რეგისტრირებული ფაქტები72057
სორტირება ახალი ჩანაწერების მიხედვით
1920
ტიპი: ღონისძიება
1920 წლის თებერვალში მიწისძვრასთან დაკავშირებით თბილისიდან გორში გაგზავნეს შინაგან საქმეთა მინისტრის მოადგილე ნიკოლოზ ჭიჭინაძე, რკინიგზის უფროსი, სამედიცინო პერსონალი და ინჟინრები.
1920
ტიპი: ღონისძიება
1920 წლის თებერვალში იტალიის სამოქალაქო მისიამ სენატორ კონტორის მეთაურობით ინახულა მთავრობის თავმჯდომარე ნოე ჟორდანია. მათ დიდხანს ისაუბრეს საქართველოსა და იტალიის ეკონომიკური დაახლოების პერსპექტივებზე.
1920
ტიპი: ღონისძიება
1920 წლის თებერვალში თბილისის მომღერალთა კავშირმა კომპოზიტორ კოტე ფოცხვერაშვილის ხელმძღვანელობით სახალხო სახლში მუშებისათვის უფასო კონცერტი გამართა.
1920
ტიპი: თანამდებობა
1920 წლის თებერვალში საგარეჯოს თემში განმეორებითი არჩევნები ჩატარდა. თემის თავმჯდომარედ აირჩიეს აგრონომი ს. მჭედლიშვილი.
1920
ტიპი: ნასამართლეობა
1920 წლის 17 თებერვლის გაზეთ „საქართველოს რესპუბლიკის“ ცნობით, თბილისის მეორე უბნის კომისარმა შეიპყრო ივ. გულიაევი, ვ. ზაიცევი, ვ. ლებედინსკი, ვასილ და მარიამ გულიაევები და არსენ ლებედინსკი, რომელთაც მოწყობილი ჰქონდათ ფართო ორგანიზაცია და სისტემატურ ქურდობას ეწეოდნენ.
1920
ტიპი: თანამდებობა
პავლე საყვარელიძე დამფუძნებელი კრების საკონსტიტუციო კომისიის თავმჯდომარედ აირჩიეს.
1920
ტიპი: ღონისძიება
1920 წლის 15 თებერვალს ნოე ჟორდანიამ მიიღო დეპეშა აზერბაიჯანის სამხრეთ-დასავლეთ ნაწილში მცხოვრები თათრებისგან, რომლებიც სომეხთა თავდასხმების გამო ჩიოდნენ და მთავრობის თავმჯდომარეს საზღვრებზე სომხების თავდასხმების აღსაკვეთად ზომების მიღებას სთხოვდნენ.
1920
ტიპი: ავტორობა
1920 წლის 13 თებერვლის გაზეთ „საქართველოს რესპუბლიკის“ ცნობით, თბილისის მოურავის ბენიამინ გრიგოლის ძე ჩხიკვიშვილის განკარგულებით „პოლონელთა“, „სამხატვრო წრისა“ და „ვაჭარ-მრეწველთა“ კლუბებში აკრძალული ქაღალდის თამაშის ხელმძღვანელები და დარაჯები, რომლებმაც დასათვალიერებლად მისული მოურავი კლუბში არ შეუშვეს, დააპატიმრეს.
1920
ტიპი: ღონისძიება
1920 წლის თებერვალში აკაკი წერეთლის ძეგლის დასადგმელად საჭირო პირობების შესამუშავებლად ხელოვნების კომისიისა და ეთნოგრაფიული საზოგადოების გაერთიანებული სხდომა მოიწვიეს.
1920
ტიპი: თანამდებობა
1920 წელს ივანე გომართელი დამფუძნებელი კრების ხელოვნების კომისიის დროებით თავმჯდომარედ აირჩიეს.
1920
ტიპი: ღონისძიება
1920 წლის თებერვალში განათლების სამინისტროსთან დაარსდა სასწავლო კომიტეტი, რომლის თავმჯდომარეობაც დაეკისრა სახელმწიფო უნივერსიტეტის რექტორს, პროფესორ ივანე ჯავახიშვილს.
1920
ტიპი: ავტორობა
1920 წლის 11 თებერვლის გაზეთ „საქართველოს რესპუბლიკის“ ცნობით, საქართველოსა და აზერბაიჯანის დელეგაციებმა საფრანგეთში აშშ-ის ელჩს, ჰიუ კემპბელ უოლესს წერილი გაუგზავნეს, რომელშიც რამდენიმე სახელმწიფოსა და ანტანტის უმაღლესი საბჭოს მიერ ამიერკავკასიის ორივე რესპუბლიკის დამოუკიდებლობის აღიარებას ატყობინებდნენ.
1920
ტიპი: ღონისძიება
1920 წლის თებერვალში უფროსი ინჟინერი ა. კანდელაკი საქართველოს რკინიგზის წარმომადგენელ ჩაჩიბაიასთან ერთად გაემგზავრა ბაქოში, სადაც მოლაპარაკებებს აწარმოებდა აზერბაიჯანის მთავრობასთან საქართველოსთვის ნავთობის მიყიდვის შესახებ.
1920
ტიპი: ღონისძიება
1920 წელს ბორჩალოს მაზრის სოფელ პატარა გომარეთის მცხოვრებლებმა შინაგან საქმეთა მინისტრს, ნოე რამიშვილს მიწის სიმცირის გამო ბარათაშვილის ყოფილ ადგილზე, ე. წ. „დიაში“, გადასახლების ნებართვა სთხოვეს.
1920
ტიპი: ღონისძიება
1920 წლის თებერვალში კაფე „ფრასკატში“ დედობისა და ბავშვთა დაცვის საზოგადოების სასარგებლოდ გათამაშდა ლატარეა, რომელსაც დაესწრნენ მთავრობის თავმჯდომარე ნოე ჟორდანია მეუღლე ინა კორენევასთან ერთად, ბრიტანეთის უმაღლესი კომისარი ოლივერ უორდროპი, დამფუძნებელი კრების წევრები და სხვ.
1920
ტიპი: ღონისძიება
1919 წელს დავით კლდიაშვილის იუბილეს მომწყობი კომისიისა და მწერალთა კავშირის საბჭოს გაერთიანებულ სხდომაზე საიუბილეო დღის წესრიგი შეიმუშავეს.
1920
ტიპი: ღონისძიება
1920 წლის თებერვალში ქალაქის საბჭომ დაადგინა, საარტისტო საზოგადოების თეატრის შენობა იძულებით ჩამოერთმიათ მისი პატრონის, დავით საგნაგსკისთვის. ფასზე შეუთანხმებლობის შემთხვევაში მისთვის შენობის საფასურად უნდა მიეცათ 397254 მანეთი, როგორც იყო შეფასებული.
1920
ტიპი: ავტორობა
1920 წლის 8 თებერვლის გაზეთ „საქართველოს რესპუბლიკის“ ცნობით, საგარეო საქმეთა მინისტრმა ევგენი პეტრეს ძე გეგეჭკორმა უპასუხა რუსეთის საგარეო საქმეთა სახალხო კომისრის, გიორგი ვასილის ძე ჩიჩერინის, ნოტას, აღნიშნა, რომ საბჭოთა ხელისუფლება ორ მოძმე ხალხს შორის კეთილმეზობლური განწყობის დამყარებას ხელოვნურად აბრკოლებდა, და იმედი გამოთქვა, რომ რუსეთის მთავრობა მომავალში მონახავდა ქართველის ხალხისთვის მისაღებ პოლიტიკურ ენას.
1919
ტიპი: ავტორობა
1920 წლის 7 თებერვლის გაზეთ „საქართველოს რესპუბლიკის“ ცნობით, საგარეო საქმეთა მინისტრმა ევგენი პეტრეს ძე გეგეჭკორმა რუსეთის საგარეო საქმეთა სახალხო კომისრის გიორგი ვასილის ძე ჩიჩერინისგან მიიღო ნოტა, რომელშიც ის თეთრი მოძრაობის ლიდერის, ანტონ ივანეს ძე დენიკინის წინააღმდეგ ბრძოლაში საქართველოს ჩაბმას მოითხოვდა.