1918

ტიპი: ავტორობა

1918 წლის 6 მარტის „ერთობაში“ დაიბეჭდა წერილი ლევან დადეშქელიანზე ლეჩხუმელი ებრაელის ხელმოწერით.

1918

ტიპი: განათლება

1918/19 სასწავლო წელს ასა ტერ-სარქისიანი ფონ-ბრენერის სახელობის რეალური სასწავლებლის პირველ უმცროს განყოფილებაში სწავლობდა.

1918

ტიპი: განათლება

1918/19 სასწავლო წელს სარქის ხამჩიანი ფონ-ბრენერის სახელობის რეალური სასწავლებლის საანბანო განყოფილებაში სწავლობდა.

1920

ტიპი: ავტორობა

1920 წლის 24 აგვისტოს „ერთობაში“ დაიბეჭდა ექიმ დიმიტრი ერისთავის წერილი „სიმართლე ახტალაზე“ კურორტის მნიშვნელობაზე, მის მდგომარეობასა და სასწრაფოდ სახელმწიფოს განკარგულებაში გადასვლის აუცილებლობის შესახებ.

1920

ტიპი: ღონისძიება

1920 წლის 24 აგვისტოს „ერთობა“ იუწყება, რომ შრომის სამინისტროს რწმუნებული მიხეილ ჯაჯანიძე წავიდა საჩხერესთან მდებარე ტყეში იმ 400 მუშის შრომის პირობების გამოსაკვლევად, რომლებიც რკინიგზის ლიანდაგისა და შეშის დამზადებაზე მუშაობდნენ. მან მაშინვე მიიღო ზომები და მუშებმა ისეთივე პირობებში დაიწყეს მუშაობა, როგორშიც სხვა მუშა-მოსამსახურეები მუშაობდნენ. იქ მან შექმნა „საჩხერის რკინიგზის ხე-ტყის საექსპლუატაციო მუშათა კავშირი“. ექსპლუატატორები კი გააფრთხილეს, მკაცრად დაეცვათ შრომის კანონები.

1920

ტიპი: ავტორობა

1920 წლის 24 აგვისტოს „ერთობაში“ დაიბეჭდა ფერშალ-ვეტერინარის, ნ. სხულუხიას წერილი „სამრეწველო საკლავ საქონელზედ საპროცენტო ფულის აკრეფის საქმე.“

1920

ტიპი: ავტორობა

1920 წლის 24 აგვისტოს „ერთობაში“ პროხოროვის (დონის ოლქი) ქვანახშირის მაღაროს მუშები გიორგი ჭილაშვილი და იონა მშვიდობაძე, რომლებიც ვლადიკავკაზის ჩეკაში იყვნენ დატუსაღებულები, მადლობას უხდიან საგარეო საქმეთა მინისტრს და საქართველოს კონსულს ვლადიკავკაზში, რომლებმაც ისინი ტყვეობიდან დაიხსნეს.

1920

ტიპი: ღონისძიება

1920 წლის 24 აგვისტოს „ერთობა“ იუწყება, რომ საქართველოში მყოფმა გერმანიის წარმომადგენელმა, გრაფმა ფონ დრიუფელმა სავაჭრო-სამრეწველო პალატას სთხოვა, ხელი შეეწყოთ საქართველო-გერმანიის სავაჭრო ურთიერთობის განვითარებისთვის.

1920

ტიპი: თანამდებობა

1920 წლის 24 აგვისტოს „ერთობა“ იუწყება, რომ საქართველოს დემოკრატიული რესპუბლიკის წარმომადგენლად რუსეთში ინიშნება დამფუძნებელი კრების წევრი გერასიმე მახარაძე.

1919

ტიპი: ავტორობა

1919 წლის 6 ოქტომბრის გაზეთში „ვოლნი გორეცი“ ლ. კრემერი თავის რუბრიკაში („მთიელები რუსულ ლიტერატურაში“) მ. ლერმონტოვის შემოქმედებას განიხილავდა და აღნიშნავდა, რომ რუსი მწერლის მიერ შექმნილ თავისუფლებისმოყვარე მთიელთა სახეებს ბევრი რამ ჰქონდათ საერთო ბაირონის გმირებთან – ჩაილდ ჰაროლდან და კორსართან.

1919

ტიპი: ღონისძიება

1919 წლის 10 იანვრის საქართველოს დემოკრატიული რესპუბლიკის უმაღლესი და საშუალო სასწავლებელთა მთავარგამგის გრიგოლ ნათაძის N 3 ბრძანების თანახმად, ბარბარე ივანეს ასული ამილახვარი გორის ქალთა გიმნაზიის ფრანგული ენის მასწავლებლის თანამდებობის დროებით აღმასრულებლად დაინიშნა.

1919

ტიპი: ავტორობა

1919 წლის 21 ივნისს მთავარგამგე სერგი დანელია და საქმისმწარმოებელი მაქსიმე ბერძნიშვილი გორის ქალთა გიმნაზიის დირექტორს 18 ივნისის N 129 მიწერილის პასუხად აცნობებენ, რომ მისი შუამდგომლობის დაკმაყოფილება შეუძლებლად მიაჩნდათ, ვინაიდან ერთი და იმავე პირისთვის ორი კლასის დამრიგებლობის დაკისრება კანონით არ იყო გათვალისწინებული.

1918

ტიპი: ავტორობა

1918 წელს ბარბარე ამილახვარმა გორის ქალთა გიმნაზიის პედაგოგიური საბჭოს თავმჯდომარეს მისწერა, რომ ის ორი (მე-6 და მე-7) კლასის დამრიგებელი იყო. ანაზღაურებას მხოლოდ ერთი კლასიდან იღებდა, რის გამოც პედაგოგიურმა საბჭომ სამინისტროსთან შუამდგომლობა აღძრა. შუამდგომლობის შედეგები მისთვის ცნობილი არ იყო, ამიტომ მან პედაგოგიურ საბჭოს სთხოვა ეს საკითხი სამინისტროსთვის შეეხსენებინათ.

1919

ტიპი: ღონისძიება

1919 წლის 4 მარტის გორის ქალთა გიმნაზიის პედაგოგიური საბჭოს სხდომის ოქმის მიხედვით, ბარბარე ივანეს ასული ამილახვარი ორი კლასის მეთვალყურე იყო. განათლების სამინისტროს ახალი განკარგულების თანახმად, ის მხოლოდ ერთი კლასის ანაზღაურებას იღებდა. პედაგოგიურმა საბჭომ დაადგინა, რომ ამის შესახებ განათლების სამინისტროს წინაშე შუამდგომლობა აღეძრა. დედანთან სისწორეს ხელმოწერით ადასტურებს გიმნაზიის დირექტორი და მდივანი ვლადიმერ ხიზანიშვილი.

1919

ტიპი: თანამდებობა

1919 წლის 19 ივნისს, გორის ქალთა გიმნაზიის დირექტორი განათლების სამინისტროში საშუალო სკოლათა მთავარგამგეს წარუდგენს თავისი რწმუნებული გიმნაზიის კლასის დამრიგებლის, ბარბარე ამილახვრის, თხოვნას და ხსენებულ საგანზე ითხოვს შესაფერის განმარტებას. ამბობს, რომ ამილახვარი, წელს, თავისი მოვალეობის ერთ-ერთი სინდისიერი აღმასრულებელთაგანი იყო. ასევე, ოქმიდან ამონაწერს ადგენს. ხელს აწერენ: გიმნაზიის დირექტორი და საქმის მწარმოებელი თ.ციციშვილი.

1919

ტიპი: ღონისძიება

1919 წლის 14 იანვარს მთავარგამგე გრიგოლ ნათაძემ და საქმისმწარმოებელმა ვარლამ ძიძიგურმა გორის ქალთა გიმნაზიის დირექტორს აცნობეს, რომ ბარბარე ივანეს ასული ამილახვარი გიმნაზიის ფრანგული ენის მასწავლებლის თანამდებობის დროებით აღმასრულებლად დაინიშნა.

1919

ტიპი: ღონისძიება

1919 წლის 4 იანვარს გორის ქალთა გიმნაზიის დირექტორმა განათლების სამინისტროს მთავარგამგეს მისწერა, რომ ბარბარე ამილახვარს მეორედ შუამდგომლობდა. მას სურდა ამილახვარი მე-5 და მე-6 კლასების ფრანგული ენის მასწავლებლის თანამდებობის დროებით აღმასრულებლად დაენიშნათ. ხელს აწერენ გიმნაზიის დირექტორი და საქმისმწარმოებელი თამარ დავითის ასული ციციშვილი.

1919

ტიპი: ღონისძიება

1919 წლის 4 იანვარს გორის ქალთა გიმნაზიის დირექტორმა განათლების სამინისტროს მთავარგამგეს მისწერა, რომ ბარბარე ამილახვრისთვის დაბალი კლასების ჩაბარება ვერ მოხერხდა, რადგან ის მე-6 და მე-7 კლასების დამრიგებელი იყო. მოსწავლეებისთვის, რომლებსაც ის წინა წლებში ფრანგულს ასწავლიდა ფრანგული არასავალდებულო საგანი იყო, ამიტომ მას პირველდაწყებითი კურსი უნდა გაევლო. ხელს აწერენ გიმნაზიის დირექტორი და საქმისმწარმოებელი თამარ დავითის ასული ციციშვილი.

1919

ტიპი: ღონისძიება

1919 წლის 4 იანვარს გორის ქალთა გიმნაზიის დირექტორი განათლების სამინისტროში მთავარგამგეს 14 დეკემბრის N 5127 მიწერილობის პასუხად სწერს, რომ თავისი რწმუნებული გიმნაზიის კლასის დამრიგებელ ბარბარე ივანეს ასულ ამილახვარს ფრანგული ენა სხვა დროს არსად უსწავლებია. ხელს აწერენ გიმნაზიის დირექტორი და საქმისმწარმოებელი თამარ ციციშვილი.

1918

ტიპი: ღონისძიება

1918 წლის 14 დეკემბერს მთავარგამგე გრიგოლ ნათაძე და საქმისმწარმოებელი ნიკოლოზ აბესაძე გორის ქალთა გიმნაზიის დირექტორს მათი ქაღალდის 4 დეკემბრის N 209 პასუხად სთხოვენ, აცნობონ ბარბარე ამილახვარს სხვა დროს უსწავლებია თუ არა ფრანგული ენა. უარყოფის შემთხვევაში უმჯობესია მას ჯერ-ჯერობით დაბალი კლასები ჩააბარონ და შემდეგ თანდათანობით მისცენ გაკვეთილები მაღალ კლასებში.

1918

ტიპი: ღონისძიება

1918 წლის 9 დეკემბერს გორის ქალთა გიმნაზიის დირექტორი განათლების სამინისტროში საშუალო სკოლათა მთავარგამგეს სწერს, რომ ბარბარე ივანეს ასულ ამილახვარს დამთავრებული ჰქონდა თბილისის ქალთა ინსტიტუტი. ხელს აწერენ გიმნაზიის დირექტორი და საქმისმწარმოებელი თამარ ციციშვილი.

1918

ტიპი: ღონისძიება

1918 წლის 9 დეკემბერს გორის ქალთა გიმნაზიის დირექტორმა განათლების სამინისტროს საშუალო სკოლათა მთავარგამგეს მისწერა, რომ პედაგოგიური საბჭოს დადგენილებით, კლასის დამრიგებელ ბარბარე ივანეს ასულ ამილახვარს მე-5 და მე-6 კლასებში ფრანგული ენის გაკეთილები მიეცა. ამილახვარი დამრიგებლად 12 წელი მუშაობდა. ის მთავარგამგეს ამილახვრის ფრანგული ენის მასწავლებლის თანამდებობაზე დანიშვნას სთხოვდა. ხელს აწერენ გიმნაზიის დირექტორი და საქმისმწარმოებელი თამარ დავითის ასული ციციშვილი.

1919

ტიპი: ავტორობა

1919 წლის 9 თებერვლის გაზეთ „ვოლნი გორეცში“ ლ. კრემერი ვრცლად განიხილავდა ალექსანდრე პუშკინის ნაკლებად ცნობილ პოემას „გალუბს“, მოხუცი ჩეჩნის დრამატულ ამბავს, იმის ნიმუშად, რომ მთიელთა სამოცწლიანი ბრძოლა მარადიულ ექოდაა დარჩენილი რუსულ ლიტერატურაში და იგი რადიკალურად განსხვავდება რუსეთის ოფიციოზის თვალსაზრისისგან. წერილში ნახსენებია მარლინსკიც.

ტიპი: პირადი ურთიერთობა

შალვა მაღლაკელიძეს იმედი ჰქონდა, რომ იურიდიული პრაქტიკა ადვოკატად მუშაობაში გამოადგებოდა.

1956

ტიპი: პირადი ურთიერთობა

1956 წლის 15 ივლისს შალვა მაღლაკელიძემ გერმანიაში მყოფ გაიოზ მაღლაკელიძეს მისწერა, რომ ნიკოლოზ მაღლაკელიძის ჯანმრთელობის მდგომარეობა გაუარესდა.