რეგისტრირებული ფაქტები72439
სორტირება ახალი ჩანაწერების მიხედვით
1860
ტიპი: გარდაცვალება
1860 წელს ნიკოლოზ მაღლაკელიძე დაიბადა. იგი 1956 წლის 5 სექტემბერს გარდაიცვალა. დაკრძალულია სოფელ დიხაშხოში.
1956
ტიპი: პირადი ურთიერთობა
1956 წლის 16 სექტემბერს შალვა მაღლაკელიძემ გაოზ მაღლაკელიძეს მისწერა, რომ ნიკოლოზ მაღლაკელიძე 4 სექტემბერს ავად გახდა და 5 სექტემბერს გარდაიცვალა. იგი სოფელ დიხაშხოში საკუთარი მეუღლის გვერდით დაკრძალეს.
1956
ტიპი: პირადი ურთიერთობა
1956 წლის 2 ოქტომბერს შალვა მაღლაკელიძე გერმანიაში მყოფ გაიოზ მაღლაკელიძეს დაჰპირდა, რომ სადისერტაციო ნაშრომის დაწყების შემთხვევაში ვახტანგ VI-ის კანონებს გაუგზავნიდა.
1920
ტიპი: ღონისძიება
1920 წლის 7 სექტემბრის „ერთობა“ იუწყება, რომ მეორე ინტერნაციონალის დელეგაციის შესახვედრად მუშებისა და საზოგადოებრივი ორგანიზაციების წარმომადგენლებისგან შედგა კომისია. თბილისის გამგეობამ ამ კომისიის წევრად აირჩია გამგეობის წევრი გიორგი კონიაშვილი.
1918
ტიპი: გარდაცვალება
1918 წლის 21 მარტის „ერთობის“ ცნობით, სადგურ სადახლოში შეტაკების დროს დაიღუპა გურიის საგანგებო რაზმის წევრი, 18 წლის ვარლამ ჭანტურიშვილი.
1918
ტიპი: ღონისძიება
1918 წლის 20 მარტის „ერთობა“ იუწყება, რომ საქართველოს ეროვნული საბჭოს ჯანმრთელობის განყოფილება მალე მოაწყობდა მოწყალების დების კურსებს. ლექტორებად მოწვეულები იყვნენ ექიმები: ნ. მელიქიშვილი, ნ. ჯავახიშვილი, მიხეილ წინამძღვრიშვილი, გრიგოლ მუხაძე, ივანე თიკანაძე, დ. ახვლედიანი, ალ. დიასამიძე, მ. მგალობლიშვილი და შალვა მიქელაძე.
1918
ტიპი: ღონისძიება
1918 წლის 20 მარტის „ერთობა“ იუწყება, რომ თბილისის ქალაქის გამგეობის წევრი იოსებ ბესელიძე ქალაქთა კავშირს ტრამვაის რემონტისთვის 10 ათას მეტრ რელსებს და სხვა მასალას სთხოვს.
1918
ტიპი: ღონისძიება
1918 წლის 20 მარტის „ერთობა“ იუწყება, რომ სახლის პატრონ (მცხ. ქეთევანის ქ. N 19) თამარა თავართქილაძეს ოქმი შეუდგინეს, რადგან სახლის წიგნში ძაღლები ჩაუწერია როგორც შვილები, რადგან უნდოდა, ძაღლების სახელით სასურსათო ბარათები მიეღო.
1918
ტიპი: თანამდებობა
1918 წლის 17 მარტის „ერთობა“ იუწყება, რომ სოხუმის საოლქო სასამართლოს ბრალმდებლად დაინიშნა ქუთაისის საოლქო სასამართლოს თავმჯდომარის მოადგილე დელუტო, თავმჯდომარის მოადგილედ – ქუთაისის საოლქო სასამართლოს წევრი კონსტანტინე შნეიდერი, სასამართლოს წევრებად დაინიშნენ ნაფიცი ვექილი მახარაძე და ნაფიცი ვექილის თანაშემწე ვლადიმერ ემუხვარი.
1920
ტიპი: ღონისძიება
1920 წლის 6 აგვისტოს დამფუძნებელი კრების სხდომაზე ივანე ფირცხალაიშვილის მოხსენებით მიიღეს დეკრეტი რუსეთში გასაგზავნი მუშათა დელეგაციის საჭიროებისათვის 8 მილ. მანეთის გამოყოფის შესახებ.
1920
ტიპი: მფლობელობა
1920 წელს ექიმი ე. მ. მძინარიშვილი, რომელსაც თბილისში კერძო სამკურნალო ჰქონდა, ღარიბ ავადმყოფებს უფასოდ ემსახურებოდა.
1920
ტიპი: ღონისძიება
1920 წლის 6 აგვისტოს გამართულ დამფუძნებელი კრების სხდომაზე, რომელსაც სიმონ მდივანი თავმჯდომარეობდა, ივანე გომართელის მოხსენებით თბილისის და სოხუმის დროებითი საგანგებო სასამართლოს გაუქმების შესახებ დეკრეტის საბოლოო ტექსტი მიიღეს.
1920
ტიპი: ღონისძიება
1920 წლის 10 აგვისტოს „ერთობა“ იუწყება, რომ ფინანსთა სამინისტროს საბიუჯეტო-სახაზინო ნაწილის უფროსის ა. კანდელაკის განკარგულებით სოხუმის, ფოთის, სენაკის, შორაპნის, ახალციხის და სხვ. ხაზინათა რევიზიამ გამოარკვია, რომ ყველა ოპერაციის ანგარიში და თანხის შენახვის საქმეები კარგ მდგომარეობაში იყო.
1920
ტიპი: ავტორობა
1920 წლის 10 აგვისტოს გაზეთი „ერთობის“ ცნობით, ყირიმში მცხოვრებ ქართველთა ცენტრალური ეროვნული კომიტეტის თავმჯდომარე ვ. ი. ბელისიძე თბილისში დაბრუნდა, რათა მთავრობისთვის 1000-მდე ქართველის მდგომარეობის შესახებ მოეთხრო, რომელთაგან ბევრს სამშობლოში დაბრუნება უნდოდა, მაგრამ ხელს გზის სიძვირე უშლიდა.
1919
ტიპი: ავტორობა
1919 წლის 29 სექტემბრის გაზეთში „ვოლნი გორეცი“ გაპო ბაევის სტატია გვიამბობს:„ დაღესტნის აჯანყებით დაწყებულმა ჩრდილოკავკასიელთა განმათავისუფლებელმა ბრძოლამ ოსეთის ხელისუფალთა წარმომადგენლებზეც იმოქმედა: ოსეთის მმართველის, პოლკოვნიკ ხაბაევის მიერ დანიშნული სოფლის მოხელეების სასტიკი ტონი უბრალო ხალხის მიმართ ამ რამდენიმე თვეში ისე შერბილდა, რომ ლამის ლაქუცად გადაიქცა“.
1917
ტიპი: ღონისძიება
1917 წლის 22 თებერვალს მიხეილ გვასალიას დაეღუპა შვილი (ოთხი დღის) და ამის შემდეგ ცოლ-შვილი ერთად. აღსაზრდელი დარჩა ოთხი შვილი.
1918
ტიპი: თანამდებობა
1918 წლის 24 მარტის „ერთობა“ იუწყება, რომ მიწათმოქმედების მინისტრის განკარგულებით ოზურგეთის, ზუგდიდის, სენაკის მაზრებისა და სოხუმის ოლქის ემისრად ვასო ქავჟარაძე დაინიშნა.
1918
ტიპი: ღონისძიება
სახალხო მილიციის უფროსის ვლადიმერ სულაქველიძის განკარგულებით დააპატიმრეს ქალაქის კომენდანტი კაპიტანი ალექსანდრე ქრისტეფორეს ძე ცქიტიშვილი და მისი ადიუტანტი ბაგრატ კიმოთეს ძე გვამბერიძე, რომლებიც 1918 წლის 19 მარტს მთვრალები შესულან მილიციის უფროსთან და „ანგარიშების“ გასწორება მოუთხოვიათ.
1918
ტიპი: თანამდებობა
1918 წლის 24 მარტის „ერთობა“ იუწყება, რომ ბათუმის ციხის კომენდანტად დაინიშნა გენერალი ალექსანდრე კონსტანტინეს ძე გედევანიშვილი, ბათუმის რაიონის თავდაცვის უფროსად – მდივანი.
1918
ტიპი: თანამდებობა
1918 წლის 24 მარტის „ერთობა“ იუწყება, რომ ტელეფონის, ტელეგრაფის და რადიო-ტელეგრაფის რწმუნებულად დაინიშნა ბართლომე გიორგის ძე სურგულაძე.