საქართველოს პროსოპოგრაფია

ფაქტები

რეგისტრირებული ფაქტები73068

1901

ტიპი: ღონისძიება

1901 წლის 19 ივლისს კავკასიის სამეურნეო საზოგადოების შენობაში გიორგი თუმანიშვილის თავმჯდომარეობით გაიმართა სხდომა, რომლის გადაწყვეტილებითაც კავკასიის სამეურნეო-სამრეწველო გამოფენაზე ბეჭდვითი განყოფილება ჩააბარეს „კავკაზკი ვესტნიკის" გამომცემელ ვასილ ყორღანოვს.

1901

ტიპი: პირადი ინფორმაცია

1901 წელს კიევის უნივერსიტეტის პროფესორი კონსტანტინე ტომაშევსკი თბილისიდან ბათუმში წავიდა.

1901

ტიპი: ღონისძიება

1901 წელს აგრონომი არტემ ფირალოვი რეგიონებში მოგზაურობის შემდეგ თბილისში დაბრუნდა.

1914

ტიპი: ავტორობა

1914 წლის 28 სექტემბერს სასოფლო-სამეურნეო სადგომში გამართულ საზოგადო-საგანმანათლებლო დაწესებულებებისა და ჟურნალ-გაზეთების წარმომადგენელთა კრებას შალვა ანტონის ძე მიქელაძემ მოახსენა, რომ დამწვარ ქართულ თეატრს სეზონის გასაგრძელებლად 400-500 მანეთი სჭირდებოდა.

1901

ტიპი: ღონისძიება

1901 წელს საგენერალო შტაბის ციხის უფროსი, პოდპოლკოვნიკი ილია ოდიშელიძე წმ. სტანისლავის მესამე ხარისხის ორდენით დააჯილდოვეს.

1901

ტიპი: ავტორობა

1901 წელს მარიამ ივანეს ასულმა დემურიამ გაზ. „ცნობის ფურცელში" მადლობა გადაუხადა ნინო ელიზბარის ასულ ქობულაშვილისას, რომელმაც ნაძალადევის სამკითხველოს 80 მანეთი შესწირა.

1901

ტიპი: ავტორობა

1901 წელს დიმიტრი გიგინეიშვილმა გაზ. „ცნობის ფურცელში“ მადლობა გადაუხადა უცნობ პირს, რომელმაც 1901 წლის „მოამბე" და „ცნობის ფურცელი" შეუკვეთა ჯურუყვეთის უფასო სამკითხველოსთვის.

1901

ტიპი: ავტორობა

1901 წელს სოფ. ჩოლურის სკოლის მასწავლებელმა დომენტი ჩხაიძემ გაზეთ „ცნობის ფურცელში" მადლობა გადაუხადა ლეჩხუმის მაზრის მომრიგებელ მოსამართლე მ. მ. მღვდლიშვილის ჟურნალ „ჯეჯილის" 10 წლის ნომრების სკოლისთვის შეწირვისთვის.

1912

ტიპი: თანამდებობა

1912-17 წლებში ბიქტორ მიხეილის ძე ჯაფარიძე ხრეითის წმ. გიორგის (ლოლაძეების უბნის) ეკლესიის მღვდელი იყო.

1914

ტიპი: ღონისძიება

1914 წლის 14 სექტემბერს გიორგი თაზიშვილის მეთაურობით ქართველთა შორის წერა-კითხვის გამავრცელებელი საზოგადოების სასარგებლოდ გორში გაიმართა წარმოდგენები „დედინაცვალი“ და „მამის მკვლელი“.

1914

ტიპი: ღონისძიება

1914 წლის 28 სექტემბრის ჟურნალში „თეატრი და ცხოვრება“ დაიბეჭდა ილიკო სინჯიაშვილის მიერ კაკაბეთში თქმული ხალხური ლექსი „ლექსი რუსთველზე“.

1914

ტიპი: ორგანიზაცია

1914 წლის 28 სექტემბერს შეიქმნა კომიტეტი, რომლის წევრებიც იყვნენ: პ. ი. თუმანიშვილი, მიხეილ და იოსებ გედევანიშვილები, გიორგი დურმიშხანის ძე ჟურული, გიორგი ბეჟანის ძე გვაზავა, გიორგი ლასხიშვილი, შალვა მიქელაძე, მიხეილ ქორელი, ივანე ზურაბიშვილი და კონსტანტინე ანდრონიკაშვილი. კომიტეტს ქართული თეატრის აღსადგენი თანხების მოძიების დასაწყებად მეფის მოადგილისგან ნებართვა უნდა მიეღო.

1914

ტიპი: პირადი ინფორმაცია

1914 წელს, პირველ მსოფლიო ომში, დაჭრეს პორუჩიკები ა. კ. ფარესიშვილი და ა. რ. მიქელაძე.

1901

ტიპი: თანამდებობა

1901 წელს თბილისის პოლიცმეისტერ კოვალიოვის გარკვეული დროით ბორჯომში წასვლის გამო მის მოვალეობას თანაშემწე სიდამონ-ერისთავი ასრულებდა.

1914

ტიპი: ღონისძიება

1914 წლის სექტემბერში ქართული თეატრის აღსადგენად „სახალხო ფურცლის“ ასოთამწყობებმა – ნ. ქოზაშვილმა, ა. გაბრიელაშვილმა, ი. ჩაგუნავამ და სხვა 22 მანეთი შეაგროვეს.

1914

ტიპი: ავტორობა

1914 წლის 5 ოქტომბერს ჟურნალში „თეატრი და ცხოვრება“ დაიბეჭდა ი. მოსაშვილის მოთხრობა „სიცოცხლის ღიმი!..“.

1914

ტიპი: ღონისძიება

1914 წლის 21 სექტემბერს ქუთაისის თეატრში წარმოადგინეს სტინდბერგის დრამა „მამა“ ვლადიმერ ალექსი-მესხიშვილის მონაწილეობით.

1914

ტიპი: ავტორობა

1914 წლის 5 ოქტომბერს ჟურნალში „თეატრი და ცხოვრება“ დაიბეჭდა ნიკო გურულის წერილი „დ. ხაშური“.

1901

ტიპი: ავტორობა

1901 წელს კავკასიის გამოფენის კომიტეტს კავკასიის სამეურნეო გაზეთის რედაქტორმა ალექსანდრე ქალანთარმა თხოვნით მიმართა, კავკასიის გამოფენაზე მისთვის ბეჭდვითი სიტყვის განყოფილებაში დაეთმოთ ადგილი.

1901

ტიპი: ავტორობა

1901 წლის 22 ივლისს სომეხთა ეკლესიაში ცნობილი პუბლიცისტის, გ. ა. ჯანშიევის სულის მოსახსენებლად წლის წირვა და პანაშვიდი გადაიხადეს.

1901

ტიპი: პირადი ინფორმაცია

1901 წლის 20 ივლისს ფოთის ქალაქის მოურავი ნიკო ნიკოლაძე გაემგზავრა პეტერბურგში, საიდანაც მერე საზღვარგარეთ მიდიოდა იქაური ნავსადგურების სანახავად და მუშაობის გასაცნობად.

1901

ტიპი: პირადი ინფორმაცია

1901 წლის ივლისში თბილისში ჩამოვიდა და თანამდებობის აღსრულებას შეუდგა თბილისის ფოსტის განყოფილების ახალი უფროსი ფონ-კლუგენი.

1901

ტიპი: ღონისძიება

1901 წლის 26 ივლისს, ნაშუადღევს, პოლიციის მე-10 ნაწილში, ამიერკავკასიის რკინიგზის თბილისის სადგურზე, ცეცხლი გაუჩნდა საქონლის საწყობს. ხანძრის ჩაქრობის დროს გვერდში დაიჭრა თბილისის დეპოს მემანქანე მიხეილ ანდრეევი და დაშავდა თბილისის სადგურის უფროსი კაზიმირ კულჩინსკი.

1901

ტიპი: ღონისძიება

1901 წლის 26 ივლისს, ნაშუადღევს, პოლიციის მე-10 ნაწილში, ამიერკავკასიის რკინიგზის თბილისის სადგურზე ცეცხლი გაუჩნდა საქონლის საწყობს. ცეცხლისმქრობელ რაზმსა და მუშებს ჩაქრობისას ხელმძღვანელობდა თბილისის პოლიცმაისტერი კოვალიოვი, იქ იყვნენ ასევე რკინიგზის უფროსის თანამდებობის აღმასრულებელი ი. ს. შაიკევიჩი, რკინიგზის ჟანდარმთა უფროსი, მატარებლების მოძრაობის უფროსი ინჟინერი ბულგაკოვი.

1901

ტიპი: ღონისძიება

1901 24 ივლისს თბილისის გუბერნატორის თანამდებობის აღმასრულებელმა და გუბერნიის ექიმმა თ. ც. ქიქოძემ დაათვალიერეს ქალაქის საყასბო და საკლავი ბაკი.