საქართველოს პროსოპოგრაფია

ფაქტები

რეგისტრირებული ფაქტები93616

1920

ტიპი: ღონისძიება

1920 წლის 6 იანვარს საქართველოს მთავრობამ დაადგინა, რომ შინაგან საქმეთა და განათლების მინისტრ ნოე რამიშვილის განკარგულებაში ყოველთვიურად გადადებულიყო 15 900 მანეთი სახელმწიფო თეატრში ჯარისა და გვარდიისთვის უფასო წარმოდგენების მოსაწყობად, ინსპექციის ხარჯებისათვის – 18 994 მანეთი.

1920

ტიპი: ღონისძიება

1920 წლის 6 იანვარს საქართველოს მთავრობამ დაადგინა, რომ გენერალი ილია ოდიშელიძე დაენიშნათ სამხედრო მინისტრი გრიგოლ ლორთქიფანიძის მოადგილედ სამხედრო საბჭოში მინისტრის ადგილის თანამდებობაზე დაჭერით.

1920

ტიპი: ღონისძიება

1920 წლის 17 იანვრის გაზეთ „საქართველოს“ ცნობით, საქართველოს მთავრობის თავმჯდომარე ნოე ჟორდანიას შეხვდნენ მევენახეთა და მეღვინეთა კონგრესის საბჭოს წევრი ივანე ანდრონიკაშვილი თავის მოადგილე ირ. ფორაქიშვილთან ერთად.

1920

ტიპი: თანამდებობა

1920 წელს ივანე ზაქარიას ძე ანდრონიკაშვილი იყო მევენახეთა და მეღვინეთა კონგრესის საბჭოს წევრი.

1920

ტიპი: თანამდებობა

1920 წელს ირ. დ. ფორაქიშვილი იყო მევენახეთა და მეღვინეთა კონგრესის საბჭოს წევრის მოადგილე.

1920

ტიპი: ღონისძიება

1920 წლის 16 იანვარს საქართველოს საგარეო საქმეთა მინისტრ ევგენი გეგეჭკორს შეხვდნენ მთიელთა რწმუნებული ბ. ჯაბაღიევი და საფრანგეთის მისიის წევრი პუადებუარი.

1920

ტიპი: თანამდებობა

1920 წელს პუადებუარი იყო საფრანგეთის მისიის წევრი საქართველოში.

1920

ტიპი: ღონისძიება

1920 წლის 17 იანვრის გაზეთ „საქართველოს“ ცნობით, შინაგან საქმეთა მინისტრმა ნოე რამიშვილმა განკარგულება გასცა ოპერის დირიჟორ სტოლერმანის მიერ ცოლის მკვლელობის საქმის გამოძიებამდე ხელი არ ეხლოთ მისთვის.

1920

ტიპი: პირადი ურთიერთობა

1920 წლის 17 იანვრის გაზეთ „საქართველოს“ ცნობით, სახელმწიფო თეატრის ოპერის დირიჟორმა სტოლერმანმა ეჭვიანობის ნიადაგზე რევოლვერით მოკლა ცოლი.

1920

ტიპი: ღონისძიება

1920 წლის 17 იანვრის გაზეთ „საქართველოს“ ცნობით, სახელმწიფო თეატრის ოპერის დირიჟორმა სტოლერმანმა თავისი ცოლის მკვლელობა საჯაროდ აღიარა.

1920

ტიპი: თანამდებობა

1920 წლის 16 იანვრის გაზეთ „საქართველოს“ ცნობით, დიმიტრი გორდეევი იყო რუსი მკვლევარი.

1920

ტიპი: თანამდებობა

1920 წელს სამუელ ალექსანდრეს ძე სტოლერმანი იყო სახელმწიფო ოპერის თეატრის დირიჟორი.

1920

ტიპი: თანამდებობა

1920 წლის 17 იანვრის გაზეთ „საქართველოს“ ცნობით, „საქართველოს რესპუბლიკის“ რედაქტორის დროებითი აღმსრულებელი გრიგოლ მაჭავარიანი ლაგოდეხის ერობის თავმჯდომარედ დაინიშნა.

1920

ტიპი: ავტორობა

1920 წლის 17 იანვარს, 19 საათზე თბილისის სასამართლო პალატის შენობაში ქართული იურიდიული საზოგადოების საერთო კრებაზე სენატორი დემიდოვი წაიკითხავდა მოხსენებას „პასუხისგებაში მიმცემი კამერის დაარსების შესახებ“.

1920

ტიპი: ღონისძიება

1920 წლის 14 იანვარს მწერალთა კლუბ „ქიმერიონში“ გაიმართა დავით კლდიაშვილის საიუბილეო კომისიის კრება.

1920

ტიპი: ღონისძიება

1920 წლის 17 იანვრის გაზეთ „საქართველოს“ ცნობით, თბილისის სახელმწიფო თეატრში მისი ანტრეპრენიორის, სერგო ევლახიშვილის ხელმძღვანელობით დაიდგმებოდა გლუხოვცევის ოპერა „დღენი ჩვენი ცხოვრებისა“.

1920

ტიპი: ღონისძიება

1920 წლის 18 იანვარს გაიმართებოდა ახალგაზრდა მომღერლის, მ. თარხან-მოურავის ბენეფისი. ის ვერდის „ტრავიატაში“ ჟორჟ ჟერმანის პარტიას შეასრულებდა.

1920

ტიპი: ღონისძიება

1920 წლის 17 იანვრის გაზეთ „საქართველოს“ ცნობით, კომპოზიტორი ვიქტორ დოლიძე ფილტვების ანთებით ავად გახდა.

1920

ტიპი: ღონისძიება

1920 წლის 17 იანვრის გაზეთ „საქართველოს“ ცნობით, ბათუმის სამხედრო გუბერნატორმა კუკ-კოლისმა განაცხადა, რომ ბათუმის ქალაქის ხმოსანთა არჩევნები გაიმართებოდა 29 თებერვალს.

1920

ტიპი: ღონისძიება

1920 წლის 29 თებერვალს, ბათუმის სამხედრო გუბერნატორ კუკ-კოლისის ბრძანების თანახმად, ბათუმის ქალაქის ხმოსანთა არჩევნებში მონაწილეობის უფლება ჰქონდათ როგორც მამაკაცებს, ისე დედაკაცებს, განურჩევლად ეროვნებისა და სარწმუნოებისა, ასაკით არანაკლებ 25 წლისა და თუ ბათუმში დასახლდნენ 1919 წლის 1-ლ თებერვლამდე, ან ცხოვრობდნენ 1918 წლის 1-ლ აპრილამდე, დატოვეს ქალაქი და კვლავ დაბრუნდნენ 1919 წლის 1-ლ ნოემბრამდე, აგრეთვე მათ, ვინც ბათუმში ფლობდა უძრავ ქონებას და დაბრუნდა ქალაქში საარჩევნო სიების შედგენის დღემდე.

1920

ტიპი: ღონისძიება

1920 წლის 29 თებერვალს ბათუმის სამხედრო გუბერნატორ კუკ-კოლისის ბრძანების თანახმად, ბათუმის ქალაქის ხმოსანთა არჩევნებში მონაწილეობის უფლება არ ჰქონდათ: სამხედრო სამსახურში მყოფთ, ქ. ბათუმის და ბათუმის ოლქის უმაღლეს ადმინისტრაციულ პირთ, მათ მოადგილეებს და თანაშემწეებს, ქ. ბათუმის და ბათუმის ოლქის მილიციაში მოსამსახურეებს და რაზმში მყოფებს, ბერ-მონაზვნებს, შეშლილებს და ყრუ-მუნჯებს, დახმარებაზე მცხოვრებლებს და მათხოვრებს.

1920

ტიპი: ღონისძიება

1920 წლის 17 იანვრის გაზეთ „საქართველოს“ ცნობით, შობას კახეთში, კურდღელაურის თემში (კურდღელაური, ზემო შალაური, ქვემო შალაური, ვარდისუბანი და გულგალა) ადგილობრივი გლეხის, სოციალ-დემოკრატი ლაზარიაშვილის განკარგულებით დახურეს ეკლესიები, რის გამოც მრევლი საშობაო წირვას ვერ დაესწრო.

1920

ტიპი: ორგანიზაცია

1920 წლის 17 იანვრის გაზეთ „საქართველოს“ ცნობით, ლაზარიაშვილი იყო სოციალ-დემოკრატიული პარტიის წევრი.

1920

ტიპი: ღონისძიება

1920 წლის 17 იანვრის გაზეთ „საქართველოს“ ცნობით, პოლკოვნიკმა ჰასკელმა აზერბაიჯანის რესპუბლიკის მთავრობის თავმჯდომარე ნასიბ იუსიფბეილის გაუგზავნა მისალოცი დეპეშა აზერბაიჯანის დამოუკიდებლობის ცნობასთან დაკავშირებით.

1920

ტიპი: ღონისძიება

1920 წლის 17 იანვრის გაზეთ „საქართველოს“ ცნობით, აზერბაიჯანის რესპუბლიკის მთავრობის თავმჯდომარე ნასიბ იუსიფბეილის მაჰმადიან და ქრისტიან ქართველთა ეროვნული საბჭოს სახელით საბჭოს თავმჯდომარე მემედ-ბეგ აბაშიძემ და გრიგოლ ელიავამ გაუგზავნეს მისალოცი დეპეშა აზერბაიჯანის დამოუკიდებლობის ცნობასთან დაკავშირებით.