რეგისტრირებული ფაქტები82428
სორტირება თარიღი კლებადობით
1899
ტიპი: ავტორობა
1899 წლის ნოემბერში იაკობ გოგებაშვილმა ქართველთა შორის წერა-კითხვის გამავრცელებელი საზოგადოების გამგეობას განუცხადა, რომ ის დიდი სიამოვნებით გაათავისუფლებდა გამგეობას „ბუნების კარის“ გამომცემლობითი ვალდებულებისგან, რათა შესძლებოდათ არისტო ქუთათელაძის თხოვნის შესრულება და მისი კონკურენტული სახელმძღვანელო „წყაროს“ გამოცემა. გამგეობას ძალიან ადვილად შეეძლო თავის საკუთარ გამოცემად ჩაეთვალა ამ წიგნის მე-10 გამოცემა, რადგან ამ გამოცემიდან უკვე გაეყიდათ 1600 ცალზე მეტი, ხოლო ფულის მიცემა უნდა დაეწყოთ 1-ლი იანვრიდან.
1899
ტიპი: ავტორობა
1899 წლის ნოემბერში გამგეობის წევრი იაკობ გოგებაშვილი მოითხოვდა, ქართველთა შორის წერა-კითხვის გამავრცელებელი საზოგადოების გამგეობას დაევალებინა ქუთაისის სათავადაზნაურო სკოლის სამზრუნველო კომიტეტისთვის, დაუყოვნებლივ მოეხდინა სკოლის ყოველმხრივი რევიზია და შედეგი წარმოედგინა გამგეობისთვის. ამასთანავე კომიტეტს უნდა დაესახელებინა ღონისძიებანი სკოლის გაუმჯობესებისათვის.
1899
ტიპი: თანამდებობა
1899 წლის ნოემბერში კავკავის სკოლის სამზრუნველო კომიტეტის წევრებად აირჩიეს: ერთაოზ გიორგის ძე სიდამონ-ერისთავი, იასონ მერაბის ძე ლორთქიფანიძე, ნესტორ ივანეს ძე ფხაკაძე, კონსტანტინე სოლომონის ძე გვარამაძე, პართენ ალექსანდრე ძე გოთუა, ნიკოლოზ თევდორეს ძე გუბნელოვი, მიხეილ ვასილის ძე ინასარიძე, იოსებ ვასილის ძე მოზდოკელოვი, ხოლო მათ კანდიდატებად – გიორგი ბესარიონის ძე ბარათაშვილი, იოსებ გრიგოლის ძე შვილევი, ილარიონ გიორგის ძე ბაქრაძე, ივანე მიხეილის ძე ჩითავიშვილი და ივანე ივანეს ძე ფიცხელაური.
1899
ტიპი: ღონისძიება
1899 წლის ნოემბერში კავკავის სკოლის სამზრუნველო კომიტეტმა ქართველთა შორის წერა-კითხვის გამავრცელებელი საზოგადოების გამგეობას სთხოვა, დაემტკიცებინა კომიტეტის ახლად არჩეული თავმჯდომარე იასონ მერაბის ძე ლორთქიფანიძე და კომიტეტის წევრები: ერთაოზ გიორგის ძე სიდამონ-ერისთავი, იასონ მერაბის ძე ლორთქიფანიძე, ნესტორ ივანეს ძე ფხაკაძე, კონსტანტინე სოლომონის ძე გვარამაძე, პართენ ალექსანდრე ძე გოთუა, ნიკოლოზ თევდორეს ძე გუბნელოვი, მიხეილ ვასილის ძე ინასარიძე, იოსებ ვასილის ძე მოზდოკელოვი, წევრობის კანდიდატებად – გიორგი ბესარიონის ძე ბარათაშვილი, იოსებ გრიგოლის ძე შვილევი, ილარიონ გიორგის ძე ბაქრაძე, ივანე მიხეილის ძე ჩითავიშვილი, ივანე ივანეს ძე ფიცხელაური, ხაზინადარი კონსტანტინე სოლომონის ძე გვარამაძე და დროებითი მდივანი პართენ გოთუა.
1899
ტიპი: თანამდებობა
1899 წლის ნოემბერში კავკავის სკოლის სამზრუნველო კომიტეტის ხაზინადრად კონსტანტინე სოლომონის ძე გვარამაძე აირჩიეს.
1899
ტიპი: თანამდებობა
1899 წლის ნოემბერში კავკავის სკოლის სამზრუნველო კომიტეტის დროებით მდივნად პართენ ალექსანდრეს ძე გოთუა აირჩიეს.
1899
ტიპი: თანამდებობა
1899 წლის ნოემბერში კავკავის სკოლის სამზრუნველო კომიტეტის თავმჯდომარედ იასონ მერაბის ძე ლორთქიფანიძე აირჩიეს.
1899
ტიპი: ღონისძიება
1899 წლის 26 ოქტომბრის სხდომაზე ქართველთა შორის წერა-კითხვის გამავრცელებელი საზოგადოების გამგეობამ ივანე ზურაბიშვილის მიერ წარდგენილ სამკითხველოთა ანგარიშის მიხედვით დავთრების შედგენა დაავალა ივანე ზურაბიშვილსა და ალექსანდრე მიქაბერიძეს. ოქმს ხელს აწერენ: თავმჯდომარის მოადგილე ნიკოლოზ ცხვედაძე, ვლადიმერ ლორთქიფანიძე, გრიგოლ ყიფშიძე, ივანე რატიშვილი, ალექსანდრე ჭყონია, დავით კარიჭაშვილი და იაკობ გოგებაშვილი.
1899
ტიპი: ღონისძიება
1899 წლის 26 ოქტომბერს ქართველთა შორის წერა-კითხვის გამავრცელებელი საზოგადოების სხდომაზე გამგეობის მიერ დაამტკიცებული ანგარიშის მიხედვით, გულასაშვილს მიეცა დიმიტრი ყიფიანის ძეგლთან დასადები გვირგვინისათვის 30 მან. ოქმს ხელი მოაწერა თავმჯდომარის მოადგილე ნიკოლოზ ცხვედაძემ.
1899
ტიპი: ღონისძიება
1899 წლის 26 ოქტომბერს ქართველთა შორის წერა-კითხვის გამავრცელებელი საზოგადოების გამგეობის სხდომაზე დამტკიცეს ანგარიში ფოტოსახელოსნოს გამგის, ტარას მომცელიძესთვის საორგანიზაციო ხარჯისთვის 30 მანეთის მიცემის შესაბებ.
1899
ტიპი: ღონისძიება
1899 წლის 26 ოქტომბერს ნიკოლოზ ცხვედაძემ ქართველთა შორის წერა-კითხვის გამავრცელებელი საზოგადოების გამგეობის სხდომაზე ხელი მოაწერა ანგარიშს, რომლითაც დამტკიცდა საზოგადოების საორგანიზაციო საკითხებზე დახარჯული თანხა, სულ 72 მან. 10 კაპ.
1899
ტიპი: ღონისძიება
1899 წლის 26 ოქტომბერს გაიმართა ქართველთა შორის წერა-კითხვის გამავრცელებელი საზოგადოების გამგეობის სხდომა, რომელსაც დაესწრნენ – თავმჯდომარის მოადგილე ნიკოლოზ ცხვედაძე, მდივანი ალექსანდრე მიქაბერიძე, წევრები: იაკობ გოგებაშვილი, ალექსანდრე ჭყონია, დავით კარიჭაშვილი, ივანე ზურაბიშვილი, ვლადიმერ ლორთქიფანიძე და გრიგოლ ყიფშიძე. სხდომას თავმჯდომარეობდა ნიკოლოზ ცხვედაძე.
1899
ტიპი: ღონისძიება
1899 წლის 26 ოქტომბრის სხდომაზე ქართველთა შორის წერა-კითხვის გამავრცელებელი საზოგადოების გამგეობამ კავკავის სკოლის გამგე პართენ გოთუასთვის 12 მანეთის სასკოლო წიგნების გაგზავნა გადაწყვიტა.
1899
ტიპი: ღონისძიება
1899 წლის 26 ოქტომბერს ქართველთა შორის წერა-კითხვის გამავრცელებელი საზოგადოების სხდომაზე გამგეობამ დაამტკიცა ანგარიში გრიგოლ ჩარკვიანისთვის კონვერტების დასაბეჭდად 2. 75 მანეთის მიცემის შესახებ.
1899
ტიპი: ღონისძიება
1899 წლის 26 ოქტომბერს ქართველთა შორის წერა-კითხვის გამავრცელებელი საზოგადოების სხდომაზე ანასტასია წერეთლისთვის წიგნების თანხის – 3. 60 მანეთის მიცემა გადაწყვიტეს.
1899
ტიპი: ღონისძიება
1899 წლის 26 ოქტომბრის სხდომაზე ქართველთა შორის წერა-კითხვის გამავრცელებელი საზოგადოების გამგეობამ განიხილა თბილისის საეპარქიო სასწავლებლის კურსდამთავრებულის, ანა კობიაშვილის თხოვნა სკოლის მასწავლებლად დანიშვნის შესახებ. გადაწყდა, ის მასწავლებლობის კანდიდატად მიეღოთ.
1899
ტიპი: ღონისძიება
1899 წლის 26 ოქტომბერს ქართველთა შორის წერა-კითხვის გამავრცელებელი საზოგადოების გამგეობის სხდომაზე განიხილეს და დაამტკიცეს I და II სახალხო ბიბლიოთეკების სექტემბრის ხარჯთაღრიცხვა. 1-ლი ოქტომბრისთვის I ბიბლიოთეკას დარჩა 28 მან. 64 კაპ. II ბიბლიოთეკას – 10 მან. ოქმს ხელს აწერს თავმჯდომარის მოადგილე ნიკოლოზ ცხვედაძე.
1899
ტიპი: ღონისძიება
1899 წლის 26 ოქტომბერს ნიკოლოზ ცხვედაძემ ქართველთა შორის წერა-კითხვის გამავრცელებელი საზოგადოების გამგეობის სხდომაზე ხელი მოაწერა ანგარიშს, რომლითაც დამტკიცდა საზოგადოების საორგანიზაციო საკითხებზე დახარჯული თანხა, სულ 31 მან. 10 კაპ. ოდენობით.
1899
ტიპი: ღონისძიება
1899 წლის 26 ოქტომბერს ნიკოლოზ ცხვედაძემ ქართველთა შორის წერა-კითხვის გამავრცელებელი საზოგადოების გამგეობის სხდომაზე ხელი მოაწერა ანგარიშს, რომ ქართველთა წიგნების გამომცემელ ამხანაგობისთვის მიეცათ 24 მან. 75 კაპ.
1899
ტიპი: ღონისძიება
1899 წლის 26 ოქტომბრის სხდომაზე ქართველთა შორის წერა-კითხვის გამავრცელებელი საზოგადოების გამგეობამ არ დააკმაყოფილა ალექსანდრე წინამძღვრიშვილის თხოვნა მის მიერ თარგმნილი „ბიძია თომას ქოხის“ დაბეჭდვის შესახებ.