საქართველოს პროსოპოგრაფია

ფაქტები

რეგისტრირებული ფაქტები87973

1915

ტიპი: ღონისძიება

1915 წლის თებერვალში ვასილ ივანეს ძე კირვალიძემ ონის სამკითხველოს თავისი ხარჯით მთელი წლით გამოუწერა ჟურნალი „თეატრი და ცხოვრება“.

1915

ტიპი: ღონისძიება

1915 წლის თებერვალში ფოფოდია ედუკია ლორია, დაკარგული მეუღლის, მღვდელ ლავრენტი ლორიას მოძებნაში დახმარებას ითხოვდა.

1915

ტიპი: ღონისძიება

1915 წლის თებერვალში კაპიტონ გოგოლაძისა და შალვა შარაშიძის ხელმძღვანელობით გამოვიდა იუმორისტული ჟურნალი „ახალი მათრახი“.

1915

ტიპი: ავტორობა

1915 წლის თებერვალში ანასტასია ერისთავი-ხოშტარიას რომანი „მოლიპულ გზაზე“ ვახტანგ ვაჩნაძემ პიესად გადააკეთა და რეჟისორ მიხეილ ქორელს გადასცა.

1915

ტიპი: ავტორობა

1915 წლის 1-ელი თებერვლიდან ქუთაისში გამოვიდა გაზეთი „სამშობლო“, რომლის რედაქტორი იყო იაკობ ცინცაძე.

1915

ტიპი: პირადი ინფორმაცია

1915 წლის თებერვალში ევგენი დავითის ძე ქობულაშვილი სახადით დაავადდა.

1915

ტიპი: ავტორობა

1915 წლის თებერვალში დაიბეჭდა გალუსტ შიხიანის მიერ შედგენილი კრებული „აკაკის დასაფლავება, აკაკი დამესიზმრა და აკაკის ლექსები“.

1915

ტიპი: ორგანიზაცია

1915 წლის 31 იანვარს ქართველთა შორის წერა-კითხვის გამავრცელებელი საზოგადოების განჯის განყოფილებამ საქველმოქმედო საღამოს მოწყობა გადაწყვიტა. საღამოს შემოსავლის ნაწილი წითელ ჯვარს, ნაწილი კი განყოფილების მიზნებს მოხმარდებოდა.

1915

ტიპი: ღონისძიება

1915 წლის 31 იანვარს ქართველთა შორის წერა-კითხვის გამავრცელებელი საზოგადოების განჯის განყოფილებამ აკაკის დაკრძალვაზე სოლომონ ვახტანგის ძე მაჩაბლისა და მიხეილ ივანეს ძე ფარცვანიძის გაგზავნა გადაწყვიტა.

1915

ტიპი: ღონისძიება

1915 წლის 31 იანვარს ქართველ მსახიობთა ამხანაგობას სახალხო სახლში ალექსანდრე წუწუნავას რეჟისორობით ალექსანდრე სუმბათაშვილის ხუთმოქმედებიანი დრამა „ღალატი“ უნდა წარმოედგინა.

1915

ტიპი: ღონისძიება

1915 წლის 30 იანვარს ქართველ მსახიობთა ამხანაგობას სახალხო სახლში მიხეილ ქორელის რეჟისორობით ხუთმოქმედებიანი დრამა „ჰენრიხ მეფე ნავარიელი“ უნდა წარმოედგინა.

1915

ტიპი: ავტორობა

1915 წლის 30 იანვარს სახალხო სახლში გიორგი ჯაბაურის სალიტერატურო დილა გაიმართა, რომელზეც ილია ჭავჭავაძის „განდეგილი“ წაიკითხეს როლებში.

1915

ტიპი: ღონისძიება

1915 წლის 29 იანვარს ხაშურის საზოგადოებამ ახლომახლო სოფლების მოსახლეობასთან ერთად აკაკი წერეთლის სულის მოსახსენიებელი პარაკლისი გადაიხადა. ლოცვის დაწყებამდე მღვდელმა პეტრე კაპანაძემ სიტყვა წარმოთქვა, შემდეგ აკაკის ფონდის სასარგებლოდ თანხა შეაგროვეს.

1915

ტიპი: განათლება

1915 წლის 28 იანვარს ანა (ოლღა) ილიას ასულმა სოლოღაშვილმა თბილისის ქალთა უმაღლესი სასწავლებელი დაამთავრა.

1915

ტიპი: ღონისძიება

1915 წლის 28 იანვარს ანა (ოლღა) ილიას ასულმა სოლოღაშვილმა ქართველთა შორის წერა-კითხვის გამავრცელებელი საზოგადოების გამგეობას ერთი წლით სტიპენდია სთხოვა. იგი საზოგადოებას სწავლის დასრულების შემდეგ თანხის ნაწილ-ნაწილ დაბრუნებას შეჰპირდა.

1915

ტიპი: ავტორობა

1915 წლის 28 იანვარს ბაქოში კონსტანტინე ფოცხვერაშვილს სიმფონიური ორკესტრის თანხლებით კონცერტი უნდა გაემართა.

1915

ტიპი: ღონისძიება

1915 წლის 28 იანვარს სახალხო წარმოდგენების მმართველ წრეს გრიგოლ ანაშვილის სცენაზე მოღვაწეობის 10 წლის იუბილეს აღსანიშნავად სახალხო სახლში კოტე შათირიშვილის რეჟისორობით ალექსანდრე ცაგარლის „ციმბირელი“ უნდა წარმოედგინა.

1915

ტიპი: ღონისძიება

1915 წლის 28 იანვარს ბაქოში, მაილოვის თეატრში, დანიშნული კონსტანტინე ფოცხვერაშვილის კონცერტი აკაკი წერეთლის გარდაცვალების გამო გადაიდო.

1915

ტიპი: ღონისძიება

1915 წლის 27 იანვარს შალვა თაბუკაშვილმა ქართველთა შორის წერა-კითხვის გამავრცელებელი საზოგადოების გამგეობას მოსკოვის უნივერსიტეტში სწავლის გასაგრძელებლად სტიპენდიის დანიშვნა სთხოვა.

1915

ტიპი: ღონისძიება

1915 წლის 27 იანვარს იოსებ გრიშაშვილს სახალხო სახლში მუსიკალურ-ლიტერატურული საღამო უნდა გაემართა.

1915

ტიპი: ღონისძიება

1915 წლის 26 იანვარს ნოქართა კლუბში იოსებ ჟივიძის რეჟისორობით „ხანუმა“ უნდა წარმოედგინათ.

1915

ტიპი: ღონისძიება

1915 წლის 26 იანვარს სახალხო სახლში ქართველ მსახიობთა ამხანაგობას მიხეილ ქორელის რეჟისორობით ხუთმოქმედებიანი დრამა „ედმონდ კინი“ უნდა წარმოედგინა.

1915

ტიპი: გარდაცვალება

აკაკი წერეთელი გარდაიცვალს 1915 წლის 26 იანვარს სხვიტორში.

1915

ტიპი: ღონისძიება

1915 წლის 26 იანვარს კოტე აფხაზის თაოსნობით დეპუტატთა საკრებულოში მოიწვიეს ქართული პრესისა და კულტურული საზოგადოების დაწესებულებების წარმომადგენელთა კრება. კრებაზე აკაკის დაკრძალვის ორგანიზებისთვის 17-კაციანი კომისია აირჩიეს.

1915

ტიპი: ავტორობა

1915 წლის 25 იანვარს ქართველთა შორის წერა-კითხვის გამავრცელებელი საზოგადოების ბაქოს განყოფილებაში გამართულ სპექტაკლს „ვინ არის დამნაშავე“ 298 კაცი დაესწრო. მოგება შეადგენდა 110.26 მანეთს. ფაქტი ხელმოწერით იოსებ დადიანმა დაადასტურა.