რეგისტრირებული ფაქტები72439
სორტირება ძველი ჩანაწერების მიხედვით
1942
ტიპი: ნასამართლეობა
1942 წელს თამარ ქაიხოსროს ასული ჩოლოყაშვილი დედასთან, ნინო ილიას ასულ მეღვინეთუხუცესთან, ერთად საბჭოთა უშიშროების აგენტებმა დააპატიმრეს და ყაზახეთში გადაასახლეს.
1901
ტიპი: ღონისძიება
1901 წელს ქართულ თეატრში დადგეს ავქსენტი ცაგარლის სამმოქმედებიანი კომედია „რაც გინახავს ვეღარ ნახავ" და მხიარული ვოდევილი „ცოლ-ქმრობის წინააღმდეგ“.
1974
ტიპი: თანამდებობა
1974 წელს აკაკი ნესტორის ძე სურგულაძე საქართველოს სსრ მეცნიერებათა აკადემიის წევრ-კორესპონდენტი გახდა.
1901
ტიპი: პირადი ინფორმაცია
1901 წელს ყარაიაზის საცდელი მინდვრების მმართველი ნ. პ. ტარატინოვი დაბრუნდა ამერიკიდან, სადაც მთავრობის მიერ საუკეთესო ბამბის მოყვანის შესასწავლად იყო გაგზავნილი.
1972
ტიპი: ღონისძიება
1972 წელს მიხეილ კვალიაშვილმა პროფესორ სურგულაძის თხოვნით პოლონეთში მყოფი ქართველი პარტიზანების შესახებ ინფორმაციისთვის ვარშავაში ანტონ სანოიცას მიმართა.
1971
ტიპი: მფლობელობა
1971 წელს მიხეილ კვალიაშვილმა ვარშავაში ნიკოლოზ მათიკაშვილს მისწერა, რომ მის ბავშვობაში მამამისს, ივანე კვალიაშვილს, საგარეჯოში, თბილისსა და გორში აფთიაქები ჰქონდა.
1922
ტიპი: ორგანიზაცია
1922 წელს ელიზბარ ზაქარიას ძე გულისაშვილი საქართველოს დამოუკიდებლობის კომიტეტთან არსებული სამხედრო ცენტრის წევრი იყო.
1923
ტიპი: ღონისძიება
1923 წლის მარტში ბოლშევიკებმა ელიზბარ ზაქარიას ძე გულისაშვილი სამხედრო ცენტრის სხვა წევრებთან ერთად დააპატიმრეს.
1901
ტიპი: განათლება
1901 წელს ქართველთა შორის წერა-კითხვის გამავრცელებელი საზოგადოების წევრთა კრებამ ხმის უმრავლესობით გადაწყვიტა, ბათუმის სკოლისათვის მესამე მასწავლებელი მიეწვიათ, მაგრამ საკმარისი თანხის არქონის გამო დავით კარიჭაშვილის გაგზავნაზე შეთანხმდნენ. მას დაევალა სკოლის რევიზია და ადგილობრივ მზრუნველობის კომიტეტთან მოლაპარაკება თანხის გამონახვაზე.
1885
ტიპი: ღონისძიება
1885 წელს რუსეთის რკინიგზის დეპარტამენტის უფროსის, სალოვის თბილისში ჩამოსვლა დაიგეგმა.
1885
ტიპი: ღონისძიება
1885 წლის თებერვალში თბილისიდან სამხედრო პირები: ტროცკი, გალიფევი, ზაქარია გულბათის ძე ჭავჭავაძე და ივანე გივის ძე ამილახვარი ჯარისთვის თიანეთში საბანაკო ადგილის შესარჩევად გაემგზავრნენ.
1921
ტიპი: ღონისძიება
1921 წლის 4 იანვარს თბილისში ჩამოსული გერმანიის სრულუფლებიანი წარმომადგენელი ულრიხ რაუშერი ახალ ბებუთოვის ქუჩაზე მისთვის მომზადებულ ბინაზე გაემგზავრა.
1921
ტიპი: ღონისძიება
1921 წლის 4 იანვარს, საღამოს 10 საათზე, თბილისში გერმანიის სრულუფლებიანი წარმომადგენელი ულრიხ რაუშერი თანამშრომლებთან ერთად ჩამოვიდა.
1972
ტიპი: ღონისძიება
1972 წლის ნოემბერში ნინო მიხეილის ასული კვალიაშვილი 3 თვით პოზნანიდან თბილისში იყო ჩამოსული.