რეგისტრირებული ფაქტები72240
სორტირება ახალი ჩანაწერების მიხედვით
1918
ტიპი: ღონისძიება
1918 წლის 9 დეკემბრის მონაცემებით, მარიამ გარსიაშვილს სახელმწიფო სამსახურში ჩაეთვლებოდა ნამსახური წლები, თუ ის შეიტანდა სახაზინოში სამსახურის განმავლობაში მიღებული ჯამაგირის სათანადო პროცენტს, საპენსიო ფონდის გასაძლიერებლად.
1918
ტიპი: გარდაცვალება
1918 წლის 20 თებერვალს ციმბირში გადასახლებაში გარდაიცვალა ხარკოვის უნივერსიტეტის სტუდენტი სეფე მეთოდის ძე ხომასურიძე.
1918
ტიპი: გარდაცვალება
1918 წლის 25 თებერვალს დაასაფლავეს კავკავში ვერაგულად მოკლული სასურსათო კომიტეტის წევრი გიორგი დალაქიშვილი.
1918
ტიპი: ღონისძიება
1918 წლის პირველი მარტის გაზეთ „ერთობის“ ცნობით, ბორჩალოს მაზრაში თათრებმა დაარბიეს მიქაელ არამიანცის მამული, სადაც კულტურული მეურნეობა იყო მოწყობილი; გაანადგურეს ალექსანდრე მიხეილის ძე სუმბათოვის მამული და სადახლოსკენ მელიქოვებისა და სხვათა მამულების ასაოხრებლად წავიდნენ.
1918
ტიპი: თანამდებობა
1918 წლის პირველი მარტის „ერთობა“ იუწყება, რომ ეროვნულმა საბჭომ ქართული კორპუსის უფროსად აირჩია გენერალი ვასილ დავითის ძე გაბაშვილი, შტაბის უფროსად – პოლკოვნიკი ალექსანდრე ზაქარიაძე.
1918
ტიპი: ღონისძიება
„ერთობა“ იუწყება, რომ 1918 წლის პირველ მარტს „ნოვაია ჟიზნის“ რედაქციის წევრი სტანისლავ ვოლსკი წაიკითხავს ლექციას „საბჭოთა მთავრობა და პარლამენტარიზმი“.
1919
ტიპი: ავტორობა
1919 წლის 29 სექტემბერს დეკანოზი კონსტანტინე მაქსიმეს ძე სუხიევი უმაღლეს და საშუალო სასწავლებელთა მთავარგამგეს სთხოვდა მოწმობას, სადაც აღნიშნული იქნეობდა, რომ ის 1904 წლიდან 1910 წლის პირველ სექტემბრამდე განჯის წმინდა ნინოს სახელობის რვაკლასიან და ექვსკლასიან საქალაქო სასწავლებელში საღვთო სჯულის მასწავლებლად მუშაობდა. მოწმობა აუცილებელი იყო, რადგან გათავისუფლების საკითხი უნდა გადაეწყვიტათ.
1919
ტიპი: ღონისძიება
1919 წლის 29 სექტემბერს დეკანოზი კონსტანტინე მაქსიმეს ძე სუხიევი უმაღლეს და საშუალო სასწავლებელთა მთავარგამგეს სწერდა, რომ თავისი სამსახურის აღწერაში არ იყო შეტანილი საღვთო სჯულის მასწავლებლობა განჯის წმინდა ნინოს სახელობის რვაკლასიან და ექვსკლასიან საქალაქო სასწავლებელში. ეს მონაცემები საჭირო იყო იმისთვის, რომ მისი ასული, თბილისის პირველი გიმნაზიის მე-4 კლასის მოსწავლე, ნინო სუხიშვილი, სწავლის საფასურის გადასახადისაგან გათავისუფლებულიყო.
1919
ტიპი: თანამდებობა
1919 წლის 29 სექტემბერს დეკანოზი კონსტანტინე მაქსიმეს ძე სუხიევი უმაღლეს და საშუალო სასწავლებელთა მთავარგამგეს სწერს, რომ განჯის წმინდა ნინოს სახელობის რვაკლასიან სასწავლებელში საღვთო სჯულის მასწავლებლად მუშაობდა. უთითებს მისამართს: თბილისი, ვაკე (მურვანიშილის სახლი).
1918
ტიპი: ღონისძიება
1918 წლის 11 ოქტომბრის საქართველოს დემოკრატიული რესპუბლიკის უმაღლესი და საშუალო სასწავლებელთა მთავარგამგის N 46 ბრძანებით, 10 ოქტომბრიდან შალვა ილიას ძე ალხაზიშვილი თბილისის ქალთა მე-4 გიმნაზიის ქართული ენის მასწავლებლად დაინიშნა. მთავარგამგის ნაცვლად ხელს აწერს ვუკოლ ბერიძე.
1919
ტიპი: ღონისძიება
1919 წლის პირველი სექტემბრიდან განათლების მინისტრის მოადგილე ნოე ცინცაძის ბრძანებით, ივანე გარსიაშვილი თელავის ვაჟთა გიმნაზიაში მასწავლებლად დაინიშნა.
1919
ტიპი: ავტორობა
გაზეთ „ვოლნი გორეცისთვის“ მიცემულ ინტერვიუში რაჟდენ არსენიძე, საქართველოს დამფუძნებელი კრების სოციალ-დემოკრატიული ფრაქციის თავმჯდომარე, ვრცლად საუბრობს იმ სერიოზულ, მაგრამ არა დაუძლეველ სირთულეებზე, რომლებიც ხელს უშლის ჩრდილოკავკასიელ მთიელთა დამოუკიდებელი სახელმწიფოს შექმნა-აღმშენებლობას.
1918
ტიპი: ღონისძიება
1918 წლის 23 დეკემბერს ჯავახეთიდან ლტოლვილი ილია ალხაზიშვილი საქართველოს რესპუბლიკის სახალხო განათლების მინისტრს შვილის, შალვა ალხაზიშვილის მეოთხე საქალებო გიმნაზიის პედაგოგად დატოვებას სთხოვს. ავადმყოფობის გამო შალვა ორი თვე სამსახურში ვერ გამოცხადდა.
1920
ტიპი: ღონისძიება
ალექსანდრე ალექსანდრეს ძე გარსევანიშვილი დაინიშნა განათლების სამინისტროს წარმომადგენლად ქუთაისის რუსულ კერძო პროგიმნაზიაში მეოთხე კლასის გამოცდებზე.
1920
ტიპი: ღონისძიება
ალექსანდრე ალექსანდრეს ძე გარსევანიშვილს ნამსახურევი წლები ჩაეთვალა სახელმწიფო სამსახურში პენსიის მისაღებად.
1888
ტიპი: თანამდებობა
1888 წლის პირველი სექტემბრიდან 1918 წლის პირველ სექტემბრამდე ალექსანდრე ალექსანდრეს ძე გარსევანიშვილი მასწავლებლად მსახურობდა.
1919
ტიპი: ღონისძიება
ნიკო ნიკოლაძისეული გროზნო-ფოთის ნავთობსადენის პროექტი ჩაშალა სერგეი ვიტემ, რომელმაც აგდებულად განაცხადა, რომ გროზნოს გულისთვის ურთიერთობას ვერ გაიფუჭებდა ბაქოელ ნავთობმრეწველებთან და დონეცკელ ქვანახშირის კრეზებთან, – ამის შესახებ 1919 წლის 22 სექტემბერს თავად ნ. ნიკოლაძემ ისაუბრა გაზეთ „ვოლნი გორეცთან“ ინტერვიუში.
1919
ტიპი: ღონისძიება
1919 წლის 22 სექტემბრის გაზეთ „ვოლნი გორეცის“ ცნობით, XIX საუკუნის მიწურულს ნიკო ნიკოლაძემ შეიმუშავა გროზნო-ფოთის ნავთობსადენის პროექტი, რომელიც გროზნოს ნავთობს მსოფლიო ბაზარზე გასვლის საშუალებას მისცემდა, ამასთან, საქართველო-ჩეჩნეთის კეთილგანწყობას ეკონომიკურადაც შეადუღაბებდა. სამწუხაროდ, პროექტი რუსეთმა ჩაშალა.