რეგისტრირებული ფაქტები82428
სორტირება ახალი ჩანაწერების მიხედვით
1921
ტიპი: ღონისძიება
1921 წლის 27 იანვრის გაზეთ „საქართველოს“ ცნობით, საქართველოში მყოფი საფრანგეთის უმაღლესი კომისარი აბელ შევალიე და სამხედრო მისია აცხადებდნენ, რომ თბილისში მყოფი საფრანგეთის მმართველი პირები კატეგორიულად უარყოფდნენ ცნობას, თითქოს მათ სურდათ კუნძულ ლემნოსზე მყოფი ყუბანელების გამოყენება რაიმე მოქმედებისთვის კავკასიაში ან სამხრეთ რუსეთში. ისინი გავრცელებულ ხმებს პოლიტიკურ მანევრს უწოდებდნენ. კონსტანტინეპოლში მყოფი საფრანგეთის მმართველი პირების სურვილი იყო ყუბანელების სწრაფად დაბრუნება სამშობლოში ან სხვა ქვეყანაში.
1921
ტიპი: გარდაცვალება
1921 წლის 28 იანვარს ვერის წმ. ნიკოლოზის ეკლესიიდან რევაზ გრიგოლის ძე გორდელაძეს გამოასვენებდნენ.
1921
ტიპი: პირადი ურთიერთობა
1921 წლის 28 იანვრის გაზეთ „საქართველოს“ ცნობით, გრიგოლ ყაისარის ძე გორდელაძე რეზიკო გორდელაძის მამა იყო.
1921
ტიპი: პირადი ურთიერთობა
1921 წლის 28 იანვრის გაზეთ „საქართველოს“ ცნობით, ეკატერინე ივანეს ასული გორდელაძისა რეზიკო გორდელაძის დედა იყო.
1921
ტიპი: პირადი ურთიერთობა
1921 წლის 28 იანვრის გაზეთ „საქართველოს“ ცნობით, თინათინ გრიგოლის ასული გორდელაძე რეზიკო გორდელაძის და იყო.
1921
ტიპი: პირადი ურთიერთობა
1921 წლის 28 იანვრის გაზეთ „საქართველოს“ ცნობით, ნინო ივანეს ასული ბოძიევისა რეზიკო გორდელაძის დეიდა იყო.
1898
ტიპი: ღონისძიება
1898 წლის 28 აგვისტოს „ცნობის ფურცლის“ მიხედვით, ოლღა კახიანისა და ლეო კანდელაკი ბაქო-ბალახნის იაფფასიან ბიბლიოთეკა-სამკითხველოს დასახმარებლად გამართულ წარმოდგენებში მონაწილეობდნენ.
1926
ტიპი: პირადი ურთიერთობა
1926 წლის 10 მარტს მიხეილ ჯავახიშვილმა სერგო კლდიაშვილს მისწერა, რომ „მნათობის“ წესდების თანახმად, სხვა გაზეთში ან ჟურნალში უკვე გამოქვეყნებული მასალის ხელმეორედ დაბეჭდვა ჰონორარით აღარ ანაზღაურდებოდა.
1926
ტიპი: პირადი ურთიერთობა
1926 წლის 7 მაისს სიმონ მდივანმა პარიზიდან ნიკოლო მიწიშვილს მისწერა, რომ გრიგოლ ვეშაპელი კავკასიაში დაბრუნებას ორ თვეში შეძლებდა.
1926
ტიპი: ღონისძიება
1926 წლის 17 მაისს ტიციან ტაბიძემ მწერალთა კავშირის პრეზიდიუმს შეატყობინა, რომ ენის სიწმინდის კომისიამ ქართული ზეპირსიტყვიერებისა და ხალხური შემოქმედების ბიბლიოგრაფიის შედგენა და მისი ხელოვნების სასახლეში განთავსება დაადგინა.
1926
ტიპი: თანამდებობა
1926 წლის 17 მაისს ტიციან ტაბიძემ მწერალთა კავშირის პრეზიდიუმს მისწერა და შეატყობინა, რომ ქართული ენის სიწმინდის კომისიამ სექციაში სამუშაოდ საქართველოს მუზეუმის გამგის მოადგილე, იროდიონ სონღულაშვილი მიიწვია.
1926
ტიპი: პირადი ურთიერთობა
1926 წლის 17 იანვარს ტიციან ტაბიძემ გაზეთში გამოსაქვეყნებლად წერილი გაუგზავნა ივანე ღოღობერიძეს, რომელშიც აღნიშნავდა, რომ განათლების მუშაკთა სახლში გამართულ სერგეი ესენინის ხსოვნის საღამოზე სიტყვით გამოვიდა, თუმცა მისი სიტყვა გაზეთმა „დროულმა“ სხვას მიაწერა.
1901
ტიპი: თანამდებობა
1901 წელს მთავრობის განკარგულებით თერგის ყაზახთა პირველი ბატალიონის ოფიცერი თავადი ნიკოლოზ ამილახვარი ლეიბ-გვარდიის თერგის ყაზახთა ცხენოსან ჯარში გადაიყვანეს.
1918
ტიპი: ღონისძიება
1918 წლის 1 დეკემბერს მარო მაყაშვილი დაესწრო საქართველოს დამოუკიდებლობის აღიარებიდან ნახევარი წლის გასვლის აღსანიშნავად გამართულ ზეიმს.
1901
ტიპი: ღონისძიება
1918 წლის 22 თებერვალს მარო მაყაშვილი დაესწრო თავისი სასწავლებლის მიერ გამართულ საღამოს.
1926
ტიპი: პირადი ურთიერთობა
1926 წლის 30 ივლისს ტიციან ტაბიძემ ვალერიან გაფრინდაშვილს ქვიშხეთში მისწერა და შეატყობინა, რომ ილია ერენბურგი მალე ბორჯომში აპირებდა წასვლას და მის ნახვას იქ შეძლებდა.
1926
ტიპი: პირადი ურთიერთობა
1926 წლის 30 ივლისს ტიციან ტაბიძემ ვალერიან გაფრინდაშვილს ქვიშხეთში მისწერა და სთხოვა, რაჟდენ გვეტაძისთვის მოკითხვა გადაეცა.
1926
ტიპი: პირადი ურთიერთობა
1926 წლის 30 ივლისს ნიკოლო მიწიშვილმა ლეო ქიაჩელს მისწერა, რომ წერილები, რომლებსაც ის უგზავნიდა, ტიციან ტაბიძემ ევროპიდან დაბრუნების შემდეგ გადასცა.