რეგისტრირებული ფაქტები72039
სორტირება ახალი ჩანაწერების მიხედვით
1919
ტიპი: ავტორობა
1919 წლის 4 თებერვალს პეტრე სოლომონის ძე ალღუზაშვილი თბილისის გუბერნიის დაბალი სასწავლებლების მთავარგამგეობისადმი გაგზავნილ საჩივარში იუწყებოდა, რომ მას მასწავლებლობის უფლება ჰქონდა და 1904 წლამდე მუშაობდა. ის თვლიდა, რომ სხვა ბრალდების დამტკიცების შემთხვევაში შეეძლოთ მისთვის მასწავლებლობის უფლება ჩამოერთვათ. მას როგორც უთხრეს სასწავლებელი არ მოუწყვია, არ უმუშავია და ანაზღაურებაც არ ეკუთვნოდა.
1919
ტიპი: ავტორობა
1919 წლის 4 თებერვალს პეტრე სოლომონის ძე ალღუზაშვილმა თბილისის გუბერნიის დაბალი სასწავლებლების მთავარგამგეობას გორის რაიონის სახალხო სასწავლებლების საზოგადო კრების (1919 წლის) დადგენილების შესახებ საჩივარი გაუგზავნა. ის თვლიდა, რომ კრებამ გვერდი აუარა მთავარ საკითხს და მისი მასწავლებლად მუშაობის აკრძალვის გადაწყვეტილება უსამართლო იყო.
1919
ტიპი: ღონისძიება
1919 წლის 4 თებერვალს პეტრე სოლომონის ძე ალღუზაშვილმა თბილისის გუბერნიის დაბალი სასწავლებლების მთავარგამგეობას გორის რაიონის სახალხო სასწავლებლების საზოგადო კრების 1919 წლის დადგენილების შესახებ საჩივარი გაუგზავნა, რომ დადგენილება არ იყო კანონიერი და სამართლიანი, რადგან მან ითხოვა კრების შუამდგომლობა ჯამაგირის თაობაზე სახალხო სასწავლებელთან და არა სასწავლებლების კომისიასთან.
1919
ტიპი: ღონისძიება
1919 წლის იანვარში გამგეობის მდივანმა ი. ხუციშვილმა გორის რაიონის სახალხო მასწავლებელთა საზოგადო კრების ოქმიდან ამონაწერი წარადგინა, რომელშიც ეწერა კრების დადგენილება პეტრე სოლომონის ძე ალღუზაშვილის მასწავლებლად დანიშვნის თხოვნისა და გამგეობასთან შუამდგომლობის შესახებ. კრებამ დაადგინა, რომ მას მასწავლებლად ვერ დანიშნავდნენ, გამგეობას კი დაავალეს სხვა სამსახური ეშოვნა პეტრე ალღუზაშვილისთვის.
1918
ტიპი: ღონისძიება
1918 წლის 7 დეკემბრის გაზეთი „სახალხო საქმე“ იუწყება, რომ დენიკინის ჯარი დგას სოჭის ახლოს, სადაც ასევე იმყოფებიან პოლკოვნიკი სუკინი და კოვაევი, აგრეთვე ქართველები: შერვაშიძე, პატარაძე, ციციშვილი.
1919
ტიპი: ღონისძიება
1919 წლის 26 თებერვალს გიორგი ალმასხანის ძე ჭუმბურიძემ განაცხადა, რომ როგორც საბუთებიდან ჩანდა, პეტრე სოლომონის ძე ალღუზაშვილს მასწავლებლობის ფორმალური უფლება ჰქონდა. მას თუ არაფერი აბრკოლებდა შეიძლებოდა რომელიმე გიმნაზიაში ან სასწავლებელში თავისუფალ ადგილას მასწავლებლად დაენიშნათ, მაგრამ მასწავლებლების მიწვევის უფლება ერობას ჰქონდა და ალღუზაშვილს შეეძლო სამსახურის თაობაზე თავისი საბუთებით ერობისთვის მიემართა.
1919
ტიპი: ღონისძიება
1919 წლის 24 თებერვალს თბილისის გუბერნიის მე-3 რაიონის სახალხო სკოლების გამგე პ. ჯაფარიძემ დაბალი სასწავლებლების მთავარგამგეს 10 თებერვლის N1146 წინადადების თანახმად გაუგზავნა პეტრე სოლომონის ძე ალღუზაშვილის თხოვნა სამსახურის შესახებ და მისი დოკუმენტები. ერთ-ერთი დოკუმენტი გორის მაზრის სახალხო სკოლების მასწავლებელთა კრების ოქმიდან ამონაწერი იყო.
1918
ტიპი: ღონისძიება
1918 წლის 22 სექტემბერს ფოთში ადგილობრივი კოოპერატივ „ეკონომიის“ წევრების სხდომა გაიმართა. კრების თავმჯდომარედ აირჩიეს ქალაქის გამგეობის წევრი პ. ქუთათელაძე და მდივნად – ი. ნოდია.
1918
ტიპი: ავტორობა
1918 წლის 7 დეკემბრის გაზეთ „სახალხო საქმეში“ არჩილ ჯაჯანაშვილი წერს თავის მოსაზრებას სომხებისადმი. ის ამბობს, რომ სანამ სომხეთს „დაშნაკცუტუნის“ პარტია უდგას სათავეში, ძნელი იქნება მათთან მშვიდობიანი ურთიერთობის დამყარება, რადგან ისინი საქართველოს წინააღმდეგ განსაკუთრებით იბრძვიან.
1920
ტიპი: ღონისძიება
1920 წლის 8 სექტემბრის „ერთობა“ იტყობინება, რომ ს. ავალიანი მიწათმოქმედების მინისტრის მოვალეობის შემსრულებელ მალანიასა და სახელმწიფო კონტროლის წარმომადგენელთან ერთად რკინიგზელთა სასურსათო ორგანიზაციის მდგომარეობის გასაცნობად მიემგზავრებოდა.
1918
ტიპი: ღონისძიება
1918 წლის პირველ ოქტომბერს წერა-კითხვის გამავრცელებელი საზოგადოების მორიგ სხდომაზე, მთავარი გამგეობის დაადგინილებით, ქართული გიმნაზიის მაჰმადიან მოსწავლეებს – მურად გულთაიშვილსა და სულეიმან კაიკაციშვილს მომავალი წლის პირველ იანვრამდე თვეში 100 მანეთი დაენიშნათ.
1920
ტიპი: ავტორობა
1920 წლის 5 სექტემბრის „ერთობა“ წერს, რომ საინჟინრო-ტექნიკური ჯარების უფროსმა, გენ. თაყაიშვილმა სამხედრო მინისტრს წარუდგინა მოხსენება უმაღლესი სამხედრო-ტექნიკური განათლების საქმის განვითარების საჭიროების შესახებ, რათა ამ გზით მომზადდეს საავტომობილო და საჰაერო საქმის სპეციალისტთა კადრი.
1920
ტიპი: ავტორობა
1920 წლის 5 სექტემბრის გაზეთ „ერთობის“ ცნობით, ფინანსთა სამინისტრომ მიიღო ხისგან ქაღალდის გაკეთების სპეციალისტის, როზენკრანცის შუამდგომლობა. იგი აღნიშნავდა, რომ ჰქონდა გაუმჯობესებული ქაღალდის საკეთებელი მანქანები და 7-8 თვის შემდეგ შესაძლებელი იქნებოდა ქარხნის ამუშავება. წარადგინა მისი მოწყობის გეგმა და ხისგან დამზადებული საქონლის ნიმუშებიც. სამინისტრომ ეს მასალები შესასწავლად სპეციალისტს გადასცა.
1920
ტიპი: გარდაცვალება
1920 წლის 5 სექტემბრის „ერთობა“ იუწყება, რომ ქაშვეთის ეკლესიაში დანიშნული იყო დამფუძნებელი კრების კანცელარიის მოსამსახურის, ტრაგიკულად გარდაცვლილი ვერა საღარაძის პანაშვიდი.
1920
ტიპი: ღონისძიება
1920 წლის 20 (21) იანვარს განათლების სამინისტროს კანცელარიის დირექტორმა ვუკოლ მიხეილის ძე ბერიძემ, მდივანმა გიორგი ნიკიფორეს ძე მებუკემ და საქმისმწარმოებელმა დ. მესხმა თბილისის ქალთა მე-3 გიმნაზიის დირექტორს აცნობეს, რომ გიმნაზიასთან არსებული უმაღლესი დაწყებითი სასწავლებლის მათემატიკის მასწავლებლად 1920 წლის პირველი იანვრიდან დარია ალექსანდრეს ასული ალიხანოვა დაუშვეს.
1918
ტიპი: ღონისძიება
გენერალი აბელ მაყაშვილი ახალქალაქიდან დეპეშით ატყობინებს სამხედრო მინისტრ გრიგოლ გიორგაძეს, რომ 1918 წლის 5 დეკემბერს დილის 10 საათზე, მათმა ჯარმა დაიკავა ახალქალაქი, რასაც მოსახლეობა დიდი სიხარულით შეხვდა.
1920
ტიპი: ღონისძიება
1920 წლის 20 იანვარს თბილისის ქალთა მე-3 გიმნაზიის დირექტორმა ელ. ჭელიშვილმა სახალხო განათლების სამინისტროს სთხოვა, რომ პირველი იანვრიდან გიმნაზიასთან არსებული უმაღლესი დაწყებითი სასწავლებლის მათემატიკის მასწავლებლად დარია ალექსანდრეს ასული ალიხანოვა დაეშვათ. ის ივანოვას ნაცვლად დროებით ატარებდა გაკვეთილებს. ჭელიშვილმა სამინისტროს დარია ალიხანოვას მოწმობის ასლიც N 221 გუგზავნა. ხელს აწერენ გიმნაზიის დირექტორი ელ. ჭელიშვილი და საქმისმწარმოებლის ნაცვლად დარანწურაშვილი.
1918
ტიპი: ღონისძიება
1918 წლის 3 დეკემბერს მთავრობის თავმჯდომარე ნოე ჟორდანიას სოჭიდან მადლობის დეპეშას უგზავნიან სოჭის ოლქის გლეხთა ყრილობის თავმჯდომარე ჯანაშია, ამხანაგები: ვ. ვასილიევი, ზ. პივოვაროვი, ა. ნემჩუკი და კოროლევი.
1919
ტიპი: ღონისძიება
1919 წლის 7 ოქტომბერს თბილისის ქალთა მე-3 გიმნაზიის დირექტორ ელ. ჭელიშვილს აცნობეს, რომ უფლება ჰქონდა გიმნაზიის სპეციალური თანხიდან მასწავლებელ დარია ალექსანდრეს ასულ ალიხანოვისთვის ავადმყოფ ივანოვას დაბრუნებამდე თვიურად მიეცა 628 მანეთი და 33 კაპიკი.
1918
ტიპი: ღონისძიება
1918 წლის 8 ოქტომბრის „სახალხო საქმის“ გამოცემიდან ვიგებთ, რომ ოჯახი ფინლანდიის მეათე პოლკის ყოფილ ჯარისკაცს, კონსტანტინე (კოწია) ნიკოლოზის ძე ღოღობერიძეს ეძებდა. დათიკო ღოღობერიძე საზოგადოებას მის შესახებ ინფორმაციის ქონის შემთხვევაში გამოხმაურებას სთხოვდა.
1918
ტიპი: ნასამართლეობა
1918 წლის 4 ოქტომბრის საღამოს მე-8 კომისარიატის კომისიის თანაშემწე მიქაძე დაჭრეს.
1918
ტიპი: ღონისძიება
1918 წლის 4 ოქტომბერს კაფე „დრუჟინაში“ ოფიცერი სანაია და ონუფრიშვილი პირად თემაზე წალაპარაკდნენ. ონუფრიშვილი მოკვლით დაემუქრა, მაგრამ სანაიამ მოასწრო მისი მოკვლა.
1918
ტიპი: ღონისძიება
1918 წლის 8 ოქტომბერს გზათა სამინისტროსა და უფროსი სამმართველოს მთავარმა რწმუნებულმა გ. გ. ფირცხალაურმა რკინიგზის უფროსებთან ერთად სადგური თბილისი და ნავთლუღის სახელოსნო დაათვალიერა.