1920

ტიპი: პირადი ინფორმაცია

1920 წლის 11 ივლისის გაზეთ „ერთობაში“ გამოქვეყნდა განცხადება, რომ ხარკოვიდან მიიღეს წერილი ზაქარია პეტრეს ძე ფალიაშვილის სახელზე კირპიჩნის შესახვევის N10-ში.

1920

ტიპი: ღონისძიება

1920 წლის 11 ივლისის „ერთობა“ იუწყება, რომ ჯარისკაცი ნიკიფორე დოლიძე, რომელიც სამხედრო სკოლის ნაცვალთა ბატარეაში მსახურობდა, აზერბაიჯანის ფრონტზე გაიწვიეს და მას შემდეგ არაფერია მასზე ცნობილი.

1920

ტიპი: ღონისძიება

1920 წლის 11 ივლისის „ერთობა“ იუწყება, რომ ბახმაროს საზ. „ჯანმრთელობის“ გამგეობა შეუდგა თადარიგს. ბახმარო სამინისტრომ კურორტად ცნო, ამიტომ იქ გამოკვლევებისთვის იგზავნება ექიმი ცეცხლაძე.

1920

ტიპი: ღონისძიება

1920 წლის 11 ივლისის „ერთობის“ საშუალებით სოფელ კოტიანეთის სამკითხველოს გამგეობამ მადლობა გადაუხადა ფოთის სანაოსნო სანაპიროს მუშებს, რომლებმაც გარდაცვლილი ამხანაგის, ბიქტორ ჭუბაბრიას სახელზე სამკითხველოს 3 000 მანეთი შესწირეს, აგრეთვე შემდეგ პირებს: კალისტრატე მაჯალაძეს, ნესტორ ლეჟავას, დონია სიჭინავას, მიხეილ გოგიას, ვარლამ ცეკვაშვილს, სალომე მანჯგალაძისას, ძმებ მიხა და პლატონ კილასონიებს, რომლებსაც 12 ვერსზე სამკითხველოს ჟურნალ-გაზეთები უფასოდ დაჰქონდათ.

1920

ტიპი: ნასამართლეობა

1920 წლის 15 ივნისს სასამართლომ განიხილა შალვა მაღლაკელიძისა და სხვათა საქმე. სხდომაზე სიტყვით გამოვიდა ექსპერტი ალექსანდრე ნეიმანი, დაიკითხა მოწმე – პოლ. შამშურინი. სასამართლოზე წაიკითხეს შინაგან საქმეთა სამინისტროს ყოფ. ვიცე-დირექტორის, ზ. ნანეიშვილისა და თბილისის გუბერნიის კომისრის ყოფილი თანაშემწის, დ. კალანდარიშვილის ჩვენებები, გამოქვეყნდა იმ მოწმეთა მონათხრობიც (ნოე რამიშვილი, პ. ჭიჭინაძე, ბენია ჩხიკვიშვილი, ნოე ხომერიკი), რომლებიც სასამართლოში ვერ გამოცხადდნენ.

1920

ტიპი: ღონისძიება

1920 წლის 18  ივლისის გაზეთ ერთომბაში კ. დინჯაზე წერდა, რომ 11 ივლისს ბორჯომის მილიციის უფროსის თანაშემწის, ვ. დოლიძის ინიციატივით სოფ. ჯობისხევში გაიმართა ჯობისხევის და ლარების მცხოვრებთა კრება, რომლის მიზანი ყაჩაღების წინააღმდეგ ზომების მიღება იყო. მოხსენებით გამოვიდა ბორჯომის ერობის გამგეობის თავმჯდომარე კ. შახნაზაროვი. კრებამ სოფელ ჭისხევთან და დვირთან ახლოს მილიციის პოსტის დაარსება გადაწყვიტა. ამ საქმის ტექნიკური მოწყობა დაევალათ: ვ. დოლიძეს და აწყურის რაიონის მილიციის უფროსს, დადიანს.

1920

ტიპი: ღონისძიება

1920 წლის 11 ივლისს ბათუმის შემოერთების აღსანიშნავად თიანეთში გაიმართა მრავალრიცხოვანი მიტინგი, რომელიც გახსნა სოციალ-დემოკრატიული პარტიის სამაზრო კომიტეტის თავმჯდომარემ, პაპავამ. სიტყვები წარმოთქვეს: თიანეთის სამაზრო ერობის მუშა-მოსამსახურეთა პროფესიული კავშირის თავმჯდომარემ შარაშიძემ, სოციალისტ-ფედერალისტთა ორგანიზაციის წარმომადგენელმა ვ. ჯიბლაძემ, სახალხო გვარდიის წარმომადგენელმა კ. ბრეგვაძემ, ამხ. ჩაჩიბაიამ და ნ. სოზორმა.

1920

1920 წლის 11 ივლისის „ერთობაში“ საქართველოს სოც.-დემოკრატიული მუშათა პარტიის ცენტრ. კომიტეტი იუწყება ძველი პარტ. მუშაკის, დამფუძნ. წევრის, ლავროსი კიღურაძის უდროოდ გარდაცვალებას.

1920

ტიპი: ღონისძიება

1920 წელს მუსტაფა ჩიმურ-ოღლიმ და მუჰამედ აღა ქერქაძემ აკაკი ჩხენკელს დეპეშით აცნობეს, რომ 12 ივლისს ართვინში გიორგი ანჯაფარიძეს 28 სოფლის წარმომადგენლები შეხვდნენ.

1920

ტიპი: გარდაცვალება

1920 წლის 12 ივლისს თბილისში ხანმოკლე ავადმყოფობის შემდეგ დეკანოზი ანტონ კეკელია გარდაიცვალა. იგი ბანძაში დაკრძალეს.

1920

ტიპი: ღონისძიება

1920 წლის 12 ივლისს გამართულ ქალაქის საბჭოს სხდომაზე თავმჯდომარემ, ალექსანდრე ლომთათიძემ განაცხადა, რომ ბევრს სურს საქართველო მოქალაქეობა, მაგრამ ქვეშევრდომობის კანონს აქვს დეფექტები, ამიტომ შეუძლებელია მოწმობების გაცემა. საბჭომ ამ საკითხზე სამსჯელოდ აირჩია კომისია ალ. ლომთათიძის, მელიტომ რუსიას, ივანე გომართლის, ალექსანდრე მდივნისა და ის. გუნცაძის შემადგენლობით.

1920

ტიპი: ღონისძიება

„ერთობა“ იუწყება, რომ საგარეო საქმეთა სამინისტრომ ბაქოში მყოფი დიპლომატიური წარმომადგენლის, ექიმ ალშიბაიასგან მიიღო დეპეშა, რომ 12 ივლისს, 5 საათზე, ჩავიდა ბაქოში, სადაც მას დახვდნენ: მე-11 ლაშქრის სარდალი ლევანდოვსკი, სამხედრო საქმეთა სახალხო კომისარი კარაევი, გზათა სახალხო კომისარი, ბაქოს კომენდანტი, შრომის კომისრის მოადგილე ტურაევი. 13 ივლისს კი მან ინახულა რევკომის თავმჯდომარე ნარიმანოვი და საგარეო საქმეთა კომისარი ჰუსეინოვი.

1920

ტიპი: ავტორობა

1920 წლის 12 ივლისს ახალქალაქში (გორის მაზრა) ისიდორე რამიშვილმა მოხსენება წაიკითხა საქართველოს მდგომარეობის შესახებ, გაიხსენა ჯარის და გვარდიის ბრძოლა შინაურ და გარეულ ფრონტებზე, აღნიშნა, რომ დამფუძნებელი კრება ახლო მომავალში კონსტიტუციას დაამტკიცებდა. ის 13 ივლისს მოხსენებით გამოვიდა კავთისხევშიც.

1920

ტიპი: ღონისძიება

1920 წლის 12 ივლისს ახალქალაქს (გორის მაზრა) ესტუმრა დამფუძნებელი კრების წევრი ისიდორე რამიშვილი. 10 საათზე მიტინგის გახსნაზე მან ისაუბრა საგარეო და საშინაო პოლიტიკაზე და სხვ.

1920

ტიპი: თანამდებობა

1920 წლის 13 ივლისის „ერთობა“ იუწყება, რომ ბრიტანეთის მმართველობის განკარგულებით მაიორმა შევკეტ ნორმანმა ბათუმის ქალაქის საბჭოს თავმჯდომარის მოვალეობის შესრულება შეწყვიტა. ქალაქისთავის მოვალეობის შესრულებას შეუდგა რ. ჯავახოვი.

1920

ტიპი: ღონისძიება

1920 წლის 13 ივლისის „ერთობა“ იუწყება, რომ თბილისის შრომის კომისარი ქელბაქიანი ბათუმის შრომის განყოფილების საქმეების ინგლისის სარდლობისგან მისაღებად ბათუმში გაემგზავრა. ასევე გაემგზავრნენ რესპუბლიკის ნავსადგურების სამმართველოს უფროსი ინჟინერი მამაცაშვილი და შარაგზების სამმართველოს წარმომადგენელი ანდრონიკაშვილი.

1920

ტიპი: ავტორობა

1920 წლის 13 ივლისის „ერთობაში“ ი. მაღლაკელიძე შორაპნის სამაზრო კომიტეტის დავალებით აქვეყნებს იმ პირთა სიას, რომელთაც ფრონტისთვის შემოწირულობები გაიღეს: ა. შალამბერიძე, ე. სალარიძე, მ. სიხარულიძე, ს. მამალაძე, ძმები ნიორაძეები, გაჩეჩილაძე, ზ. კოვზირიძე, ვ. წაქაძე, ი. ჩუბინიძე, ზ. ყუფარაძე, დ. მახარაძე, პ. ებანოიძე, ძმები შალამბერიძეები, მ. გაჩეჩილაძე,თ. ბურჯანაძე, ო. ჩოგავაძე, ვ. ჩოგავაძე, ო. მანაგაძე, ვლ. მაღლაკელიძე, ყ. ებანოიძე, ვ. კობახიძე, ე. აქსამდროპულო, პ. ხარაზოვი, მ. დანელია, ჭულუხაძე.

1920

ტიპი: ღონისძიება

1920 წლის 13 ივლისს ხაშურის მუშათა კლუბში გ. ხუნდაძე მოხსენებით გამოვიდა საბჭოთა რუსეთის შესახებ.

1920

ტიპი: ღონისძიება

„ერთობაში“ დაბეჭდილი ნიკო გურულის ინფორმაციით, რკინიგზის მუშებისგან შედგენილმა მომღერალთა გუნდმა ბ. შარაბიძის ლოტბარობით 1920 წლის 13 ივლისს ხაშურის მუშათა კლუბში გამართა კონცერტი, რომელსაც დიდძალი ხალხი დაესწრო.

1920

ტიპი: ავტორობა

1920 წლის 13 ივლისს ი. მაღლაკელიძემ შორაპნის სამაზრო კომიტეტის დავალებით „ერთობაში“ გამოაქვეყნა სია იმ პირებისა, რომელთაც შემოწირულობები გაიღეს ფრონტისთვის: სერგო ნებიერიძე, ი. მაღლაკელიძე, მ. ბუცხრიკიძე, არქიფო ქლიბაძე, ხ. ხავთასი, ოლღა შენგელია, ლ. ალავიძე, კ. ჩუბინაძე, კოლ. გეწაძე, ილარიონ შეყრილაძე, ჭ. ბაღდავაძე, კ. ბუაძე, ს. ჯოჯუა, უ. მუმლაძე, კ. თორთლაძე, ნოე კუხიანიძე, ს. ოქოევი, ბიკტორ საკანდელიძე, ი. ჟღენტი, ვ. კაპანაძე, ს. კობახიძე, იოსებ გუნცაძე, თ. მესხიშვილი და მაღრაძე.

1920

ტიპი: ავტორობა

1920 წლის 13 ივლისის „ერთობაში“ ი. მაღლაკელიძე შორაპნის სამაზრო კომიტეტის დავალებით აქვეყნებს იმ პირთა სიას, რომელთაც შემოწირულობები გაიღეს ფრონტისთვის: პ. გველესიანი, ა. არაბიძე, ა. ბულეიშვილი, მ. აბრამიძე, გ. დევდარიანი, ლ. გოცაძე, ი. აბაშიძე, პ. ჭყოიძე, დ. გოგიაშვილი, ბ. შავდია, პ. რაბაროვსკი, დ. საკანდელოვი, დაშნიანი, ბ. ბურაკოვი.

1920

ტიპი: ღონისძიება

1920 წლის 24 ივლისის გაზეთ „ერთობის“ ცნობით, 14 ივლისის ნავთლუღის მუშა-მოსამსახურების კრების თავმჯდომარე იყო ილია კალანდაძე,მომხსენებლად მოწვეული იყო ნოე რამიშვილი. კრებაზე წაიკითხეს მოხსენებები საქართველოსა და საბჭოთა რუსეთის პოლიტიკური და ეკონომიკური მდგომარეობის და საქართველოში ბოლშევიკების მუშაობის შესახებ.

1920

ტიპი: ღონისძიება

1920 წლის 14 ივლისს ნოე ჟორდანია საქართველოში მყოფმა იტალიის რწმუნებულმა, ლუიჯი მერკანტელმა, ინახულა და დიდხანს ესაუბრა მას.

1920

ტიპი: ღონისძიება

1920 წლის 14 ივლისს მთავრობის თავმჯდომარე ინახულა საქართველოში მყოფმა სომხეთის დიპლომატიურმა წარმომადგენელმა.

1920

ტიპი: ავტორობა

1920 წლის 14 ივლისის „ერთობაში“ დაიბეჭდა პავლე დავითის ძე საყვარელიძის (ფსევდონიმით – ნ. საქარელი) წერილის – „სხვადასხვა სახელმწიფოებრივი წეს-წყობილების“ გაგრძელება, რომელიც იაპონიას ეხებოდა.