გ. კოტეტიშვილს წიგნების დასაკაზმში – 7 მან., ნიკოლოზ ბადრიძეს – 35 მან. და ელენე ანტონოვსკის სენაკის სკოლის რევიზიისთვის – 1,80 მან.
1897
ტიპი: ღონისძიება
1897 წლის 16 სექტემბერს ქართველთა შორის წერა-კითხვის გამავრცელებელი საზოგადოების ოცდამეხუთე სხდომაზე დავით კარიჭაშვილმა მოხსენებაში აღნიშნა, რომ „ივერიის“ რედაქციისგან მიიღეს სახელმწიფო შემნახველი სალაროს წიგნი N2524, რომლიდანაც ირკვევა, რომ „ივერიის“ N172-დან გრიგოლ ბურჭულაძეს შეუნახავს საზოგადოების სახელზე რაფიელ ერისთავის ფონდის სასარგებლოდ შეგროვებული ფული 174 მან. და 57 კაპ., ასევე 144 მანეთი მიუღიათ საჩუქრად ალიოზ შიხინაშვილისგან მიუღიათ ავჭალაში სამკითხველოს გასახსნელად. გამგეობამ გადაწყვიტა, რაფიელ ერისთავის თანხისთვის დაემატებინათ 174,57 მან. და ავჭალის სამკითხველოს გასახსნელად შეენახათ ა. შიხინაშვილისგან მიღებული თანხა.
1897
ტიპი: ღონისძიება
1897 წლის 16 სექტემბერს ქართველთა შორის წერა-კითხვის გამავრცელებელი საზოგადოების ოცდამეხუთე სხდომაზე ალექსანდრე ჭიჭინაძემ წაიკითხა მოხსენება კავკავის სკოლის მდგომარეობის შესახებ. გამგეობამ ნიკოლოზ ცხვედაძეს მოხსენების შინაარსის გამგეობისთვის გაცნობა დაავალა.
1897
ტიპი: ავტორობა
1897 წლის 16 სექტემბერს გაიმართა ქართველთა შორის წერა-კითხვის გამავრცელებელი საზოგადოების ოცდამეხუთე სხდომა. სხდომაზე გამგეობამ მიიღო წერილი ქუთაისის გაბრიელ ეპისკოპოსის სახელობის ბიბლიოთეკის გამგე ელენე ჟინოვისგან, რომ ის შეუთანხმდა ქუთაისის საკვირაო სკოლას ბაქოდან გამოგზავნილ 150 მანეთის თანაბრად განაწილების თაობაზე და ასევე გამგეობას სთხოვს, რომ გაუგზავნონ დაპირებული წლიური შემწეობის მეორე ნახევარი 5 თუმანი. გამგეობამ 5 თუმანი მაშინვე გაუგზავნა ელენე ჟინოვს და ასევე აცნობა, რომ ბაქოდან მიღებულ თანხას მას შემდეგ გადასცემდნენ, როცა ქუთაისის საკვირაო სკოლის გამგისგან მიიღებდნენ თანხმობის წერილს თანხის თანაბრად განაწილების შესახებ.
1897
ტიპი: ღონისძიება
1897 წლის 16 სექტემბერს ქართველთა შორის წერა-კითხვის გამავრცელებელი საზოგადოების ოცდამეხუთე სხდომაზე ანასტასია წერეთელმა და მარიამ ხახულის ასულმა აბაშიძემ წარმოადგინეს საზოგადოების სასარგებლოდ თანხის შესაგროვებლად წაღებული ყულაბები, რომლებშიც შეგროვებული იყო 35 მანეთი.
1897
ტიპი: ღონისძიება
1897 წლის 16 სექტემბერს საექიმო საზოგადოების სხდომაზე მიხეილ გედევანიშვილს მოხსენება უნდა წაეკითხა.
1897
ტიპი: ღონისძიება
1897 წლის 16 სექტემბრის „ცნობის ფურცლის” მიხედვით, კ. ჩიკვაიძე ქუთაისის სათავადაზნაურო ბანკის რევიზიის გამო პეტერბურგში მიემგზავრებოდა, რათა საფინანსო სამინისტროსთვის არჩევნების დანიშვნის დაჩქარება ეთხოვა.
1897
ტიპი: ღონისძიება
1897 წლის 16 სექტემბრის „ცნობის ფურცელიდან” ვიგებთ, რომ მედუქნეებმა, ს. კიკვიძემ და იაგორ ბარხუდაროვმა მთავარმართებელს გაუგზავნეს თხოვნა, სადაც ეწერა, რომ ქალაქის გამგეობა სამიკიტნოებზე ბაჟის გაწერისას უნდა სარგებლობდეს სამიკიტნოების არსებული რაოდენობით და არა სამიკიტნოების იმ სავარაუდო რიცხვით, რომელსაც გამგეობა ადგენს ხოლმე წლის დასაწყისში.
1897
ტიპი: ნასამართლეობა
1897 წლის 16 სექტემბრის „ცნობის ფურცლიდან” ვიგებთ, რომ კონდუქტორებმა გზის მოიჯარადეს, სლივიცკის უჩივლეს, რადგან ის კონდუქტორებს კუთვნილ თანხას არ უნაწილებდა. კონდუქტორები მას 2600 მანეთს ედავებოდნენ.
1897
ტიპი: ღონისძიება
1897 წლის 17 სექტემბრის „ცნობის ფურცელი“ წერს, რომ სახლის დაწვამ, რომელიც კონსტანტინე თავართქილაძეს ეკავა, მითქმა-მოთქმა გამოიწვია, უმრავლესობა ფიქრობდა, რომ ცეცხლი განგებ წაუკიდეს, რათა კონსტანტინე თავართქილაძე და სავაჭრო ამხანაგობა „ს“ დაეზარალებინათ.
1897
ტიპი: თანამდებობა
1897 წლის 17 სექტემბრის „ცნობის ფურცლის“ მიხედვით, ა. ტ. შჩოლოკოვი, რედუტ-კალეს ნაწილის ბოქაული ზუგდიდში, ლეჩხუმის მაზრის სამმართველოს მდივნად გადაიყვანეს.
1897
ტიპი: ღონისძიება
1897 წლის 17 სექტემბრის „ცნობის ფურცლის“ მიხედვით, გიორგი გაბაშვილი საზღვარგარეთიდან დაბრუნდა და სამხატვრო სასწავლებელი გახსნა.
1897
ტიპი: თანამდებობა
1897 წლის 17 სექტემბრის „ცნობის ფურცლის“ მიხედვით, დაბა ზუგდიდის პოლიციის ბოქაული გ. გაბუანია სამსახურიდან გაათავისუფლეს და საგუბერნიო სამმართველოში ჩარიცხეს.
1897
ტიპი: თანამდებობა
1897 წლის 17 სექტემბრის „ცნობის ფურცელში“ ნათქვამია, რომ თარჯიმანი სოლომონ შენგელაია დაბა ზუგდიდის პოლიციის ბოქაულად დანიშნეს.

