საქართველოს პროსოპოგრაფია

ფაქტები

რეგისტრირებული ფაქტები82412

1922

ტიპი: განათლება

1922 წელს ლადო გუდიაშვილსა და დავით კაკაბაძესთან ერთად საფრანგეთიდან საქართველოში ბრუნდებოდნენ სხვა ქართველი სტუდენტები, რომლებსაც სწავლის გაგრძელების საშუალება აღარ ჰქონდათ.

1922

ტიპი: ღონისძიება

1922 წელს მთავარმა სახელოვნო კომიტეტმა ნიკოლოზ ქართველიშვილსა და ლეკვიაშვილს დაავალა მუსიკის თეორიის ტერმინოლოგიის დამუშავება.

1922

ტიპი: ავტორობა

1922 წელს ახალი მწერალთა კავშირის სხდომაზე ალი არსენიშვილმა წაიკითხა მოხსენება ალექსანდრე ბლოკის შესახებ. სიტყვით გამოვიდნენ: გრიგოლ რობაქიძე, ტიციან ტაბიძე და პაოლო იაშვილი.

1922

ტიპი: ღონისძიება

1922 წელს ქუთაისიდან თბილისში ჩავიდა ნიკო ლორთქიფანიძე, რომელიც თავის მოთხრობებს დასაბეჭდად ამზადებდა.

1922

ტიპი: თანამდებობა

1922 წლიდან დაპატიმრების დღემდე ანდრია სოკრატეს ძე სულიაშვილი გაზეთ „მუშისა“ და ამიერკავკასიის ფინანსთა სახალხო კომისარიატის (ა. კ. ფინსახკომის) რწმუნებული იყო მე-2 საგადასახადო განყოფილებაში.

1922

ტიპი: ნასამართლეობა

1922 წელს საქართველოს ჩეკა აწარმოებდა საქმეს ივლიანე მაქსიმეს ძე ჩახავას შესახებ. ბრალდება ედავებოდა 1918 წელს ბოლშევიკური მოძრაობის ჩახშობას.

1922

ტიპი: თანამდებობა

1922 წელს გიორგი გრიგოლის ძე ელიავა ამიერკავკასიის ფედერაციის რესპუბლიკაში არმიისა და ფლოტის სახალხო კომისრად დაინიშნა. მანამდე სხვადასხვა თანამდებობაზე მუშაობდა.

1922

ტიპი: ავტორობა

1922-1923 წლებში სეით იაშვილის დახმარებით გაიხსნა პირველდაწყებითი სკოლა სოფ. არგვეთში.

1922

ტიპი: სტატუსი

გრიგოლ ქრისტეფორეს ძე ურუშაძე სოციალური წარმოშობით გლეხი იყო.

1922

ტიპი: თანამდებობა

1922 წლიდან არჩილ იოსების ძე ხოხობაშვილი მუშაობდა წერილების დამტარებლად. 2 თვე მსახურობდა მეფის არმიაში ჯარისკაცად, სამხედრო სამსახურიდან გაათავისუფლეს ავადმყოფობის გამო.

1922

ტიპი: ორგანიზაცია

1922 წელს დაკავებული გრიგოლ რაჟდენის ძე კახაძის პირადი საქმის მიხედვით, ის უპარტიო იყო.

1922

ტიპი: სტატუსი

1922 წელს დაკავებული გრიგოლ რაჟდენის ძე კახაძის პირადი საქმის მიხედვით, ის სოციალური წარმოშობით გლეხი იყო.

1922

ტიპი: გარდაცვალება

1922 წელს ნიკოლოზ გიორგის ძე ქართველიშვილი გარდაიცვალა. იგი ქართველ მოღვაწეთა პანთეონში დაკრძალეს.

1922

ტიპი: მფლობელობა

1922 წელს გიორგი ისრაელიანცს გეორგიევის ქუჩის N5-ში წიგნების მაღაზია ჰქონდა.

1922

ტიპი: ღონისძიება

1922 წელს ქართველთა შორის წერა-კითხვის გამავრცელებელი საზოგადოების მთავარი გამგეობის ბუღალტრის ხელფასი 5 000 000 მანეთი იყო, საქმისმწარმოებლისა და ბიბლიოთეკარის – 2 090 000, ბიბლიოთეკარის თანაშემწის – 1 850 000 მან., მდივანი ვარლამ ბურჯანაძე ივლისიდან ხელფასს არ იღებდა.

1922

ტიპი: ორგანიზაცია

1922 წელს ქობულეთის მოსახლეობამ სკოლის შენობის აგება გადაწყვიტა და ფულის მოსაგროვებლად კომისიაც აირჩია. კომისიის წევრები იყვნენ ს. ირემაშვილი და არ. აბაშიძე.

1922

ტიპი: თანამდებობა

1922 წელს ნიკოლოზ პეტრეს ძე ნაკაშიძე ქართველთა შორის წერა-კითხვის გამავრცელებელი საზოგადოების თავმჯდომარის მოადგილე იყო.

1922

ტიპი: ღონისძიება

1922-1923 წელს ვარლამ ამირანის ძე ბურჯანაძე, ვასილ გრიგოლის ძე ედილაშვილი, ოლღა გიორგის ასული დემურიშვილი, ელენე დავითის ასული კარიჭაშვილი და თამარ პავლეს ასული ჯარიაშვილი ქართველთა შორის წერა-კითხვის გამავრცელებელი საზოგადოების თანამშრომლები იყვნენ.

1922

ტიპი: ორგანიზაცია

1922 წელს დიმიტრი მოსეს ძე დუმბაძე, გიორგი პაატას ძე მაჭავარიანი და სოფრომ გაბრიელის ძე ტარუაშვილი ქართველთა შორის წერა-კითხვის გამავრცელებელი საზოგადოების სარევიზიო კომისიის წევრები იყვნენ.

1922

ტიპი: თანამდებობა

1922 წლიდან ალექსანდრე ანტონის ძე ცაგარელი თბილისის უნივერსიტეტის პროფესორი იყო.

1922

ტიპი: ავტორობა

1922 წელს გაზეთ „ბახტრიონში” გამოქვეყნდა ვიქტორ გაბესკირიას პირველი ლექსი.

1922

ტიპი: განათლება

1922 წელს პაპუნა წერეთელმა დაამთავრა თბილისი ქართული გიმნაზია.