რეგისტრირებული ფაქტები80992
სორტირება ძველი ჩანაწერების მიხედვით
1921
ტიპი: თანამდებობა
1921 წლის 21 მარტს მუშაობას შეუდგნენ ჯანმრთელობის სახალხო კომისრის მოადგილე პოლიევქტო კიკალიშვილი და მდივანი ელიაშვილი.
1921
ტიპი: ნასამართლეობა
1921 წლის 26 მარტის გაზეთ „კომუნისტის“ ცნობით, 23 წლის პავლე პეტრეს ძე რაზავისს, იმავე „რასტემინს", ბრალად ედებოდა პატიმრების ცემა.
1921
ტიპი: თანამდებობა
1921 წელს საქართველოს სოციალისტური რესპუბლიკის საგანგებო დანიშნულების ნაწილი შეიქმნა, რომლის უფროსადაც მიხეილ (ვალოდია) ხუტულაშვილი დაინიშნა. მას სამხედრო საქმეთა კომისრისა და არმიის უფროსის მოადგილის უფლებები მიენიჭა.
1921
ტიპი: თანამდებობა
1921 წელს სერგო ქავთარაძე რევოლუციური კომიტეტის თავმჯდომარის მოადგილედ დაინიშნა, ხოლო ალექსანდრე სალარიძე — მდივნად.
1877
ტიპი: პირადი ინფორმაცია
1877 წლის 1-ელ ან 11 მაისს ქუთაისში დაიბადა ბუდიონ (პოლიკარპე) გურგენის ძე მდივანი, იგივე ბუდუ მდივანი.
1904
ტიპი: ნასამართლეობა
1904 წელს ბუდუ მდივანი დააკავეს და აღმოუჩინეს „პროლეტარების ბრძოლის" ფურცლები, ის იყო პროკლამაციების მთავარი გამავრცელებელი ხონსა და მის მიმდებარე ტერიტორიებზე. ამ პერიოდიდან მდივანი ეწეოდა რევოლუციურ მოღვაწეობას.
1925
ტიპი: ნასამართლეობა
შინაგან საქმეთა სამინისტროს სახალხო კომისარიატთან არსებული ,,მავნე პირთა ადმინისტრაციული წესით გადამასახლებელი კომისიის” დადგენილებით, საქართველოს სოციალისტური საბჭოთა რესპუბლიკის ქალაქ თბილისიდან 1925 წლის 4 ივლისისათვის „გაუსწორებელი და საზოგადოებისთვის მავნე ელემენტები“ გადასახლებულნი არიან საქართველოს ფარგლებიდან 3 წლის ვადით.
1934
ტიპი: თანამდებობა
1934 წელს სტეფანე ბროდოვსკი ლატვიაში სსრკ-ის სრულუფლებიანი წარმომადგენელი იყო.
1934
ტიპი: ღონისძიება
1934 წელს საბჭოთა კავშირის სრულუფლებიანმა წარმომადგენელმა სტეფანე ბროდოვსკიმ და პრემიერმა კარლ ულმანისმა ერთმანეთს გადასცეს 4 აპრილს მოსკოვში ხელმოწერილი ოქმის სარატიფიკაციო სიგელები, რომლის მიხედვითაც სსრკ-სა და ლატვიას შორის დადებულ თავდაუსხმელობის პაქტს 10 წლით უგრძელდებოდა ვადა.
1934
ტიპი: თანამდებობა
1934 წელს ერმილე ბედია იყო საკავშირო კ პ.(ბ) ა -კ სამხარეო კომიტეტის კულტურისა და ლენინიზმის პროპაგანდის განყოფილების გამგე.
1934
ტიპი: თანამდებობა
საკავშირო კპ (ბ) ამიერკავკასიის სამხარეო კომიტეტის დადგენილებით, გაზეთის "На рубеже востока" დაუდევარი გაძღოლისა და მასში დაშვებული შეცდომებისათვის გაზეთის რედაქტორი დუდუჩავა სამსახურიდან მოხსნეს. გაზეთის ხელმძღვანელად შეთავსებით დაამტკიცეს ვ. გრიგორიანი.
1934
ტიპი: თანამდებობა
1934 წელს თბილისის საბჭოს პლენუმმა საბჭოს წინაშე მდგარი ამოცანების არაბოლშევიკურად გადაჭრისთვის თანამდებობიდან გაათავისუფლა ბაგრატ მაჩაიძე და თბილისის საბჭოს თავმჯდომარედ აირჩია ვალერიან ბაქრაძე.
1927
ტიპი: ღონისძიება
1927 წელს გერმანე მათითაშვილმა ბუდიონ მდივანს ტროცკისტული ორგანიზაციების მიზნების შესახებ მიხეილ ოკუჯავას სახლში მოხსენების წაკითხვა სთხოვა. შეხვედრაზე მდივანმა განაცხადა, რომ სპარსეთიდან დაბრუნების შემდეგ სტალინი მოინახულა და დაჰპირდა მას, რომ საკუთარ შეხედულებებს გადახედავდა, მაგრამ ამის ნაცვლად პირდაპირ ტროცკის ესტუმრა და დაწვრილებით გააცნო სტალინთან მოლაპარაკების საკითხები.
1937
ტიპი: ორგანიზაცია
1937 წელს მალაქია ტოროშელიძის აღიარებითი განცხადებიდან ირკვევა, რომ ტროცკისტებსა და ნოე ჟორდანიას შექმნილი ჰქონდათ საქართველოს ნაციონალური ცენტრის ბლოკი, რომელშიც ერთიანდებოდნენ ანტისაბჭოური პარტიის წარმომადგენლები.
1937
ტიპი: ღონისძიება
1937 წელს მალაქია ტოროშელიძის აღიარების მიხედვით, საქართველოს ნაციონალური ცენტრის ბლოკის ერთ-ერთ შეხვედრას, რომელიც კერძო ბინაზე ჩატარდა, ნოე ჟორდანიას დავალებით ნიკოლოზ ელიავა დაესწრო.
1934
ტიპი: თანამდებობა
ა. კეკელია 1934 წელს საქართველოს კომუნისტური პარტიის (ბ) ცენტრალური კომიტეტის სასოფლო-სამეურნეო განყოფილების გამგე იყო.
© პროსოპოგრაფიულ მონაცემთა ბაზა, ლინგვისტურ კვლევათა ინსტიტუტი 2018 -