რეგისტრირებული ფაქტები81939
სორტირება თარიღი მზარდობით
1919
ტიპი: ავტორობა
1919 წლის 24 აპრილს ქართველთა შორის წერა-კითხვის გამავრცელებელი საზოგადოების ზუგდიდის განყოფილების გამგეობის თავმჯდომარემ, ტროფიმე ჯოხთაბერიძემ მთავარ გამგეობას მისწერა, რომ ადგენდა განყოფილების მუშაობის 1918 წლის მოკლე ანგარიშს. ხაზინადრისა და მდივნის მოუცლელობის გამო გამგეობა უკეთეს ანგარიშს ვერ შეადგენდა.
1919
ტიპი: ღონისძიება
„საქართველოს რესპუბლიკის“ რედაქციამ 1919 წლის 25 აპრილს განათლების სამინისტროს სთხოვა განკარგულების გაცემა, რომ დემოკრატიული რესპუბლიკის არსებობის წლისთავთან დაკავშირებით, 26 მაისისთვის მიეწოდებინათ სამინისტროს ერთი წლის მუშაობის ანგარიში, რათა რედაქციას შესძლებოდა მთავრობის მოღვაწეობის აღნუსხვა. „საქართველოს რესპუბლიკის“ რედაქტორის მაგიერ ვ. ნოზაძე.
1919
ტიპი: ღონისძიება
1919 წლის 26 აპრილის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომას დაესრნენ: თავმჯდომარე დ. გ. კარიჭაშვილი, თავმჯდომარის ამხანაგი თ. კიკვაძე, მდივანი ვ. ბურჯანაძე, წევრები: შ. დედაბრიშვილი, ს. იაშვილი, კ. ქავთარაძე და ი. გიორგობიანი.
1919
ტიპი: ღონისძიება
1919 წლის 26 აპრილის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს საკითხი შრომის სკოლის სიღნაღის ერობის გამგეობაში გადაცემის შესახებ. შრომის სკოლის გამგის, იოსებ ჩხატარაიშვილის თქმით, სიღნაღის სამაზრო ერობის გამგეობამ თანხმობა განაცხადა მიიღოს თავის გამგებლობაში შრომის სკოლა. ჩხატარაიშვილმა შეადგინა სკოლის ინვენტარის სია და გადასცა ერობის გამგეობას.
1919
ტიპი: ღონისძიება
1919 წლის 26 აპრილის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს ლუარსაბ ბოცვაძის განცხადება, რომ ავადმყოფობის გამო ვერ მიიღებდა მონაწილეობას „ბუნების კარის“ შესწორებაში. ეს კითხვა წინა სხდომაზე დაისვა, მაგრამ გადაიდო. გამგეობამ სასკოლო სექციას მიანდო საკითხის არსებითი განხილვა.
1919
ტიპი: ღონისძიება
1919 წლის 26 აპრილს ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე მანგლისის მცხოვრებთა მიერ საზოგადოების განყოფილების დაარსების დადგენილების შესახებ იმსჯელეს. მთავარმა გამგეობამ დაადგინა, ეცნობებინა ინიციატორთათვის განყოფილების გახსნის არსებული წესები. მიმოწერა ქართულ ენაზე უნდა ყოფილიყო.
1919
ტიპი: ღონისძიება
1919 წლის 26 აპრილს ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს სამწიგნობრო სექციისა და ლიტერატორ-კრიტიკოსთა გაერთიანებული კრების მიერ ორიგინალ და ნათარგმნ ნაწარმოებებზე ჰონორარის ნორმის შემუშავების საკითხი. გამგეობამ საკითხი დაამტკიცა და მისი გაზეთებში გამოცხადება გადაწყვიტა.
1919
ტიპი: ღონისძიება
ქუთაისის გუბერნიის მე-2 რაიონის სახალხო სკოლების მეთვალყურე ითხოვდა შუამდგომლობას დაბალ სასწავლებლთა მთავარ-გამგის წინაშე მასწავლებელ მღ. აბიბო ბოჭორიშვილის ჯამაგირის დანაკლისის ასანაზღაურებლად ( 372 ლ. 20 კაპ. ). სამინისტრომ ვერ შეძლო შუამდგომლობის დაკმაყოფილება, ხოლო მთვრობის წინაშე ასეთი უმნიშვნელო თანხის შესახებ შუამდგომლობის აღძვრა უხერხულად მიაჩნდათ.
1919
ტიპი: ღონისძიება
1919 წლის 26 აპრილის „ერთობა“ იუწყება, რომ სამხედრო სამინისტრომ განიხილა გენ. მაიორების – კონიაშვილის, ყაზბეგისა და პოდპ. ოქიაშვილისგან შემდგარი კომისის კვლევა და დაადგინა, რომ გორიდან უნდა გაიწვიონ კაპიტანი მიქელაძე ბატალიონის უფროსის თანამდებობიდან გადაყენებით უკანონო განკარგულებისთვის შეიარაღებული ჯარისკაცების გამოსაწვევად.
1919
ტიპი: ღონისძიება
1919 წლის 26 აპრილის „ერთობაში“ ხაშურის ვაჟთა გიმნაზიის მშობელთა წრის კომიტეტი მადლობას უხდის კომიტეტის საპატიო წევრებს – მიხეილ დაბრუნდაშვილს, ალექსანდრე აღაჯანაშვილს, ი. სულაშვილს, რომლებმაც გიმნაზიის ღარიბ მოსწავლეთა სასარგებლოდ შეკრიბეს ფული. შემომწირველები: მ. დაბრუნდაშვილი, ს. არაჯანაშვილი, ფ. მოწონელიძე, ნ. გოქაძე, ი. მოწონელიძე, ლ. გვენცაძე, ტ. ჭკუასელი, ს. ქურდაძე, დ. ქიტიაშვილი, გ. გელაშვილი, ი. სულაშვილი, ს. მანჯავიძე, ნ. თოხმოვი, ი. ძნელაძე, ვ. ნიკოლეიშვილი, მ. მესაბლიშვილი, თ. რამიშვილი, ი. ცეცხლაძე, ნ. ანასტასიადი, ს. ტერ-პეტროსოვი.
1919
ტიპი: ღონისძიება
1919 წლის 26 აპრილის „ერთობაში“ ხაშურის ვაჟთა გიმნაზიის მშობელთა წრის კომიტეტი მადლობას უხდის კომიტეტის საპატიო წევრებს, რომლებმაც გიმნაზიის ღარიბ მოსწავლეთა სასარგებლოდ შეკრიბეს ფული; შემომწირველები: პ. ღამბაროვი, ნ. ეფრემიდი, ა. ჩიტაიშვილი, ა. ქუთათელაძე, მ. თურმანიძე, ნინო მაჭავარიანი, არუწოვი, ი. შათირიშვილი, შ. ქიტიაშვილი, ი. მესხიძე, ი. მანჯავიძე, ვ. ცხოვრებაშვილი, მ. მანჩაკოვი, ჩარექოვი, მ. ჯიმშერაშვილი, ს. ღონღაძე, ა. არჩვაძე, ა. ბუღაძე, ტ. პაპავა, კ. ყვავაძე, დ. აღაჯანაშვილი, ზ. ტერ-ზახაროვი, ა. ბორცაძე, კ. ტაბატაძე, ი. გოგოლაძე, ი. ნიორაძე, ა. ქორჩილავა, ლ. ბუხნიკაშვილი, ს. ქიტიაშვილი, ჩ. ჯიჯიშვილი, ა. სარჯველაძე, ა. ჯიშკარიანი, ვ. რამიშვილი, ა. საფაროვი.
1919
ტიპი: ღონისძიება
1919 წლის 26 აპრილის „ერთობაში“ ხაშურის ვაჟთა გიმნაზიის მშობელთა წრის კომიტეტი მადლობას უხდის კომიტეტის საპატიო წევრებს – მ. დაბრუნდაშვილს, ალ. აღაჯანაშვილს, ი. სულაშვილს, რომლებმაც გიმნაზიის ღარიბ მოსწავლეთა დასახმარებლად ფული შეკრიბეს. შემომწირველები: მ. დაბრუნდაშვილი, ს. არაჯანაშვილი, ფ. მოწონელიძე, ნ. გოქაძე, ი. მოწონელიძე, ლ. გვენცაძე, ტ. ჭკუასელი, ს. ქურდაძე, დ. ქიტიაშვილი, გ. გელაშვილი, ი. სულაშვილი, ს. მანჯავიძე, ნ. თოხმოვი, ი. ძნელაძე, ვ. ნიკოლეიშვილი, მ. მესაბლიშვილი, თ. რამიშვილი, ი. ცეცხლაძე, ნ. ანასტასიადი, ს. ტერ-პეტროსოვი.
1919
ტიპი: გარდაცვალება
1919 წლის 27 აპრილს მძიმე ავადმყოფობის შედეგად გარდაიცვალა საქართველოს ს. დ. მ. პარტიის მუშაკი, საკონტროლო კომისიის, დამფუძნებელი კრების, ფრაქციის პრეზიდიუმისა და თბილისის კომიტეტის წევრი რაფიელ ალექსის ძე ჩიხლაძე.
1919
ტიპი: ღონისძიება
1919 წლის 27 აპრილს საქართველოს საგარეო საქმეთა სამინისტროში გამართულ ამიერკავკასიის რესპუბლიკების წარმომადგენელთა კონფერენციას დაესწრნენ: ევგენი გეგეჭკორი, ნოე რამიშვილი, კონსტანტინე კანდელაკი, სომხეთიდან — ს. ფ. ტიგრანიანი, არუთუნიანი, მამიკონიანი, აზერბაიჯანიდან — ხან ხოისკი, მამედ-იუსუფ ჯაფაროვი, ხალილ ბეი ხასმამედოვი.
1919
ტიპი: ნასამართლეობა
1919 წლის 28 აპრილს, საღამოს 11 სთ-ზე ლაზარევის ქუჩაზე დაჭრეს ა. მიკირტუმოვი. ამის გამო დააპატიმრეს: ა. კიკნაძე, შ. თევდორაძე და მე-9 კომისარიატის მილიციელი გაბედავა. ამ უკანასკნელმა დანაშაული აღიარა.
1919
ტიპი: ღონისძიება
1919 წლის 28 აპრილს მთავარგამგე გიორგი ალმასხანის ძე ჭუმბურიძემ და საქმისმწარმოებელმა კონსტანტინე ილიას ძე აბაშიძემ აღმოსავლეთ საქართველოს სახალხო სკოლების მე-3 რაიონის ინსპექტორს გაუგზავნეს ბელათის სკოლის ყოფილი მასწავლებლის პეტრე სოლომონის ძე ალღუზაშვილის თხოვნა ჯამაგირით დაკმაყოფილების შესახებ.
1919
ტიპი: ღონისძიება
1919 წლის 29 აპრილს თბილისის ვაჟთა მე-3 გიმნაზიის დირექტორს მთავარგამგე გრიგოლ იასონის ძე ნათაძემ და საქმისმწარმოებელმა ნიკოლოზ ივლიანეს ძე აბესაძემ 24 მარტის NN195,194 და 265 მიწერილობის პასუხად აცნობეს, რომ საქართველოს რესპუბლიკის გარეთ ნამსახური წლების ჩათვლის საკითხი მოკლე დროში გადაწყდებოდა და შედეგს აცნობებდნენ გიმნაზიას.
1919
ტიპი: თანამდებობა
1919 წლის 29 აპრილის „ერთობა“ იუწყება, რომ რაფიელ რამიშვილი დაინიშნა ბორჩალოს მაზრის მიწათმოქმედების მინისტრის საგანგებო რწმუნებულად.
1919
ტიპი: პირადი ინფორმაცია
1919 წელს ოფიცრის ღირსებისთვის შეუფერებელი საქციელისა და სხვა დანაშაულისთვის ქართული ლეგიონის სარდალმა სამსახურიდან გარიცხა ამავე ლეგიონის კორნეტი სოხაძე.
1919
ტიპი: პირადი ინფორმაცია
1919 წლის 29 აპრილის გაზეთ „ერთობაში“ ბათუმის ქართველთა ეროვნული საბჭოს თავმჯდომარე გრიგოლ ლავრენტის ძე ელიავა მადლობას უხდის ნესტორ გლახუნის ძე სიხარულიძეს, რომელმაც საბჭოს ათასი მანეთი შესწირა.
1919
ტიპი: გარდაცვალება
1919 წლის 30 აპრილს, 22 საათზე, გიმნაზიის ქუჩაზე მოკლეს გაზეთ „საქართველოს რესპუბლიკის“ თანამშრომელი გ. მ. პავლოვი. მკვლელობის მიზეზი უცნობია.
1919
ტიპი: ღონისძიება
1919 წლის 30 აპრილის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომას დაესწრნენ: თავმჯდომარის ამხანაგი თ. კიკვაძე, წევრები: ვ. წულაძე, ი. გიორგობიანი, ს. იაშვილი, შ. დედაბრიშვილი. სხდომას დ. კარიჭაშვილი თავმჯდომარეობდა.
1919
ტიპი: ღონისძიება
1919 წლის 30 აპრილს ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე მოისმინეს სამწიგნობრო სექციის თავმჯდომარის თ. კიკვაძის მოხსენება წიგნებისთვის საჭირო ქაღალდის უქონლობის შესახებ. თ. კიკვაძე თვლიდა, რომ საზოგადოების საარსებო წყაროს წიგნებით ვაჭრობა წარმოადგენდა და მისი უქონლობა კატასტროფას წარმოადგენდა. საჭირო იყო ქაღალდის შეძენა კონსტანტინოპოლში, სადაც იმყოფებოდა გამგეობის ყოფილი წევრი გრ. რცხილაძე, რომელიც იკისრებდა ამ დავალების შესრულებას. იმავე კვირაში კონსტანტინოპოლში მიემგზავრებოდა ექიმი ვახტანგ ღამბაშიძე, რომელიც შეძლებდა რცხილაძესთან წერილისა და თანხის ჩატანას. გამგეობამ დ. კარიჭაშვილსა და შ. დედაბრიშვილს ბანკებთან სესხის აღების შესახებ მოლაპარაკების დაწყება დაავალა.
1919
ტიპი: ღონისძიება
1919 წლის 30 აპრილის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე მოისმინეს სამწიგნობრო სექციის თავმჯდომარე თ. კიკვაძის მოხსენება ავტორთა ჯილდოს ნორმის დაწესების შესახებ. გამგეობამ მიიღო ეს ნორმა.
© პროსოპოგრაფიულ მონაცემთა ბაზა, ლინგვისტურ კვლევათა ინსტიტუტი 2018 -