საქართველოს პროსოპოგრაფია

ფაქტები

რეგისტრირებული ფაქტები80023

1926

ტიპი: ავტორობა

1926 წლის 4 თებერვლის წიგნების გამომცემელი და გამავრცელებელი ქართველთა საზოგადოების სხდომაზე განიხილეს თბილისის სახელმწიფო უნივერსიტეტის გამგეობის განცხადება ყოფილი წერა-კითხვის გამავრცელებელი საზოგადოების წიგნსაცავ-მუზეუმის უნივერსიტეტისთვის გადაცემის შესახებ. უნივერსიტეტის გამგეობა დაეთანხმა წიგნსაცავ-მუზეუმის მიღებას ყველა პირობის დაცვით, რომელიც მომართვაში იყო ნაჩვენები. სხდომას ესწრებოდნენ თავმჯდომარე იასონ მერაბის ძე ლორთქიფანიძე, მდივანი ვარლამ ბურჯანაძე და დავით გიორგის ძე კარიჭაშვილი.

1926

ტიპი: ავტორობა

1926 წლის 4 თებერვლის წიგნების გამომცემელი და გამავრცელებელი ქართველთა საზოგადოების სხდომაზე განიხილეს პრეზიდიუმის წინადადება რუსული წიგნების ქაღალდის ფასად გაყიდვის შესახებ, ვინაიდან ექვსი წლის განმავლობაში ისე ეწყო მაღაზიაში, არ იყიდებოდა და არც გაიყიდებოდა, რადგან ნიკოლოზის რეჟიმის დროს იყო გამოცემული. სხდომას ესწრებოდნენ თავმჯდომარე იასონ მერაბის ძე ლორთქიფანიძე, მდივანი ვარლმ ბურჯანაძე და დავით გიორგის ძე კარიჭაშვილი.

1926

ტიპი: ავტორობა

1926 წლის 4 თებერვლის ქართველთა შორის წერა-კითხვის გამავრცელებელი საზოგადოების სხდომაზე განიხილეს საზოგადოების მდივან ვარლამ ბურჯანაძის მოხსენება, რომ არქივის გადარჩევის დროს გაიყიდა საზოგადოებისთვის გამოუსადეგარი წიგნები და ქაღალდები, საიდანაც საზოგადოებას შემოუვიდა 69 მანეთი და 75 კაპიკი.

1926

ტიპი: ავტორობა

1926 წლის 5 თებერვალს თბილისის სახელმწიფო უნივერსიტეტის გამგეობა სწერს წიგნების გამომცემელ და გამავრცელებელ ქართველთა საზოგადოებას, რომ უნივერსიტეტი ჩაიბარებს წიგნების გამომცემელი და გამავრცელებელი საზოგადოების არქივს, რომელიც შეიცავს გამგეობის სხდომების ოქმებს, სკოლების, ბიბლიოთეკებისა და მუზეუმის საქმეებს. ხელს აწერს უნივერსიტეტის პროფესორი კორნელი სამსონის ძე კეკელიძე.

1926

ტიპი: თანამდებობა

1926 წლის 23 თებერვალს სოფ. ზოდის წმ. გიორგის ეკლესიის მღვდელი დიმიტრი კირილეს ძე ცომაია გარდაიცვალა.

1926

ტიპი: პირადი ურთიერთობა

1926 წლის 28 თებერვალს გრიგოლ ვეშაპელმა ნიკოლო მიწიშვილს მისწერა, პარიზში ქაქუცას „შეფიცულთა“ ჯგუფი სულ უფრო ღიად უპირისპირდება მენშევიკებსო.

1926

ტიპი: პირადი ურთიერთობა

1926 წლის 10 მარტს მიხეილ ჯავახიშვილმა სერგო კლდიაშვილს მისწერა, რომ „მნათობის“ წესდების თანახმად, სხვა გაზეთში ან ჟურნალში უკვე გამოქვეყნებული მასალის ხელმეორედ დაბეჭდვა ჰონორარით აღარ ანაზღაურდებოდა.

1926

ტიპი: ავტორობა

1926 წლის 21 მარტს გალაკტიონ ტაბიძემ ქრისტინე შარაშიძეს გაუგზავნა ბარათი და სთხოვა, გადასაწერად ეთხოვებინა გაზეთ „თემის“ 1911 წლის 43-ე 46-ე და 47-ე ნომრები.

1926

ტიპი: ავტორობა

1926 წლის 3 აპრილს წიგნების გამომცემელი და გამავრცელებელი ქართველთა საზოგადოება სწერს თბილისის სახელმწიფო უნივერსიტეტის გამგეობას, რომ საზოგადოება უნივერსიტეტს უფლებას აძლევს (საჭიროებისდა მიხედვით) ზოგიერთი ეთნოგრაფიული ნივთი გადასცეს საქართველოს საისტორიო და საეთნოგრაფიო საზოგადოებას. ხელს აწერს საზოგადოების მდივანი ვარლამ ბურჯანაძე.

1926

ტიპი: გარდაცვალება

1926 წლის 27 აპრილს სოფ. ეწერის (ჯვარ-ეწერის) მაცხოვრის ეკლესიის მღვდელი იოსებ იოანეს ძე ჭუმბურიძე გარდაიცვალა.

1926

ტიპი: პირადი ურთიერთობა

1926 წლის 7 მაისს სიმონ მდივანმა პარიზიდან ნიკოლო მიწიშვილს მისწერა, რომ გრიგოლ ვეშაპელი კავკასიაში დაბრუნებას ორ თვეში შეძლებდა.

1926

ტიპი: თანამდებობა

1926 წლის 17 მაისს ტიციან ტაბიძემ მწერალთა კავშირის პრეზიდიუმს მისწერა და შეატყობინა, რომ ქართული ენის სიწმინდის კომისიამ სექციაში სამუშაოდ საქართველოს მუზეუმის გამგის მოადგილე, იროდიონ სონღულაშვილი მიიწვია.

1926

ტიპი: ღონისძიება

1926 წლის 17 მაისს ტიციან ტაბიძემ მწერალთა კავშირის პრეზიდიუმს შეატყობინა, რომ ენის სიწმინდის კომისიამ ქართული ზეპირსიტყვიერებისა და ხალხური შემოქმედების ბიბლიოგრაფიის შედგენა და მისი ხელოვნების სასახლეში განთავსება დაადგინა.

1926

ტიპი: გარდაცვალება

1926 წლის 11 ივნისს ნიკოლოზ სიმონის ძე ჩხეიძემ სიცოცხლე თვითმკვლელობით დაასრულა ლევილში.

1926

ტიპი: გარდაცვალება

1926 წლის 20 ივლისს გარდაიცვალა სსრკ სახალხო მეურნეობის უმაღლესი საბჭოს ხელმძღვანელი ფელიქს ძერჟინსკი.

1926

ტიპი: პირადი ურთიერთობა

1926 წლის 30 ივლისს ნიკოლო მიწიშვილმა ლეო ქიაჩელს მისწერა, რომ წერილები, რომლებსაც ის უგზავნიდა, ტიციან ტაბიძემ ევროპიდან დაბრუნების შემდეგ გადასცა.

1926

ტიპი: პირადი ურთიერთობა

1926 წლის 30 ივლისს ტიციან ტაბიძემ ვალერიან გაფრინდაშვილს ქვიშხეთში მისწერა და სთხოვა, რაჟდენ გვეტაძისთვის მოკითხვა გადაეცა.

1926

ტიპი: პირადი ურთიერთობა

1926 წლის 30 ივლისს ტიციან ტაბიძემ ვალერიან გაფრინდაშვილს ქვიშხეთში მისწერა და შეატყობინა, რომ ილია ერენბურგი მალე ბორჯომში აპირებდა წასვლას და მის ნახვას იქ შეძლებდა.

1926

ტიპი: პირადი ურთიერთობა

1926 წლის 6 აგვისტოს ილია ერენბურგმა ბათუმიდან ტიციან ტაბიძეს დეპეშა გაუგზავნა.

1926

ტიპი: პირადი ურთიერთობა

1926 წლის 9 აგვისტოს ვალერიან გაფრინდაშვილმა ტიციან ტაბიძეს ქვიშხეთიდან მისწერა და სთხოვა, კოლაუ ნადირაძის, ალი არსენიშვილის, გოგლა ლეონიძის, გრიგოლ რობაქიძის, ნიკოლო მიწიშვილის და სანდრო ცირეკიძის ამბები შეეტყობინებინა.

1926

ტიპი: პირადი ურთიერთობა

1926 წლის 9 აგვისტოს ვალერიან გაფრინდაშვილმა ტიციან ტაბიძეს ქვიშხეთიდან მისწერა, კარგი იქნება, თუკი ჩემს ლექსს „ალი არსენიშვილზე“ კოლაუ „ქართულ მწერლობაში“ დაბეჭდავსო.

1926

ტიპი: პირადი ურთიერთობა

1926 წლის 9 აგვისტოს ვალერიან გაფრინდაშვილმა ტიციან ტაბიძეს ქვიშხეთიდან მისწერა, აქ ახალი ლექსი დავწერე და „მოაგარაკე-იდიოტი“ დავარქვიო.

1926

ტიპი: პირადი ინფორმაცია

1926 წლის 14 ოქტომბერს საფრანგეთში მყოფმა დავით შარაშიძემ გაზეთ „კომუნისტში“ ნახა ივანე ბოლქვაძის გარდაცვალების ცნობა.

1926

ტიპი: ღონისძიება

1926 წლის 1-ელ ნოემბერს საქართველოში ჩამოვიდა იტალიის სამხედრო ატაშე, გენერალური შტაბის პოლკოვნიკი ბერჯელი, რომელიც მიიღეს ამიერკავკასიის სახალხო კომისართა საბჭოს თავმჯდომარის მოადგილემ, გუსეინოვმა და საქართველოს სახალხო კომისართა საბჭოს თავმჯდომარის მოადგილემ, სიმონ ჯუღელმა.