1919

ტიპი: ღონისძიება

1919 წლის ივნისში თბილისში, ვანქის ეკლესიის ეზოში, ოვანეს თუმანიანის თაოსნობით ყარაბაღში მომხდარი ამბების გამო გამართულ მიტინგზე გადაწყვიტეს, მიემართათ პარიზის საზავო კონფერენციისთვის. მომიტინგეებს სურდათ, ყარაბაღი სომხეთის რესპუბლიკას შეერთებოდა და ამ საკითხის გადაწყვეტამდე ყარაბაღში მოკავშირეთა ადმინისტრაცია დაენიშნათ.

1919

ტიპი: ღონისძიება

1919 წლის ივლისში საქართველოს კოოპერატიული ბანკის დამფუძნებელმა კრებამ, რომელსაც ესწრებოდა ნოე ხომერიკი, განიხილა წესდება და ფინანსთა მინისტრს დასამტკიცებლად წარუდგინა.

1919

ტიპი: ნასამართლეობა

1919 წელს ქალაქის მილიციის უფროსის, ვლადიმერ სულაქველიძისა და სისხლის სამართლის მილიციის უფროსის, პ. ფაჩულიას ხელმძღვანელობით მილიციამ შეიპყრო სოლოლაკის ქუჩაზე და მის მიდამოებში თავმოყრილი სხვადასხვა ეროვნების სპეკულანტები, დაახლოებით ორასი კაცი.

1919

ტიპი: ღონისძიება

1919 წლის ივნისში ახალციხის საქველმოქმედო საზოგადოების განყოფილებამ აღადგინა ობოლ ბავშვთა თავშესაფარი, ოსმალთა შემოსევის დროიდან დაკეტილი. თავშესაფრის გახსნას დაესწრნენ მთავრობის საგანგებო რწმუნებული გრიგოლ გიორგაძე, დამფუძნებელი კრების წევრი ლევან რუხაძე და ლტოლვილთა ცენტრალური კომიტეტის თავმჯდომარის რწმუნებული გრიგოლ ვეშაპელი.

1919

ტიპი: გარდაცვალება

1919 წლის 22 ივნისის გაზეთ „საქართველოს რესპუბლიკის“ ცნობით, რკინიგზის ხაზთან, შტაბისკენ მიმავალ პირველი რაიონის გვარდიელ მელქისედეკ ბურჭულაძეს უკნიდან ესროლა ვიღაც შავკანიანმა. დაღუპულს ტყვია კეფაში ჰქონდა მოხვედრილი.

1919

ტიპი: ღონისძიება

1919 წელს თბილისში ალექსანდრე ხატისოვისა და გენერალ ჯორჯ კიორის შეხვედრა შედგა.

1919

ტიპი: ავტორობა

1919 წლის 22 ივნისის გაზეთ „საქართველოს რესპუბლიკის“ ცნობით, იმის გამო, რომ ხშირი იყო სამსახურებრივი მოვალეობის შესრულებისადმი გულგრილი დამოკიდებულება, გადასახადთა და სახელმწიფო ხაზინის სამმართველოს უფროსმა ვირსალაძემ ხაზინაში მოხელეების მორიგეობის გამკაცრების შესახებ ბრძანება გამოსცა.

1919

ტიპი: ღონისძიება

1919 წლის ივნისში თბილისის მექანიკურ სატრანსპორტო-სააქციონერო ქარხანაში გამართულ მუშათა კრებაზე განიხილეს ანტონ დენიკინის მხრიდან არსებული საფრთხე.

1919

ტიპი: ღონისძიება

1919 წელს ვ. მაჩაბლის დაობლებული ოჯახის დასახმარებლად მთავრობამ 20000 მანეთი გამოყო.

1919

ტიპი: თანამდებობა

1919 წლის ივნისში ნიკოლოზ ავნატამიშვილი თბილისის ოლქის სასამართლოს მდივნის თანაშემწის თანამდებობის აღმასრულებლად დაინიშნა.

1919

ტიპი: თანამდებობა

1919 წელს პ. კიზირია თბილისის ოლქის სასამართლოს თავმჯდომარედ მუშაობდა.

1919

ტიპი: ღონისძიება

1919 წლის ივნისის შუა რიცხვებში თბილისში ხელოვნების მსახურთა დღე გაიმართა. ქალაქში მსახიობები ორკესტრის თანხლებით ავტომობილებით, ეტლებითა და ურმებით დადიოდნენ. ნაშუადღევს მთელმა კორტეჟმა მთავრობის სასახლის წინ მოიყარა თავი და ეროვნული ჰიმნით მიესალმა საქართველოს მთავრობის თავმჯდომარეს, ნოე ჟორდანიას.

1919

ტიპი: ნასამართლეობა

1919 წლის 15 ივნისის გაზეთ „საქართველოს რესპუბლიკის“ ცნობით, მექი კედიამ დაატუსაღა საქართველოს სამხედრო სამინისტროს სამხედრო-ტოპოგრაფიული განყოფილების თანამშრომელი პავლე ნიკიტინი, რომელსაც განზრახული ჰქონდ, საქართველოდან ჩრდილოეთ კავკასიაში გაეტანა მისთვის ჩაბარებული მთელი ტოპოგრაფიული კომპლექტი. 

ტიპი: ღონისძიება

სახელმწიფო თეატრში საქველმოქმედო მიზნით გაიმართა მოხსენებათა დილა. მოხსენებები ეხებოდა დენიკინის განზრახვას ამიერკავკასიის რესპუბლიკების წინააღმდეგ გამოლაშქრების შესახებ. მოხსენებით გამოვიდნენ როგორც საქართველოს, ასევე აზერბაიჯანის მხრიდანაც. თავის გამოსვლაში საგარეო საქმეთა მინისტრი გეგეჭკორი ხალხს უმტკიცებდა, რომ საქართველოს მთავრობამ ყველაფერი გააკეთა შეიარაღებული დაპირისპირების თავიდან ასაცილებლად. ასევე აღინიშნა დენიკინის წარმომადგენლის, ინგლისელი გენერლის არაობიექტური დამოკიდებულება.

1933

ტიპი: ნასამართლეობა

1933 წლის 4 იანვრის გაზეთ „კომუნისტის“ ცნობით, სოფელ ზერტში აქტიური შემოწმების შემდეგ აღმოჩნდა, რომ კულაკებს: ვანო და არტემ ტურუნაშვილებს, გეურქა, ზაქარია და გიორგი ცარელაშვილებს, ილიკო და სოფრომ მიზანაშვილებს, არტემ ბესარაშვილსა და სიმონ ტურაშვილს გადამალული ჰქონდათ ხილ-ბოსტნეულის დიდი მარაგი.

1933

ტიპი: ნასამართლეობა

1933 წლის 29 დეკემბერს საქართველოს კომუნისტური პარტიის (ბ) გორის რაიონის საკონტროლო კომისიამ განიხილა ჯვრისხევის პარტუჯრედის წევრების – ალექსანდრე აკოფაშვილისა და ბაგრატ ხუტიაშვილის საქმე, რომელებიც აშკარად მფარველობდნენ კულაკებს. მათი საქმე გადაეცა პროკურატურას და დაიგეგმა საჯარო საჩვენებელი გასამართლება.

1933

ტიპი: თანამდებობა

1933 წელს ყარაიას რაიონის სოფელ ჯანდარის უჯრედის საერთო კრებაზე ლენინის სახალხო კოლმეურნეობის თავმჯდომარის დურსუნ-ოღლის პარტიიდან გარიცხვის გადაწყვეტილება მიიღეს.

1919

ტიპი: გარდაცვალება

სოფ. აცანაში გარდაიცვალა აფთონ ჩხაიძე, ფერშალთა უუფლებო მდგომარეობის თავგამოდებული დამცველი.

1919

ტიპი: ღონისძიება

1919 წლის ივნისში ვანათის მოსახლეობამ ჩაატარა ყრილობა, რომელზეც განაცხადეს, რომ, მთავრობის მოწოდების შემთხვევაში, მზად იყვნენ, ყველა სამხედრო ვალდებულ ახალგაზრდას მოეხადა ვალი და გზების შესაკეთებლად მოხალისეები გამოეყვანათ. ისინი ნდობას უცხადებდნენ ქართული ლეგიონის პოლკოვნიკ ლეო კერესელიძეს.

1919

ტიპი: თანამდებობა

1919 წელს ლეო კერესელიძე ქართული ლეგიონის პოლკოვნიკი იყო.

1919

ტიპი: ღონისძიება

1919 წელს შინაგან საქმეთა მინისტრ ნოე რამიშვილს მხატვარი მოსე თოიძე შეხვდა და დაგეგმილი გამოფენებისთვის სურათებისა და ქანდაკებების გადასაზიდად ვაგონი სთხოვა. გამოფენები დაგეგმილი იყო ქუთაისში, ფოთში, ბათუმში, ბორჯომში, თელავსა და გორში.

1919

ტიპი: ღონისძიება

1919 წლის ივნისში ვილობი სმითი თბილისიდან ამერიკაში გაემგზავრა. გამგზავრებამდე კონსულს საქართველოს მთავრობის წევრებთან მოლაპარაკებები ჰქონდა.

1919

ტიპი: თანამდებობა

1919 წელს ვილობი სმითი ამერიკის კონსული იყო თბილისში.

1918

ტიპი: ღონისძიება

1918 წლის 18 ივლისს გზის მთავარ სახელოსნოებში ფქვილნახშირის გამოცდას დაესწრნენ რკინიგზის მოძრაობის გამგე ალექსანდრე ეფრემის ძე ოდიშელიძე, მთავარი სახელოსნოების უფროსი სარაჯიშვილი, ინგლისის წარმომადგენელი მაიორი ბრეტი და სხვ. გამოცდამ დამსწრეებზე დიდი შთაბეჭდილება მოახდინა.

1919

ტიპი: თანამდებობა

1919 წელს გზათა მინისტრ ნოე ხომერიკის განკარგულებით კახეთის რკინიგზის მმართველის თანამდებობაზე ინჟინერი იოსებ მამაცაშვილი დაინიშნა.